Kafa re ka Buelelang Dimakasine ka Gone

Tora ya Tebelo Aug. 15

“Batho ba le bantsi fa ba swetswe ba ipotsa gore go diregang fa motho a swa. A o akanya gore re ka kgona go tlhaloganya loso? [Mo letle gore a arabe.] Makasine ono o tlhalosa gore Baebele ya reng ka boemo jwa baswi. E tlotla gape le ka tsholofetso ya Modimo ya go tsosa batho ba ba suleng ba re ba ratang.” Bala Johane 5:28, 29.

Tora ya Tebelo Sept. 1

“Mo lefatsheng la gompieno, boikanyego ke nonofo e e molemo e gantsi e buiwang bontle fela mme e sa dirisiwe. A ga o akanye gore go ne go tla bo go le molemo fa batho ba bantsi ba ka bo ba tshwana le tsala e e tlhalosiwang fano? [Bala Diane 17:17. Morago ga moo o bo o mo letla gore a arabe.] Makasine ono o tlotla ka melemo e re ka nnang le yone ka ntlha ya go ikanyega mo go ba lelapa la rona le ditsala.”

Tsogang! Sept. 8

“A o ne o itse gore kgwebo ya bojanala ke yone e e dirang gore batho ba le bantsi mo lefatsheng ba bone tiro go feta sepe se sengwe? [Mo letle gore a arabe.] Go gola ga kgwebo ya bojanala go ile ga tlisa melemo le mathata. Makasine ono o tlotla ka melemo le mathata a bojanala gompieno. Gape o ntsha dikakantsho tse di ka thusang bajanala ba ba etelang dinaga di sele.”

“Gongwe o kile wa gakgamadiwa ke tsela e dilo tsa tlhago di dirisanang mmogo ka teng. [Umaka sengwe sa dikai tse di umakilweng mo setlhogong seo.] A ga go swabise go bona batho ba palelwa ke go dirisana mmogo? [Mo letle gore a arabe.] Makasine ono o tlhalosa gore go ise go ye kae, Modimo o tla dira gore lefatshe leno la rona le nne le kagiso le kutlwano.” Bala Isaia 11:9.