Ngaahi Fakataha Ngāue ki ʻAokosi
Uike Kamata ʻAokosi 2
Hiva 120
10 min: Ngaahi fanongonongo fakalotofonua mo e Ngaahi Fanongonongo kuo filifili mei he Ko ʻEtau Ngāue Fakafaifekau ʻo e Puleʻanga. Fakamatala ki ha ngaahi poini fakatupunga talanoa ʻi he makasini lolotongá. Fakalototoʻaʻi kotoa ke kau ki he ngāue fakamalangá ʻi he fakaʻosinga ʻo e uiké ni.
20 min: “Feinga ke Maʻu ha Taha ʻE Fie Fanongo.” Fetalanoaʻaki mo e kau fanongó. Fakaeʻa ʻa e mahuʻinga ʻo e feangai mo e tokotaha-ʻapi taki taha ʻi hono tuʻunga ko ha tokotaha, ʻi he taumuʻa ke fetalanoaʻaki mo ia. ʻAi ha kiʻi fakahāhā nounou ʻo makatuʻunga ʻi he ngaahi fokotuʻu ʻi he palakalafi 2 mo e 3. Fakamamafaʻi ʻa hono ngāueʻaki tuʻumaʻu ʻo e ngaahi makasiní ʻi he ngāue fakamalangá.
15 min: “Ngāue Fakamalanga ʻAki ʻa e Telefoní—Ko ha Founga ke Aʻu Ai ki he Tokolahi.” Fehuʻi mo e tali ʻi he ʻuluaki ngaahi palakalafi ʻe 13 ʻo e konga fakalahí. Lau ʻa e ngaahi palakalafi kuo filí ʻo kapau ʻoku kei taimi. Fakamanatu ki he fakatahaʻangá ke nau teuteu ʻa e ngaahi palakalafi ʻe fitu ʻoku kei toé ki he uike hono hokó.
Hiva 143 mo e lotu tuku.
Uike Kamata ʻAokosi 9
Hiva 222
10 min: Ngaahi fanongonongo fakalotofonua, kau ki ai mo e fakamatala paʻanga pea mo e ngaahi fakamālō ki he ngaahi tokoni kuo fai. Fakaongoongoleleiʻi ʻa e fakatahaʻangá ki he tokoni fakapaʻanga ki he fakatahaʻanga fakalotofonuá pea pehē ki he ngāue ʻa e Sōsaietí ʻi māmani lahi.
15 min: “Ngāue Fakamalanga ʻAki ʻa e Telefoní—Ko ha Founga ke Aʻu Ai ki he Tokolahi.” Fehuʻi mo e tali ʻi he palakalafi 14-20. Lau ʻa e ngaahi palakalafi kuo filí ʻo kapau ʻoku kei taimi. Kole ki he kau fanongó ke nau fai ha fakamatala mei he tohi Reasoning ʻa ia ʻoku lave ki ai ʻi he palakalafi 16. Fakaeʻa ʻa e ngaahi poini lahi ange mei he Ko ʻEtau Ngāue Fakafaifekau ʻo e Puleʻanga, (faka-Pilitānia) ʻo Siulai 1990, peesi 4.
20 min: “Toe ʻAʻahi ke Tokoni ki he Kakaí ke Nau Ako ki he Founga Te Nau Malava Ai ke Moʻui Taʻengatá.” Fehuʻi mo e tali. ʻAi ha fakahāhā ʻe taha ʻo ha toe ʻaʻahi ʻo makatuʻunga ʻi he fakamatala ʻoku hā ʻi he palakalafi 5 mo e 6.
Hiva 168 mo e lotu tuku.
Uike Kamata ʻAokosi 16
Hiva 157
15 min: Ngaahi fanongonongo fakalotofonua. ʻŪ Ongoongo Fakateokalati. Fakamatala ki he kupu ko e “Polokalama Foʻou ki he Fakataha ʻAho Makehé.” Fakalototoʻaʻi kotoa ke fai ha fokotuʻutuʻu tōmuʻa ke kau ki he fakataha ʻaho makehé he lototonga ʻo e taʻu fakangāue 1994. Fanongonongo ʻa e ʻaho mo e feituʻu ʻo kapau kuo ʻilo ki ai. Toe fakalototoʻaʻi ke kau ki he ngāue fakamalanga ʻi he fakaʻosinga ʻo e uiké ni.
10 min: Fakaeʻa ʻa e mahuʻinga ʻo e tohi Moʻui Taʻengata. ʻE lava ke lave ki he ngaahi fiká ke fakahaaʻi ʻa e tupulaki he lolotonga ʻo e ngaahi taʻu kuo ngāueʻaki ai ʻa e tohí ni. Kuo ako ʻa e tokolahi ki he moʻoní ʻi heʻenau ako ʻa e tohí ni. Fakaʻekeʻeke ha toko taha pe toko ua ʻo e kau malangá naʻá ne ako ʻa e tohí ni ʻi heʻene kau mai ki he moʻoní. ʻAi ke na fakahā ʻa e meʻa naʻá na houngaʻia ai ʻi heʻena ako mei he tohí pea mo e founga ʻo hono ngāueʻaki ia ʻi he ngāue fakamalangá. Fakalototoʻaʻi ʻa e ngaahi tokouá ke nau faivelenga ʻi hono fakahāhā atu ia ʻo ka ʻoku hā mai ha mahuʻingaʻia.
20 min: “Ngaahi Fiemaʻu ki he Kau Faifekau Foʻou mo Taukei.” Fehuʻi mo e tali ke fai ʻe ha taha ʻo e kau mātuʻá. Fakaʻosiʻaki hano fakahā nounou mo loto-māfana ʻa e ngaahi poini ʻoku lava ke ngāueʻaki ki he ngaahi fiemaʻu ʻa e fakatahaʻanga fakalotofonuá.
Hiva 151 mo e lotu tuku.
Uike Kamata ʻAokosi 23
Hiva 14
10 min: Ngaahi fanongonongo fakalotofonua.
20 min: “Feinga Tōtōivi ʻi he Kumi ki ha Ngaahi Ako Tohitapu.” Fehuʻi mo e tali ʻi he kupu ko ení pea fai ia ʻe he ʻovasia ngāué. Lau mo fakahā ʻa e kaunga ʻo e ngaahi konga Tohitapu kotoa ʻoku fakahaaʻí. Toe vakai ki he fakalakalaka ʻo e ngāue ako Tohitapu ʻa e fakatahaʻangá ʻi he taʻu ʻe nima kuo maliu atú, pea fai ha fakamatala fakaʻosi ʻo kau ki he ngaahi fiemaʻu fakalotofonuá.
15 min: Ko e Mahuʻinga ʻo e Ngaahi ʻAhó ʻi Heʻetau Ako ʻa e Tohitapú. ʻI he hili ha malanga nounou ʻi he fakamatala ʻi he “Definition” ʻi he peesi 93 ʻo e tohi Reasoning, fai ha fepōtalanoaʻaki mo e kau fanongó ʻi he toenga ʻo e fakamatala ʻi he “Dates.” Lave ki he “Ko e ha ʻoku pehē ʻai ʻe he Kau Fakamoʻoni ʻa Sihová naʻe fokotuʻu ʻa e Puleʻanga ʻo e ʻOtuá ʻi he 1914?” Fakahaaʻi ʻa e anga ʻo e tokoni ʻa e fakamatalá ni ki he faʻahinga kei foʻoú ke nau mateuteu ai ki hono taukapoʻi ʻa e pōpoaki ʻo e Puleʻangá.
Hiva 42 mo e lotu tuku.
Uike Kamata ʻAokosi 30
Hiva 51
5 min: Ngaahi fanongonongo fakalotofonua.
15 min: “ʻAi ke ʻAufuatō ʻi Hoʻo Ngāué.” Malanga ke fai ʻe ha taha ʻo e kau mātuʻá. ʻI he fakamatala ki he palakalafi 2, ʻai ha fakamatala feʻungamālie ʻi he Taua Leʻo ʻoku lave ki aí. Lau mo fakahā ʻa e kaunga ʻo e Malakai 3:10 ʻo fakaʻosiʻaki.
10 min: “Ngāue Fakamalanga ʻAki ʻa e Telefoní—Ko ha Founga ke Aʻu Ai ki he Tokolahi.” (2 min.) Fakamanatu nounou ʻa e ngaahi poini mahuʻinga ʻi he kupú ni. Konga I (3 min.) Fakahāhā ha ngaahi lākanga ki he teuteú ʻoku fakahaaʻi ʻi he palakalafi 12 mo e 13. Konga II (3 min.) Ngāueʻaki ha taha ʻo e ngaahi fokotuʻu ʻi he palakalafi 16, ʻo fakahāhaaʻi ʻa hono fakahoko moʻoni ʻo e ngāue fakamalanga ʻaki ʻa e telefoní. (2 min.) Fakaʻosiʻaki hano fai ha fakamatala fakalotomāfana fekauʻaki mo e ngaahi faingamālie lahi ʻe lava ke ngāueʻaki ai ʻa e founga ko eni ʻo e ngāue fakamalangá.
15 min: Ngaahi fiemaʻu fakalotofonua. ʻE lava ke fakamatala ki he fakalototoʻa naʻe fai ʻe he ʻovasia fakafeituʻú ʻi he lolotonga ʻo e ʻaʻahi fakamuimuí. Fakamanatu ki he ngaahi tokouá ke vakaiʻi pe kuo ʻosi ʻomai kotoa ʻenau ngaahi lipooti ki he taʻu fakangāue 1993.
Hiva 27 mo e lotu tuku.