Ngaahi Fakataha Ngāue ki Mē

Uike Kamata Mē 1

Hiva 129

10 min: Ngaahi fanongonongo fakalotofonua mo e Fanongonongo kuo filifili mei he ʻEtau Ngāue Fakafaifekau ʻo e Puleʻanga.

15 min: “Ongoongo Lelei ki he Faʻahinga Angamaluú.” Fetalanoaʻaki mo e kau fanongo, pea fakahāhaaʻi ha tuʻuaki ʻe taha pe ua.

20 min: “Ko ha Ongoongo ʻo e Puleʻangá Makehe ki he Tokotaha Kotoa Pē.” Ko e malanga mo fetalanoaʻaki mo e kau fanongó ke fai ia ʻe he ʻovasia ngāué. Fakamatala ki he meʻa kuo lavá ʻi hono tufaki ʻo e Ongoongo ʻo e Puleʻangá, fakatokangaʻi ange ʻa e poupou lelei naʻe fai ki he ngaahi fokotuʻutuʻu ngāue mo e fuofua kau ʻa e faʻahinga foʻou ʻi he ngāue fakamalangá. Fakamatala ki he ngaahi feituʻu kuo lavaʻí; ko e hā ʻa e ngaahi fiemaʻu ke faí, kapau kuo fai mai ha kole tokoni mei ha fakatahaʻanga kehe. Fakalototoʻaʻi kotoa ke fai ha feinga makehe ke tufaki ʻa honau ʻinasi ʻi he Ongoongo ʻo e Puleʻangá. Fakamamafaʻi ʻa e mahuʻinga ʻo e tauhi ʻo ha lēkooti ʻo e mahuʻingaʻiá pea fai ha ngaahi toe ʻaʻahi ko e feingá ke kamata ha ngaahi ako Tohitapu. Fakahāhaaʻi ʻa e tuʻuaki kuo fokotuʻu maí.

Hiva 172 mo e lotu tuku.

Uike Kamata Mē 8

Hiva 135

15 min: Ngaahi fanongonongo fakalotofonua. “Te Ke Lava ke Fiefia ʻi ha Ngaahi Meʻa Lelei Naʻe Hokosia!” Fakatatau ki he taimí, fakaafeʻi ʻa e kau fanongo ke nau lave ki ha ngaahi meʻa fakalototoʻa naʻe hokosia ʻa ia naʻa nau maʻu ʻi hono tuʻuaki ʻa e Ongoongo ʻo e Puleʻangá.

15 min: Ngaahi fiemaʻu fakalotofonua. Pe ko ha malanga ʻi he kaveinga ko e “Founga ʻo e Fekuki ʻa e kau Kalisitiane mo e Luma ʻa e Kakaí” ʻi he Watchtower ʻo ʻEpeleli 1, 1995, peesi 26-29.

15 min: “Ko e Hā ke Tauhi Ai ha Lēkooti ʻo e ʻIkai-ʻi-ʻApí?” Fehuʻi mo e tali.

Hiva 195 mo e lotu tuku.

Uike Kamata Mē 15

Hiva 107

10 min: Ngaahi fanongonongo fakalotofonua. Fakamatala paʻanga.

17 min: “Muimui Hotau Faʻifaʻitakiʻangá ko e Kau Tapua Atu ʻo e Maamá.” Fehuʻi mo e tali.

18 min: Ngaahi fiemaʻu fakalotofonua. Pe ko ha malanga ʻi he kaveinga ko e “Ko e Foʻui ʻo Hai?” ʻi he Watchtower ʻo Fepueli 1, 1995, peesi 26-29.

Hiva 212 mo e lotu tuku.

Uike Kamata Mē 22

Hiva 98

12 min: Ngaahi fanongonongo fakalotofonua. Fakalototoʻaʻi ʻa e tāimuʻa tokoní. Toe fakamanatu ʻa e ngaahi fiemaʻu kuo fakamatalaʻi ʻi he tohi ko e Organized to Accomplish Our Ministry, peesi 113-114.

15 min: “Fakaʻilonga ʻOku Maʻu Ai ʻa e Fakahaofí.” Fetalanoaʻaki mo e kau fanongó. Fakakau ki ai ha fakahāhā ʻe taha pe ua ke fakahā ʻa e anga ʻo hono fai ha ngaahi toe ʻaʻahi.

18 min: Ngaahi fiemaʻu fakalotofonua. Pe ko ha malanga ʻi he kaveinga ko e “Ko ha Lēsoni ʻi he Feangainga mo e Ngaahi Palopalema” ʻi he Watchtower ʻo Fepueli 15, 1995, peesi 27-30.

Hiva 114 mo e lotu tuku.

Uike Kamata Mē 29

Hiva 48

15 min: Ngaahi fanongonongo fakalotofonua. Fai ha ngaahi fokotuʻu ʻe fakalototoʻaʻi ai ʻa e kau malangá ke nau feinga ke lau ha konga mei he Tohitapú ko ha konga ia ʻo ʻenau tuʻuaki ʻi he ngaahi matapaá. ʻOku tokaʻi ʻe he kakai tokolahi ʻa e Tohitapú pea ʻoku nau fie fanongo ʻi hano lau iá. Ko e enginaki ʻoku ʻi aí ʻoku maongo pea te ne ueʻi ha tokotaha loto-totonu. ʻE feʻunga nai ke toʻotoʻo pē ʻa hoʻo Tohitapú ʻi he fakaofiofi atu ki he matapaá. ʻOku totonu ke lau ʻa e ngaahi konga tohí mo hoʻo ongoʻí pea ʻoua ʻe nenu.​—Sio ki he School Guidebook, peesi 32-33, palakalafi 12-15.

12 min: Puha Fehuʻi. Fehuʻi mo e tali. Fakamatala ki he ʻuhinga ʻoku tau maʻu ai ha ʻaonga lahi ange mei he ngaahi fakatahá ʻi heʻetau teuteu ki muʻa pea tau omi kotoa mo e ngaahi nāunau kuo vaheʻi ki he ako.

18 min: Tuʻuaki ʻa e tohi Fāʻūtaha ʻi he Lotu ki he ʻOtua Moʻoni Pē Taha ʻi Sune. Lave ki ha ngaahi fakamatala kuo fai ʻe ha faʻahinga mahuʻingaʻia ʻa ia naʻe maongo kiate kinautolu ʻa e tohi ko e Fāʻūtaha ʻi he Lotu ki he ʻOtua Moʻoni Pē Taha. Lave ki he fakatātā ʻi he peesi 84 mo e 85, pea fakahā ʻa e anga ʻo hano ngāueʻaki nai ʻeni ke kamata ha ngaahi fetalanoaʻaki. ʻAi ha tokotaha malanga alafua ke ne fakahāhaaʻi ʻa e tuʻuaki ʻokú ne fakamatalaʻi ʻa e fili ʻoku pau ke fai ʻe he tokotaha taki taha ke maʻu ai ʻa e moʻui taʻengatá, ʻo ngāueʻaki ʻa e ngaahi fakakaukau mo e konga Tohitapu ʻi he peesi 79-81, palakalafi 5-9. Fakamanatu ki he tokotaha kotoa pē ke ʻave ha ngaahi tatau ke ngāueʻaki ʻi he ngāue fakamalangá ʻi he fakaʻosinga ʻo e uike ní.

Hiva 130 mo e lotu tuku.