TICHITENGI VINTHU NGE AKHRISTU

Wovyani Banja Linu Kuti Lileki Kuluwa Yehova

Yehova wangutuma Yeremiya kuti watcheŵesi Ayuda kuti waŵanangengi chifukwa chakuti amuluwa. (Yer. 13:25) Kumbi ntchinthu wuli chinguchitika kuti aluwi Yehova? Mabanja mu Yisrayele nganguleka kuchita vinthu vauzimu. Viwoneka kuti mitu ya mabanja yalondonga cha ulongozi wa pa Marangu 6:5-7.

Mpapi yo walera yija ŵana wachita Kusopa kwa Pabanja; Banja lichita Kusopa kwa Pabanja ndipu ligwirisiya ntchitu mapu nga vyaru vo vizumbulika m’Bayibolu

Mabanja ngo ngatanja kuchita vinthu vauzimu ngatovya kuti mipingu yije yakukho mazuŵa nganu. Mitu ya mabanja yingawovya ŵanthu a mu banja mwawu kuti aleki kuluwa Yehova. Angachita ivi asani ayesesa kuchita Kusopa kwa Pabanja sabata yeyosi. (Sumu 22:27) Asani mwawonere vidiyo yamutu wakuti, “Mazu Yanga . . . Ngaje Mumtima Waku”—Kufumba Mabanja, mukani mafumbu yanga:

Kumbi mabanja nganyaki ngachita wuli kuti ngamalani ndi masuzgu ngo ngangatimbanyiza Kusopa kwa Pabanja?
Kumbi mabanja ngapinduwa wuli asani ngachita Kusopa kwa Pabanja nyengu zosi?
Kumbi ndi masuzgu wuli ngo nganganditondekesa kuchita Kusopa kwa Pabanja, nanga ndingangamalisa wuli?