Mo mungagwiriskiya Nchitu Fomu ya Kaonaneni ndi Wachidwi Uyu (S-43)

Mutenere kulemba fomu iyi asani mwakumana ndi munthu wakunweka yo waja chigaŵa chinu cha pamwenga yo wakamba chineneru chinyaki. Kali tagwiriskiyanga nchitu fomu iyi asani takumana ndi ŵanthu akunweka pamwenga ambula kunweka wo akamba chineneru chinyaki, kweni sonu titiyigwiriskiya nchitu pijapija asani munthu ngwakunweka. Chinanga kuti ve viyo, titenere kulemba fomu ya S-43 asani tasaniya munthu yo waleka kuvwa ndi kulongoro, mwambula kuphwere kanthu kuti ngwakunweka pamwenga cha.

Kumbi titenere kuchitanji ndi fomu yeniyi asani tamaliza kulemba? Titenere kuyipereka ku mlembi wa mpingu. Asani watiwuziŵa mpingu wo wangatumizgaku fomu yo, watenere kuyitumiza ku ŵara a mpingu wo kuti apangi manozgeru ngakuti akamuwovyi munthu yo. Asani watiwuziŵa cha mpingu wo wangatumizgaku fomu yo, wayitumizgi ku ofesi ya nthambi.

Asani munthu wakunweka wakamba chineneru chinyaki ndipu waja mu chigaŵa cho mupharazgaku, mungalutirizga kumuyende kuti walutirizgi kuja ndi linweka mpaka po wakumaniyana ndi mupharazgi wa mpingu wa chineneru cha munthu yo.​—⁠Wonani Uteŵeti Widu wa Ufumu wa Chichewa, wa November 2009, peji 4.