Kumbi Sambiru la Bayibolu lo Akaboni aku Yehova Achitiska Ntchinthu Wuli?
Akaboni aku Yehova angakuwovyani kuti muziŵi vo Bayibolu lisambiza. Kusambira Bayibolu kungakuwovyani:
Kuja ndi umoyu walikondwa
Kuja Paubwezi ndi Chiuta
Kuziŵa vo Bayibolu lilayizga vakukwaskana ndi munthazi
Munkhani iyi mwe mafumbu yanga
Kumbi ndingayesa dankha kusambira kuti ndiwoni asani ndingaliyanja?
Kumbi ndikhumbika kwamba so kusambira asani ndikusambirapu kali ndi Akaboni aku Yehova?
Kumbi munthu wangasambira yija kwambula munthu munyaki kumusambiza?
Kumbi sambiru la Bayibolu lichitika wuli?
Munthu yo watikusambizani Bayibolu wakuwovyeningi kuti muliziŵi umampha. Mwakugwiriskiya ntchitu buku lakuti Kondwani ndi Umoyu Kwamuyaya! musambirengi vo Bayibolu likamba ndipuso mo lingakuwovyiyani. Kuti muziŵi vinandi, woneriyani vidiyo iyi.
Kumbi ndikhumbika kulipira?
Awa. Tilondo ulongozgi wo Yesu wangupaska akusambira ŵaki wakuti: “Mukupaskika kwawezi, perekani kwawezi.” (Mateyu 10:8) Asambizi ŵidu atiŵalipira cha ndipu asani mwapaskika Bayibolu pamwenga buku la Kondwani ndi Umoyu Kwamuyaya! mulipirengi chechosi cha
Kumbi sambiru lito nyengu yitali wuli?
Buku lo tisambiriya le ndi mitu 60. Ve ndi yimwi kusankha utali wa nyengu yo mungamaliziya kusambira buku lenili, kweni akusambira anandi atanja kusambira mutu umoza pamwenga yinandi sabata yeyosi.
Kumbi ndingayamba wuli?
1. Musayini fomu yo ye pa intaneti. Tikumukeningi mwakukoliyana ndi vo mwalemba ndipu tinozgengi kuti munthu munyaki wasambirengi namwi.
2. Munthu yo wakusambizeningi wakumbiyeningi foni. Ndipu wangakukambiyani mo sambiru la Bayibolu litende kweniso wangakumukani mafumbu ngo mungaŵa nangu.
3. Yimwi ndi msambizi winu mungakambiskana mo mungasambiriya. Mungasankha kusambira limoza pamasu ndi pamasu pamwenga kuziya pa foni, video call, kulemba makalata pamwenga mameseji. Kusambira chigaŵa chechosi kuto ora limoza, kweni mungasambira kwanyengu yimanavi pamwenga yitali, mwakukoliyana ndi nyengu yo mwenayu.
Kumbi ndingayesa dankha kusambira kuti ndiwoni asani ndingaliyanja?
Hinya. Kuti muchiti viyo, mukhumbika kusayina fomu pa intaneti. Asani msambizi winu wakumbiyani foni, mungamuziŵisa kuti mukhumba kwamba kusambira sambiru lo ndi chilatu chakuti muwoni asani mungaliyanja. Iyu wangagwiriskiya ntchitu kabuku kakuti Kondwani ndi Umoyu Kwamuyaya! ko ke ndi masambiru ngatatu, kuti kakuwovyeni kuwona asani mungakondwa kusambira.
Asani ndazomera kuti muchitengi nani sambiru la Bayibolu, kumbi ndichichizgikengi kuja yumoza wa Akaboni aku Yehova?
Awa. Akaboni aku Yehova atanja kusambira ndi ŵanthu vakukwaskana ndi Bayibolu, kweni tichichizga weyosi cha kuti wasere chisopa chidu. Mumalu mwaki, tisambiza mwaulemu vo Bayibolu likamba, ndipu tiziŵa kuti weyosi we ndi wanangwa wakusankha vo iyu wangagomezga.—1 Peturo 3:15.
Kumbi ndingagwiriskiya ntchitu Bayibolu langu?
Hinya, mungagwiriskiya ntchitu Bayibolu lelosi. Po isi tikondwa kugwiriskiya ntchitu Bayibolu la Chiru Chifya la Malemba Ngakupaturika lakuvwika umampha kweniso launeneska, tiziŵa kuti ŵanthu anandi atanja kugwiriskiya ntchitu Bayibolu lo yiwu akuliziŵiliya.
Kumbi ndingadaniyaku anyangu pa sambiru la Bayibolu?
Hinya. Mungadaniyaku abali ŵinu pamwenga anyinu.
Kumbi ndikhumbika kwamba so kusambira asani ndikusambirapu kali ndi Akaboni aku Yehova?
Hinya. Kweni mukondwengi ukongwa kusambira buku lasonu kuphara kali chifukwa likulembeka ndi chilatu chakuti liwovyi ŵanthu mwakukoliyana ndi mo vinthu viliri mazuŵa nganu. Ndakuwoneka umampha ndipuso ndamampha ukongwa pakukambiskana ndi ŵanthu, kuphara mabuku ngo tagwiriskiyanga ntchitu kali pakusambira Bayibolu.
Kumbi munthu wangasambira yija kwambula munthu munyaki kumusambiza?
Hinya. Chinanga kuti akusambira anandi awona kuti kusambizika ndi munthu munyaki kungaŵawovya kweni anyaki atanja kusambira dankha pakuŵija. Papeji po pe vidya vakusambiriya Bayibolu pe mundandanda wa vidya vawezi ndipuso vinthu vinyaki vo vingakuwovyani asani musambira Bayibolu. Vinyaki mwa vidya venivi ndi:
Sambiru la Bayibolu la pa Intaneti. Masambiru ngenanga ngamuka mafumbu ngakukhumbika ukongwa ngakukwaskana ndi umoyu, nge mafumbu ngakuti: Kumbi Chiuta ndiyani? Ntchifukwa Wuli kwe Masuzgu ndi Vinthu Viheni? Kumbi Chiuta Wamalisengi Masuzgu?
Mavidiyo nga mu Bayibolu. Mavidiyo ngafupingafupi ngenanga ngakonkhoska umampha visambizu va mu Bayibolu
Mafumbu ngo Bayibolu Limuka. Nkhani zenizi zimuka mafumbu ngakupambanapambana nga mu Bayibolu.
Kukonkhoska Mavesi nga mu Bayibolu. Nkhani izi zikonkhoska vo mavesi nga mu Bayibolu ngang’anamuwa.