Sīpinga Tuʻuaki

Ke Kamata ha Ako Tohi Tapu ʻi he ʻUluaki Tokonakí ʻi Fepueli

“ʻI he ngaahi taimi faingataʻa ko ení, ʻoku tau fehangahangai kotoa mo e ngaahi pole ʻa ia ʻoku fakamafasia ki he ngaahi fāmilí. ʻOkú ke fakakaukau ʻe lava ke tau maʻu mei fē ʻa e tataki alafalalaʻangá ke tokoniʻi kitautolu ke ʻai ʻetau moʻui fakafāmilí ke fiefiá?” Tuku ke ne tali. ʻOange leva ki he tokotaha-ʻapí ha tatau ʻo e ʻīsiu ʻo e Taua Leʻo ʻo Sanuali-Maʻasí, pea lāulea fakataha ki he fakamatala ʻi lalo ʻi he taha ʻo e ngaahi kaveinga tokoni he peesi 10 mo e 11 mo ha konga Tohi Tapu ʻe taha pe lahi ange mei he ngaahi konga Tohi Tapu ʻoku haá. Tuʻuaki ʻa e ongo makasiní, pea fokotuʻutuʻu ke toe foki atu ke lāulea ki he ngaahi fehuʻi kehé.

Ko e Taua Leʻo Sanuali-Maʻasi

“ʻOkú ke fakakaukau ʻoku mahuʻinga ke nofo ofi ʻa e ngaahi tamaí ki honau ngaahi fohá? [Tuku ke ne tali.] ʻOku fakahaaʻi ʻe he Tohi Tapú ʻa e lahi ʻo e fiefia ʻe lava ke ʻomai ʻe he ngaahi fohá ki heʻenau ngaahi tamaí. [Lau ʻa e Palōveepi 23:24 pea huke ki he peesi 18-20.] ʻOku tokoniʻi ʻe he kupu ko ení ʻa e ngaahi tamaí ke nau sio ki he founga ʻe lava ke nau ikuʻi ai ʻa e ngaahi pole anga-maheni ʻe niʻihi pea nofo ofi ai pē ki honau ngaahi fohá.”

ʻĀ Hake! Sanuali-Maʻasi

“Ko e hā hono lahi ʻo e puleʻi ʻokú ke fakakaukau ʻoku totonu ke fai ʻe he ngaahi mātuʻá ki heʻenau kiʻi tama kei talavoú? [Tuku ke ne tali.] ʻOku fakamamafaʻi ʻe he Tohi Tapú ʻa e mahuʻinga hono akoʻi ʻa e niʻihi kehé ke nau fai ha ngaahi fili fakapotopoto maʻanautolu. [Lau ʻa e ʻAisea 48:17, 18, pea huke ki he peesi 24.] ʻOku fakamatalaʻi ʻe he kupu ko ení ʻa e founga ʻe lava ai ʻe he ngaahi mātuʻá ʻo akoʻi ʻenau kiʻi tamá ke hoko ko ha tokotaha lahi fua fatongia.”