Taimi-Tēpile ki he Fakataha Ngāué
Uike Kamata Maʻasi 10
10 min: Ngaahi fanongonongo fakalotofonua. ʻI hono ngāueʻaki ʻa e fokotuʻu ʻi he peesi 6 pe ko ha tuʻuaki kehe ʻoku feʻungamālie ki ho feituʻú, fakahāhā ʻa e founga ke tuʻuaki ai ʻa e Taua Leʻo ʻo Sanuali-Maʻasi mo e ʻĀ Hake! ʻo Sanuali-Maʻasí fakataha mo e tohi fakaafe ki he Fakamanatú.
20 min: Ko e Hā ke Fakatahataha Fakataha Aí? Malanga mo e fetalanoaʻaki mo e kau fanongó ʻo makatuʻunga ʻi he Taua Leʻo ʻo Mē 15, 2007, peesi 11-13. Fakaafeʻi ʻa e kau fanongó ke nau fakamatala ki he founga kuo nau maʻu ʻaonga ai mei hono maʻu ʻa e ngaahi fakataha ʻa e fakatahaʻangá pea mo e founga kuo nau ikuʻi ai ha ngaahi fakafaingataʻaʻiaʻanga ka nau maʻu maʻu pē ʻa e ngaahi fakatahá.
15 min: “ʻOku Lava Ke Tau Fai ha Foaki kia Sihova.”a Fakatatau ki he taimí, fakaafeʻi ʻa e kau fanongó ke nau fakamatala ki he ngaahi konga Tohi Tapu ʻoku haá.
Uike Kamata Maʻasi 17
10 min: Ngaahi fanongonongo fakalotofonua. Fakamanatu ki he kau fanongó ke ʻomai ʻa e Taua Leʻo ʻo ʻEpeleli-Sune mo e ʻĀ Hake! ʻo ʻEpeleli-Suné ki he Fakataha Ngāue ʻo e uike hoko maí pea ke nau mateuteu ke fetalanoaʻaki ʻi he ngaahi tuʻuaki feʻungamālie ki he feituʻu ngāue fakalotofonuá. Fanongonongo kuo filifili mei he ʻEtau Ngāue Fakafaifekau ʻo e Puleʻanga.
15 min: Puha Fehuʻi. Ke fai ʻe ha mātuʻa. Lau mo fakamatalaʻi ʻa e kupú kotoa.
20 min: “ʻE Anga-Fēfē Nai Haʻatau Tokoniʻi ʻa e Kau Maʻu Fakamanatú?”b ʻI he lāulea ki he palakalafi 5, fakahāhaaʻi nounou ʻa e founga ʻe kamata nai ai ha ako Tohi Tapu mo ha tokotaha ʻaʻahi naʻá ne maʻu ʻa e Fakamanatú.
Uike Kamata Maʻasi 24
10 min: Ngaahi fanongonongo fakalotofonua. Lau ʻa e fakamatala paʻangá pea mo hono fakamālōʻiaʻi ʻa e ngaahi tokoní.
15 min: Mateuteu ke Tuʻuaki ʻa e Ngaahi Makasini Lolotongá. Fetalanoaʻaki mo e kau fanongó. Hili hono fakamatalaʻi nounou ʻa e Taua Leʻo ʻo ʻEpeleli-Sune mo e ʻĀ Hake! ʻo ʻEpeleli-Suné ʻeke ki he kau fanongó pe ko e hā ʻa e ngaahi kupu ʻe fakamānako nai ki he kakai ʻi he feituʻu ngāué pea mo hono ʻuhingá. Fakaafeʻi ʻa e kau fanongó ke nau lave ki ha ngaahi poini pau ʻi he ngaahi kupu ʻoku nau palani ke tuʻuakí. Ko e hā ʻa e fehuʻi ʻe lava ke ʻeke ke kamataʻaki ha fetalanoaʻaki? Ko e hā ʻa e konga Tohi Tapu ʻi he kupú ʻe lava ke laú? ʻI hono ngāueʻaki ʻa e ngaahi tuʻuaki ʻoku fokotuʻu mai ki he feituʻu ngāue fakalotofonuá, fakahāhaaʻi ʻa e founga ke tuʻuaki ai ʻa e Taua Leʻo ʻo ʻEpeleli-Sune mo e ʻĀ Hake! ʻo ʻEpeleli-Suné.
20 min: ʻOku Tau Ongoongo Mai ʻa e Lelei. Hoko atu ʻi ha talateu ʻo ʻikai toe siʻi hifo ʻi he miniti ʻe tahá, ko ha mātuʻa ʻokú ne fai ha malanga ʻo makatuʻunga ʻi he Taua Leʻo ʻo Siulai 1, 2005, peesi 18-19, palakalafi 10-14. Fakaafeʻi ʻa e kau fanongó ke nau fakamatala ki he founga naʻe ʻoange ai kia kinautolu ʻe he pōpoaki ʻo e Puleʻangá ʻa e fakafiemālie mo e ʻamanaki ʻi heʻenau fuofua fanongo ki aí.
Uike Kamata Maʻasi 31
10 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau līpooti ngāue fakamalanga ki Maʻasí.
18 min: Ngāueleleiʻaki ʻa e 2008 Yearbook. Malanga mo e fetalanoaʻaki mo e kau fanongó. Fakamatalaʻi ʻa e “Tohi mei he Kulupu Pulé.” ʻAi ha toko taha pe toko ua ʻi he kau fanongó ke na lave ki ha meʻa naʻe hokosia ʻi he Yearbook ʻa ia naʻe tautefito ʻene fakalototoʻa kia kinauá. Fokotuʻutuʻu ki muʻa ha tokotaha ʻe toko taha pe toko ua ke na fakamatala ki he founga naʻá na fakataimitēpileʻi ai ʻena lau ʻa e Yearbook. Fakaʻosi ʻaki hono fakalototoʻaʻi ʻa e tokotaha kotoa ke ne lau ʻa e tohí kotoa.
17 min: “Felangahakeʻaki Lolotonga ʻa e Ngāue Fakafaifekaú.”c
Uike Kamata ʻEpeleli 7
10 min: Ngaahi fanongonongo fakalotofonua.
20 min: Ko e Hā ʻOku Tautoloi Ai ʻa e Papitaisó? Malanga ke fai ʻe ha mātuʻa ʻo makatuʻunga ʻi he Taua Leʻo ʻo Siulai 1, 2006, peesi 29-30, palakalafi 14-17. Fakakau ai ha fakaʻekeʻeke nounou ʻo ha tokotaha malanga ʻe toko taha pe toko ua naʻá na papitaiso ʻi hona taʻu hongofulu tupú. Ko e hā naʻá ne ueʻi kinaua ke na laka ai ʻi he lākanga mahuʻinga ko ʻení ʻi heʻena kei siʻí? Naʻe anga-fēfē hono tokoniʻi kinaua ʻe heʻena papitaisó ke fakatupulekina ai ʻa e matuʻotuʻa fakalaumālié, ʻa ia ko ha maluʻí?
15 min: Kuó Ke ʻAhiʻahiʻi ʻa e Tuʻuaki Fakahangatonú? Malanga mo e fetalanoaʻaki mo e kau fanongó ʻo makatuʻunga ʻi he fakalahi ʻo ʻEtau Ngāue Fakafaifekau ʻo e Puleʻanga ʻo Sanuali 2002, peesi 6. Lāulea ki he ngaahi sīpinga tuʻuakí mo e founga ʻe lava ke feliliuaki ai ke kamata ha ako Tohi Tapu ʻi he tohi Akoʻi ʻe he Tohi Tapú. Pea ʻai leva ha fakahāhā ʻe taha pe ua. Fakalototoʻaʻi ʻa e kau fanongó ke nau fai ha feinga ʻo laka hake ʻi he tuʻo tahá he lolotonga ʻo e uike hoko maí ke kamata ha ako Tohi Tapu ʻi he tohi Akoʻi ʻe he Tohi Tapú ʻo ngāueʻaki ʻa e tuʻuaki fakahangatonú.
[Fakamatala ʻi lalo]
a Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
b Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
c Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.