Fakaleleiʻi ʻEtau Pōtoʻi ʻi he Ngāue Fakafaifekaú—Tokoniʻi ʻa e Faʻahinga Naʻe ‘Hehema Totonú’ ke Hoko ko e Kau Ākonga

ʻUHINGA ʻOKU MAHUʻINGA AÍ: ʻOku ʻai ʻe Sihova ʻa e ngaahi tenga ʻo e moʻoní ke tupu ʻi he loto ʻo kinautolu ʻoku “hehema totonu ki he moʻui taʻengatá.” (Ngā. 13:48; 1 Kol. 3:7) ʻOku tau ngāue fakataha mo ia ʻaki ʻa e fakahangataha ʻetau ngaahi feinga ʻi he ngāue fakafaifekaú ki he faʻahinga ʻoku nau tali ʻa e meʻa kuo nau akó. (1 Kol. 9:26) ʻOku fiemaʻu ke mahinoʻi ʻe he kau ako Tohi Tapú ko e papitaiso faka-Kalisitiané ʻoku mahuʻinga ia ke maʻu ai ʻa e fakamoʻuí. (1 Pita 3:21) ʻOku tau tokoniʻi kinautolu ke nau hoko ko e kau ākonga ʻaki hono akoʻi kinautolu ke fai ha liliu ʻi heʻenau moʻuí, ke malanga mo faiako, pea mo fakatapui ʻenau moʻuí kia Sihova.—Māt. 28:19, 20.

FOUNGA HONO FAI IÁ:

• Fakamanatu ki he kau ako Tohi Tapú ko e taumuʻa ʻenau akó ke tokoniʻi kinautolu ke nau “hoko ʻo ʻiloʻi” ʻa Sihova pea fakahōifuaʻi ia.—Sione 17:3

• Tokoniʻi kinautolu ke fai ha fakalakalaka fakalaumālie ʻaki hono ikuʻi ha fakafaingataʻaʻiaʻanga, hangē ko e ʻulungaanga kovi pe feohi ʻoku ala fehuʻia

• Fakaivimālohiʻi mo fakalototoʻaʻi kinautolu ki muʻa pea mo e hili ʻenau papitaisó.—Ngā. 14:22

SIO ʻI HE VITIŌ KO SIHOVA KO E ʻOTUÁ TE NE TOKONIʻI KOE PEA TALI LEVA ʻA E NGAAHI FEHUʻI KO ENÍ:

• Ko e hā nai ha fakamanamana te ne taʻofi ha taha mei he fakatapuí mo e papitaisó?

• ʻE lava fēfē ke tokoni ʻa e kau mātuʻá ki he kau ako Tohi Tapú ke nau fakalakalaka fakalaumālie?

• Ko e hā ʻoku akoʻi mai kiate kitautolu ʻi he ʻAisea 41:10 fekauʻaki mo Sihová?

• Ko e hā ʻa e ngaahi ʻulungaanga ʻe malava ai ʻe Sihova ke ne fakaʻatā kitautolu ke tauhi kiate ia neongo ʻetau taʻehaohaoá?