Ko e Konga Tohi Fakaʻahó ʻE ʻIkai ke Toe Fai ha Lāulea ki Ai ʻi he Ngaahi Fakataha ki he Ngāue Fakamalangá
ʻI he kuohilí, ko e ngaahi fakataha ki he ngāue fakamalangá naʻe faʻa fakakau nai ai ha lāulea nounou ki he konga tohi fakaʻahó kapau ʻoku ʻi ai haʻane felāveʻi mo e ngāue fakafaifekaú. Kuo fai ʻa e fengaʻunuʻaki ki heni. Ko Hono Vakaiʻi Fakaʻaho ʻa e Tohi Tapú ʻoku totonu ke ʻoua naʻa toe ngāueʻaki ia ko ha makatuʻunga ʻo e fetalanoaʻaki lolotonga ʻa e ngaahi fakataha ki he ngāue fakafaifekaú. Hangē ko ia ki muʻá, ko e faʻahinga ʻoku nau tatakí te nau ngāueʻaki nai ʻa e Tohi Tapú, Ko ʻEtau Ngāue Fakafaifekau, ko e tohi Ako Fakafaifekau, ko e tohi Reasoning, mo e ngaahi meʻa ngāue kehe ʻoku kaunga ki he ngāue fakafaifekaú. Ko e faʻahinga kuo vaheʻi ke tatakí ʻoku totonu ke nau teuteu ke fevahevaheʻaki ha meʻa ʻoku ʻaonga ke tokoni ki he faʻahinga ko ia ʻoku nau ʻalu ʻi he ngāue fakafaifekaú ʻi he ʻaho ko iá. Hangē ko ia ʻi he kuohilí, ko e lōloa ʻo e fakatahá ʻoku totonu ke ʻoua naʻa toe laka hake he miniti ʻe 10 ki he 15 pea ʻoku totonu ke nounou ange kapau ʻoku hoko mai ai ha fakataha ʻa e fakatahaʻangá.