Kafa re ka Buelelang Dimakasine ka Gone

Tora ya Tebelo July 15

“A o akanya gore re tla tsamaya re nna le puso e e rarabololang mathata a batho? [Mo letle gore a arabe.] Jesu o ne a ruta barutwa ba gagwe go rapelela puso e e ntseng jalo ka mafoko a gagwe a a kwadilweng mo go Mathaio 6:9, 10. [E bale.] Makasine ono o tlhalosa lebaka la go bo Bogosi jwa Modimo bo gaisa dipuso tsa batho e bile o tlhalosa masego a bo tla a leretseng batho.”

Tsogang! July

Fa o kopana le motho yo mosha, o ka nna wa re: “Ba le bantsi ba ba lekanang le wena ka dingwaga ba akanya ka lenyalo. O akanya gore o ka bona kae tshedimosetso e e ka ikanngwang ka kgang eno? [Mo letle gore a arabe.] Ela tlhoko gore ke mang yo o simolotseng lenyalo. [Bala Mathaio 19:6.] Makasine ono o tlotla ka melaometheo mengwe ya Baebele e e ka re thusang go aga lenyalo le le itumetseng.”

Tora ya Tebelo Aug. 1

“Go tlwaelegile gompieno go bona batho ba sa tshware ba bangwe sentle. A o akanya gore dilo di ne di tla fetoga fa batho ba le bantsi ba ne ba dirisa mafoko ano a ga Jesu? [Bala Mathaio 7:12. Morago ga moo mo letle gore a arabe.] Makasine ono o bontsha go tswa mo Baebeleng kafa go tlileng go direga ka gone gore botlhe ba newe tshwanelo ya bone ya go nna le seriti.”

Tsogang! Aug.

“Rotlhe re kgatlhegela kalafi e e siameng. A o etse tlhoko gore dingaka di le dintsi gompieno di okaoka go tshela madi? [Mo letle gore a arabe.] Makasine ono o tlhalosa gore lebaka ke eng. Gape o tlhalosa go tswa mo Baebeleng lebaka la go bo Modimo a tsaya madi a le botlhokwa thata.” Bala Lefitiko 17:11.