Tohi mei he Vaʻá

Siʻi Kau Malanga ʻo e Puleʻangá:

Ke “ʻa e ʻOtua ai pe ʻa e fakatupu.” (1 Kol. 3:6) He meʻa fakafiefia ē ke sio ki he tupu ʻi he malaʻe ʻi Nuʻu Silá! Lolotonga ʻa e taʻu fakangāue 2003, naʻe kamata ai ʻa e ngaahi ako Tohitapu foʻou laka hake he 400. ʻOku ala fakaongoongoleleiʻi eni.

ʻOku tāpuakiʻi ʻe Sihova ʻa e ngāue ʻi he malaʻe lea mulí. Kuo fokotuʻu ʻa e ngaahi fakatahaʻanga pe ngaahi kulupu ʻi he lea ʻe 7 tuku kehe ʻa e lea faka-Pilitāniá. ʻOfa ke tau feinga ke aʻu ki he tokolahi fakautuutu ʻo e kakai fanauʻi muli ʻoku nau nofo ʻi Nuʻu Silá.

Ke tokonaki ʻa e ʻū tohi ki he malaʻe tupulekina ʻi māmani lahí, ko e fale pulusi ʻi he Faama Taua Leʻó, ofi ki Wallkill, Niu ʻIoké, ʻoku fakalahi ia. ʻOku fai ʻa e fakalakalaka lelei ʻi hono tānaki atu ki ai ʻa e ʻatā ʻi he falikí ko e ʻeka ʻe tolu mo e konga. ʻOku tatau eni mo e Fale Fakatahaʻanga ʻe 30 ʻi he lalahi fakaʻavalisí! ʻOku fakataimitēpileʻi ke aʻu ki ai ʻa e ongo fuʻu mīsini pulusi ʻi he sīpinga fakamuimui tahá ʻi he konga ki muʻa ʻo e 2004. Ko e mīsini pulusi taki taha te ne malava ke faʻu ʻa e makasini ʻe 25 ʻi he sekoni. ʻE toe fokotuʻu mo e meʻa takafi tohi pea mo e meʻangāue fakaheka uta foʻou lolotonga ʻa e 2004. ʻE iku eni ki he ngāue lahi ange fakataha mo e kau ngāue tokosiʻi.

ʻI heʻemau kamata ʻi he taʻu fakangāue 2004, ʻoku mau kau fakataha mo kimoutolu ʻi he lotu ke hanga ʻe Sihova ʻo ‘ʻai ai pē ke tupu.’

Mei homou fanga tokoua,

ʻŌfisi Vaʻa ʻi N.Z.