Taimi-Tēpile ki he Fakataha Ngāué
Uike Kamata Sepitema 11
Hiva 195
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga.
15 min: “ʻOku Fakakoloaʻi Kitautolu ʻe he Tāpuaki ʻa Sihová.” Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.—Sio ki he Insight, Voliume 2, peesi 804, palakalafi 6-7.
20 min: “Ngāueʻaki ʻa e Ngaahi Meʻa ʻOku Lolotonga Hokó Ke Ne Langaʻi ʻa e Mahuʻingaʻiá.” Fetalanoaʻaki mo e kau fanongó mo e ongo fakahāhā. Lave ki he ngaahi meʻa ʻe niʻihi ʻoku lolotonga hoko ʻokú ne langaʻi ʻa e mahuʻingaʻia fakalotofonuá. Ko e hā ʻa e ngaahi hohaʻa fekauʻaki mo e kahaʻú kuo fakatupu ʻe he meʻá ni? Ko hono ngāueʻaki ʻa e tohi Reasoning, peesi 10-11, ʻoku ʻomai ai ʻa e ngaahi fokotuʻu ʻe niʻihi ki he founga ke teuteu ai ha talateu ʻa ia ʻe taki atu ai ki ha fetalanoaʻaki faka-Tohitapu. ʻAi ha fakahāhā ʻe ua ʻoku ʻaonga, mo ʻosi teuteuʻi lelei.
Hiva 168 mo e lotu tuku.
Uike Kamata Sepitema 18
Hiva 51
10 min: Ngaahi fanongonongo fakalotofonua. Fakamatala paʻangá.
15 min: Naʻe Anga-Fēfē ʻEtau Ngāue ʻi he Taʻu Kuo ʻOsí? Malanga ke fai ʻe he ʻovasia ngāué. Fakamanatu ʻa e ngaahi meʻa mahuʻinga mei he līpooti ʻa e fakatahaʻangá ki he taʻu fakangāue 2000. Fai ha fakaongoongolelei ʻo e ngaahi meʻa lelei kuo ʻosi fakahokó. ʻOhake ʻa e ngaahi tafaʻaki ʻoku fiemaʻu nai ke fakaleleiʻí. Tokangataha ki he anga ʻo hono fai ʻe he fakatahaʻangá ʻa e maʻu fakatahá, kamata mo hono fai ʻo e ngaahi ako Tohitapú, pea mo e kau maʻu pē ki he ngāue fakamalangá. Fakahaaʻi ʻa e ngaahi taumuʻa ʻaonga ki he taʻu ka hoko maí.
20 min: “ʻOku ʻi he Tuʻunga Fakatuʻutāmaki ʻa e Moʻuí!” Fetalanoaʻaki mo e kau fanongó. Fakamatalaʻi ʻa e ngaahi konga Tohitapu ʻoku ʻomai ʻi he kupú.
Hiva 98 mo e lotu tuku.
Uike Kamata Sepitema 25
Hiva 135
15 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau ngaahi līpooti ngāue fakamalanga ki Sepitemá. Fakamanatu ʻa e Puha Fehuʻi.
15 min: Ngaahi fiemaʻu fakalotofonua.
15 min: Ko ʻEtau Ngaahi Makasiní ʻOku ʻIkai Mole Honau Mahuʻingá. Ko e hā ʻokú ke fai ʻi he taimi ʻoku fokotuʻuna ai ʻa e ngaahi ʻīsiu ʻo e Taua Leʻo mo e Awake! ʻoku motuʻa angé? ʻOku hehema ʻa e kau malanga ʻe niʻihi ke liʻaki kinautolu, ʻo fakakaukau ko e ngaahi kaveingá ʻoku ʻikai ke kei ʻaonga. Ka, ʻoku fakaʻaiʻai kitautolu ʻe he ʻEtau Ngāue Fakafaifekau ʻo e Puleʻanga ʻo Sepitema 1993, peesi 3, ke tau ʻave ha ngaahi ʻīsiu motuʻa ange pea tuʻuaki kinautolu ʻi he taimi ʻoku faingamālie aí. Te ke lava ʻo fili nai ha ngaahi kupu feʻungamālie ʻe fakamānako nai ki he kau tangatá, kau fefiné, kakai fakapalōfesinalé, ko e kau taʻumotuʻá, mo e kau taʻu hongofulu tupú; pea ʻai ke maau ʻa e ngaahi makasiní ke ʻoatu ʻi ha malanga hake ha faingamālie. Fakahāhaaʻi ʻa e anga hono filifili pea tuʻuaki nai ʻa e ngaahi kupú. Lave ki ha ngaahi lavameʻa naʻe hokosia naʻe maʻu ʻe he kau malangá ʻi hono tufa ʻo e ngaahi makasini motuʻa angé.
Hiva 163 mo e lotu tuku.
Uike Kamata ʻOkatopa 2
Hiva 143
15 min: Ngaahi fanongonongo fakalotofonua. Fakahā ki he fakatahaʻangá fekauʻaki mo e tufa makehe kuo fokotuʻutuʻu ki he Ongoongo ʻo e Puleʻangá Fika 36, ʻa ia ʻe kamata ʻi he Mōnite, ʻOkatopa 16, pea hokohoko atu ai pē ki he Falaite, Nōvema 17. Fakaʻaiʻai ʻa e tokotaha kotoa pē, kau ai ʻa e kau talavoú pea mo e faʻahinga foʻou angé, ke nau kakapa atu ke kau kakato ki ai. ʻOku totonu ke kamata he taimí ni ʻe he kau faiako Tohí ke fakalototoʻaʻi mo fokotuʻutuʻu ʻa e tokotaha kotoa pē ʻi heʻenau kulupú ke kau ʻi he faivelenga taha te nau malavá. Fakakau atu ki ai mo e ngaahi meʻa naʻe hokosia fakatupu langa hake mei he tufaki fakamuimui ʻo e Ongoongo ʻo e Puleʻangá.
15 min: “ʻOku Totonu Ke U Hiki?” Malanga ke fai ʻe ha tokotaha mātuʻa. Fakamatalaʻi ʻa e ʻuhinga ʻoku fiemaʻu ai ke ngāueʻaki ʻa e ʻiloʻiló ʻi hono fai ha fili ke hiki ki ha feituʻú. Fetalanoaʻaki ʻi he founga ke ngāueʻaki ai ʻa e akonaki ʻoku maʻu ʻi he Palovepi 22:3. Fakakau atu ki ai mo e fakamatala fekauʻaki mo e ngaahi fakatokangá ʻa ia ʻoku maʻu ʻi he Watchtower ʻo ʻAokosi 15, 1988, peesi 22.
15 min: Ko e Ngaahi Meʻa Naʻe Hokosia ʻi Hono Kamata ʻa e Ngaahi Fetalanoaʻakí. ʻI he polokalama ʻo e Fakataha Ngāue ki he uike ʻo Sepitema 11, naʻe fakahinohino mai ai ke tau fakatupulekina ʻa e ngaahi lea kamata fekauʻaki mo e ngaahi meʻa lolotonga ʻoku hokó ke langaʻi hake ʻa e mahuʻingaʻiá pea kamata ai ʻa e ngaahi fetalanoaʻaki ʻi he ngāue fakafaifekaú. Fakaafeʻi ʻa e kau fanongó ke nau lave ki ha ngaahi ola lelei naʻa nau fiefia lahi ai ʻi hono ngāueʻaki ʻa e ngaahi fokotuʻu ko ʻení.
Hiva 168 mo e lotu tuku.