Kafa re ka Buelelang Dimakasine ka Gone

Tora ya Tebelo Aug. 15

“Re ka rata go utlwa maikutlo a gago ka sengwe se Jesu a se buileng. [Bala Mathaio 5:5.] Fa tsholofetso eno e diragala, a o akanya gore maemo a lefatshe a tla nna kafa a leng ka teng gone jaanong? [Mo letle gore a arabe.] Makasine ono o bontsha go tswa mo Baebeleng kafa Jesu a tla fetolang lefatshe ka gone. Gape o tlhalosa gore ke bomang ba ba tla ruang lefatshe.”

Tsogang! Aug.

“A o akanya gore re tla tsamaya re bona baratiwa ba rona ba ba suleng gape? [Mo letle gore a arabe.] Ela tlhoko se Jesu a se solofeditseng ka baswi. [Bala Johane 5:28, 29.] Setlhogo seno se tlhalosa go tswa mo Baebeleng se se diragalang fa re swa.” Buelela setlhogo se se simololang mo tsebeng ya 28.

Tora ya Tebelo Sept. 1

“Batho ba le bantsi gompieno ga ba tlhole ba kgatlhegela bodumedi. A o akanya gore go rata bodumedi go thusa motho go nna motho yo o botoka? [Mo letle gore a arabe.] Ela tlhoko se Baebele e se boleletseng pele gore batho bangwe ba tla bo ba batla eng mo bodumeding mo metlheng ya bofelo. [Bala 2 Timotheo 4:3, 4.] Makasine ono o tlhalosa kafa kobamelo ya boammaaruri e tlotlang Modimo le go re solegela molemo ka gone.”

Tsogang! Sept.

“Batho ba le bantsi ba ipotsa gore a go dumela mo Modimong go tsamaisana le saense. Wena o akanya eng? [Mo letle gore a arabe. Morago ga moo bala Bahebera 3:4.] Makasine ono o o kgethegileng wa Tsogang! o sekaseka bosupi jo bo dirileng gore baitsesaense bangwe ba dumele mo Mmoping.”