Polokalama Fakataha ʻAho Makehe Foʻou
1 Ko ʻetau polokalama ʻaho fakataha makehé ʻe kamata ia ʻi Sēpitema ʻo fakaeʻa ai ʻa e kaveinga “Hokohoko Atu ʻi he Fai Fakamoʻoni ki he Moʻoni.” Ko e polokalama fakakātoa ʻe huʻufataha ki he faʻifaʻitakiʻanga naʻe tuku mai ʻe Sīsū kiate kitautolu pea mo e founga naʻá ne ngāueʻaki ʻa e faingamālie kotoa pē ke ke vahevahe atu ai ʻa e moʻoni mo e niʻihi kehé. ʻE fakamamafaʻi ai hotau fatongia ko e kau ākonga ʻa Kalaisi ke faʻifaʻitaki kiate ia ʻi he fai fakamoʻoni fekauʻaki mo e moʻoni.—1 Kol. 11:1.
2 Ko e ngafa ʻoku ngāueʻaki ʻe he fakatahaʻangá ʻi hono hakeakiʻi ʻa e moʻoni ʻe fai ha fakakaukau ki ai. ʻE fai hano fakamamafaʻi hono ngāueleleiʻaki ʻetau ngaahi makasiní mo e ngaahi tohi kehé.
3 Ko e malanga tefito ʻe fai ʻe he tokotaha ʻaʻahí ʻe fakakaveinga ko e Fai Fakamoʻoni ki he Moʻoni—Ko e Hā ʻE Aʻusia.” (Sione 8:32) Ko e polokalama ʻaho fakataha makehé ni ʻe pau ke fakaloloto ange ai ʻetau houngaʻia ki he moʻoni mo tokoni kiate kitautolu kotoa ke tau tuʻumaʻu maʻumaʻuluta mo “tuu mau i he mooni.”—2 Pita 1:12, PM; 1 Kol. 15:58.