Se re Ka se Buang ka Dimakasine

Tora ya Tebelo Apr. 15

“Mo dingwageng tsa bosheng batho ba le bantsi ba lemogile gore ditekanyetso tsa semoya di wetse kwa tlase. A ke se le wena o se lemogileng? [Mo letle gore a arabe. Morago ga moo bala Pesalema 119:105.] Ditekanyetso tsa semoya di ka thusa batho go tila mamena a mantsi mo botshelong. Makasine ono o bontsha kwa ditekanyetso tsa mmatota tsa semoya di ka bonwang gone.”

Tora ya Tebelo May 1

“Go na le dipotso dingwe tse batho ba sa kgoneng go di araba. Ela tlhoko sekai seno. [Bala Jobe 21:7.] A o kile wa nna le potso nngwe e o ka ratang go e botsa Modimo? [Mo letle gore a arabe.] Makasine ono o tlhalosa kafa batho ba ba mo dikarolong tsotlhe tsa lefatshe ba boneng ka gone dikarabo tse di kgotsofatsang tsa dipotso tse tharo tse di botlhokwa ka botshelo.”

Tsogang! May 8

“Mo lefatsheng la gompieno le le potlakileng thata, ba le bantsi ba ipotsa gore a bana ba gola ka bonako thata. A wena ga o tshwenngwe ke ntlha eno? [Mo letle gore a arabe. Morago ga moo bala Moreri 3:1, 4.] Nako ya bongwana ga ya tshwanela go nna ya go rwadisiwa merwalo ya bagolo. Makasine ono wa Tsogang! o tlotla kafa batsadi ba ka sireletsang bana ba bone ka gone fa ba sa ntse ba le mo dingwageng tsa bone tsa bongwana.”

“Bontsi jwa rona re itse mongwe yo o nang le bolwetse jwa sukiri. A o itse go le gontsi ka bolwetse jono? [Mmontshe bokafantle jwa makasine, mme o mo letle gore a arabe.] Makasine ono o tlhatlhoba se se bakang bolwetse jwa sukiri le kalafi ya jone. O tlotla gape ka tsholofetso e e mo Baebeleng ya go fodisediwa ruri ga malwetse otlhe.” Konela ka go bala Isaia 33:24.