Kafa re ka Buelelang Dimakasine ka Gone

Oct. 15

“Batho bangwe ba dumela gore fa ba nna le madi a a oketsegileng, botshelo le jone e nna jo bo kgotsofatsang. A o akanya gore seo se boammaaruri? [Mo letle gore a arabe.] Ela tlhoko gore ke eng se monna mongwe yo o neng a humile thata a se kwadileng. [Bala Moreri 5:10.] Makasine ono o tlotla ka dilo tse di botlhokwa tse di fetang dikhumo.”

Nov. 1

“Batho ba le bantsi ga ba tshepe gore baeteledipele ba batho ba na le bokgoni jwa go rarabolola mathata a batho gompieno. A o akanya gore go na le mongwe yo o ka diragatsang se se boleletsweng pele mo ditemaneng tseno? [Bala Pesalema 72:7, 12, 16. Morago ga moo, mo letle gore a arabe.] Makasine ono o tlhalosa gore moeteledipele yono yo go boleletsweng pele ka ene ke mang le gore o tla dirang.”

Nov. 8

“Batho ba le bantsi ba lemoga botlhokwa jwa go thapisa bana go tloga fa ba sa le bannye. A wena o bona seno se tlhokega gompieno? [Mo letle gore a arabe. Morago ga moo o bale Diane 22:6.] Makasine ono wa Tsogang! o tlotla ka dilo dingwe tse batsadi ba ka di dirang go thusa bana ba bone go gola go nna batho ba ba siameng le ba ba atlegang.”

“A ga o dumalane gore bana ba tlhoka kaelo gore ba kgone go emelana le dikgatelelo tse ba lebanang le tsone gompieno? [Mo letle gore a arabe. Morago ga moo o bale Baefeso 6:4.] Makasine ono o tlhalosa se tota kotlhao e se rayang. Gape e tlotla ka tsela e batsadi ba ka kaelang le go kgalemela bana ba bone ka gone kwantle ga go dira gore ba sulafalelwe.”