Mo Tingagwiriskiya Nchitu Kabuku Kakuti, Uthenga wa m’Bayibolo

Ŵanthu anandi mu chigaŵa chidu, ukongwa wo ŵe mu visopa vachikhristu cha, atiliziŵa umampha cha Bayibolo. Apharazgi anyaki agwiriskiya nchitu kabuku kakuti Uthenga wa m’Bayibolo asani asambira buku la Bayibolo Lisambizanji ndi ŵanthu ŵenaŵa, kuti aŵawovyi kuziŵa umampha Bayibolo. Mwakuyeruzgiyapu, m’bali munyaki watamba dankha kukambiskana ndi wakusambira, chigaŵa 1 cha kabuku kenaka wechendayambi kusambira nayu mutu 3 wa mu buku Bayibolo Lisambizanji. Pavuli paki, wakambiskana nayu chigaŵa chinyaki pakumaliya pa sambiru lelosi. Kumbi musambira ndi munthu yo waziŵa vimanavi pamwenga waziŵa chechosi cha chakukwaskana ndi Bayibolo? Kuti mumuwovyi kusambira ‘malemba ngakupaturika ngo nge ndi nthazi yakumusambusa wazeru kuti wazitaskiki,’ yesesani kusazgiyapu nkhani za mu kabuku ka Uthenga wa m’Bayibolo asani musambira nayu buku la Bayibolo Lisambizanji.​​—⁠2 Timo. 3:⁠15.