Fakaleleiʻi ʻEtau Pōtoʻi ʻI he Ngāue Fakafaifekaú​—Faifakamoʻoni ʻi he Telefoní

ʻUHINGA ʻOKU MAHUʻINGA AÍ: Ko ha founga mahuʻinga ke “faifakamoʻoni fakaʻāuliliki ki he ongoongo lelei” ʻa e faifakamoʻoni ʻi he telefoní. (Ngā. 20:24)a ʻOku lava ai ke tau faifakamoʻoni ki ha taha ʻi he taimi ʻoku ʻikai lava ai ke tau ʻaʻahi tonu kiate iá.

FOUNGA HONO FAI IÁ:

• 

  Teuteu. Fili ha kaveinga ʻoku feʻungamālie. Hiki leva ha nouti ki he meʻa te ke loto ke leaʻakí. Te ke lava nai ʻo teuteu foki ha pōpoaki nounou ke fakamatalaʻi ʻa e taumuʻa hoʻo tā atú kapau ʻe tali mīsini. ʻOku lelei tahá ke ke ʻi ha tēpile fakataha mo ho noutí mo e ngaahi meʻa kehe te ke fiemaʻu, hangē ko ha meʻangāue fakaʻilekitulōnika ke ngāueʻaki ʻa e JW Library^® pe jw.org^®

• 

  Fiemālie. Lea ʻi ha founga fakanatula. Malimali pea ngaue ho sinó ʻo hangē pē ʻokú ne sio maí. Fakaʻehiʻehi mei he fakalongolongo taʻeʻuhingá. ʻOku lelei ke ngāue fakataha mo e niʻihi kehé. Kapau ʻe ʻeke ʻe he tokotaha-ʻapí ha fehuʻi, toe leaʻaki leʻo-lahi ia ke fanongo ki ai hoʻo hoa ngāué pea ʻe lava ke ne tokoni atu ke kumi ki he talí

• 

  Fakatoka ha makatuʻunga ki ha toe ʻaʻahi. Kapau ʻoku fakahaaʻi ʻe he tokotaha-ʻapí ʻa e mahuʻingaʻia, ʻe lava ke ke tuku ha fehuʻi ke toki tali ʻi ho tā telefoni hokó. ʻE lava nai ke ke kole ange ke ʻīmeili, tiliva fakahangatonu pe meili atu ha tohi kiate ia tonu. Pe ʻe lava ke ke kole ange ke ʻoatu ha link ki ha taha ʻo ʻetau ʻū vitioó, kupu pe ko ha meʻa kehe mei heʻetau uepisaití