Fakaleleiʻi ʻEtau Pōtoʻi ʻi he Ngāue Fakafaifekaú—Fai ha Ngaahi Tohi Lelei

ʻUHINGA ʻOKU MAHUʻINGA AÍ: Ko e tohi 1 Kolinitoó, ko e taha ia ʻi he ngaahi tohi ʻe 14 naʻe hiki ʻe he ʻapositolo ko Paulá ke fakalototoʻaʻi ʻa e kaungā Kalisitiané. Ko e taimi ʻoku fai ai ʻe ha taha ha tohi, ʻokú ne fiemaʻu ʻa e taimi ke fili ʻa e ngaahi foʻi lea lelei pea fokotuʻutuʻu fakalelei ia, koeʻuhi ke lau pea toutou lau ia ʻe he tokotaha ʻoku fai ki ai ʻa e tohí. Ko e faitohí ko e founga lelei ia ʻe lava ke faifakamoʻoni ai ki he kāingá mo e ngaahi mahení. ʻOku toe hoko ia ko e founga ola lelei ke faifakamoʻoni ai ki he faʻahinga ʻoku ʻikai ke tau fetaulaki fakafoʻituitui mo iá. Ko e fakatātaá, ko ha tokotaha ʻokú ne fakahāhā ha mahuʻingaʻia ka ʻoku ʻikai faʻa maʻu ia ki ʻapi. Ko e niʻihi ʻi heʻetau feituʻu ngāué ʻe faingataʻa nai ke aʻu ki ai koeʻuhi he ʻoku nau nofo ʻi ha ngaahi fale ʻapaatimeni ʻoku leʻohi malu, feituʻu ʻoku ʻā malu, pe ngaahi feituʻu tuʻu-mavahe. Ko e hā ʻa e ngaahi meʻa ke manatuʻí, tautefito ki he faitohi ki ha taha ʻoku ʻikai ke te maheni mo ia?

FOUNGA HONO FAI IÁ:

• 

  Anga-fakafetalanoaʻaki. Fakafeʻiloaki koe ʻi he kamataʻanga ʻo e tohí, fakahaaʻi mahino ʻa e ʻuhinga hoʻo tohí. ʻEke nai ha fehuʻi ke fakakaukau ki ai ʻa e tokotahá, pea taki ki heʻetau uepisaití. Fakahā ange leva kiate ia ʻa e Ngaahi Lēsoni Fakatohitapu, pe ʻautilaine ʻo e polokalama ako Tohi Tapu ʻi ʻapí pe ngaahi vahe ʻo e kaveinga mei he taha ʻo ʻetau ngaahi tohi tokoni ki he akó. Faʻo ha tohi, hangē ko e kaati fetuʻutaki, tohi fakaafe, pe ko ha tuleki

• Tauhi ke nounou mo mahino hoʻo tohí naʻa pipikoʻia ʻa e tokotaha ʻoku ʻave ki aí.—Sio ki he sīpinga faitohi

• Toe lau fakalelei ʻa e tohí naʻa ʻoku ʻi ai ha hala mo mahinongofua. Fakapapauʻi ʻoku ongo fakakaumeʻa, fakapotopoto mo fakamatāpule. Fakasitapa ʻa e tohí ʻi hono mahuʻinga totonú