“ʻOku ʻIkai Ke U Toe Maʻu Ia ki Hono ʻApí!”

Kuó ke leaʻaki nai eni ʻo fekauʻaki mo ha tokotaha naʻá ne fakahāhā ha mahuʻingaʻia? Neongo kuó ke feinga ke toutou ʻaʻahi ki he tokotaha ko iá, ʻoku ʻikai malava ai ke ke fuʻifuʻi ʻa e tenga ʻo e moʻoní ʻa ia naʻá ke toó. (1 Kol. 3:6) ʻI he taimi ʻe niʻihi, ʻoku fai ai ʻe he kau malanga taukeí ha tohi ki he tokotaha ko ia kuo ʻikai malava ke maʻu atu ki hono ʻapí, pe ʻoku nau tuku ha kiʻi nouti ʻi he matapā ʻo e tokotahá. Ko e kau malanga ʻe niʻihi ʻoku nau tomuʻa fakakaukau ki he pole ʻa hono toe maʻu ʻa e tokotahá ki hono ʻapí pea ʻoku nau kole ange ʻene fika telefoní, ʻi heʻenau ʻeke ange nai, “ʻOkú ke feʻaveaki pōpoaki?” ʻE lau nai ko e toe ʻaʻahi ʻi he taimi ʻoku tau ʻaʻahi ai ki he tokotahá pe faifakamoʻoni kiate ia ʻo fakafou ʻi he faitohi, ʻīmeilí, feʻaveʻaki pōpoakí, ko ha kiʻi nouti ʻoku tuku ʻi hono matapaá pe telefoni. Neongo kapau ʻoku tātātaha ʻene ʻi ʻapí, ʻoku malava ke tau fakatupulekina ʻene mahuʻingaʻiá.