DVD ya The Bible—A Book of Fact and Prophecy

Bidio ya Mankind’s Oldest Modern Book ke ya ntlha mo go tse tharo tse di farologaneng tse di mo go DVD ya The Bible—A Book of Fact and Prophecy. Fa o sena go lebelela bidio eno, araba dipotso tse di latelang:

(1) Baebele e dumalana ka ditsela dife le saense ya segompieno? (2) Re ka tlhomamisega jang gore Dibaebele tsa rona tse re nang le tsone gompieno di tlhalosa mekwalo ya ntlhantlha fela jaaka e ntse? (3) Ke eng se se tlhomologileng mo ditemaneng tsa mekwalo ya bogologolo ya seatla ya Baebele? (4) John Wycliffe, Johannes Gutenberg, William Tyndale, John Hus, Martin Luther, Casiodoro de Reina le Charles Taze Russell ba ile ba thusa jang go anamisa Lefoko la Modimo go ralala lefatshe, mme kereke e ile ya ganetsa Baebele jang ka tsela e e setlhogo? (5) Kgakololo e e molemo ya Baebele e ile ya thusa batho jang go lebana le mathata a botsogo (Pes. 34:8), go betšha ka tsela e e sa laolesegeng (1 Tim. 6:9, 10), go kgaogana mo lenyalong le go sa ikanyege (1 Bakor. 13:4, 5; Baef. 5:28-33), le go rata dikhumo thata (Math. 16:26)? (6) Go na le bosupi bofe jwa gore fa motho a dirisa melaometheo ya Dikwalo a ka kgona go fenya letlhoo la bosetšhaba, la setso le la bomorafe (Luke 10:27)? (7) Go latela melaometheo ya Baebele go dirile jang gore o nne le boitumelo jo bogolwane? (8) O ka dirisa jang bidio eno go thusa ba bangwe?—Bona Tirelo ya Rona ya Bogosi ya February 2006, tsebe 8.