Kafa re ka Buelelang Dimakasine ka Gone

Tora ya Tebelo Nov. 15

“Pelepele batho ba le bantsi ba ne ba dumela gore letsatsi lengwe lefatshe le tla bo e le paradaise. Gompieno bangwe ba ipotsa gore a gone mme le tla nna le ntse le le teng. Wena o akanya gore go tla diragala eng ka lefatshe? [Mo letle gore a arabe.] Ela tlhoko gore Baebele ya reng ka kgang eno. [Bala Pesalema 37:11.] Makasine ono o tlhalosa go ya pele ka se Baebele e se bolelelang pele ka lefatshe.”

Tora ya Tebelo Dec. 1

“Gompieno batho bangwe ba felelwa ke tumelo mo Modimong. Sengwe se se e fedisang ke gore ga ba kgone go bona dikarabo tse di kgotsofatsang tsa dipotso tse di ba tshwenyang tse di jaaka tseno. [Naya sekai sengwe go tswa mo lebokoseng le le mo go tsebe 6.] Makasine ono wa Tora ya Tebelo o tlhalosa sengwe sa botlhokwa se se ka re thusang go nna le tumelo ya mmatota mo Modimong.” Bala Bafilipi 1:9.

Tsogang! Dec. 8

“Batho bangwe ba tshwentswe ke gore tikologo e ka tswa e sentswe mo e bileng e se na bobaakanyo. A o akanya gore ga go tlhole go na le se se ka dirwang? [Mo letle gore a arabe.] Mmopi o ne a sa ikaelela gore lefatshe le nne thotobolo ya matlakala e go ka se nniweng mo go yone. [Bala Isaia 45:18.] Makasine ono o tlhalosa kafa lefatshe le tla baakanngwang ka teng.”

“A o akanya gore batho ba tla tsamaya ba itumelela maemo a a tlhalosiwang fano? [Bala Isaia 14:7. Go tswa foo o mo letle a arabe.] Makasine ono o na le tshedimosetso e e mosola e e ka re solegelang molemo fa re ntse re emetse gore ditsholofetso tsa Modimo di diragale.” Buelela setlhogo se se reng “O ka Lwantsha Jang Dikeletso Tse di sa Siamang?”