Kumbi Mukugwiriskiyapu Nchitu Nkhani yo Yisanirika pa peji Lakumaliya la Nsanja ya Olonda?

Asani munthu wato magazini, kanandi watamba dankha walelesa kukwamba kwa magazini pavuli paki mwaliŵiliŵi watiying’anamuwa ndi kulelesa ku peji lakumaliya. Peji lakumaliya la magazini ya Nsanja ya Olonda yakugaŵiya le ndi mafumbu ndi fundu zinandi zakukondweska ndipuso nambala ya peji po nkhani yo yisanirika.

Tingagwiriskiya nchitu chigaŵa chenichi kuti tisaniyi fundu zamampha zo zingatovya kusaniya mafumbu ngakwambisiya kukambiskana. Asani tipharazga muchigaŵa cho kaŵikaŵi, tingasintha upharazgi widu mwakugwirskiya nchitu mafumbu ngakupambapambana kwa mwezi wosi. Asani mweneku wa nyumba ngwakutangwamika, tingadumuwa upharazgi widu mwakumulongo limoza mwa mafumbu ngo nge ku peji lakumaliya ndi kukamba kuti, “Asani mungayanja kuziŵa kwamuka kwa fumbu lenili, ndingakusiliyani magazini yeniyi ndipu tingazikambiskana vinandi asani mwazisaniya nyengu.” Apharazgi anyaki atanja kwamba mwakulongo mweneku wa nyumba peji lakumaliya la magazini ndi kumupempha kuti wasankhi fumbu lo lamukondweska. Pavuli paki atimulongo powangasaniya kwamuka ndi kuŵerenga nayu lemba lo wangunozgeke limu. Mungaŵanaŵaniya nthowa so zinyaki za mo mungagwiriskiya nchitu peji lakumaliya la magazini yidu kuti muwovyi munthu kwanja magazini ya Nsanja ya Olonda.