Chigoqchiguiña laỹi 10

Ñi Jehová Ntaʼa ʼenauacna. Qaica ca iqalan, ishet ỹoʼot qamachaqca. Qaỹaloqnaxanaxa ncaʼalaxateguesop so Jeremías yaqtaʼa ra ileu huangui aso nshere. Ncaʼalaxateguesop so Sadrac, Mesac taq Abednego aso nqatelaxanaxaqui ỹataqta ltaʼaraic na leʼeraxa. Taq npaxajlec so Daniel yaqtoʼ so llonpi saishet ra chec. Ñi Jehová taqaʼen npaxajlec aso Ester yaqtoʼ ncaʼalaxatec so pueblo. Saishet ra ỹaxanec ra nache quetaʼ na qauemsat. Na profeciapi so ltaʼaraic nenaqtac taq aso loxorai qoipac qomiʼ ỹachaxana ra Lʼonataxanaxac ñi Jehová saqaỹapeque ỹapalaxat ʼenauac na qauem taq rʼonataxalec ana ʼAlhua.