Se re Ka se Buang ka Dimakasine

Tora ya Tebelo Oct. 15

“Go tlhokega eng go dira lefatshe le le botoka, le le itumetseng? [Mo letle go araba.] Batho ba lekile go tokafatsa dilo ka go dirisa mefuta e e farologaneng ya dipuso. Le fa go ntse jalo, ela tlhoko gore Modimo o ikutlwa jang ka kgang eno. [Bala Jeremia 10:23.] Setlhogo seno se senola ‘Tsela ya go Bona Lefatshe le le Itumetseng,’ se bontsha kafa le tlileng go nna gone ka teng mo nakong e e sa fediseng pelo.”

Tora ya Tebelo Nov. 1

“Fa o sena go umaka dikgang dingwe tse di tshwenyang mogopolo, botsa jaana: “Ke eng fa batho ba dira dilo tse di boikepo jaana? Rotlhe re tshwanetse go bo re itse se se siameng le se se sa siamang, mme batho ba sa ntse ba dira dilo tse di bosula. Ke eng fa ba dira jalo? [Fa a sena go araba, bala Tshenolo 12:9.] Makasine ono o tlhalosa kafa re ka tilang dikotsi ka gone ka go sireletsa segakolodi sa rona.”

Tsogang! Nov. 8

“Kwantle ga pelaelo o a dumela gore re tshela mo dinakong tse di tletseng bothubaki. [Fa a sena go araba, bala 2 Timotheo 3:3.] Gantsi ditiro tsa ‘bogale jo bo tshabegang’ di dirwa le mo lelapeng. Setlhogo seno se se reng, ‘Go Thusa Basadi ba ba Itewang,’ se na le molaetsa wa tsholofelo. O ka tswa o itse mongwe yo o ka mo abelang tshedimosetso eno.”

Tsogang! Nov. 8

“A o a dumela gore gompieno batho ba tshela mo kgatelelong e kgolo go feta le fa e le leng pele? [Mo letle go araba.] Baebele e ne ya bolelela seno pele. [Bala 2 Timotheo 3:1.] Batho ba le bantsi ba fitlhela botshelo bo le thata mo ba bileng ba itlhoboga. Setlhogo se se tlhagang mo makasineng ono se se reng ‘O ka Bona Thuso’ se naya kgothatso ya mmatota.