Se re Ka se Buang ka Dimakasine

Tora ya Tebelo May 15

“Letsatsi le letsatsi re utlwela ka dipego tsa thubakanyo. A o akanya gore dilo tse di tshwanang le tseno di kile tsa bo di le gone pele? [Mo letle gore a arabe.] Ela tlhoko gore Baebele ya reng. [Bala Mathaio 24:37.] Metlha ya ga Noa e ne e le maswe mo e leng gore Modimo o ne a ba nyeletsa botlhe ga sala fela Noa le lelapa la gagwe. Makasine ono o bontsha kafa ditiragalo tseo di nang le bokao ka teng mo go rona gompieno.”

Tora ya Tebelo June 1

“Dipego tse di bontshang kafa madi a a filweng e le dimpho a sa dirisiweng sentle ka teng di dirile gore bangwe ba ipotse gore a go botlhale go thusa mekgatlho e e abang dimpho ka go e fa madi. Le fa go ntse jalo, go na le batho ba le bantsi ba ba tlhokang. O akanya gore go ka dirwang? [Mo letle gore a arabe. Go tswa foo o bo o bala Bahebera 13:16.] Makasine ono o tlhalosa gore ke mofuta ofe wa go aba o o itumedisang Modimo.”

Tsogang! June 8

“Gompieno, malwetse a a rwalwang ke ditshenekegi ke sengwe sa dilo tse di bayang boitekanelo jwa rona mo kotsing. A o ne o itse gore go na le se re ka se dirang go itshireletsa? [Mo letle gore a arabe.] Makasine ono o tlotla ka dilo tseno, o bo o re bolelele le ka tsholofetso e e mo Baebeleng ya nako ya fa go tla bo go sa tlhole go na le malwetse.” Konela ka go bala Isaia 33:24.

“Go bonala e kete batho gompieno ga ba tlhole ba leba boitshwaro jo bontle le maitseo di le botlhokwa jaaka ba ne ba dira mo dingwageng tse di fetileng. A wena ga o bone jalo? [Mo letle gore a arabe.] Sengwe se se kgatlhang ke gore Baebele e boleletse pele jaana. [Bala 2 Timotheo 3:1-5.] Makasine ono wa Tsogang! o tlhalosa gore ke ka ntlha yang fa batho ba fetola tsela e ba lebang mekgwa e mentle ka yone le gore go tlile go diregang mo isagweng.”