Kafa re ka Buelelang Dimakasine ka Gone

Tora ya Tebelo Sept. 1

“O akanya gore re ka leba kae go bona kgakololo e e molemo fa re tshwanetse go dira ditshwetso tse di botlhokwa thata? [Mo letle gore a arabe. Bala Diane 3:5, 6.] Setlhogo seno se gatelela botlhale jwa Modimo jwa go tlhatlhoba matswela pele re dira ditshwetso.” Buelela setlhogo se se mo tsebeng ya 8.

Tsogang! Sept.

“A o akanya gore Modimo o ne a ikaeletse gore batho ba boge jaana ka ntlha ya go tlhaela ga dijo go go utlwisang lefatshe botlhoko gompieno? [Mo letle gore a arabe.] Ela tlhoko tsela e a ikaeletseng go baakanya kgang eno ka yone. [Bala Pesalema 72:16.] Setlhogo seno se tlhalosa kafa Modimo a tla tsosolosang Paradaise mo lefatsheng ka teng.” Buelela setlhogo se se mo tsebeng ya 7.

Tora ya Tebelo Oct. 1

“Mo dinakong tseno tse di sa tlhomamang batho ba le bantsi ba tlhobaela ka isagwe. Ke eng se se ka go thusang gore o nne o na le tsholofelo? [Mo letle gore a arabe.] Ela tlhoko se Baebele e se solofetsang. [Bala Isaia 65:17.] Makasine ono o re naya mabaka a a utlwalang a gore re nne le tsholofelo ka isagwe.”

Tsogang! Oct.

“Internet ke sediriswa se se mosola thata, mme e ka nna le dikotsi mo baneng. O akanya gore re ka ba sireletsa jang? [Mo letle gore a arabe.] Tsweetswee ela tlhoko kakanyo eno. [Bala Diane 18:1 o bo o mmontshe gore a ka e dirisa jang.] Ono ke mongwe fela wa melaometheo e le merataro e e gatelelwang mo setlhogong seno e e ka thusang batsadi gore ba sireletse bana ba bone.” Buelela setlhogo se se mo tsebeng ya 8.