Masachizgu nga vo Mungakamba

Mo Mungayambisiya Masambiru nga Bayibolo pa Chisulu, Sabata Yakwamba ya Mwezi wa September

“Tikambiskana ndi ŵanthu pa nkhani yo yingawovya banja kuti liyendengi umampha. Kumbi imwi muwona kuti nchinthu wuli cho chichitiska kuti banja lilekengi kwenda umampha?” [Lindizgani kwamuka.] Pavuli paki, alongoni nkhani yo ye papeji lakumaliya la Chigongwi cha Alinda cha September 1 ndipu kambiskanani nawu nkhani yo ye pasi pa fumbu lakwamba ndipuso lemba limoza. Agaŵiyeni magazini ndi kupangana nawu zuŵa lakuti muzikambiskani fumbu lachiŵi.

September 1

“Takuyendiyani chifukwa ŵanthu anandi m’chigaŵa chidu chinu atijifumba kuti, nchifukwa wuli Chiuta wazomerezga masuzgu? Kumbi namwi mukujifumbapu fumbu lenili? [Lindizgani kwamuka.] Vakukondweska kuziŵa kuti Bayibolo likamba kuti nyengu yinyaki kwazamuŵavi kuliya ndipuso kuvwa urwirwi. [Ŵerengani Chivumbuzi 21:4.] Magazini iyi yikonkhoska vifukwa vinkhondi vo taŵanthu tisuzgikiya. Yikonkhoska so mo Chiuta wazamutuzgiyapu masuzgu ngosi ngo tikumana nangu.”

September

“Ŵanthu anyaki awona kuti palivi suzgu lelosi asani ŵanthu ambula kutorana agonana. Kumbi imwi muwona wuli? Kumbi kugonana kwa ŵanthu wo ŵechendatorani nkhwamampha? [Lindizgani kwamuka.] Wonani vo Bayibolo likamba. [Ŵerengani 1 Ŵakorinte 6:18.] Magazini iyi yikonkhoska mo Chiuta wawone nkhani iyi.” Alongoni nkhani yo yitambiya papeji 4.