Sīpinga Tuʻuaki

Ke Kamata ha Ako Tohi Tapu ʻi he ʻUluaki Tokonakí ʻi Mē

“ʻOku kehekehe ʻa e anga ʻo e fakakaukau ʻa e kakaí fekauʻaki mo Sīsuú. ʻOku pehē ʻe he niʻihi ko e ʻOtuá ia, lolotonga ia ko e niʻihi ko e ʻalo ia ʻo e ʻOtuá. Ko e hā hoʻo fakakaukaú?” [Tuku ke ne tali.] Fakahaaʻi ʻa e kupu ʻi he peesi 16 ʻo e Taua Leʻo ʻo Mē-Sune, pea lāulea ki he ʻuluaki palakalafí mo ha konga Tohi Tapu ʻe taha pe lahi ange. Tuʻuaki ʻa e makasiní, pea fokotuʻutuʻu ke toe foki ke lāulea ki he fehuʻi hokó.

Ko e Taua Leʻo Mē-Sune

“Ko e tokotaha kotoa ʻoku mau talanoa ki ai ʻoku fehangahangai mo e ngaahi palopalema. ʻOku ʻai heni e kakai ʻe niʻihi ke fifili fekauʻaki mo e ʻuhinga ʻo e moʻuí. ʻOkú ke pehē ko e hā nai e taha ʻo e fakafaingataʻaʻiaʻanga lahi taha ʻo e fiefia he ʻaho ní? [Tuku ke ne tali.] ʻOku talaʻofa mai ʻe he Tohi Tapú ʻoku vavé ni ke hanga ʻe he ʻOtuá ʻo toʻo ʻa e ngaahi palopalema ʻoku tau fehangahangai mo iá. [Lau ʻa e Fakahā 21:4.] ʻOku lāulea ʻa e makasini ko ení ki heʻetau ʻamanaki ki he kahaʻú pea pehē ki he founga ke tau maʻu ai ʻa e ʻuhinga ki he moʻuí naʻa mo e taimí ni.”

Ko e Taua Leʻo Mē-Sune

[Lau ʻa e Luke 23:43.] “Kuó ke fifili pe ko e hā ʻa e ʻuhinga ʻa Sīsū ʻi he taimi naʻá ne leaʻaki ai ʻa e ngaahi lea ko eni ki he tokotaha faikovi naʻe tautau ʻi hono tafaʻakí? [Tuku ke ne tali.] ʻOku fifili ʻa e kakai tokolahi pe ko fē ʻa e palataisi naʻe lave ki ai ʻa Sīsuú. Ko e kupu ʻi he peesi 9 ʻo e makasini ko ení ʻoku lāulea ki he kaveinga ko iá.”