Fokotuʻutuʻu Maau ke Malanga ki he Tokotaha Kotoa

Hangē pē ko hono fokotuʻutuʻu maau ʻe Sihova ʻa e kau ʻIsilelí, ʻi he ʻahó ni ʻokú ne fokotuʻutuʻu maau ʻene kakaí ke fai hono finangaló. ʻI māmani lahi ʻoku tokoni kotoa ʻa e ngaahi vaʻá, ngaahi feituʻu ngāué, ngaahi fakatahaʻangá mo e ngaahi kulupu fakamalangá ke malangaʻi ʻa e ongoongo lelei. ʻOku tau malanga ki he tokotaha kotoa ʻo kau ai ʻa e faʻahinga ʻoku lea ʻi ha lea muli.​—Fkh. 14:6, 7.

Kuó ke fakakaukau ke ako ha lea muli ke malava ai ʻo ke tokoniʻi ha taha ke ako ʻa e moʻoní? Kapau ʻoku ʻikai haʻo taimi ke ako ai ha lea, ʻoku lava ke ke ngāueʻaki ʻa e polokalama JW Language ke ako ha tuʻuaki faingofua. ʻI hoʻo ngāueʻaki iá te ke maʻu nai ʻa e fiefia tatau mo ia naʻe maʻu ʻe hotau fanga tokoua ʻi he ʻuluaki senitulí. Naʻa nau fiefia lahi ʻi he ofoofo ʻa e kakai mei he ngaahi fonua kehé, he naʻa nau fanongo ki he “ngaahi meʻa fisifisimuʻa ʻa e ʻOtuá” ʻi heʻenau leá tonu.​—Ngā. 2:7-11.

SIO ʻI HE VITIŌ HOKO KO E KAUMEʻA ʻO SIHOVA​—MALANGA ʻI HA LEA MULI, PEA TALI LEVA ʻA E NGAAHI FEHUʻI KO ENÍ:

• 

  Ko fē taimi ʻe lava ke ke ngāueʻaki ai ʻa e polokalama JW Language?

• 

  Ko e hā ʻa e founga ke ngāueʻaki ai iá?

• 

  Ko e hā ʻa e ngaahi lea ʻoku leaʻaki ʻe he kakai ʻi ho feituʻu ngāué?

• Ko e hā ʻa e meʻa te ke faí kapau ʻoku ʻi ai ha taha lea muli ʻoku mahuʻingaʻia ʻi he ongoongo leleí?​—od 100-101 ¶39-41