Young People Ask—What Will I Do With My Life? (Part 1)
ʻI he tupu ʻa e fānaú ʻo aʻu ki he fuʻu lahí, kuo pau ke nau fai ha ngaahi fili mahuʻinga. Ke tokoni kiate kinautolu, kuo ʻosi teuteuʻi ʻa e foʻi vitiō Young People Ask—What Will I Do With My Life? ʻI he meʻa ke fili mei aí, lomiʻi ʻa e Play Drama, pea sio leva pe te ke lava ʻo tali ʻa e ngaahi fehuʻi ʻi he palakalafi ʻe 2. Hili iá, lomiʻi ʻa e Interviews ʻi he meʻa ke fili mei aí, pea lomiʻi ʻa e Looking Back, pea feinga ke tali ʻa e ngaahi fehuʻi ʻi he palakalafi 3.
Tulama: (1) Ko e hā ʻa e ngaahi founga ʻoku meimei tatau ai ʻa e tuʻunga ʻo Tīmoté mo e toʻutupu Kalisitiane tokolahi he ʻaho ní? (2) Naʻe anga-fēfē hono tenge ʻa Andre ki he lelei taha ʻi he sipotí? (3) Ko e hā naʻe tala ange ʻe Tokoua Flessig kia Andre fekauʻaki (a) mo e hoko ʻo fakatapui kia Sihová pea pehē ki he sipotí? (Māt. 6:24) (e) mo e matavai ʻo e fiefia moʻoní? (f) ko e hā naʻe fakamanatu ange kiate ia ʻe heʻene poulu mei he kemi fakamamahí? (h) mo e kakai ʻi he taá fakataha mo ia mo hono uaifí? (i) pē naʻá ne fakaʻiseʻisa heʻene tukuange ʻene ngaahi taumuʻá? (Fil. 3:8) (4) Naʻe anga-fēfē tali ʻa e kui fefine ʻa Andre ki heʻene fehuʻí, “ʻOku hala ʻeku loto ke hoko ko ha tokotaha manakoa he sipotí?” (Luke 4:5-7) (5) Naʻe ʻomai ʻe he ikuná ha fiemālie moʻoni kia Andre? (6) Ko e hā naʻá ke houngaʻia ai fekauʻaki mo e tohi fakaʻosi ʻa Tokoua Fleissig kia Andre? (Pal. 10:22) (7) Ko e hā naʻe tokoniʻi ʻe Tokoua Fleissig ʻa Andre ke ne mahinoʻí?
Sio ki he Kuohilí: (8) Ko e hā ʻa e ngaahi taumuʻa naʻe tuli ki ai ʻa e fanga tokouá mo e tuofāfiné pea ko e hā hono ʻuhingá? (9) Naʻa nau hoko ʻo lavameʻa fēfē? (10) Ko e hā ʻa e liliuʻanga taki taha ʻi heʻena moʻuí? (2 Kol. 5:15) (11) Ko e hā ʻa e ngaahi ngāue fakateokalati naʻá ne fetongi ʻena ngāue ki muʻá, pea ko e hā naʻá na ongoʻi ai heʻikai lava ke na tuli fakatouʻosi ki aí? (12) Naʻe ʻi ai nai haʻana teitei fakaʻiseʻisa ʻi hono liliu ʻena taumuʻa ʻi he moʻuí? (13) Ko e hā naʻá na leaʻaki naʻe tautefito ʻene ʻai koe ke ke fakakaukau ʻo kau ki he meʻa ʻoku totonu ke ke fai ʻaki hoʻo moʻuí?
Kātaki ʻo sio ʻi he ngaahi fakaʻekeʻeke kehé mo e fakamatala fakalahí pea hoko ʻo mateuteu ke tali ʻi he lāulea ki ai ʻi he lolotonga ʻo e Fakataha Ngāue ʻi he uike kahaʻú.