Kafa re ka Buelelang Dimakasine ka Gone

Tora ya Tebelo Dec. 15

“Batho ba le bantsi ba tshwenngwa ke go bo paka ya Keresemose le ya Ngwaga o Mosha di fetogile go nna dipaka tsa kgwebo. A o akanya gore dipaka tseno di feletswe ke boikaelelo jwa tsone? [Mo letle gore a arabe.] Makasine ono o bontsha kafa dipaka tseno di ileng tsa fetoga ka gone fa nako e ntse e tsamaya. Gape, o bontsha tsela e e tshwanetseng ya kafa re ka tlotlang Modimo le Keresete ka yone.” Bala Johane 17:3.

Tora ya Tebelo Jan. 1

“Batho ba na le bokgoni jwa go dira dilo tse di molemo fela thata, le fa go ntse jalo, gantsi ba dira dilo tse di bosula tota. A o kile wa ipotsa gore ke ka ntlha yang. [Mo letle gore a arabe.] Makasine ono o re naya karabo e e tswang mo Baebeleng. Gape, o tlhalosa sentle gore kgabagare, molemo o tla fenya bosula.” Bala Baroma 16:20.

Tsogang! Jan.

“A o a tle o ipotse gore lefatshe le tla bo le ntse jang mo dingwageng di le 20 kgotsa di le 30 tse di tlang? [Mo letle gore a arabe. Morago ga moo o bo o bala Pesalema 119:105.] Baebele e re bolelela ka dilo tse di tla diregang mo nakong e e tlang gore re tle re itse gore isagwe e tlile go nna jang. Makasine ono o tlotla ka boporofeti jo bo bontshang gore dinako tse re tshelang mo go tsone di tsamaya fa kae le gore ke ka ntlha yang fa re ka lebelela gore isagwe ya rona e tlile go nna e e itumedisang.”