Jani Wakovya Wamampha mu Uteŵeti

1. Kumbi tiyanduwanji asani tipharazga ndi munyidu mu uteŵeti?

¹ Nyengu yinyaki Yesu wangutuma akusambira ŵaki 70 kuchipharazga, ndipu iyu “wanguŵatuma ŵaŵi ŵaŵi.” (Luka 10:⁠1) Nthowa yeniyi yenga yakovya ukongwa chifukwa yinguŵapaska mwaŵi wakovyana ndi kuchiskana achipharazga. Asani taluta ndi m’pharazgi munyidu mu uteŵeti, kumbi tingawovyana wuli?

2. Kumbi tichitengi wuli asani munyidu wakambiskana ndi mweneku wa nyumba ndipu nchifukwa wuli titenele kuvwisiya?

² Mwakuvwisiya: Muvwisiyengi ukongwa asani munyinu wakambiskana ndi mweneku wa nyumba. (Yako. 1:19) Asani lemba liŵerengeka, mulondongi m’Bayibolo linu. Mulereskengi yo walongolo, kaya ndi m’pharazgi munyinu pamwenga mweneku wa nyumba. Asani imwi muvwisiya ukongwa, vingawovya so kuti mweneku wa nyumba wavwisiyengi ukongwa.

3. Kumbi ndi nyengu niyi yo munyidu wangayanja kuti tilongolopu?

³ Mwakuziŵa Nyengu yo Tingalongolopu: Asani munyidu ndiyu wapharazga titenele kulongo ulemu mwakumuzomereza kuti wamalizi kukonkhoska. (Ŵaro. 12:10) Tingamutimbanyizanga cha. Asani waluwa fundu yo wakhumbanga kukamba pamwenga asani mweneku wa nyumba wafumba fumbu ndipu munyidu wakhumba kuti timuwovyi, mbumampha kusazgiyapu pa fundu zo iyu wakamba kali mumalu mwakwambisa nkhani yinyaki. (Ntha. 16:23; Waku. 3:​1, 7) Asani tilongolo, fundu zidu zitenere kukolerana ndi ukaboni wo waperekeka.​—⁠1 Ŵako. 14:⁠8.

4. Kumbi nchinthuwuli cho chingatiwovya kuti tije ndi likondwa ndipuso kuti vinthu vitiyende umampha mu uteŵeti?

⁴ Akusambira 70 ŵati aluta ŵaŵi ŵaŵi mu upharazgi, ‘anguweku ndi likondwa.’ (Luka 10:17) Nasi so tingaja ndi likondwa ndipuso vinthu vingatiyende umampha mu uteŵeti asani tivwisiya ndi kuziŵa nyengu yo tingalongolopu asani titovya wo tayenda nawu.