Go Simolola Dithuto Tsa Baebele ka Matlhatso wa Ntlha ka September

“Batho ba ditšhaba le ditumelo tse di farologaneng ba rapela letsatsi le letsatsi. A o akanya gore Modimo o reetsa le go araba dithapelo tsotlhe?” Mo letle gore a arabe. Go tswa foo, mo neye khopi ya makasine wa Tora ya Tebelo ya September 1 mme o tlotle le ene ka tshedimosetso e e ka fa tlase ga setlhogwana sa ntlha se se mo tsebe 16 le bobotlana temana e le nngwe e e umakilweng. Mo tsamaisetse dimakasine mme o bo o dira dithulaganyo tsa go boa gore lo tle go tlotla ka karabo ya potso e e latelang.

Tora ya Tebelo September 1

Bontsha motho yo o tlotlang le ene tsebe e e ka fa ntle ya makasine mme o bo o re: “O ka araba jang potso eno? [Mo letle gore a arabe.] Ela tlhoko gore Baebele ya reng. [Bala 1 Johane 5:19.] Go ya ka temana eno, “yo o boikepo” kgotsa Diabolo o busa lefatshe. Mme seno se tsosa dipotso dingwe. Diabolo o tswa kae? A tota ke motho wa mmatota? Modimo o tla mo letla gore a buse lobaka lo lo kana kang? Makasine ono o bontsha se Baebele e se bolelelang.”

Tsogang! September

Batho ba le bantsi gompieno ba ngomogile pelo ka ntlha ya mathata a tsa madi. O akanya gore ke eng fa go le thata jaana go itshedisa? [Mo letle gore a arabe.] Baebele e na le dikgakololo tse di botlhale tse di thusitseng batho ba le bantsi go dirisa madi a bone sentle. [Bala nngwe ya ditemana tse di mo tsebe 8-9.] Makasine ono o neela dikakantsho tse di mosola tse di ka thusang batho ba ba nang le mathata a dikoloto.”