JEREMIYA
1 Ngaaya majwi aa Jeremiya* mwana wa Hilikiya, umwi wabapaizi bamu Anatoti+ mucisi ca Benjamini. 2 Ijwi lya Jehova lyakamusikila mumazuba aa Josiya+ mwana wa Amoni,+ mwami wa Juda, mumwaka wa 13 wabulelo bwakwe. 3 Alimwi lyakamusikila mumazuba aa Jehoyakimu+ mwana wa Josiya, mwami wa Juda, mane kusikila kumamanino aamwaka wa 11 wa Zedekiya+ mwana wa Josiya, mwami wa Juda, kusikila leelyo bantu bamu Jerusalemu nobakatolwa kabali baange mumwezi wasanu.+
4 Ijwi lya Jehova lyakandisikila, kaliti:
Ndakakupa kuba musinsimi kumasi.”
6 Pele ndakaamba kuti: “Akaka, O Mwami Singuzuzyoonse Jehova!
Mebo nsikonzyi kwaambaula pe,+ nkaambo ndili mwana muniini.”+
7 Mpoonya Jehova wakandaambila kuti:
“Utaambi kuti, ‘Ndili mwana muniini.’
Nkaambo weelede kuunka kubantu boonse nkonditiikutume,
Alimwi weelede kwaamba zyoonse nzyonditiikulailile.+
8 Utayoowi pe akaambo kambobalibonya,+
Nkaambo ‘mebo ndilaanduwe kuti ndikuvwune,’+ mbwaamba Jehova.”
9 Mpoonya Jehova wakatandabika janza lyakwe akujata mulomo wangu.+ Kumane Jehova wakandaambila kuti: “Ndabikka majwi aangu mukanwa lyako.+ 10 Bona, obuno buzuba ndakubikka kuti koyendelezya masi alimwi amami, kutegwa kozyula akukolomona, konyonyoona akumwaya, koyaka akusyanga.”+
11 Alimwi jwi lya Jehova lyakandisikila, kaliti: “Ino ncinzi ncobwene, Jeremiya?” Aboobo ndakati: “Ndibwene katabi kacisamu caalumondi.”*
12 Jehova wakandaambila kuti: “Wabona kabotu, nkaambo mebo ndilipakamene kujatikizya jwi lyangu kutegwa ndilizuzikizye.”
13 Ijwi lya Jehova lyakandisikila ciindi cabili, kaliti: “Ino ncinzi ncobwene?” Aboobo ndakati: “Ndibwene mpoto* iibila,* alimwi mulomo wanjiyo usendekelede kumusanza, eelyo tako lyanjiyo lilangide kunyika.” 14 Mpoonya Jehova wakandaambila kuti:
“Mapenzi ayakuboola kuzwa kunyika
Akusikila baabo boonse bakkala mucisi.+
15 Nkaambo ‘ndiita misyobo yoonse yamami aakunyika,’ mbwaamba Jehova,+
‘Aboobo bayooboola; umwi aumwi wabo uyoobikka cuuno cakwe cabwami
Kumanjililo aamilyango yamunzi wa Jerusalemu,+
Akuzoolwana malambo aanguwo oonse aazingulukide munzi
Alimwi akuzoolwana minzi yoonse ya Juda.+
16 Alimwi ndiyoobaambila milandu njondabapa akaambo kabubi bwabo boonse,
Akaambo kakuti bandisiya mebo,+
Alimwi bauntumuna busi bwazipaizyo kuli baleza bambi+
Akukotamina milimo yamaanza aabo beni.’+
17 Lino yebo, kolibambila,*
Konyamuka ukabaambile zyoonse nzyondikulailila.
Utabayoowi pe,+
Kutegwa nditakupi kuyoowa kumbele lyabo.
18 Nkaambo obuno buzuba ndakupa kuti ube munzi uukwabilidwe,
Musemu wabutale alimwi amalambo aamukuba kucisi coonse,+
Kubami bacisi ca Juda akuli basilutwe bancico,
Kubapaizi bancico alimwi akubantu bamucisi.+
19 Ncobeni bayookulwana,
Pele tabakakuzundi pe,
Nkaambo ‘mebo ndilaanduwe+ kuti ndikuvwune,’ mbwaamba Jehova.”
2 Ijwi lya Jehova lyakandisikila, kaliti: 2 “Koya, ukaambilizye mumatwi aabantu bakkala mu Jerusalemu kuti, ‘Mboobu mbwaamba Jehova:
“Ndilayeeya mbowakalyaabide* nowakali mukubusi,+
Luyando ndowakajisi nowakasinkilidwe kutegwa ukwatwe,+
Mbowakali kunditobela munkanda,
Munyika yatakasyangidwe mbuto.+
3 Israyeli wakali kusalala kuli Jehova,+ wakali micelo iisaanguna kutebulwa kulinguwe.”’
‘Kufwumbwa muntu iwakali kusola kumumena buumbulu wakali kuba amulandu.
Mapenzi akali kubasikila,’ mbwaamba Jehova.”+
4 Amumvwe jwi lya Jehova, nywebo nobamuŋanda ya Jakobo,
Anywebo nyoonse nomisyobo yamuŋanda ya Israyeli.
5 Mboobu mbwaamba Jehova:
“Ino nkampenda nzi bamauso nkobakajana mulindime,+
Cakuti bakaleyela kulamfwu kapati andime,
6 Tiibakabuzya kuti, ‘Ino uli kuli Jehova,
Ooyo wakatugwisya mucisi ca Egepita,+
Ooyo wakatusololela munkanda,
Munyika yazimpayuma+ azilindi,
Munyika yacilala+ alimwi yamudima uusiya mbi,
Munyika iitaindwi bantu
Alimwi imutakkali bantu?’
7 Mpoonya ndakamusisya kunyika yamyuunda yamicelo,
Kuti mulye micelo yanjiyo azintu zibotu zili mumo.+
Pele nywebo nomwakanjila mwakasofwaazya nyika yangu;
Lukono lwangu mwakalucita kuba cintu cisesemya.+
8 Bapaizi kunyina nobakabuzya kuti, ‘Ino uli kuli Jehova?’+
Aabo ibakajisi Mulawo kunyina nobakandizyi pe,
Beembezi bakandizangila,+
Basinsimi bakali kusinsima muzina lya Baala,+
Akutobela baabo batakali kukonzya kubagwasya.
9 ‘Aboobo ndilazumanana kukazyanya andinywe,’+ mbwaamba Jehova,
‘Alimwi ndiyookazyanya abana babana banu.’
10 ‘Pele amuzabukile kuzyooko zyakunkomwe yalwizi* zyabana Kitimu+ kuti mukabone.
Inzya, amutume bantu ku Kedara+ kuti mukalomye kulanga-langa;
Amubone naa kuli nicakacitikide cintu cili boobu.
11 Sena kuli cisi cakacincanya baleza bancico azintu zitali baleza beni-beni?
Pele bantu bangu bacincanya bulemu bwangu acintu citagwasyi.+
12 Amulange cintu eeci kamugambidwe kapati, nywebo nomajulu;
Amukankame akaambo kakuyoowa kapati,’ mbwaamba Jehova,
13 ‘Nkaambo bantu bangu bacita zintu zyobilo zibi:
Bandisiya mebo, ndekasensa kamaanzi aabuumi,
Kumane balisyida ziyobwedo zyamaanzi,+
Ziyobwedo zyamaanzi zyaandukide, zitakonzyi kuyobola maanzi.’
14 ‘Sena Israyeli mubelesi naa muzike wakazyalilwa muŋanda?
Aboobo ino nkaambo nzi ncaaba wakusaala?
15 Basyuumbwa ibacili bana-bana bamuvwulumina;+
Bavwuluma canguzu.
Nyika yakwe baipa kuba cintu cigambya.
Minzi yakwe yaumpwa amulilo cakuti kunyina muntu uukkala mulinjiyo.
16 Bantu baku Nofi*+ abaku Tahapanesi+ balya katwikkilo kamutwe wako.
17 Sena tonooliletela buya mapenzi aaya omwini
Akaambo kakusiya Jehova Leza wako+
Ciindi naakali kukusololela munzila?
19 Bubi bwako bweelede kukululamika,
Alimwi kutasyomeka kwako kweelede kukusinsa.
Kozyiba alimwi koyeeya mbocili cibi alimwi ambocilula+
Kusiya Jehova Leza wako;
Tondiyoowi pe,’+ mbwaamba Mwami Singuzuzyoonse, Jehova wamakamu.
20 ‘Nkaambo kaindi ndakatyolaula joko lyako+
Akudunsaula nketani zyako.
Pele yebo wakati: “Tandikookubelekela pe,”
Nkaambo wakali kusalama kocita buvwuule+
Atala aatulundu toonse tulamfwu alimwi amunsi lyazisamu zyoonse zifwefwema.+
21 Mebo ndakakusyanga koli musaansa mubotu uusubila,+ woonse buyo wakali mbuto ini-ini;
Aboobo ino wacinca buti akuba milibo mibi yamusaansa mweenzu kulindime?’+
22 ‘Nokuba kuti usambe ansipa akubelesya mulota munji kapati,
Cinyonyoono cako cinoocili cibata mumeso aangu,’+ mbwaamba Mwami Singuzuzyoonse Jehova.
23 Ino mbuti mbonga waamba kuti, ‘Tiindalisofwaazya pe.
Tiindatobela ba Baala’?
Kolanga nzila yako mukkuti.
Koyeeya ncowacita.
Yebo uli mbuli nkamela nzyazi yeendesya iicili iniini,
Iilunduka ooku akooku kakunyina nkoiya munzila zyanjiyo,
24 Uli mbongolo yamusyokwe iizyibide munkanda,
Iinunkizya muwo ciindi noifwide luunyaunya.
Ino nguni uukonzya kwiilesya casika ciindi canjiyo cakulimbwa?
Boonse aabo baiyandaula tabakalipenzyi pe.
Bayakwiijana casika ciindi* canjiyo cakulimbwa.
25 Utalekeli maulu aako kweenda amampata,
Agoyooyo lyako kufwa nyota.
Pele yebo wakati, ‘Tacigwasyi pe!+
26 Mbubonya mbwafwa nsoni mubbi ciindi naajatwa,
Abalo bamuŋanda ya Israyeli mbobafwa nsoni,
Balo beni, bami babo, basilutwe babo,
Bapaizi babo alimwi abasinsimi babo.+
27 Baambila cisamu kuti, ‘Nduwe taata,’+
Alimwi baambila bbwe kuti, ‘Yebo nduwe wakandizyala.’
Pele mebo balandifwutatila, tabalangi kulindime pe.+
Lino baakusikilwa mapenzi bayakwaamba kuti,
‘Nyamuka utufwutule!’+
28 Ino bali kuli baleza bako mbookalipangila?+
Abanyamuke ikuti naa balakonzya kukufwutula muciindi camapenzi aakujisi,
Nkaambo baleza bako bavwula kapati mbubonya mboibede minzi yako kuvwula, O Juda.+
29 ‘Nkaambo nzi ncomuzumanana kukazyanya andime?
Nkaambo nzi nywebo nyoonse ncomwandizangila?’+ mbwaamba Jehova.
30 Ndaile kuliminya buyo kuuma bana banu.+
31 Nywebo nozyalani, amulilange-lange jwi lya Jehova.
Sena mebo ndaba mbuli nkanda kuli Israyeli
Naa mbuli nyika yamudima uusiya mbi uupenzya?
Ino nkaambo nzi bantu bangu aaba ncobaambila kuti, ‘Tulalyeendela.
Tatukapiluki limbi kulinduwe’?+
32 Sena nakalindu inga waluba zilisakatizyo zyakwe,
Sena nabwiinga inga waluba tulembo twakwe ntwasama kucamba?
Pele bantu bangu balo bandiluba mebo kwamazuba manji aatakonzyi kubalwa.+
33 Eelo kaka yebo omukaintu wapanga nzila zyako cabupampu kutegwa uyandaule luyando!
Waliyiisya nzila zibi.+
34 Noiba myoombe yazisani zyako ilaazibata zyabulowa bwabantu bacete ibatakwe mulandu,+
Nokuba kuti tiindakabajanikizya kababba muŋanda yamuntu;
Zibata zyabulowa bwabo zilaamyoombe yazisani zyako zyoonse.+
35 Pele yebo waamba kuti, ‘Tandijisi mulandu pe.
Masimpe bukali mbwaali kunditondezya bwamana.’
Lino ndiyanda kukupa mulandu
Akaambo kakuti waamba kuti, ‘Tiindabisya pe.’
36 Ino nkaambo nzi ncoubya-ubya makani aanzila zyako zitasyomeki?
37 Alimwi akaambo kaceeci yebo uyakuunka koliingide maanza amutwe,+
Nkaambo Jehova wabakaka aabo mbosyoma;
Tabakakupi kuzwidilila pe.”
3 Bantu babuzya kuti: “Ikuti mwaalumi waleka mukaintu wakwe eelyo mukaintu ooyo waunka akukwatwa kumwaalumi uumbi, sena weelede kumujola alimwi?”
Sena nyika eeyo tiiyasofwaazyigwa kapati?+
“Yebo wacita buvwuule abeenzinyoko banji,+
Aboobo sena weelede kujokela kulindime?” mbwaamba Jehova.
2 “Kowaala meso aako kutulundu tutakwe cintu ubone.
Ino nkuubusena nzi nkootakajatwa abasankwa?
Wakali kubakkalilila kumbali aanzila,
Mbubonya mbuli simutuntuli* mbwakkala munkanda.
Yebo uluujisi kusofwaazya nyika
Amicito yako yabuvwuule alimwi abubi bwako.+
3 Aboobo mvwula yalunywaanywa yalesyegwa,+
Ayalo mvwula yakumamanino aamainza tiiyawa pe.
4 Pele lino yebo undiita kuti,
‘Taata, yebo uli mweenzuma wakubukubusi bwangu!+
5 Sena muntu weelede kukkala kanyemede lyoonse,
Nokuba kubikkilila mane kukabe kutamani?’
Eeci ncencico ncoamba yebo,
Pele uluujisi kucita zibi, zyoonse nzyokonzya kucita.”+
6 Mumazuba aa Mwami Josiya+ Jehova wakati kulindime: “‘Sena wamubona ncaacita Israyeli uutasyomeki? Waunka atala aamalundu oonse malamfwu amunsi lyazisamu zyoonse zifwefwema kutegwa akacitile nkuko buvwuule.+ 7 Noliba leelyo naakamanizya kucita zintu zyoonse eezyi, mebo ndakazumanana kumwaambila kuti apiluke kulindime,+ pele walo tanaakapiluka pe; awalo Juda wakali kwiide kumulanga mucizyi wakwe mumpelenge.+ 8 Ndibone boobo, ndakamutanda Israyeli uutasyomeki akumupa lugwalo lwakumulekela limwi+ akaambo kabumambe bwakwe.+ Pele Juda mucizyi wakwe imumpelenge tanaakayoowa pe; awalo wakaunka akutalika kucita buvwuule.+ 9 Wakaubya-ubya makani aabuvwuule bwakwe, alimwi wakazumanana kusofwaazya nyika akucita bumambe amabwe alimwi azisamu.+ 10 Nokuba kuti zintu zyoonse eezyi zyakacitika, mucizyi wakwe Juda imumpelenge tanaakapiluka kulindime amoyo wakwe woonse, pele wakali kulicengeezya buyo,’ mbwaamba Jehova.”
11 Mpoonya Jehova wakandaambila kuti: “Israyeli uutasyomeki walitondezya kuti uliluleme kapati kwiinda Juda mumpelenge.+ 12 Koya, ukaambilizye majwi aaya kunyika kuti:+
“‘“Akaka kopiluka, yebo Israyeli omuzangi,” mbwaamba Jehova.’+ ‘“Tandikoomulanga cabukali pe,+ nkaambo mebo ndilasyomeka,” mbwaamba Jehova.’ ‘“Tandikoozumanana kunyema* mane kukabe kutamani. 13 Lino kouzumina buyo mulandu wako, nkaambo wazangila Jehova Leza wako. Wakazumanana kumwaya luyando* lwako kubeenzu* munsi lyazisamu zyoonse zifwefwema, pele tiimwakaswiilila jwi lyangu pe,” mbwaamba Jehova.’”
14 “Akaka amupiluke, nywebo nobana bazangi,” mbwaamba Jehova. “Nkaambo mebo ndaba simalelaanu* mwini-mwini; ndiyoomubweza, omwe-omwe kuzwa mumunzi umwi aumwi alimwi bobilo-bobilo kuzwa mumusyobo umwi aumwi, eelyo ndiyoomuleta ku Ziyoni.+ 15 Mpoonya ndiyoomupa beembezi beendelana amoyo wangu,+ eelyo bayoomusanina luzyibo alimwi abupampu. 16 Mumazuba aayo nywebo muyoovwula akuzyala micelo munyika,” mbwaamba Jehova.+ “Tabakaambi limbi kuti, ‘Bbokesi lyacizuminano ca Jehova!’ Talikayeeyegwi limbi mumoyo, tabakaliibaluki nokuba kulizula alimwi takukapangwi limbi pe. 17 Kuciindi eeco bayakwaamba Jerusalemu kuti ncuuno cabwami ca Jehova;+ alimwi masi oonse ayoobunganizyigwa ku Jerusalemu kuzootembaula zina lya Jehova,+ alimwi tabakabi limbi basinkazi ibatobela myoyo yabo mibi.”
18 “Mumazuba aayo bayakweenda antoomwe, nkokuti bamuŋanda ya Juda abamuŋanda ya Israyeli,+ alimwi bayoozwa antoomwe mucisi cakunyika akunjila mucisi ncindakapa bamauso kacili lukono lwabo.+ 19 Mebo ndakayeeya kuti, ‘Eelo kaka ndilikkomene kumubikka akati kabana bangu akumupa nyika iiyandwa kapati, lukono lubotu kapati akati kamasi!’*+ Alimwi ndakali kuyeeya kuti muyoondiita kuti, ‘Taata!’ akuti tamukaleki pe kunditobela. 20 ‘Ncobeni mbuli mukaintu mbwasiya mulumaakwe* cabumpelenge, mbombubo andinywe nobamuŋanda ya Israyeli mbomwandicitila cabumpelenge,’+ mbwaamba Jehova.”
21 Atala aatulundu tutakwe cintu kwamvwika majwi,
Majwi aakulila akukombelezya kwabana Israyeli,
Nkaambo bapilinganya nzila yabo beni;
Bamuluba Jehova Leza wabo.+
22 “Akaka amupiluke, nywebo nobana bazangi.
Mebo ndilaponya buzangi bwanu.”+
“Ndiswe aano! Twaboola kulinduwe,
Nkaambo yebo, O Jehova, ndonduwe Leza wesu.+
23 Ncobeni tulundu-lundu alimwi aciyoyooyo camumalundu nzyabuyo.+
Ncobeni muli Jehova Leza wesu momuli lufwutuko lwa Israyeli.+
24 Pele cintu cuusisya nsoni* calya zintu zyoonse nzyobakabelekela canguzu bamataateesu kuzwa kubukubusi bwesu,+
Calya matanga aabo aambelele, aampongo alimwi aaŋombe,
Antoomwe abana babo basankwa alimwi abasimbi.
25 Katoona ansi kazitujisi nsoni,
Alimwi masampu eesu aatuvwumbe,
Nkaambo twabisyila Jehova Leza wesu,+
Swebo abamataateesu kuzwa notwakacili bakubusi kusikila buzuba obuno,+
Alimwi tiitwaswiilila jwi lya Jehova Leza wesu.”
4 “Ikuti naa upiluke, O Israyeli,” mbwaamba Jehova,
“Ikuti naa upiluke kulindime
Alimwi ikuti wiigusye mituni yako iisesemya kumbele lyangu,
Nkokuti tokabi simutuntuli pe.+
2 Alimwi ikuti naa ukonke kuti,
‘Masimpe Jehova mbwali muumi!’ mukasimpe, mulubeta luluzi alimwi amubululami,
Nkokuti masi ayoolelekwa anguwe,
Alimwi ayoolikankaizya mulinguwe.”+
3 Nkaambo mboobu mbwaamba Jehova kubantu bamu Juda alimwi akuli Jerusalemu:
“Amulipandile nyika iitanalimwa,
Alimwi mutazumanani kusyanga mumamvwa.+
4 Amulipalule kuli Jehova,
Alimwi amugusye lulomo lwamyoyo yanu,+
Nywebo nobantu bamu Juda anywebo nomukkala mu Jerusalemu;
Kutegwa bukali bwangu butavwutuki mbuli mulilo,
Akuumpa kakunyina wuuzima,
Akaambo kamicito yanu mibi.”+
5 Amwaambilizye makani aaya mu Juda, akwaamwaya mu Jerusalemu.
Amoompolole akulizya mweembo mucisi coonse.+
Amoongolole canguzu akwaamba kuti: “Amubungane,
Tutijile muminzi iikwabilidwe.+
6 Amwiimike cikwankwani* citondeka ku Ziyoni.
Amulijanine busena bwakuyusila, mutaimi pe,”
Nkaambo kuli mapenzi ngondileta kuzwa kunyika,+ inzya kupwayaula kupati.
Uli munzila kuzwa kubusena bwakwe kutegwa cisi cako azoocicite kuba cintu cigambya.
Minzi yako iyooba matongo, inoonyina muntu uunookkala mumo.+
8 Aboobo amusame zisani zyamasaka,+
Amulile* akoomoka,
Nkaambo bukali bwa Jehova buvwilima mbuli mulilo tabunamana kutondezyegwa kulindiswe.
9 “Mubuzuba oobo,” mbwaamba Jehova, “moyo wamwami uyoowizuka,*+
Antoomwe amyoyo yabasilutwe;*
Bapaizi bayooyoowa, abalo basinsimi bayoogambwa.”+
10 Mpoonya ndakati: “Akaka, O Mwami Singuzuzyoonse Jehova! Masimpe wabeena bantu aaba+ alimwi a Jerusalemu, kwiinda mukwaamba kuti, ‘Muyooba aluumuno,’+ kakuli panga lili kumikosi yesu.”
11 Kuciindi eeco bantu aaba alimwi a Jerusalemu bayakwaambilwa kuti:
“Muwo uupya uuzwa kutulundu tutakwe cintu twamucimpayuma
Uyoopyaanga mwana musimbi* wabantu bangu;
Taukabooleli kuzoopupulula maila naa kwaasalazya pe.
12 Ndime ndituma muwo ooyo uubbubbula canguzu kuzwa kumasena aaya.
Lino ndilababeteka akubapa mulandu.
13 Amubone! Sinkondo ulaboola mbuli makumbi aamvwula,
Alimwi nkalaki zyakwe zili mbuli guwo pati.+
Mabbiza aakwe alabalika kwiinda basikwaze.+
Maawe kulindiswe, nkaambo twanyonyoonwa!
14 Kosanzya moyo wako akuusalazya kububi, O Jerusalemu, ikutegwa ufwutulwe.+
Ino ulazumanana kuba amizeezo mibi kwaciindi cilamfwu buti?
15 Nkaambo jwi lyaamba mulumbe kuzwa ku Dani,+
Akwaambilizya lunyonyooko kuzwa kumalundu aa Efraimu.
16 Amwaambe mulumbe ooyu kumasi;
Amwaambilizye nkondo kuli Jerusalemu.”
“Balindizi* balaboola kuzwa kucisi cili kulamfwu kapati,
Eelyo bayakoompolola nkondo kuminzi ya Juda.
17 Baboola kumulwana kuzwa kumabazu oonse mbuli balindizi bamyuunda,+
Nkaambo wandizangila,”+ mbwaamba Jehova.
18 “Nzila zyako amicito yako zilapa kuti usubulwe.+
Mapenzi aako alalula lu,
Nkaambo buzangi bwako bwasika kumoyo wako kwini!”
19 Maawe ndapenga,* maawe ndapenga!
Ndilicimvwide kucisa mumoyo wangu.
Moyo wangu waduntaana mukati kangu.
20 Mapenzi aatobelana aambilizyigwa,
Nkaambo cisi coonse canyonyoonwa.
Cakutayeeyelwa matente aangu anyonyoonwa,
Mukaindi kaniini buyo milembo yamatente aangu yanyonyoonwa.+
22 “Nkaambo bantu bangu mbafwubafwuba.+
Tiibandibikkila maano mebo pe.
Mbana batakwe maano, tabamvwisyi zintu.
Mbasongo mukucita zintu zibyaabi,
Pele tabacizyi kucita zibotu.”
23 Ndakaibona nyika, lino amubone! Yakanyina cintu alimwi yakalinyonyookede.+
Ndakalanga majulu, mumuni wangawo tiiwakaciliko pe.+
24 Ndakaabona malundu, lino amubone! Akali kuzungaana,
Atwalo tulundu-lundu twakali kutenkaana.+
25 Ndakabona, lino amubone! Kwakanyina muntu uuli woonse,
Abalo bayuni boonse bauluka mujulu bakaluulukide.+
26 Ndakabona, lino amubone! Muunda wamicelo wakaba nkanda,
Alimwi minzi yanguwo yoonse yakakolomonwa.+
Cakaba boobo akaambo ka Jehova,
Akaambo kabukali bwakwe buvwilima mbuli mulilo.
27 Nkaambo mboobu mbwaamba Jehova: “Nyika yoonse iyooba matongo,+
Pele tandikanyonyooni cakumaninina.
Cinooli boobo nkaambo ndime ndaamba, ndime ndakanza,
Alimwi kunyina nondiyoocinca maano pe, nokuba kuleka kucicita.+
29 Akaambo kakuyobeka kwabasimabbiza abasimata,
Bantu boonse mumunzi batija.+
Banjila muzyoonde,
Alimwi batanta akunjila mukati kamandomba.+
Minzi yoonse yasiigwa,
Kunyina muntu uukkala mulinjiyo.”
30 Lino mbokunga wasaalwa, ino ulacita nzi?
Yebo wakali kusama zisani zisalala pyu,
Wakali kulisakatizya zilisakatizyo zyangolida,
Alimwi wakali kukomezya meso aako amusila uusiya.
Nokuba boobo wakali kulibotezya cabuyo.+
Nkaambo aabo bakunyomenena bakukaka;
Lino bayandaula buumi bwako.+
31 Nkaambo ndamvwa jwi lili mbuli lyamukaintu uuciswa,
Kupenga mbuli kwamukaintu uutumbuka mwanaakwe wakusaanguna,
Ijwi lyamwana musimbi wa Ziyoni uufwekemba akaambo kakumaninwa muya.
Katambaika maanza aakwe+ waamba kuti:
“Maawe mebo, ndakatala akaambo kabasikujaya!”
5 Amweendeende mumigwagwa yamunzi wa Jerusalemu.
Amulange-lange akubona.
Amuyandaule mumabuwa aanguwo aabuleya mubone
Ikuti naa inga mwajana muntu uucita bululami,+
Muntu uusola kucita zintu cakusyomeka,
Eelyo mebo ndilaulekelela zibi zyanguwo.
2 Nokuba kuti baambe kuti: “Masimpe Jehova mbwali muumi!”
Banookonkezya buyo cakubeja.+
3 O Jehova, sena meso aako taalangi bantu basyomeka?+
Yebo wakabauma, pele taakwe mbobakalimvwa.*
Wakabamana kubanyonyoona pele bakakaka kulaigwa.+
4 Pele mebo ndakalyaambauzya kuti: “Masimpe aaba mbantu-bantu buyo.
Bacita cabufwubafwuba, nkaambo tabaizyi nzila ya Jehova,
Mbeta zya Leza wabo.
5 Ndilaunka kulibaabo balemekwa nkaambaule ambabo,
Nkaambo kweelede kuti balo baliizyi nzila ya Jehova,
Imbeta zya Leza wabo.+
Pele boonse bakalityola joko
Alimwi bakazidunsaula zyaanzyo.”
6 Nkakaambo kaako syuumbwa wamusyokwe uluujisi kubaluma,
Awalo umpe wamuzibanda zyamucimpayuma wazumanana kubajaya,
Siluwe uluujisi kuyubilila minzi yabo.
Kufwumbwa uuzwa mulinjiyo ulazazaulwa.
Nkaambo nsotoko zyabo zyavwula;
Micito yabo yakutasyomeka yavwulisya.+
7 Ino inga ndakulekelela buti akaambo kaceeci?
Bana bako bandisiya,
Alimwi bakonka muzina lyayooyo uutali Leza.+
Ndakali kubakkutya,
Pele bakazumanana kucita bumambe,
Alimwi bakawuumukila kuŋanda yamuvwuule.
8 Bali buyo mbuli mabbiza aafwide luunyaunya, aayandisya kulimba,
Umwi aumwi wabo ubebezya mukamuntu.+
9 “Sena tandeelede kubapa mulandu akaambo kazintu eezyi?” mbwaamba Jehova.
“Sena tandeelede kucisubula cisi cili boobu?”+
10 “Amwiinjilile mibundu yakwe yamisaansa mwiimwaye,
Pele mutainyonyooni yoonse pe.+
Amwiikosaule milibo yakwe iiyandilila,
Nkaambo taili ya Jehova pe.
11 Nkaambo bamuŋanda ya Israyeli abamuŋanda ya Juda
Tiibasyomeka kulindime pe,” mbwaamba Jehova.+
Taakwe mapenzi atiitusikile;
Tatukoobona panga noiba nzala.’+
13 Basinsimi bazwide buyo muwo,
Alimwi ijwi* taliko pe mulimbabo.
Eeci acibacitikile!”
14 Aboobo, mboobu mbwaamba Jehova, Leza wamakamu:
“Akaambo kakuti bantu aaba baamba boobu,
Ndilapa kuti majwi aangu aali mukanwa lyako abe mulilo,+
Mpoonya bantu aaba ninkuni,
Eelyo mulilo ulabaumpa cakumaninina.”+
15 “Amubone nywebo nobamuŋanda ya Israyeli,+ ndilamuletela cisi cakulamfwu kapati,” mbwaamba Jehova.
“Eeci ncisi caliko kuzwa kaindi.
16 Inkomo yabo yamivwi ili mbuli cuumbwe cijalukide;
Boonse buyo mbaasikalumamba.
17 Bayoolya butebuzi bwanu acinkwa canu.+
Bayoolya bana banu basankwa abasimbi.
Bayoolya matanga aanu aambelele, aampongo alimwi aaŋombe.
Bayoolya misaansa yanu amikuyu yanu.
Minzi yanu iikwabilidwe njomusyoma bayakwiinyonyoona apanga.”
18 “Pele nokuba kumazuba aayo,” mbwaamba Jehova, “Tandikamumani kumunyonyoona nywebo pe.+ 19 Lino baakubuzya kuti, ‘Nkaambo nzi Jehova Leza wesu ncaatucitila zintu eezyi zyoonse?’ yebo ukabavwiile kuti, ‘Mbubonya mbomwakandisiya mebo akutalika kubelekela leza mweenzu mucisi canu, anywebo mbomutiikabelekele bamuzwakule mucisi citali canu.’”+
20 Amwaambilizye makani aaya kuŋanda ya Jakobo,
Alimwi amwaamwaye mucisi ca Juda, kuti:
21 “Amumvwe, nywebo nobafwubafwuba alimwi nomutakwe maano:*+
22 ‘Sena tamundiyoowi mebo?’ mbwaamba Jehova,
‘Sena tamweelede kukankama kumbele lyangu?
Mebo ndendime ndakabikka musenga kuti ube munyinza walwizi,
Kuti ube mulawo uutamani ooyo ndolutakonzyi kusotoka.
Nokuba kuti mayuwe aandulo alanyamauka, taakonzyi kuzunda pe;
Nokuba kuti alavwuuma, taakonzyi kuusotoka pe.+
23 Pele bantu aaba balaamoyo wabusicinguni abuzangi;
Baleya akutozya munzila yabo beni.+
24 Alimwi mumyoyo yabo kunyina nobaamba kuti:
“Lino atuyoowe Jehova Leza wesu,
Ooyo uutupa mvwula muciindi canjiyo ceelede,
Mvwula yakusaanguna alimwi amvwula yamamanino,
Ooyo uutubambila mvwiki zibikkidwe zyaciindi cakutebula.”+
25 Zinyonyoono zyanu zyalesya zintu eezyi kuboola;
Zibi zyanu zyamwiimya zibotu.+
26 Nkaambo akati kabantu bangu kwajanwa bantu babi.
Baluujisi kulangilila, mbubonya mbobacita basikuteya tuyuni nobasunsumana.
Bateya kakole kajaya.
Mbantu mbobaca.
27 Mbuli cizangala cizwide bayuni,
Aalo maanda aabo azwide lweeno.+
Ncencico cabapa kuba anguzu alimwi akuvwuba.
28 Baneneya alimwi lukanda lwabo nduteteete;
Bazwide buyo zintu zibyaabi.
Kunyina nobatubeteka kabotu twaambo twabamucaala,+
Kutegwa bazwidilile;
Alimwi tabaakosoli kabotu makani aabacete.’”+
29 “Sena tandeelede kubapa mulandu akaambo kazintu eezyi?” mbwaamba Jehova.
“Sena tandeelede kucisubula cisi cili boobu?
30 Cintu cibi kapati alimwi cuusisya cacitika mucisi eeci:
31 Basinsimi basinsima zyakubeja,+
Abalo bapaizi badyaaminina bantu anguzu zyabo.
Nokuba boobo eeci cilabakonda bantu bangu.+
Pele ino ncinzi ncomuyoocita nywebo aakusika mamanino?”
6 Amuyube, nywebo nobana ba Benjamini, amutije kuzwa mu Jerusalemu.
Nkaambo mapenzi alaafwaafwi kuboola kuzwa kunyika, inzya lunyonyooko lupati.+
2 Mwana musimbi wa Ziyoni ukozyenye amusimbi mubotu, iweebeka.+
3 Beembezi amatanga aabo bayooboola.
Bayakwiimika matente aabo kumuzinguluka koonse-koonse,+
Umwi aumwi wabo uyoocezya butanga buli mumaanza aakwe.+
4 “Amulibambile* kumulwana!
Amunyamuke, tuunke tukamulwane isyikati!”
“Maawe kulindiswe, nkaambo buzuba bwamana,
Nkaambo zimvwule zyakumangolezya ziyaabukomena!”
5 “Amunyamuke, tuunke tukamulwane masiku
Akunyonyoona ngazi zyakwe zikwabilidwe.”+
6 Nkaambo mboobu mbwaamba Jehova wamakamu:
“Amugonke zisamu akupanga citantilo cabulongo kuti mulwane Jerusalemu.+
Munzi ooyu weelede kupegwa mulandu;
Mulinguwo muli buyo kudyaaminina.+
7 Mbubonya mugoti mbuuli kasensa kamaanzi aatontola,
Awalo munzi ooyu nkasensa kabubi bwalo-bwalo.
Kulwana akunyonyoona kulamvwugwa mulinguwo;+
Kuciswa azipenzyo zili kumbele lyangu lyoonse.
8 Komvwa kucenjezyegwa, O Jerusalemu, buyo-buyo ndilakutantamuka akaambo kakusesemwa;+
Ndilakupa kuba matongo, inyika iitakwe bantu bakkala mulinjiyo.”+
9 Mboobu mbwaamba Jehova wamakamu:
“Bayoovwulula basyeede boonse akati kabana Israyeli mbubonya mbwiivwululwa misaansa yamamanino kumisaansa.
Kobapilukila ajanza lyako mbubonya muntu uuvwulula misaansa mbwacela misaansa kumisaansa.”
10 “Ino mbaani mbonditaambile akucenjezya?
Mbaani batiiswiilile?
Amubone! Matwi aabo alisinkide,* cakuti tabakonzyi kuswiilila.+
Amubone! Ijwi lya Jehova lyababeda masampu;+
Tabalikkomanini pe.
11 Aboobo ndizwide bukali bwa Jehova.
Ndakatala kulijata.”+
“Kobutila amwana uuli mumugwagwa,+
Kobutila aatukamu twabalombwana babungene antoomwe.
12 Maanda aabo ayoobikkwa mumaanza aabantu bambi,
Antoomwe amyuunda yabo alimwi abamakaintu babo.+
Nkaambo ndiyootandabika janza lyangu akuuma bantu bakkala mucisi,” mbwaamba Jehova.
13 “Nkaambo kuzwa kumuntu-muntu buyo kusikila kumuntu uulemenede kapati, umwi aumwi wabo ulijanina mpindu cabumpelenge;+
Kuzwa kumusinsimi kusikila kumupaizi, umwi aumwi wabo wuunina bamwi.+
14 Alimwi bantu bangu batyokede babasilika buyo caatala-tala kabati,
‘Kuli luumuno! Kuli luumuno!’
Kakuli kunyina luumuno pe.+
15 Sena bafwa nsoni akaambo kazintu zisesemya nzyobakacita?
Kunyina nobafwa nsoni pe!
Tabacizyi ambocibede kulisenda!+
Aboobo bayakuwa akati kabaabo bawide.
Bayoolebwa ndaakubasubula,” mbwaamba Jehova.
16 Mboobu mbwaamba Jehova:
“Amwiime aandaanina nzila mubone,
Amubuzye kujatikizya nzila zyansiku,
Amubuzye nkwiibede nzila mbotu kutegwa mweende mulinjiyo,+
Eelyo muyooliiba.”
Pele baamba kuti: “Tatukokweenda mulinjiyo pe.”+
Pele balo bakaamba kuti: “Baccu, tatukoobikkila maano pe.”+
18 “Aboobo amumvwe, nywebo nobamasi!
Alimwi amuzyibe, nywebo nobantu nomubungene,
Iciyakubacitikila.
19 Koswiilila, onyika!
Bona ndilabaletela mapenzi bantu aaba+
Kuti abe micelo yamakanze aabo,
Nkaambo tiibakaabikkila maano majwi aangu
Alimwi bakaukaka mulawo* wangu.”
20 “Ino tulaamulimo nzi kulindime tununkilizyo twalibano ntomuleta kuzwa ku Sheba
Amunsale* uulweela ngomuleta kuzwa kucisi cakule?
Zituuzyo zyanu zyuumpwa buumbulu tazitambuliki pe,
Azyalo zipaizyo zyanu tazindikkomanisyi pe.”+
21 Aboobo mboobu mbwaamba Jehova:
“Bantu aaba ndilababikkila zilebyo,
Eelyo bayoolebwa anzizyo,
Bamausyi antoomwe abana babo,
Muntu amweenzinyina ngocibambene limwi,
Eelyo boonse bayooloba.”+
22 Mboobu mbwaamba Jehova:
“Amubone! Kuli ciinga cabantu ciboola kuzwa kucisi cakunyika,
Alimwi cisi cipati cilabusyigwa kuzwa kumasena aali kumagolelo aanyika.+
23 Banoojisi mata amasumo.
Mbaasilunya alimwi taakwe ngubayakweengelela.
Ijwi lyabo liyoovwuuma mbuli lwizi,
Alimwi batantide amabbiza.+
Bali mumindando mbuli basikalumamba kuti bakulwane, yebo omwana musimbi wa Ziyoni.”
24 Twaimvwa mpuwo kujatikizya ncico.
25 Utaunki anze mumuunda,
Alimwi uteendi munzila,
Nkaambo sinkondo ujisi panga;
Koonse-koonse bantu baliyoowede.
26 Yebo omwana musimbi wabantu bangu,
Kosama cisani camasaka+ waalabane mumulota.
Omoka, kolila ceetezya+ mbuli muntu wafwidwa mwanaakwe simuzyalwaalikke,
Nkaambo cakutayeeyelwa sikunyonyoona ulatusikila.+
27 “Yebo* ndakubikka kuba sikusola lubulo akati kabantu bangu,
Ooyo uuvwuntauzya cakulomya;
Weelede kubikkila maano akwiilingula nzila yabo.
Bali mbuli mukuba abutale;
Boonse buyo mbampelenge.
29 Mavwuba apya.
Mumulilo wabo kwazwa buyo loto.*
30 Bantu aaba bayoobaamba kuti ninsiliva yakakakwa,
Nkaambo Jehova wabakaka.”+
7 Ndeeli jwi lyakamusikila Jeremiya kuzwa kuli Jehova: 2 “Ima mumulyango waŋanda ya Jehova, eelyo mulinguwo waambilizye mulumbe ooyu, ‘Amumvwe jwi lya Jehova, nywebo nyoonse nobantu bamu Juda nomunjila mumilyango eeyi kuyookotamina Jehova. 3 Mboobu mbwaamba Jehova wamakamu, Leza wa Israyeli: “Amucince nzila zyanu alimwi amicito yanu, eelyo mebo ndilamuzumizya kuti muzumanane kukkala mubusena oobu.+ 4 Mutasyomi majwi aakubeja akwaamba kuti, ‘Eeli* nditempele lya Jehova, nditempele lya Jehova, nditempele lya Jehova!’+ 5 Nkaambo ikuti naa masimpe mucince nzila zyanu alimwi amicito yanu; ikuti naa masimpe mubetekane kabotu muntu umwi amweenzinyina;+ 6 ikuti naa mutabapenzyi bamuzwakule, bamucaala alimwi abamukabafwu;+ ikuti mutatili bulowa bwabantu batakwe mulandu mubusena oobu; alimwi ikuti naa mutatobeli baleza bambi akuliletela mapenzi nobeni;+ 7 nkokuti ndilamuzumizya kuti muzumanane kukkala mubusena oobu, munyika njindakapa bamauso kuti bakkale lyoonse alyoonse.”’”
8 “Lino musyoma majwi aakubeja,+ masimpe eeci tacikoomugwasya pe. 9 Sena inga kamubba,+ kamujaya bantu, kamucita bumambe, kamukonka cakubeja,+ kamutuula zipaizyo* kuli Baala+ alimwi kamutobela baleza bambi mbomwatakazyi, 10 kwamana aciindi nciconya kamuboola akwiima kumbele lyangu muŋanda eeyi yiitwa azina lyangu, akwaamba kuti, ‘Masimpe buya tulafwutulwa,’ nokuba kuti mucita zintu zyoonse eezyi zisesemya? 11 Sena ŋanda eeyi yiitwa azina lyangu yaile kuba ciyubilo cababbi mumeso aanu?+ Masimpe ndalibonena ameso aangu,” mbwaamba Jehova.
12 “‘Pele lino kamuya kubusena bwangu ku Silo,+ ooko nkondakasaanguna kupa kuti zina lyangu kalikkala,+ mukabone ncondakacita kulimbubo akaambo kabubi bwabantu bangu bana Israyeli.+ 13 Pele mwakazumanana kucita zintu eezyi zyoonse,’ mbwaamba Jehova, ‘alimwi nokuba kuti mebo ndakaambaula andinywe cakwiinduluka-induluka,* tiimwakaswiilila pe.+ Ndakazumanana kumwiita, pele tiimwakavwiila.+ 14 Aboobo, eeco ncindakacita ku Silo+ ncendiyoocita akuŋanda eeyi yiitwa azina lyangu,+ eeyo njemusyoma,+ alimwi abusena mbondakamupa nywebo alimwi abamauso. 15 Ndiyoomutanda kuzwa kumbele lyangu, mbubonya mbondakatanda banabokwanu boonse, nkokuti lunyungu loonse lwa Efraimu.’+
16 “Lino yebo, utabapailili bantu aaba pe. Utabalilili kulindime naa kubaiminina mumupailo nokuba kubakombelezyela,+ nkaambo mebo tandikookuswiilila pe.+ 17 Sena tobwene nzibacita muminzi ya Juda alimwi amumigwagwa ya Jerusalemu? 18 Bana babo batebba nkuni, mpoonya bamausyi bakunka mulilo, eelyo bamakaintu babo bakanda fulaulu kutegwa bapange zibunge zyakupaizya kuli Namalelo Wajulu,*+ alimwi batila zituuzyo zinyugwa kuli baleza bambi kutegwa bandinyemye.+ 19 ‘Pele sena ndime ngobapenzya?’* mbwaamba Jehova. ‘Sena tabalipenzyi lwabo beni, akulijazya nsoni?’+ 20 Aboobo mboobu mbwaamba Mwami Singuzuzyoonse Jehova, ‘Amubone! Bukali bwangu akunyema kwangu ziyootilwa abusena oobu,+ abantu alimwi aabanyama, amasamu aamusyokwe alimwi aamicelo iizwa mubulongo; buyoobbebba alimwi tabukazimwi pe.’+
21 “Mboobu mbwaamba Jehova wamakamu, Leza wa Israyeli, ‘Nkooko, amusanganye zituuzyo zyanu zyuumpwa buumbulu kuzipaizyo zyanu zimbi alimwi amulye nyama nywebo nobeni.+ 22 Nkaambo mubuzuba mbundakagusya bamauso mucisi ca Egepita, mebo tiindakaambaula ambabo nokuba kubalailila kujatikizya zituuzyo zyuumpwa buumbulu alimwi azipaizyo.+ 23 Pele ndakabalailila kuti: “Amuswiilile jwi lyangu, eelyo mebo ndiyooba Leza wanu, alimwi nywebo muyooba bantu bangu.+ Mweelede kweenda munzila zyangu zyoonse nzyendimulailila, kutegwa zintu kazimweendela kabotu.”’+ 24 Pele tiibakaswiilila pe, nokuba kucenjeka matwi aabo;+ muciindi caboobo bakatobela makanze* aabo beni, cankazi bakatobela myoyo yabo mibi,+ alimwi bakajoka munsi muciindi cakuya kumbele, 25 kuzwa mubuzuba bamauso nibakazwa mucisi ca Egepita kusikila buzuba obuno.+ Aboobo mebo ndakazumanana kumutumina babelesi bangu boonse basinsimi, ndakali kubatuma buzuba abuzuba, cakwiinduluka-induluka.*+ 26 Pele tiibakandiswiilila pe, alimwi tiibakacenjeka matwi aabo pe.+ Muciindi caboobo bakalaankazi,* alimwi bakacita zintu zibi kapati kwiinda bamausyi!
27 “Yebo uyoobaambila majwi aaya oonse,+ pele tabakakuswiilili pe; uyoobaita, pele tabakakuvwiili pe. 28 Uyoobaambila kuti, ‘Eeci ncisi cabantu batakaswiilila jwi lya Jehova Leza wabo alimwi ibakakaka kulaigwa. Kusyomeka kwaloba, alimwi takwaambwi akwaambwa akati kabo.’*+
29 “Kogela masusu aako aayo aatageledwe* waasowe, alimwi koimba lwiimbo lwabuumba* atala aatulundu tutajisi cintu, nkaambo Jehova walikaka alimwi uyoolitantamuka zyalani eeli ilyamunyemya kapati. 30 ‘Nkaambo bantu bamu Juda bacita zintu zibi mumeso aangu,’ mbwaamba Jehova. ‘Babikka mituni yabo iisesemya muŋanda yiitwa azina lyangu, kutegwa baisofwaazye.+ 31 Bakayaka masena aakukombela ku Tofeti, mu Kkuti lya Mwana wa Hinomu,*+ kutegwa kabaumpa bana babo basankwa abasimbi mumulilo,+ icintu ncindatakabalailila alimwi catakaboolede mumizeezo yangu nokuceya.’*+
32 “‘Aboobo amubone! mazuba ayoosika,’ mbwaamba Jehova, ‘eelyo nolitakaitwi limbi kuti Tofeti akuti Kkuti lya Mwana wa Hinomu,* pele kuti Kkuti Lyakujaila. Banoozikkila mu Tofeti mane kukabule abusena.+ 33 Alimwi mitunta yabantu aaba iyooba cakulya cabayuni bauluka mujulu acabanyama baanyika, cakuti kunyina muntu naba omwe uuyoozikonga.+ 34 Muminzi ya Juda amumigwagwa ya Jerusalemu ndiyoopa kuti limane jwi lyakusekelela alimwi ajwi lyakukondwa, ijwi lyasibwiinga alimwi ajwi lyanabwiinga,+ nkaambo cisi coonse ciyooba buyo matongo.’”+
8 “Kuciindi eeco,” mbwaamba Jehova, “mafwuwa aabami bacisi ca Juda, mafwuwa aabasilutwe bancico, mafwuwa aabapaizi, mafwuwa aabasinsimi alimwi amafwuwa aabantu bakkala mu Jerusalemu ayoogwisyigwa muzyuumbwe zyabo. 2 Mpoonya ayooyanikwa muzuba amumumuni wamwezi alimwi awamakamu oonse aakujulu ngobali kuyandisya, ngobali kubelekela, ngobali kutobela, ngobali kuyandaula alimwi akukotamina.+ Taakabungikwi pe, nokuba kuzikkwa. Ayooba mbuli mbolezi atala aanyika.”+
3 “Lino bantu basyeede ibayoofwutuka mumukwasyi ooyu mubi bayoosala lufwu muciindi cabuumi mumasena oonse nkondibamwaila,” mbwaamba Jehova wamakamu.
4 “Alimwi ukabaambile kuti, ‘Mboobu mbwaamba Jehova:
“Sena bayakuwa kakunyina kubuka alimwi?
Ikuti umwi wapiluka, sena awalo umbi takapiluki?
5 Nkaambo nzi bantu aaba, ibakkala mu Jerusalemu, ncobazumanana kutasyomeka?
Bakakatila kubumpelenge;
Bakaka kupiluka.+
6 Ndalibikkilide maano alimwi ndalikuswiilila, pele nzyobali kwaamba tazili kabotu pe.
Kunyina muntu weempwa kububi bwakwe nokuba kubuzya kuti, ‘Ncinzi eeci ncindacita?’+
Boonse buyo baluujisi kupiluka munzila yabanji, mbuli bbiza libalikila munkondo.
7 Naba tongola* wakujulu ulizizyi kabotu ziindi zyakwe;*
Inziba, kamembya alimwi akanco zyoonse zilazitobela kabotu ziindi zyanzizyo zyakupiluka.*
Pele bantu bangu tabazimvwisyi mbeta zya Jehova pe.”’+
8 ‘Ino inga mwaamba buti kuti: “Tuli basongo, alimwi tulijisi mulawo* wa Jehova”?
Nkaambo mubwini, cilembyo* cakubeja+ cabalembi calikubelesyegwa kulemba zyakubeja zyalo-zyalo.
9 Basongo bausyigwa nsoni.+
Baliyoowede alimwi bayoojatwa.
Amubone! Balikaka jwi lya Jehova,
Aboobo ino mbusongo nzi mbobajisi?
10 Aboobo bamakaintu babo ndiyoobapa baalumi bambi,
Myuunda yabo ndiyakwiipa bantu bambi;+
Nkaambo kuzwa kumuntu-muntu buyo kusikila kumuntu uulemenede kapati, umwi aumwi wabo ulijanina mpindu cabumpelenge;+
Kuzwa kumusinsimi kusikila kumupaizi, umwi aumwi wabo wuunina bamwi.+
11 Alimwi mwana musimbi wabantu bangu batyokede bamusilika buyo caatala-tala kabati,
“Kuli luumuno! Kuli luumuno!”
Kakuli kunyina luumuno pe.+
12 Sena bafwa nsoni akaambo kazintu zisesemya nzyobakacita?
Kunyina nobafwa nsoni pe!
Tabacizyi ambocibede kulisenda!+
Aboobo bayakuwa akati kabaabo bawide.
Bayoolebwa ndaakubasubula,’+ mbwaamba Jehova.
13 ‘Ndaakubabunganya, ndiyoobalobya,’ mbwaamba Jehova.
‘Kunyina misaansa iiyoosyaala kumisaansa, kunyina nkuyu iiyoosyaala kumukuyu, aalo matewo ayooneta.
Alimwi bayoosweekelwa zintu nzyondakabapa.’”
14 “Ino nkaambo nzi ncotwiide kukkede aano?
Atubungane antoomwe, tunjile muminzi iikwabilidwe+ tukafwide mumo.
Nkaambo Jehova Leza wesu ulatujaya,
Utupa maanzi aajisi musamu uujaya kuti tunywe,+
Nkaambo twabisyila Jehova.
15 Twakali kulangila luumuno, pele kunyina bubotu bwakasika,
Ciindi cakuponesyegwa, pele kuli buyo zintu ziyoosya!+
16 Kuzwa ku Dani kwalimvwisya kumbululuzya kwamabbiza aakwe.
Akaambo kakulila kwabapoho bamabbiza aakwe,
Nyika yoonse yazungaana.
Baboola akulya nyika azyoonse zili mulinjiyo,
Munzi alimwi abantu bakkala mumo.”
17 “Nkaambo amubone ndilatuma nzoka akati kanu,
Inzoka zijaya, zitakonzyi kuungulwa,
Eelyo ncobeni ziyoomuluma,” mbwaamba Jehova.
18 Mause aangu taakonzyi kumanizyigwa;
Moyo wangu ulaciswa.
19 Kucisi cakulamfwu kwamvwugwa jwi likwiilila kugwasyigwa
Lyamwana musimbi wabantu bangu:
“Sena Jehova tali mu Ziyoni?
Sena mwami wakwe tali mumo?”
“Ino nkaambo nzi ncobandinyemya azikozyanyo zyabo zibezedwe,
Abaleza babo bazwakule babuyo?”
20 “Ciindi cakutebula cainda, cilimo camana,
Pele swebo kunyina notwafwutulwa pe!”
22 Sena kunyina mabbona ku Gileadi?+
Sena kunyina musilisi ooko?+
Ino nkaambo nzi mwana musimbi wabantu bangu ncaataponesyegwa?+
9 Eelo kaka nicali cibotu ikuti mutwe wangu niwali maanzi,
Ameso aangu naali kasensa kamisozi!+
Nindali kulila isyikati amasiku
Akaambo kabantu bajaidwe akati kabantu bangu.
2 Eelo kaka nicali cibotu ikuti nindalijisi busena bwakukkala bwabasilweendo munkanda!
Nindabasiya bantu bangu akuunka kuzwa kulimbabo,
Nkaambo boonse buyo mbaasimamambe,+
Nkakamu kabantu bampelenge.
3 Bapeta milaka yabo mbuli mboboongomeka mata;
Bubeji ikutali kusyomeka, mbobunji mucisi.+
“Bayaabwiindila buya kubija,
Alimwi tabandibikkili maano mebo pe,”+ mbwaamba Jehova.
4 “Umwi aumwi wanu acenjelele mweenzinyina,
Alimwi mutamusyomi naba mwanookwanu pe.
5 Umwi aumwi ucenga mweenzinyina,
Alimwi kunyina waamba masimpe.
Bayiisya milaka yabo kwaamba zyakubeja.+
Balaliminya beni kucita zintu zibi.
6 Yebo ukkede akati kalweeno.
Bakakaka kundizyiba akaambo kalweeno lwabo,” mbwaamba Jehova.
7 Aboobo mboobu mbwaamba Jehova wamakamu:
“Ndiyoobanyengulula akubalingula,+
Nkaambo ino mbuti bumbi mbondikonzya kumucita mwana musimbi wabantu bangu?
8 Mulaka wabo muvwi uujaya iwaamba buyo zyalweeno.
Amulomo wakwe imuntu waamba zyaluumuno kumweenzinyina,
Pele mumoyo wakwe ulimuteede.”
9 “Sena tandeelede kubapa mulandu akaambo kazintu eezyi?” mbwaamba Jehova.
“Sena tandeelede kucisubula cisi cili boobu?+
10 Ndiyoolila akoomoka akaambo kamalundu
Alimwi ndiyakwiimba lwiimbo lwabuumba* akaambo kamacelelo aamunkanda,
Nkaambo aumpwa cakuti taakwe muntu wiinda mulingawo,
Alimwi taakwe banyama bavwubwa balimvwisya kabalila.
Bayuni bauluka mujulu alimwi abanyama bamusyokwe, boonse buyo batija; baunka.+
11 Ndiyoopa kuti Jerusalemu ube buyo milwi yamabwe,+ busena bukkala bamwaaba,+
Alimwi minzi ya Juda ndiyakwiipa kuba matongo, aatakkalwi bantu.+
12 Ino nguni musongo uukonzya kucimvwisya eeci?
Ino nguni Jehova ngwaambila amulomo wakwe kutegwa acaambilizye?
Nkaambo nzi cisi ncicanyonyoonwa?
Nkaambo nzi ncicaumpwa mbuli nkanda,
Cakuti kunyina wiinda mulincico?”
13 Jehova wakavwiila kuti: “Akaambo kakuti baukaka mulawo* wangu ngundakababikkila, alimwi akaambo kakuti tiibaswiilila akutobela jwi lyangu. 14 Muciindi caboobo, bakali kutobela myoyo yabo cankazi,+ alimwi bakali kutobela zikozyanyo zya Baala, mbubonya mbobakabayiisya bamausyi kuti kabacita.+ 15 Aboobo mboobu mbwaamba Jehova wamakamu, Leza wa Israyeli, ‘Lino bantu aaba ndilabapa kulya cisamu cilula lu, alimwi ndilabanywisya maanzi aajisi musamu uujaya.+ 16 Ndiyoobamwaya akati kamasi aayo ngobatakazyi balo nobaba bamausyi,+ alimwi musyule lyabo ndiyoobatumina panga kusikila mane ndikabamane kubajaya.’+
17 Mboobu mbwaamba Jehova wamakamu,
‘Amucite camaano.
Amwiite bamakaintu baimba nyimbo zyabuumba,*+
Alimwi amutumye mulomo kuli bamakaintu bacibwene kulila, baboole,
18 Kutegwa bafwambaane bazootoomokele,
Kutegwa meso eesu ayende misozi
Akuti zikoye zyesu zikunke maanzi.+
19 Nkaambo kwamvwugwa jwi lyakoomoka mu Ziyoni:+
“Maawe twanyonyoonwa!
Maawe nsoni zyatujaya!
Nkaambo twacisiya cisi cesu, alimwi baamwaya maanda eesu.”+
20 Nywebo nobamakaintu amumvwe jwi lya Jehova.
Matwi aanu aatambule jwi lizwa kumulomo wakwe.
21 Nkaambo lufwu lwatunjilila mumawindo eesu;
Lwanjila mungazi zyesu zikwabilidwe
Kutegwa lujaye bana bali mumigwagwa
Alimwi abalombwana bali mumabuwa aabuleya.’+
22 Koamba kuti, ‘Mboobu mbwaamba Jehova:
“Mitunta yabantu iyakwaalabana mbuli mbolezi mumuunda
Mbubonya mbuli mulongo wamaila aazwa akuceswa aayalene ansi musyule lyasikutebula,
Kakunyina muntu waabungika.”’”+
23 Mboobu mbwaamba Jehova:
“Musongo atalidundi akaambo kabusongo bwakwe;+
Singuzu atalidundi akaambo kanguzu zyakwe;
Awalo muvwubi atalidundi akaambo kabuvwubi bwakwe.”+
24 “Pele ooyo uulidunda aalidunde akaambo kakaambo aaka kakuti:
Ulijisi maano aakumvwisya zintu alimwi ulindizyi mebo,+
Kuti ndime Jehova, ooyo uutondezya luyando lutamani, uubeteka kabotu akucita bululami munyika,+
Nkaambo eezyi nzyezintu nzyendikkomanina,”+ mbwaamba Jehova.
25 “Amubone! Mazuba alaboola,” mbwaamba Jehova, “eelyo nendiyoobapa mulandu bantu boonse bapalwidwe, pele ibacili muciimo cakutapalulwa,+ 26 nkokuti bana Egepita,+ bana Juda,+ bana Edomu,+ bana Amoni,+ bana Moabu+ alimwi abaabo boonse bageledwe malezu aamumpobe aabo ibakkala munkanda;+ nkaambo masi oonse taapalwidwe, alimwi bamuŋanda ya Israyeli boonse tabapalwidwe mumoyo.”+
10 Amumvwe jwi ndyaamwaambila Jehova kumucenjezya nywebo, nobamuŋanda ya Israyeli. 2 Mboobu mbwaamba Jehova:
“Mutasoli kwiiya nzila zyamasi pe,+
Alimwi mutayoowi zitondezyo zyakujulu
Akaambo kakuti masi alaziyoowa.+
3 Nkaambo ziyanza zyabantu bamasi nzyabuyo.
4 Balacibotya ansiliva alimwi angolida+
Kumane balacigagaila ampikili kubelesya nsando kutegwa citawi.+
5 Mbuli ciyamizyo mumuunda wamakowa, tazikonzyi kwaambaula;+
Nzyakunyamuna buya lyoonse, nkaambo tazikonzyi kweenda.+
Mutaziyoowi pe, nkaambo tazikonzyi kucita cibi,
Nokuba kucita cintu cibotu.”+
6 Kunyina uuli mbuli nduwe, O Jehova.+
Uli mupati, alyalo zina lyako ndipati alimwi lilaanguzu.
7 Ino nguni uuteelede kukuyoowa, yebo O Mwami wamasi?+ Nkaambo yebo uleelede kuyoowegwa;
Nkaambo akati kabasongo boonse bamumasi alimwi aakati kamami aabo oonse,
Kunyina naba omwe uuli mbuli nduwe.+
8 Boonse buyo tabayeeyi alimwi mbafwubafwuba.+
Kulaililwa acisamu nkwabuyo.+
9 Baleta nsiliva iipapalete kuzwa ku Tarisi+ angolida kuzwa ku Ufazi,
Imulimo wamaanza aasyaabupampu, amulimo wamaanza aamufwuzi.
Zisani zyabo nzyantali yamubala wacikambwe alimwi nzyaboya bwambelele bwakanyikwa mumubala wacisombo.
Zyoonse buyo milimo yabasyaazibwene.
10 Pele Jehova ngo Leza ncobeni.
Ngo Leza muumi+ alimwi Mwami walyoonse alyoonse.+
Akaambo kabukali bwakwe nyika iyoozungaana,+
Alimwi kunyina masi aayakuliyumya walo aakunyema.
11 * Mboobu mbomweelede kubaambila:
“Baleza ibatakapanga majulu anyika
Bayooloba munyika alimwi aansi aamajulu aaya.”+
12 Walo ngo Mulengi wanyika kwiinda munguzu zyakwe,
Ooyo wakasitikizya nyika mbotu kwiinda mubusongo bwakwe+
Alimwi ooyo iwakatandabula majulu mumaano aakwe.+
13 Ciindi napa kuti jwi lyakwe limvwugwe,
Maanzi alavwuuma kujulu,+
Alimwi upa kuti makumbi* aunke mujulu kuzwa kumagolelo aanyika.+
14 Bantu boonse bacita zintu cakutayeeya alimwi cakubula luzyibo.
Bafwuzi boonse bayakuusyigwa nsoni akaambo kacikozyanyo cibezedwe;+
Nkaambo zikozyanyo zyabo zifwulidwe nzyakubeja,
15 Nzyabuyo, mulimo wakufwubaazya.+
Ziyooloba bwaakusika buzuba mboziyoobetekwa.
16 Caabilo ca Jakobo tacili mbuli zintu eezyi pe,
Nkaambo walo ngo Mulengi wazintu zyoonse,
Alimwi Israyeli ngomusako walukono lwakwe.+
Jehova wamakamu ndezina lyakwe.+
17 Konyamuna cibbudu cako cili ansi,
Yebo omukaintu ookkede kosinkilidwe abasikukulwana.
18 Nkaambo mboobu mbwaamba Jehova:
19 Maawe kulindime akaambo kakuti ndapwaigwa!+
Cilonda cangu tacisilikiki pe.
Alimwi mebo ndakaamba kuti: “Masimpe oobu mbobulwazi bwangu, aboobo nsikonzyi kubutija.
20 Tente lyangu lyanyonyoonwa, alimwi ntambo zyatente lyangu zyoonse zyadunsaulwa.+
Bana bangu bandisiya, alimwi tabaciko pe.+
Takucikwe uutandabula tente lyangu naa wiimika milembo yatente lyangu.
Nkakaambo kaako ncibatacita zintu camaano,
Alimwi matanga aabo oonse amwaika.”+
22 Amuswiilile! Mulumbe! Ulaboola!
Kupwayaula kupati kuzwa kucisi cili kunyika,+
Kutegwa kupe minzi ya Juda kuba matongo, ibusena bukkala bamwaaba.+
23 Ndilizyi kabotu, O Jehova, kuti muntu tapedwe nguzu zyakuzyiba nzila yakwe.
Muntu weenda tapedwe nguzu zyakusololela noziba ntaamu zyakwe.+
25 Bukali bwako kobutila amasi aayo aakuunduluzya+
Aamikowa yabantu iitaiti zina lyako.
Nkaambo Jakobo+ amulya cakumaninina,
Inzya, amulya cakumaninina akumunyonyoona,+
Alimwi anyonyoona cisi cakwe.+
11 Ndeeli jwi lyakamusikila Jeremiya kuzwa kuli Jehova: 2 “Amumvwe majwi aacizuminano eeci, nywebo nobantu!
“Majwi aaya koambila* bantu bamu Juda alimwi abaabo bakkala mu Jerusalemu, 3 ubaambile kuti, ‘Mboobu mbwaamba Jehova Leza wa Israyeli: “Ulisinganizyidwe muntu uutaswiilili majwi aacizuminano eeci,+ 4 ngendakabalailila bamauso mubuzuba obuya nindakabagusya mucisi ca Egepita,+ kuzwa mubbibi lyamulilo lyakunyenguluda butale,+ kuti, ‘Amuswiilile jwi lyangu, alimwi amucite zintu zyoonse nzyendimulaila; eelyo muyooba bantu bangu andime ndiyooba Leza wanu,+ 5 kutegwa ndizuzikizye cikonke ncindakakonka kuli bamauso, kuti ndibape cisi cikunka buci amukupa,+ mbuli mubuzuba obuno.’”’”
Aboobo ndakavwiila kuti: “Ameni,* O Jehova.”
6 Mpoonya Jehova wakandaambila kuti: “Ambilizya majwi aaya oonse muminzi ya Juda alimwi amumigwagwa ya Jerusalemu, kuti: ‘Amumvwe majwi aacizuminano eeci alimwi akwaacita. 7 Nkaambo cakusinizya ndakalailila bamauso mubuzuba nindakabagwisya mucisi ca Egepita kusikila mubuzuba obuno, cakwiinduluka-induluka ndakali kubalaya* kuti: “Amuswiilile jwi lyangu.”+ 8 Pele tiibakaswiilila nokuba kucenjeka matwi aabo; muciindi caboobo, cankazi umwi aumwi wabo wakazumanana kutobela moyo wakwe mubi.+ Aboobo ndakabaletela majwi oonse aacizuminano eeci aayo ngendakabalailila kuti baacite, pele balo bakakaka kwaacita.’”
9 Mpoonya Jehova wakandaambila kuti: “Kuli makanze aabuzangi akati kabantu bamu Juda alimwi abaabo bakkala mu Jerusalemu. 10 Bapilukila kuzinyonyoono zyabamausyi ibakali kumazuba aakaindi, aabo ibakakaka kuswiilila majwi aangu.+ Lino abalo batobela baleza bambi akubabelekela.+ Bamuŋanda ya Israyeli abamuŋanda ya Juda batyola cizuminano cangu ncindakapangana abamausyi.+ 11 Aboobo mboobu mbwaamba Jehova, ‘Ndilabaletela mapenzi+ ngobatakonzyi kutija. Baakundikwiilila kuti ndibagwasye, tandikabavwiili pe.+ 12 Mpoonya minzi ya Juda alimwi abaabo bakkala mu Jerusalemu bayakuunka kuli baleza babo aabo mbobaumpila zipaizyo* ikuyookwiilila lugwasyo,+ pele tabakabafwutuli pe kuciindi camapenzi aabo. 13 Nkaambo baleza bako, O Juda, bavwula mbubonya mbuli minzi yako, alimwi nywebo mwabikkila cintu cisesemya* zipaililo zinji mbubonya mbuli migwagwa ya Jerusalemu, zipaililo zyakuumpila zipaizyo kuli Baala.’+
14 “Lino yebo,* utabapailili bantu aaba pe. Utabakwiilili kulindime nokuba kubaiminina mumupailo,+ nkaambo mebo tandikooswiilila ciindi nobandikwiilila akaambo kamapenzi aabo.
15 Ino muyandwa wangu ujisi nguzu nzi zyakuti kajanika muŋanda yangu
Kakuli bantu banji kapati bacita makanze mabi?
Anyama iisetekene,* sena balaaleya mapenzi aasika kulinduwe?
Sena kuli notiisekelele aciindi eeco?
16 Ciindi cimwi Jehova wakali kukwiita kuti cisamu camaolifa cifwefwema,
Ceebeka, icijisi micelo mibotu.
Akuzuma kupati, walo wamudoneka mulilo,
Alimwi batyola mitabi yancico.
17 “Jehova wamakamu, ooyo iwakakusyanga yebo,+ waamba kuti mapenzi alakusikila akaambo kabubi bwakacitwa abamuŋanda ya Israyeli alimwi abamuŋanda ya Juda, aabo ibandinyemya kwiinda mukuumpa zipaizyo kuli Baala.”+
18 Jehova wakandaambila kutegwa ndizyibe;
Aciindi eciya yebo wakandipa kubona nzyobakali kucita.
19 Mebo ndakali buyo mbuli kana kambelele kataputauki ikatolwa kukujaigwa.
Tiindakazyi kuti bakanza ndime, kabati:+
“Atucinyonyoone cisamu antoomwe amicelo yancico,
Alimwi atumukosole munyika yabaumi,
Kutegwa zina lyakwe litakayeeyegwi limbi.”
Akaka andilibonene mbotiibasubule,
Nkaambo kaambo kangu ndakabikka mumaanza aako.
21 Aboobo mboobu mbwaamba Jehova kubantu baku Anatoti+ aabo bayanda kukujaya,* kabati: “Toyelede kusinsima muzina lya Jehova,+ buyo-buyo tulakujaya”; 22 aboobo mboobu mbwaamba Jehova wamakamu: “Lino ndilabasubula. Balombwana babo bayoojaigwa apanga,+ eelyo bana babo basankwa abasimbi bayoofwa anzala.+ 23 Takukasyaali muntu naba omwe akati kabo, nkaambo ndiyoobaletela mapenzi bantu baku Anatoti,+ mumwaka ngobayoosubulwa.”
12 O Jehova,+ yebo uliluleme nendikutongookela,
Ciindi nendaambaula makani aalubeta anduwe.
Pele ino nkaambo nzi bantu babi ncebazwidilila munzila zyabo,+
Alimwi nkaambo nzi basilweeno ncobakkala kabotu?
2 Wakabasyanga, eelyo balo basimpa miyanda.
Bakomena akuzyala micelo.
Ulaafwaafwi amilomo yabo, pele mumizeezo yabo yamukati mwini* uli kulamfwu kapati.+
3 Pele yebo, O Jehova,+ ulindizyi kabotu, ulandibona,
Walingula moyo wangu akujana kuti uleendelana ancoyanda.+
Kobazandula mbuli mbelele zitolwa kukujaigwa,
Alimwi kobabikka ambali balindile buzuba bwakujaigwa.
4 Ino zintu zyamunyika zinooneta kusikila lili
Azyalo zimena ansi zyamumyuunda yoonse zinooyuma kusikila lili?+
Akaambo kabubi bwabantu bakkala mumo,
Banyama alimwi abayuni bakukululwa.
Nkaambo baamba kuti: “Taboni ziyakutucitikila.”
Nokuba kuti moyo wako ulikkede munyika yaluumuno,
Ino uyoocita buti muzyoonde zisisinkene zili mumbali amulonga wa Jordano?
6 Nkaambo nebaba banabokwanu, ibamuŋanda yabauso,
Bakucitila zintu calweeno.+
Boongolola loongololo lwankondo kulinduwe.
Utabasyomi pe,
Nokuba kuti bakwaambile zintu zibotu.
7 “Ndailekelezya ŋanda yangu;+ ndalusiya lukono lwangu.+
Ndaaba kalungu kangu kaamoyo mumaanza aabasinkondonyina.+
8 Lukono lwangu lwandibeda mbuli syuumbwa uuli musyokwe.
Wandivwulumina.
Aboobo ndamusulaika.
9 Kulindime lukono lwangu luli mbuli muyuni uulya nyama wamabala-mabala;
Bayuni bambi balya nyama baluzinguluka kuti balulwane.+
Kamuboola, amubungane antoomwe, nobanyama bamusyokwe nyoonse,
Kamuboola mulye.+
Basandula caabilo cangu canyika ncendiyanda kapati kuba nkanda iinyonyookede.
11 Caba nyika iinyonyookede.
Nyika yoonse yaba matongo,
Pele kunyina muntu uubikkila maano.+
12 Basikunyonyoona baboola munzila zyoonse zidibukide ziinda munkanda,
Nkaambo panga lya Jehova liluujisi kunyonyoona kuzwa kumagolelo aanyika amwi kusikila kumagolelo aambi.+
Kunyina naba omwe uukkede muluumuno.
13 Basyanga wiiti, pele batebula mamvwa.+
Balitakata kubeleka, pele baliminya buyo.
Bayoofwa nsoni akaambo kabutebuzi bwabo
Akaambo kabukali bwa Jehova buyaka mbuli mulilo.”
14 Mboobu mbwaamba Jehova kujatikizya basimukoboma boonse babyaabi, aabo ibaguma lukono oolo ndundakapa kuti bantu bangu bana Israyeli bakone:+ “Ndiyoobazyula mucisi cabo,+ ayalo ŋanda ya Juda ndiyakwiizyula akati kabo. 15 Pele ndaakumana kubazyula, ndiyoobafwida luse alimwi akubapilusya umwi aumwi wabo kulukono lwakwe akunyika yakwe.”
16 “Mpoonya ikuti bakabikkile maano kwiiya nzila zyabantu bangu alimwi akukonkezya zina lyangu kuti, ‘Masimpe Jehova mbwali muumi!’ mbubonya mbobakayiisya bantu bangu kuti kabakonkezya Baala, nkokuti bayooyakwa akati kabantu bangu. 17 Pele ikuti naa bakakake kuswiilila, ndiyoocizyula acalo cisi eeco, ndiyoocizyula akucinyonyoona,” mbwaamba Jehova.+
13 Mboobu mbwaandaambila Jehova: “Koya, ukalyuulile lutambo lwamulembo muuba-uba akulwaanga mucibuno cako, pele utalunyiki mumaanzi pe.” 2 Aboobo ndakaula lutambo oolo kweelana ajwi lya Jehova akulwaanga mucibuno cangu. 3 Mpoonya ijwi lya Jehova lyakandisikila ciindi cabili kaliti: 4 “Bweza lutambo ndowakaula oolo ndosamide, unyamuke wuunke ku Firate, ukalusise ooko mulwaanzi lwamwala.” 5 Aboobo ndakaunka akuyoolusisa ku Firate, mbubonya mbwaakandilailila Jehova.
6 Pele nokwakainda mazuba manji Jehova wakandaambila kuti: “Konyamuka, koya ku Firate ukalubweze lutambo ndundakakulailide kuti ukalusise nkuko.” 7 Aboobo ndakaunka ku Firate, ndaakusya akugusya lutambo aawo mpondakalusiside, lino ndakajana kuti lwakalinyonyookede; tiilwakacili kukonzya kubelesyegwa mulimo uuli woonse.
8 Mpoonya ijwi lya Jehova lyakandisikila kaliti: 9 “Mboobu mbwaamba Jehova, ‘Mbubonya oobo mbondiyoonyonyoona kulisumpula kwa Juda alimwi akulisumpula kupati kwa Jerusalemu.+ 10 Bantu aaba babi ibakaka kuswiilila majwi aangu,+ ibatobela myoyo yabo cankazi,+ alimwi ibatobela baleza bambi, kabababelekela akubakotamina, bayooba mbubonya mbuli lutambo oolu lutakonzyi kubelesyegwa mulimo uuli woonse.’ 11 ‘Nkaambo mbubonya lutambo mbolujatisya mucibuno camuntu, andime ndakapa kuti boonse bamuŋanda ya Israyeli alimwi aboonse bamuŋanda ya Juda bajatisye kulindime,’ mbwaamba Jehova, ‘kutegwa babe bantu bangu,+ mpuwo yangu,+ ntembauzyo yangu alimwi acintu cangu cibotu. Pele tiibakaswiilila pe.’+
12 “Alimwi yebo ukabaambile majwi aaya, ‘Mboobu mbwaamba Jehova Leza wa Israyeli: “Nongo mpati iili yoonse yeelede kuzuzyigwa waini.”’ Eelyo balo bayookuvwiila kuti, ‘Sena yebo uyeeya kuti swebo tatuzyi kuti nongo mpati iili yoonse yeelede kuzuzyigwa waini?’ 13 Mpoonya ukabaambile kuti, ‘Mboobu mbwaamba Jehova: “Bantu boonse bakkala mucisi eeci+ alimwi abami bakkede acuuno cabwami ca Davida kubikkilizya abapaizi, basinsimi alimwi abantu boonse buyo bakkala mu Jerusalemu ndilabapa kukolwa citaambiki. 14 Alimwi ndilabapwayanya umwi amweenzinyina, bamausyi antoomwe abana babo aciindi comwe,” mbwaamba Jehova.+ “Tandikoobafwida lubomba pe naa kubeetelela nokuba kubafwida luse; taakwe citiindilesye kubanyonyoona.”’+
15 Amumvwe alimwi amubikkile maano.
Mutalisumpuli pe, nkaambo Jehova nguwaamba.
16 Amumupe bulemu Jehova Leza wanu
Natanaleta mudima
Alimwi maulu aanu naataningalebwa atala aamalundu kulubundubundu.
17 Lino ikuti naa mukake kuswiilila,
Ndiyoolila mubusena busisikide akaambo kakulisumpula kwanu.
18 Amumwaambile mwami abanyina kuti,+ ‘Amukkale mubusena bwaansi,
Nkaambo musini wanu mubotu uyooloka kuzwa kumutwe wanu.’
19 Minzi yakumusanza yajalwa,* cakuti kunyina wiijalula.
Bantu boonse bamu Juda batolwa mubuzike, bamaninina boonse kutolwa mubuzike.+
20 Kowaala meso aako ubone aabo baboola kuzwa kunyika.+
Ino buli kuli butanga mbowakapegwa, inzya butanga bwako bweebeka?+
21 Ino uyakwaamba nzi caakusika cisubulo cako
Kuzwa kubalongwe bako beni-beni mbookali kumvwana limwi kuzwa kumatalikilo?+
Sena taakakujati macise aali mbuli aamukaintu uutumbuka?+
22 Eelyo waakulibuzya mumoyo wako kuti, ‘Ino nkaambo nzi ncozyandicitikila zintu eezyi?’+
Koyeeya kuti, musinsi wako wavwumbulwa akaambo kakukomena kwacinyonyoono cako+
Atwalo tusindi twako twacisigwa.
23 Sena muna Kusi* ulakonzya kucinca lukanda lwakwe?
Sena awalo siluwe ulakonzya kucinca mabala-bala aakwe?+
Ikuti naa eeci cilakonzya kucitika, nkokuti andinywe mulakonzya kucita cintu cibotu,
Nywebo nomwakayiisyigwa kucita cintu cibi.
24 Aboobo ndiyoobamwaya mbuli buungu bupepululwa amuwo uuzwa mucimpayuma.+
25 Eeci ncecaabilo cako, caabilo cako ncondakupimina,” mbwaamba Jehova,
26 Aboobo, mebo ndiyookuvwumbula musinsi wako akukuvwumba kubusyu bwako,
Eelyo mantanda aako ayoobonwa,+
27 Bumambe bwako+ alimwi akubebezya kwako,
Buvwuule bwako busesemya.
Mebo ndazibona zintu zyako zisesemya+ atala aatulundu alimwi amumyuunda.
Maawe kulinduwe, O Jerusalemu!
Ino ulakkala kosofweede kusikila lili?”+
14 Ndeeli jwi lya Jehova ilyakamusikila Jeremiya kujatikizya ciyumayuma:+
2 Cisi ca Juda cilalila,+ ayalo milyango yancico yanyonyooka.
Yabbila mubulongo kayuuside,
Akwalo kulila kwamvwugwa kuzwa mu Jerusalemu.
3 Basimalelo babo batuma babelesi babo* kuti bakateke maanzi.
Baunka kumigoti akujana kuti taakwe maanzi.
Bajokela anongo zyabo zinyina maanzi.
Bagunwa alimwi batyompwa,
Eelyo balivwumba kumutwe.
4 Akaambo kakuti nyika yaandauka,
Mbokunga tiikwawa mvwula mucisi,+
Balimi bausa alimwi balivwumba kumutwe.
5 Noiba insya iili musyokwe yasiya mwana nguyazwa aakuzyala
Akaambo kakuti taakwe bwizu.
6 Imbongolo zyamusyokwe zyaile kwiima atala aatulundu aatakwe cintu.
Zilafwekemba mbuli bamwaaba;
Meso aanzizyo alema nkaambo taakwe bwizu.+
7 Nokuba kuti zinyonyoono zyesu zipa bumboni bwakuti tulaamulandu,
O Jehova, kobweza ntaamu akaambo kazina lyako.+
Nkaambo micito yesu yakutasyomeka yavwulisya,+
Alimwi nduwe ngotwabisyila.
8 Akaka yebo obulangizi bwa Israyeli, Mufwutuli+ wakwe ciindi camapenzi,
Ino nkaambo nzi ncooba mbuli mweenzu buyo mucisi,
Ambuli silweendo waleya kuti aone busiku bomwe buyo?
9 Ino nkaambo nzi ncooba mbuli muntu wamaninwa maano,
Mbuli mwaalumi singuzu uutakonzyi kufwutula?
Akaka, utatulekelezyi pe.
10 Mboobu mbwaamba Jehova kujatikizya bantu aaba: “Bayandisya kwiingaila;+ tabaalesyi maulu aabo pe.+ Aboobo Jehova tabakkomanini pe.+ Lino ulaciyeeya cinyonyoono cabo alimwi ulabasubula akaambo kazibi zyabo.”+
11 Mpoonya Jehova wakandaambila kuti: “Utabapailili bantu aaba kuti zintu zibeendele kabotu.+ 12 Nobaliimya kulya, tandiswiilili kulila kwabo kwakukombelezya,+ alimwi nobatuula zipaizyo zyuumpwa buumbulu azituuzyo zyamaila, tandizikkomanini pe;+ nkaambo ndiyoobajaya apanga, nzala alimwi acilwazi.”+
13 Aboobo mebo ndakati: “Akaka, O Mwami Singuzuzyoonse Jehova! Bona basinsimi babaambila kuti, ‘Tamukaliboni panga, alimwi tamukasikilwi nzala, pele ndiyoomupa luumuno lwini-lwini mubusena oobu.’”+
14 Mpoonya Jehova wakandaambila kuti: “Nzyakubeja eezyo basinsimi nzyobasinsima muzina lyangu.+ Kunyina nendabatuma, nokuba kubalailila naa kubaambila pe.+ Nobasinsima kulindinywe, bamwaambila cilengaano cakubeja, kusonda kwabuyo, alimwi alweeno lwamumyoyo yabo beni.+ 15 Aboobo, mboobu mbwaamba Jehova kujatikizya basinsimi ibasinsima muzina lyangu, nokuba kuti mebo taakwe nindabatuma, alimwi ibaamba kuti takukabi panga noiba nzala mucisi ecino: ‘Basinsimi aabo bayoomana kujaigwa apanga alimwi anzala.+ 16 Abalo bantu aabo mbobasinsimina bayoosoogwa mumigwagwa ya Jerusalemu akaambo kanzala apanga, kunyina muntu uuyoobazikka,+ inzya balo, bamakaintu babo alimwi abana babo basankwa abasimbi, nkaambo ndiyoobapoomweda mapenzi aabeelede.’+
17 “Lino weelede kubaambila majwi aaya,
‘Meso aangu aakunke misozi syikati amasiku alimwi italeki pe,+
Nkaambo nakalindu, imwana musimbi wabantu bangu wapwaika alimwi watyoka cakumaninina,+
Akaambo kakuti waumwa cibyaabi.
18 Lino kuti naa ndaunka musyokwe akulanga,
Ndibona buyo baabo bakajaigwa apanga!+
Alimwi naa ndanjila mumunzi,
Amwalo ndibona buyo malwazi aaboola akaambo kanzala!+
Nkaambo musinsimi alimwi amupaizi boonse buyo bayaabwiingaila mucisi ncobatazyi.’”+
19 Sena yebo wamukakila limwi Juda, sena wamucimwa Ziyoni?+
Ino nkaambo nzi yebo ncootuumina boobu cakuti tatukonzyi kupona?+
Twakali kulangila luumuno, pele kunyina bubotu bwakasika,
Ciindi cakuponesyegwa, pele kuli buyo zintu ziyoosya!+
21 Akaambo kazina lyako, utatukaki pe;+
Utanyansyi cuuno cako cabwami cabulemu.
Koyeeya alimwi utacijayi cizuminano ncojisi andiswe.+
22 Sena akati kamituni yabuyo yamasi kuli mutuni nuuba omwe uukonzya kuleta mvwula,
Naaba majulu, sena alakonzya kulosya mvwula alikke?
Sena toli nduwe olikke, O Jehova Leza wesu?+
Swebo tulangila nduwe,
Nkaambo yebo olikke nduwe wacita zintu eezyi zyoonse.
15 Mpoonya Jehova wakandaambila kuti: “Nokuba kuti Musa a Samuele nobaliko akwiima kumbele lyangu,+ bantu aaba tandikonzyi kubakkomanina pe. Kobatanda kumbele lyangu. Abaunke. 2 Lino ikuti naa bakubuzye kuti, ‘Ino tuunke kuli?’ ubaambile kuti, ‘Mboobu mbwaamba Jehova:
“Kufwumbwa uubambilidwe cilwazi cijaya, aunke kucilwazi cijaya!
Kufwumbwa uubambilidwe panga, aunke kupanga!+
Kufwumbwa uubambilidwe nzala, aunke kunzala!
Alimwi kufwumbwa uubambilidwe buzike, aunke mubuzike!”’+
3 “‘Ndiyoobapa misyobo yone yamapenzi,’*+ mbwaamba Jehova, ‘ipanga kuti libajaye, babwa kuti babakwelaanye, bayuni bauluka mujulu alimwi abanyama baanyika kuti babalye akubanyonyoona.+ 4 Alimwi ndiyoobapa kuba cintu cigambya kumami oonse aamunyika+ akaambo ka Manase mwana wa Hezekiya, mwami wa Juda, akaambo kancaakacita mu Jerusalemu.+
5 Ino nguni uuyookufwida lubomba, O Jerusalemu,
Ino nguni uyookweetezya,
Alimwi ino nguni uuyakwiima kuti abuzye naa upona buti?’
6 ‘Yebo wandisiya,’ mbwaamba Jehova.+
Aboobo ndiyootandabika janza lyangu kulinduwe akukunyonyoona.+
Ndakatala kukufwida lubomba.*
7 Alimwi ndiyoobapupulula acipupuluzyo mumilyango yacisi.
Ndiyoobajaya bana babo.+
Ndiyoobanyonyoona bantu bangu,
Mbokunga bakaka kupiluka kuzwa kunzila zyabo.+
8 Kulindime bamukabafwu babo bayoovwula kapati kwiinda musenga wakulwizi.
Ndiyoobaletela sikunyonyoona masyikati, ndiyoomuleta kuli bamatumbu alimwi abalombwana.
Cakutayeeyelwa ndiyoobaletela manyongwe alimwi azintu ziyoosya.
9 Mukaintu iwakazyala bana bali ciloba wamaninwa nguzu;
Wawizuka kakwela muya.
Zuba lyamubbilila kalicili syikati,
Eeci caleta bweemya alimwi amasampu.’*
‘Alimwi aabo basyoonto basyeede akati kabo
Ndiyoobaaba kupanga lyabasinkondonyina,’ mbwaamba Jehova.”+
10 Maawe baama, nkaambo mwakandizyala,+
Mebo ndemuntu sikubwesyanya lyoonse alimwi sikuzwangana anyika yoonse.
Kunyina nindakweletesya naa kukweleta;
Pele boonse balanditukila.
11 Jehova wakaamba kuti: “Masimpe ndiyookubelekela kuti ujane bubotu;
Ncobeni ndiyookwiiminina kuli sinkondonyoko,
Muciindi camapenzi amuciindi camakatazyo.
12 Sena kuli muntu uukonzya kupwayaula butale,
Butale buzwa kulubazu lwakunyika, alimwi amukuba?
13 Lubono lwako azintu zyako ziyandisi ndiyoozyaaba kuti zisaalwe,+
Kakunyina muulo, pele akaambo kazibi zyako zyoonse nzyoocita muzilawo zyako zyoonse.
14 Basinkondonyoko ndiyoobapa zintu eezyi
Kuti bazitole kucisi ncotazyi.+
Nkaambo mulilo wayasyigwa abukali bwangu,
Wayasyilwa kuti muumpwe nywebo nobantu.”+
15 Yebo ulizyi, O Jehova,
Kondiyeeya, undibikkile maano.
Kondisubwida basikundipenzya.+
Utalekeli kuti ndilobe* akaambo kakumuka kunyema kwako.
Kozyiba kuti ndinyamwide masampu aaya akaambo kanduwe.+
16 Majwi aako akajanwa, eelyo ndakaalya;+
Ijwi lyako lyakandipa kusekelela akukondwa mumoyo wangu,
Nkaambo ndiitwa azina lyako, O Jehova Leza wamakamu.
17 Tandikkali munkamu yabasikulikondelezya mpoonya akutalika kusekelela ambabo.+
18 Ino nkaambo nzi macise aangu ncaatamani acilonda cangu ncocitasilikiki?
Nkaambo taciponi pe.
Sena yebo ulandibeda mbuli kasensa kamaanzi katasyomeki
Aako katakonzyi kusyomwa?
19 Aboobo mboobu mbwaamba Jehova:
“Ikuti naa upiluke, ambebo ndilakubukulusya,
Eelyo unakwiima kumbele lyangu kondikutaukila.
Ikuti naa uzandule zintu ziyandisi kuzintu zyabuyo,
Uyooba mbuli mulomo wangu.*
Balo mbabayoopiluka kulinduwe,
Pele yebo tokapiluki kulimbabo pe.”
20 “Yebo ndakupa kuba bwaanda bwamukuba buyumu nta kubantu aaba.+
Ncobeni bayookulwana,
Pele tabakakuzundi pe,+
Nkaambo ndilaanduwe, kuti ndikufwutule akukuvwuna,” mbwaamba Jehova.
21 “Ndiyookuvwuna kujanza lyabantu babi
Akukunununa kuzwa mujanza lyabantu basilunya.”
16 Ijwi lya Jehova lyakandisikila alimwi kaliti: 2 “Toyelede kukwata mukaintu, alimwi toyelede kuba abana basankwa abasimbi mubusena oobu pe. 3 Nkaambo mboobu mbwaamba Jehova kujatikizya bana basankwa abasimbi ibazyalwa mubusena obuno, alimwi akujatikizya bamanyina babazyala abamausyi bapa kuti bazyalwe mucisi ecino: 4 ‘Bayoofwa akaambo kazilwazi zijaya,+ pele tabakalilwi nokuba kuzikkwa; bayooba mbuli mbolezi atala aanyika.+ Bayooloba akaambo kapanga anzala,+ eelyo mitunta yabo iyooba cakulya cabayuni bauluka mujulu acabanyama baanyika.’
5 Nkaambo mboobu mbwaamba Jehova,
‘Utanjili muŋanda mobacitila pobwe basimalila,
Alimwi utaunki kuyoolila akuyoobaumbulizya+ pe.’
‘Nkaambo mebo ndabanyanga luumuno lwangu bantu aaba,’ mbwaamba Jehova,
‘Noluba luyando lwangu lutamani alimwi aluse lwangu.+
6 Ibapati alimwi abaniini, boonse buyo bayoofwa mucisi eeci.
Tabakazikkwi pe,
Kunyina uuyoobalila,
Alimwi kunyina muntu uuyoolinengaula naa kulinyoola munkulu akaambo kambabo.*
7 Alimwi kunyina uuyoobapa cakulya aabo balila,
Kuti abaumbulizye akaambo kabafwu babo;
Alimwi kunyina uuyoobapa nkapu yakubatontozya myoyo
Kuti banywe akaambo kakufwidwa bausyi naa banyina.
8 Utanjili muŋanda yakupobweda
Akukkala ambabo kuti ulye akunywa.’
9 “Nkaambo mboobu mbwaamba Jehova wamakamu, Leza wa Israyeli, ‘Amubone, mumazuba aanu alimwi kamulangilila nywebo nobantu, ndiyoopa kuti limane jwi lyakusekelela ajwi lyakukondwa, ijwi lyasibwiinga ajwi lyanabwiinga+ mubusena obuno.’
10 “Bantu aaba waakubaambila majwi aaya oonse bayookubuzya kuti, ‘Ino nkaambo nzi Jehova ncaambila kuti tulasikilwa mapenzi aaya oonse mapati? Ino ncinyonyoono nzi alimwi ncibi nzi ncotwacita kuli Jehova Leza wesu?’+ 11 Yebo ukabavwiile kuti, ‘“Akaambo kakuti bamauso bakandisiya,”+ mbwaamba Jehova, “eelyo bakazumanana kutobela baleza bambi, bakali kubabelekela akubakotamina.+ Pele bakandisiya mebo, alimwi tiibakaubamba mulawo wangu pe.+ 12 Alimwi nywebo nzyomwacita zilainda kubija aali zyeezyo nzyobakacita bamauso,+ alimwi umwi aumwi wanu utobela nkazi zyamoyo wakwe mubi muciindi cakumvwida ndime.+ 13 Aboobo ndiyoomuvwululusya kuzwa mucisi eeci akumusowela mucisi ncomutazyi nywebo, nobaba bamauso,+ eelyo ooko muyoobelekela baleza bambi isyikati amasiku,+ nkaambo tandikamufwidi luzyalo pe.”’
14 “‘Nokuba boobo, mazuba alaboola,’ mbwaamba Jehova, ‘eelyo nobatakaambi limbi kuti: “Masimpe Jehova mbwali muumi, ooyo wakagwisya bana Israyeli mucisi ca Egepita!”+ 15 pele kuti: “Masimpe Jehova mbwali muumi, ooyo wakagwisya bana Israyeli kuzwa kucisi cakunyika alimwi akuzwa kuzisi zyoonse nkwaakabamwailide!” eelyo ndiyoobapilusya kucisi cabo eeco ncondakapa bamausyi.’+
16 ‘Mpaawa lino ndiita bazubi banji,’ mbwaamba Jehova,
‘Eelyo bayoobazuba.
Mpoonya ndiyakwiita bavwimi banji,
Eelyo bayoobavwima mumalundu oonse amutulundu toonse
Alimwi amuŋanzi zyamyala.
17 Nkaambo meso aangu alizibwene zyoonse nzyobacita.*
Tabasisidwe kumbele lyangu pe,
Acalo cinyonyoono cabo tacisisidwe mumeso aangu.
18 Aboobo cakusaanguna, ndiyoobapa cisubulo ceelene acinyonyoono cabo alimwi acibi cabo,+
Nkaambo basofwaazya cisi cangu amitunta yamituni yabo iisesemya
Alimwi bazuzya lukono lwangu azintu zyabo zivwundausya kumoyo.’”+
19 O Jehova, onguzu zyangu amampangala aangu,
Obusena bwangu bwakutijila mubuzuba bwamapenzi,+
Masi ayooboola kulinduwe kuzwa kumagolelo aanyika,
Akwaamba kuti: “Bamatata bakakona buyo bubeji,
Zintu zyabuyo alimwi azintu zitagwasyi.”+
20 Sena muntu ulakonzya kulipangila baleza
Kakuli tabali baleza beni-beni?+
21 “Aboobo ndilabapa kuzyiba,
Inzya aciindi eeci ndilabapa kuzyiba janza lyangu alimwi anguzu zyangu,
Eelyo bayoozyiba kuti izina lyangu ndime Jehova.”
17 “Cibi ca Juda cililembedwe acilembyo cabutale.
Cilisimbidwe acilembyo cadaimondi aamyoyo yabo
Alimwi aameja aazipaililo zyabo,
2 Ciindi bana babo nobayeeya zipaililo zyabo amisemu yabo yazisamu yakukomba*+
Iili kumbali aacisamu cifwefwema, atala aatulundu tulamfwu,+
3 Aazilundu zili musyokwe.
Lubono lwako, zintu zyako ziyandisi zyoonse ndiyoozyaaba kuti zisaalwe,+
Inzya, masena aako aakukombela akaambo kacibi cili muzilawo zyako zyoonse.+
4 Cakuliyandila uyakwaaba lukono lwako ndundakakupede.+
Alimwi mebo ndiyookupa kuti ubelekele basinkondonyoko mucisi ncotazyi,+
Nkaambo nywebo mwakapa kuti bukali bwangu buvwutuke mbuli mulilo.*+
Bunooyaka lyoonse mane kukabe kutamani.”
5 Mboobu mbwaamba Jehova:
“Ulisinganizyidwe muntu* uusyoma bantu balya maila,+
Alimwi ooyo uujisi moyo uuleya kuzwa kuli Jehova.
6 Uyooba mbuli cisamu cili buyo cilikke mucimpayuma.
Takabuboni bubotu bwaakusika,
Pele unookkala mumasena aalunda kasuko munkanda,
Munyika yamunyo iitakkalwi bantu.
8 Uyooba mbuli cisamu cisyangidwe kumbali aamaanzi,
Icitunga miyanda yancico kukalonga.
Takakumvwi kupya kwaakuboola,
Pele matuvwu aakwe anoofwefwema lyoonse.+
Mumwaka waciyumayuma takalibiliki pe,
Alimwi takaleki kuzyala micelo.
9 Moyo uleena* kwiinda cintu cimbi cili coonse alimwi ulapenzya kapati.*+
Ino nguni uukonzya kuuzyiba?
10 Mebo, nde Jehova, ndilalanga-langa moyo,+
Ndilalingula mizeezo yamukati mwini,*
Kuti muntu umwi aumwi ndimupe kweelana anzila zyakwe,
Kweelana amicelo yamilimo yakwe.+
Buyoomusiya mazuba aabuumi bwakwe kaacili akati,
Alimwi kumamanino uyooba ciyanga.”
12 Cuuno cabwami cabulemu icisumpukide kuzwa kumatalikilo,
Mbobusena bwacikombelo cesu.+
13 O Jehova, obulangizi bwa Israyeli,
Aabo boonse bakusiya bayakuusyigwa nsoni.
Aabo baleya kuzwa kulinduwe* bayoolembwa ansi mubulongo,+
Nkaambo basiya Jehova, ikasensa kamaanzi aabuumi.+
14 Kondiponya, O Jehova, eelyo ndilapona.
Kondifwutula, eelyo ndilafwutuka,+
Nkaambo yebo nduwe ngonditembaula.
15 Bona! Kuli bantu bandaambila kuti:
“Ino lili kuli jwi lya Jehova?+
Alizuzikizyigwe!”
16 Pele mebo kunyina nindakatija akuleka kukutobela mbuli mweembezi,
Alimwi tiindakabulombozya pe buzuba bwamapenzi.
Yebo ulaazyi majwi oonse aakazwa kumilomo yangu;
Oonse akaambwa kubusyu bwako!
17 Utabi cintu cindiyoosya.
Uli mayubilo aangu mubuzuba bwamapenzi.
18 Aabo bandipenzya abausyigwe nsoni,+
Pele mebo nditausyigwi nsoni pe.
Balo abayoowe,
Pele mebo nditayoowi pe.
19 Mboobu mbwaakandaambila Jehova: “Koya, ukaime mumulyango wabana babantu bangu ooyo bami ba Juda ngobabelesya nobanjila anobazwa, amumilyango ya Jerusalemu yoonse.+ 20 Ukabaambile kuti, ‘Amumvwe jwi lya Jehova, nywebo nobami ba Juda anobantu bamu Juda nyoonse anywebo nyoonse nomukkala mu Jerusalemu, nywebo nomunjilila mumilyango eeyi. 21 Mboobu mbwaamba Jehova: “Amucenjele, mutanyamuni mukuli uuli woonse mubuzuba bwa Sabata nokuba kuunjizya mumilyango ya Jerusalemu.+ 22 Tamweelede kuleta mukuli kuzwa mumaanda aanu mubuzuba bwa Sabata; alimwi tamweelede kucita mulimo uuli woonse pe.+ Mweelede kusalazya buzuba bwa Sabata, mbubonya mbondakabalailila bamauso.+ 23 Pele tiibakaswiilila pe nokuba kucenjeka matwi aabo, alimwi cankazi bakakaka* kumvwida naa kulaigwa.”’+
24 “‘“Nokuba boobo, ikuti naa mulomye kundimvwida,” mbwaamba Jehova, “alimwi ikuti mutaleti mukuli uuli woonse akuunjizya mumilyango yamunzi ooyu mubuzuba bwa Sabata alimwi ikuti naa mubusalazye buzuba bwa Sabata kwiinda mukutacita mulimo uuli woonse mulimbubo,+ 25 nkokuti bami alimwi abasilutwe ibakkala acuuno cabwami ca Davida+ bayoonjila mumilyango yamunzi ooyu, kabatantide munkalaki alimwi aamabbiza, balo abasilutwe babo, baalumi ba Juda abantu bakkala mu Jerusalemu;+ eelyo munzi ooyu unookkalwa bantu lyoonse mane kukabe kutamani. 26 Alimwi bantu bayooboola kuzwa muminzi ya Juda, kuzwa kumasena aayengelede Jerusalemu, kuzwa kucisi ca Benjamini,+ kuzwa kunyika iiyalene iili kunselelo,+ kuzwa kucooko camalundu alimwi akuzwa ku Negebi,* kabaleta zituuzyo zyuumpwa buumbulu,+ zipaizyo,+ zituuzyo zyamaila,+ tununkilizyo twalibano alimwi azipaizyo zyakulumba muŋanda ya Jehova.+
27 “‘“Pele kuti mutandimvwidi kwiinda mukutasalazya buzuba bwa Sabata alimwi akunyamuna mikuli akwiinjizya mumilyango ya Jerusalemu mubuzuba bwa Sabata, nkokuti ndiyoodoneka milyango yanguwo, eelyo mulilo uyoozyuumpa cakumaninina ngazi zikwabilidwe zyamu Jerusalemu,+ alimwi taukazimwi pe.”’”+
18 Ndeeli jwi ilyakamusikila Jeremiya kuzwa kuli Jehova: 2 “Nyamuka, uselemukile kuŋanda yamubumbi,+ eelyo ookuya ndiyookupa kumvwa majwi aangu.”
3 Aboobo ndakaselemukila kuŋanda yamubumbi, eelyo ookuya ndakajana ucita mulimo wakwe kumavwili aamubumbi. 4 Pele cintu eeco ncaakali kubumba abulongo cakanyonyooka mujanza lyakwe. Aboobo wakapanga cintu cimbi abulongo oobo, kweelana ancaakabona kuti ncecibotu mumeso aakwe.*
5 Mpoonya ijwi lya Jehova lyakandisikila kaliti: 6 “‘Sena nywebo tandikonzyi kumucita mbuli mbwaacita mubumbi ooyu, nywebo nobamuŋanda ya Israyeli?’ mbwaamba Jehova. ‘Amubone! Mbubonya mbuli bulongo mujanza lyamubumbi, anywebo mbomubede mujanza lyangu, nywebo nobamuŋanda ya Israyeli.+ 7 Kufwumbwa ciindi nendaamba kujatikizya bwami naa cisi+ kuti ndilacizyula, ndilacimwaya alimwi akucinyonyoona, 8 mpoonya cisi eeco caleka bubi bwancico oobo mbondaamba, nkokuti andime ndilacinca maano kujatikizya mapenzi ngondali kukanza kuciletela.+ 9 Pele kufwumbwa ciindi nendaamba kujatikizya bwami naa cisi kuti ndilaciyaka akucisimpa, 10 mpoonya calo cacita cintu cibi mumeso aangu akutaswiilila jwi lyangu, nkokuti andime ndilacinca maano kujatikizya bubotu mbondali kukanza kucicitila.’
11 “Aboobo lino, ndalomba, kobaambila bantu ba Juda alimwi abaabo bakkala mu Jerusalemu kuti, ‘Mboobu mbwaamba Jehova: “Amubone, ndilibambila kumuletela* mapenzi nywebo alimwi ndijisi makanze aakumulwana. Ndakomba, amuleke nzila zyanu zibi, amubambulule nzila zyanu alimwi amicito yanu.”’”+
12 Pele balo bakati: “Tacigwasyi pe!+ Swebo tunootobela buyo mizeezo yesu, alimwi umwi aumwi wesu unoocita zintu kweelana ankazi zili mumoyo wakwe mubi.”+
13 Aboobo mboobu mbwaamba Jehova:
“Akaka, amulibuzyile nobeni akati kamasi.
Ino nguni wakamvwide kale cintu cili boobu?
Nakalindu wa Israyeli wacita cintu cibi kapati iciyumya mate mukanwa.+
14 Sena caanda caku Lebano cilamana aamandomba aali kumingenyu yancico?
Sena maanzi aatontola aakunka kuzwa kulamfwu kuli naatiyuminine?
15 Pele bantu bangu bandiluba.+
Nkaambo baumpa zipaizyo* kucintu cabuyo,+
Alimwi balebya bantu munzila zyabo, mutuzila twansiku,+
Kuti beende mutuzila twamumabali aamugwagwa tutasumbude alimwi tutayalene,*
16 Kutegwa bacite cisi cabo kuba cintu cigambya+
Alimwi cakunoosibila mulosi lyoonse mane kukabe kutamani.+
Bantu boonse bainda kumbali aancico bayoocilanga cakugambwa alimwi akupukunya mitwe.+
17 Ndiyoobamwaya kumbele lyabasinkondonyina mbuli kuti bamwaigwa amuwo uuzwa kujwe.
Ndiyoobapa syule lyangu, ikutali busyu mubuzuba bwalunyonyooko lwabo.”+
18 Mpoonya bakaamba kuti: “Amuboole, tupangane cakumucita Jeremiya,+ nkaambo mulawo* taukoomana kubapaizi besu, alwalo lulayo talukoomana kubantu basongo noliba jwi kubasinsimi. Amuboole tumwaambe zibi,* alimwi tutazibikkili maano nzyaamba.”
19 Kondibikkila maano, O Jehova,
Akuswiilila nzyobaamba aabo bandikazya.
20 Sena bubotu bweelede kujolelwa abubi?
Nkaambo buumi bwangu+ babusyida cilindi.
Koyeeya mbondakali kwiima kumbele lyako akwaamba zintu zibotu kujatikizya mbabo,
Kuti ndilesye bukali bwako kulimbabo.
21 Aboobo bana babo kobaaba kunzala,
Akubatola kunguzu zyapanga.+
Bamakaintu babo kobapa kufwidwa bana, akuba bamukabafwu.+
Baalumi bali akati kabo abajaigwe acilwazi cijaya,
Balombwana babo abajaigwe apanga munkondo.+
22 Akumvwugwe jwi lyakulila mumaanda aabo
Ciindi yebo nobaletela zigwebenga zisaala cakutayeeyelwa.
Nkaambo bandisyida cilindi kuti bandijate
Alimwi bateya tukole kuti maulu aangu acegwe.+
23 Pele yebo, O Jehova,
Ulaazyi kabotu makanze oonse ngobajisi aakundijaya.+
Utacivwumbi pe cinyonyoono cabo,
Alimwi utacimwayi cibi cabo kumbele lyako.
19 Mboobu mbwaakaamba Jehova: “Koya, ukaule nongo yabulongo kumubumbi.+ Kobweza bapati bamwi akati kabantu antoomwe abapati bamwi akati kabapaizi, 2 mpoonya wuunke ku Kkuti lya Mwana wa Hinomu,+ eelyo lili kumanjililo aa Mulyango wa Zikaye. Ookuya ukaambilizye majwi ngenditiikwaambile. 3 Ukaambe kuti, ‘Amumvwe jwi lya Jehova, nywebo nobami ba Juda anywebo nomukkala mu Jerusalemu. Mboobu mbwaamba Jehova wamakamu, Leza wa Israyeli:
“‘“Amubone, ndilaleta mapenzi kubusena oobu, eelyo kufwumbwa muntu waamvwa uyoogambwa. 4 Cili boobo akaambo kakuti bakandisiya mebo+ alimwi bapa kuti busena oobu kabutacizyibwi.+ Mulimbubo baumpa zipaizyo kuli baleza bambi mbobatakazyi, balo abamausyi alimwi abami ba Juda, alimwi bazuzya busena oobu abulowa bwabantu batakwe mulandu.+ 5 Bakayaka masena aakukombela aa Baala kutegwa kabaumpa bana babo mumulilo kazili zituuzyo zyuumpwa buumbulu kuli Baala,+ icintu ncindatakabalailila nokuba kucaamba alimwi catakaboolede mumizeezo yangu nokuceya.”’*+
6 “‘“Aboobo amubone! Mazuba ayoosika,” mbwaamba Jehova, “eelyo busena oobu nobutakaitwi limbi kuti Tofeti akuti Kkuti lya Mwana wa Hinomu, pele kuti Kkuti Lyakujaila.+ 7 Ndiyoojaya makanze aa Juda alimwi aa Jerusalemu mubusena oobu, alimwi ndiyoobapa kuti bajaigwe apanga kuli basinkondonyina akujanza lyabaabo bayandaula buumi bwabo. Mitunta yabo ndiyakwiipa kuti ibe cakulya cabayuni bauluka mujulu alimwi acabanyama baanyika.+ 8 Alimwi ndiyoopa kuti munzi ooyu ube cintu cigambya alimwi cisibilwa mulosi. Bantu boonse bainda kumbali lyanguwo bayakuulanga kabagambidwe alimwi bayoosiba mulosi akaambo kamapenzi oonse aayakuusikila.+ 9 Ndiyoobapa kulya nyama yamibili yabana babo basankwa abasimbi, alimwi umwi aumwi wabo uyoolya nyama yamubili wamweenzinyina, akaambo kakusinkilwa alimwi akaambo kakukopana mumizeezo ciindi basinkondonyina alimwi abaabo bayandaula buumi bwabo baakubazinga koonse-koonse.”’+
10 “Mpoonya ukaipwaye nongo eeyo kabalangilila baalumi aabo mbounka limwi, 11 eelyo ukabaambile kuti, ‘Mboobu mbwaamba Jehova wamakamu: “Oobu mbondiyoobapwaya bantu aaba alimwi amunzi ooyu, mbubonya muntu umwi mbwapwaya cilongo camubumbi cakuti tacikonzyeki limbi kubambulula; aboobo mu Tofeti bayoozikka bafwu kusikila limwi kukabule abusena bwakubazikkila.”’+
12 “‘Oobo mbondiyoocitila busena oobu,’ mbwaamba Jehova, ‘alimwi abantu bakkala mumo, kutegwa munzi ooyu ukabe mbuli Tofeti. 13 Maanda aamu Jerusalemu alimwi amaanda aabami ba Juda ayakusofwaala mbubonya mbuli busena oobu bwa Tofeti,+ inzya, maanda oonse aayo aajisi ziluli mpobakali kuumpila zipaizyo kumakamu oonse aakujulu+ alimwi mpobakali kutilila baleza bambi+ zituuzyo zinyugwa.’”
14 Lino Jeremiya naakajoka kuzwa ku Tofeti, ooko Jehova nkwaakamutumide kuyoosinsima, wakaima mulubuwa lwaŋanda ya Jehova akwaambila bantu boonse kuti: 15 “Mboobu mbwaamba Jehova wamakamu, Leza wa Israyeli, ‘Amubone ndilaletela munzi ooyu alimwi aminzi yanguwo yoonse imapenzi oonse ngondaamba kuti ndilauletela, akaambo kakuti cankazi bakaka kuswiilila* majwi aangu.’”+
20 Lino Pasuri mwana wa Imeri, imupaizi, alimwi iwakali mulangizi mupati muŋanda ya Jehova, wakali kuswiilila ciindi Jeremiya naakali kusinsima zintu eezyi. 2 Mpoonya Pasuri wakauma Jeremiya musinsimi akumubikka muziliba+ zyakali ku Mulyango wa Benjamini Waatala, ooyo wakali muŋanda ya Jehova. 3 Pele buzuba bwakatobela Pasuri naakamugwisya Jeremiya muziliba, Jeremiya wakamwaambila kuti:
“Jehova taciiti zina lyako kuti Pasuri pe, pele kuti nduwe Kuyoowa Koonse-koonse.+ 4 Nkaambo mboobu mbwaamba Jehova, ‘Bona, ndilakucita kuba cintu cikuyoosya yebo alimwi abalongwe bako boonse, eelyo yebo kolangilila ameso aako+ balo bayoojaigwa apanga lyabasinkondonyina; alimwi bantu bamu Juda boonse ndiyoobaaba mujanza lyamwami wa Babuloni, mpoonya walo uyoobatola mubuzike ku Babuloni akubajaya apanga.+ 5 Alimwi buvwubi boonse bwamumunzi ooyu, ilubono lwanguwo loonse, zintu zyanguwo zyoonse ziyandisi alimwi alubono loonse lwabami ba Juda, zyoonse buyo ndiyoozibikka mumaanza aabasinkondonyina.+ Eelyo balo bayoozisaala, bayoozibweza akuzitola ku Babuloni.+ 6 Lino yebo Pasuri, alimwi abantu boonse bakkala muŋanda yako, muyootolwa mubuzike. Uyakuunka ku Babuloni eelyo ooko nkoyakufwida akuzikkilwa antoomwe abalongwe bako boonse, nkaambo wabasinsimina zyakubeja.’”+
7 Wandicenga, O Jehova, cakuti ndafwubaala.
Wakabelesya nguzu zyako kulindime, cakuti wakandizunda.+
Ndaile kuba cintu cisekwa buzuba boonse;
Bantu boonse balandifwubaazya.+
8 Nkaambo kufwumbwa ciindi nendaambaula, ndeelede koompolola akwaambilizya kuti,
“Maawe nkondo alunyonyooko!”
Nkaambo jwi lya Jehova lyandipa kutukilwa akuweelwa buzuba boonse.+
9 Aboobo ndakati: “Tandikaambi limbi makani aajatikizya nguwe,
Alimwi tandikaambi limbi muzina lyakwe.”+
Pele mumoyo wangu jwi lyakwe lyakali mbuli mulilo uuvwilima wajalilwa mumafwuwa aangu,
Ndakakatala kufwida mumoyo;
Ndakaalilwa kuliyumya.+
10 Nkaambo ndakamvwa makani manji mabyaabi;
Kuyoowa kwakalindizingulukide.+
“Amumwaambe zibi; atumwaambe zibi!”
Muntu woonse uuyanda kuti ndibe muluumuno wakali kulindila buyo kuti ndiwe,+ kaamba kuti:
“Ambweni ulacita cintu cimwi cabufwubafwuba,
Eelyo tulakonzya kumuzunda akumujolela cibi.”
11 Pele Jehova wakali andime mbuli sikalumamba uuyoosya.+
Nkakaambo kaako aabo bandipenzya bayakuwa alimwi tabakazundi pe.+
Bayakuusyigwa nsoni kapati, nkaambo tabakazwidilili pe.
Masampu aabo aatamani taakalubwi pe.+
12 Pele yebo, O Jehova wamakamu, ulamulingula muntu uululeme;
13 Amumwiimbile Jehova! Amumutembaule Jehova!
Nkaambo wavwuna muntu mucete* mumaanza aabasimucita zibi.
14 Abusinganizyigwe buzuba mbondakazyalwa!
Butalelekwi pe buzuba mbobakanditumbuka baama!+
15 Aasinganizyigwe muntu ooyo wakaleta makani mabotu kuli bataata, kaamba kuti:
“Wazyalilwa mwana musankwa!”
Akubapa kukondwa kapati.
16 Muntu ooyo aabe mbuli minzi njaakanyonyoona Jehova kakunyina kwiifwida lubomba.
Aamvwe kulila mafwumofwumo alimwi akoompolola kwakucenjezya masyikati.
17 Nkaambo nzi ncaatakandijaila buyo mwida,
Kutegwa baama kabali cuumbwe cangu
Akuti kabamitide ciindi coonse?+
18 Nkaambo nzi ncondakazwida mwida
Kuzoobona buyo mapenzi amause,
Akuti mazuba aabuumi bwangu amanine buyo mumasampu?+
21 Jeremiya wakasikilwa jwi kuzwa kuli Jehova ciindi Mwami Zedekiya+ naakamutumina Pasuri+ mwana wa Malikiya alimwi a Zefaniya+ mwana wa Maaseya mupaizi, kuti bakamulombe kuti: 2 “Akaka kotubuzyila kuli Jehova, nkaambo Mwami Nebukadinezara* wa Babuloni ulatulwana.+ Ambweni Jehova inga watucitila milimo yakwe imwi iigambya, kutegwa muntu ooyu aleke kutulwana.”+
3 Jeremiya wakabaambila kuti: “Zedekiya mukamwaambile kuti, 4 ‘Mboobu mbwaamba Jehova Leza wa Israyeli: “Amubone ndilapa kuti zilwanyo zyankondo zili mumaanza aanu zimubukile,* eezyo nzyomubelesya kulwana mwami wa Babuloni,+ alimwi aba Kasidi bamuzingulukide kunze aabwaanda kuti bamusinkilile. Ndiyoozibunganya akati kamunzi ooyu. 5 Alimwi mebo lwangu ndiyoomulwana+ akuboko kutandabede ajanza lyanguzu alimwi cabukali, cakunyema akucimwa kapati.+ 6 Ndiyoobauma boonse bakkala mumunzi ooyu, bantu alimwi abanyama. Bayoojaigwa acilwazi cipati.”’+
7 “‘“Kuzwa waawo,” mbwaamba Jehova, “Ndiyakwaaba Mwami Zedekiya wa Juda ababelesi bakwe alimwi abantu bamumunzi ooyu, aabo ibayoofwutuka kucilwazi, ipanga alimwi anzala, ndiyoobaaba mumaanza aa Mwami Nebukadinezara* wa Babuloni, mumaanza aabasinkondonyina amumaanza aabaabo bayandaula buumi bwabo.+ Walo uyoobajaya apanga. Takabeengeleli pe, nokuba kubafwida lubomba naa luse.”’+
8 “Alimwi bantu aaba ubaambile kuti, ‘Mboobu mbwaamba Jehova: “Amubone! Kumbele lyanu ndamubikkila nzila yabuumi anzila yalufwu. 9 Aabo bayoosyaala mumunzi ooyu bayoojaigwa apanga, nzala alimwi acilwazi. Pele kufwumbwa ooyo uuyoozwa akulyaaba kubana Kasidi aabo bamusinkilide uyoozumanana kupona alimwi uyoofwutula buumi bwakwe.”’*+
10 “‘“Nkaambo ndagamika busyu bwangu kumunzi ooyu kuti nduuletele mapenzi, ikutali bubotu pe,”+ mbwaamba Jehova. “Munzi ooyu uyakwaabwa mumaanza aamwami wa Babuloni,+ eelyo walo uyoowuumpa amulilo.”+
11 “‘Nywebo nobamuŋanda yamwami wa Juda: Amumvwe jwi lya Jehova. 12 Nywebo nobamuŋanda ya Davida, mboobu mbwaamba Jehova:
“Kamubeteka cabululami lyoonse mafwumofwumo,
Akuvwuna muntu uubbidwa kuli yooyo uumuunina,+
Kutegwa bukali bwangu butavwutuki mbuli mulilo+
Akumuumpa kakunyina wakuuzima
Akaambo kamicito yanu mibi.”’+
13 ‘Bona! Ndilakulwana yebo ookkala mukkuti,*
Yebo ondomba yanyika iiyalene,’ mbwaamba Jehova.
‘Lino nywebo nomwaamba kuti: “Nguni uutiituselukile kuzootulwana?
Alimwi ino nguni uutiitunjilile mumaanda eesu?”
14 Anywebo ndiyoomusubula
Kweelana amicito yanu,’+ mbwaamba Jehova.
‘Alimwi syokwe lyamunzi ooyu ndiyoolidoneka,
Eelyo mulilo uyoozyuumpa cakumaninina zintu zyoonse zyuuzingulukide.’”+
22 Mboobu mbwaamba Jehova: “Koselemukila kuŋanda yamwami wa Juda ukaambe mulumbe ooyu. 2 Ukaambe kuti, ‘Komvwa jwi lya Jehova, yebo omwami wa Juda ookkede acuuno cabwami ca Davida, yebo ababelesi bako alimwi abantu bako, aabo banjila mumilyango eeyi. 3 Mboobu mbwaamba Jehova: “Amubeteke kabotu alimwi akucita bululami. Amuvwune muntu uubbidwa kuzwa kujanza lyasikuunina. Mutatundululi muzwakule uuli woonse, alimwi mutapenzyi mucaala uuli woonse naba mukamufwu.+ Mutatili bulowa bwamuntu uunyina mulandu mubusena oobu.+ 4 Nkaambo kuti naa mulomye kucita ncolyaamba jwi eeli, nkokuti bami ibakkala acuuno cabwami ca Davida+ bayoonjila mumilyango yaŋanda eeyi kabatantide munkalaki alimwi aamabbiza, balo ababelesi babo alimwi abantu babo.”’+
5 “‘Pele ikuti mutaswiilili majwi aaya, ndalikonkezya ndemwini,’ mbwaamba Jehova, ‘kuti ŋanda eeyi iyooba matongo.’+
6 “Nkaambo mboobu mbwaamba Jehova kujatikizya ŋanda yamwami wa Juda,
‘Kulindime yebo uli mbuli Gileadi,
Mutwe wa Lebano.
Nokuba boobo ndiyookupa kuba nkanda;
Kunyina munzi nouba omwe akati kaminzi yako uuyookkalwa bantu.+
Bayoogonka zisamu zibotu kapati akati kazisamu zyako zyakkedari
Akuzilosyela mumulilo.+
8 “‘Mpoonya bantu bazwa kumasi manji bayakwiinda kumbali aamunzi ooyu akubuzyanya umwi amweenzinyina kuti: “Ino nkaambo nzi Jehova ncaakaucitila boobu munzi ooyu mupati?”+ 9 Eelyo bayoovwiilana kabati: “Akaambo kakuti bakasiya cizuminano ca Jehova Leza wabo akutalika kukotamina baleza bambi akubabelekela.”’+
10 Mutamulili mufwu,
Alimwi muteetezyegwi akaambo kanguwe.
Pele, amumulile kapati ooyo uunka,
Nkaambo takajoki limbi pe kuti azoobone cisi nkwaakazyalilwa.
11 “Nkaambo mboobu mbwaamba Jehova kujatikizya Salumu*+ imwana wa Josiya, mwami wa Juda uulela muciindi ca Josiya+ usyi, ooyo waunka kuzwa mubusena oobu: ‘Takajoki limbi pe. 12 Nkaambo uyoofwida kubusena nkumunya ooko nkobamutola mubuzike, eelyo takaciboni kabili cisi eeci pe.’+
13 Maawe kuli yooyo uuyaka ŋanda yakwe, pele munzila iitali yabululami
Amaanda aakwe aamujulu pele munzila iitaluzi,
Ooyo uubelesya mweenzinyina cabuyo,
Ooyo uukaka kumuvwozya;+
14 Ooyo waamba kuti, ‘Ndilaliyakila ŋanda mpati
Iijisi maanda mapati aamujulu.
Ndilaipangila mawindo
Akwiibotezya amapulanga aazisamu zyakkedari akwiipenta apenti uusubila-subila.’*
15 Sena yebo ulazumanana kulela akaambo kakuti nduwe wiinda kubelesya masamu aakkedari?
Bauso abalo bakali kulya akunywa,
Pele bakali kubeteka kabotu alimwi akucita bululami,+
Aboobo zintu zyakabeendela kabotu.
16 Mulubeta bakali kwiiminina muntu uupengede alimwi amucete,
Aboobo zintu zyakabeendela kabotu.
‘Sena eeco tacili ncecaamba kundizyiba?’ mbwaamba Jehova.
17 ‘Pele meso aako alimwi amoyo wako ziimvwi buyo akulijanina mpindu cabumpelenge,
Kutila bulowa bwabantu banyina mulandu,
Kuunina bamwi alimwi akubabbida.’
18 “Aboobo, mboobu mbwaamba Jehova kujatikizya Jehoyakimu+ mwana wa Josiya, mwami wa Juda,
‘Tabakamulili kabati:
“Maawe mukwesu! Maawe mucizyi wangu!”
Tabakamulili kabati:
“Maawe simalelaangu! Maawe mwami wangu!”
19 Uyoozikkwa mbuli mboizikkwa mbongolo,+
Uyookwelwa akusoogwa ooko kulamfwu,
Kunze aamilyango ya Jerusalemu.’+
20 Koya utante atala aa Lebano ukoongolole kulila,
Kokwiila mu Basani,
Alimwi koongolola kulila kuzwa ku Abarimu,+
Nkaambo boonse aabo bakuyanda kapati bapwayaulwa.+
21 Ndakaambaula anduwe nookaliibide.
Pele yebo wakati, ‘Tandikooswiilila pe.’+
Oobu mboolikucita kuzwa kubwana bwako,
Nkaambo tonooswiilila jwi lyangu.+
22 Muwo uyakweembela beembezi bako boonse,+
Eelyo aabo bakuyanda kapati bayootolwa mubuzike.
Mpoonya yebo uyakuusyigwa nsoni alimwi uyoosampuka akaambo kamapenzi oonse aayookusikila.
23 Maawe yebo ookkala mu Lebano,+
Ooyakide citeente mumasamu aakkedari,+
Eelo kaka uyootongela waakusikilwa macise,
Waakumyongwa mbuli mukaintu uutumbuka!”+
24 “‘Masimpe mbondili muumi,’ mbwaamba Jehova, ‘nokuba kuti yebo Koniya*+ mwana wa Jehoyakimu,+ mwami wa Juda, wali nweenwe yakusimbya kujanza lyangu lyalulyo, inga ndakufwumuna kuzwa nkuko! 25 Ndiyookwaaba mumaanza aabaabo bayandaula buumi bwako, mumaanza aabaabo mboyoowa, mujanza lya Mwami Nebukadinezara* wa Babuloni amumaanza aabana Kasidi.+ 26 Alimwi yebo abanyoko bakakuzyala ndiyoomufwusila kucisi cimbi nkomwatakazyalilwa, eelyo ooko nkomuyoofwida. 27 Alimwi kunyina nimuyoojokela kucisi eeco ncomulombozya.+
28 Sena ooyu mwaalumi Koniya ninongo iinyansyigwa, iipwaikide,
Cibiya citayandwi amuntu uuli woonse?
Ino nkaambo nzi walo abana bakwe ncobasowelwa ansi
Alimwi akufwusilwa kucisi ncobatazyi?’+
29 Onyika,* nyika, nyika, komvwa jwi lya Jehova!
30 Mboobu mbwaamba Jehova:
‘Mwaalumi ooyu amumulembe kuti tajisi bana,
Akuti mwaalumi uutakazwidilili naaceya mubuumi bwakwe,*
Nkaambo akati kabana bakwe kunyina naba omwe uuyoozwidilila
Ikukkala acuuno cabwami ca Davida alimwi akulela kabili mucisi ca Juda.’”+
23 “Maawe kubeembezi banyonyoona akumwaya mbelele zyamumacelelo aangu!” mbwaamba Jehova.+
2 Aboobo, mboobu mbwaamba Jehova Leza wa Israyeli kukalalila beembezi aabo beembela bantu bangu: “Nywebo mwamwaya mbelele zyangu; mwaluujisi kuzipalanganya, alimwi tiimwazibikkila maano pe.”+
“Aboobo ndilalangana andinywe akaambo kamicito yanu mibi,” mbwaamba Jehova.
3 “Mpoonya ndiyooziyobolola mbelele zisyeede akati kambelele zyangu kuzwa kumasi oonse ooko nkondakazimwailide,+ alimwi ndiyoozipilusya kumacelelo aanzizyo,+ eelyo ziyoozyalana akuvwula.+ 4 Alimwi ndiyoozibikkila beembezi ibayoozyeembela kabotu.+ Kunyina noziyakuyoowa limbi pe, nokuba kuba abukandu, alimwi kunyina noiba yomwe iiyakusweeka,” mbwaamba Jehova.
5 “Amubone! Mazuba alaboola,” mbwaamba Jehova, “eelyo kuli Davida nendiyoobusya cisyuukila* ciluleme.+ Aboobo mwami uyoolela,+ uyoocita zintu cabusongo akubeteka kabotu alimwi akucita bululami munyika.+ 6 Mumazuba aakwe Juda uyoofwutuka,+ awalo Israyeli uyookkala kaliibide.+ Alimwi eeli ndezina ndyanakwiitwa: Jehova Mbululami Bwesu.”+
7 “Nokuba boobo, mazuba alaboola,” mbwaamba Jehova, “eelyo nobatakaambi limbi kuti, ‘Masimpe Jehova mbwali muumi, ooyo wakagwisya bana Israyeli mucisi ca Egepita!’+ 8 pele kuti, ‘Masimpe Jehova mbwali muumi, ooyo wakagwisya akupilusya bana bamuŋanda ya Israyeli kuzwa kucisi cakunyika alimwi akuzwa kuzisi zyoonse ooko nkwaakabamwailide,’ eelyo bayookkala mucisi cabo beni.”+
9 Lino kujatikizya basinsimi:
Moyo wangu watyompwa mucamba cangu.
Mafwuwa aangu oonse alazuzuma.
Ndaile kuba mbuli muntu uukoledwe
Ambuli muntu wazundwa awaini,
Akaambo ka Jehova alimwi akaambo kamajwi aakwe aasalala.
10 Nkaambo cisi cizwide buyo basimamambe;+
Akaambo kakusinganizyigwa cisi catalika koomoka+
Aalo macelelo aamunkanda ayuma.+
Micito yabo mibi, azyalo nguzu zyabo tabazibelesyi kabotu pe.
11 “Boonse bobilo, musinsimi alimwi amupaizi balisofweede.*+
Nomuba muŋanda yangu ndabujana bubi bwabo,”+ mbwaamba Jehova.
12 “Aboobo nzila yabo iyooba busena butezemuka alimwi bwamudima;+
Bayootonkwa eelyo bayoowa.
Nkaambo ndiyoobaletela mapenzi,
Mumwaka wakubasubula,” mbwaamba Jehova.
13 “Mubasinsimi baku Samariya+ ndabona cintu cisesemya.
Businsimi bwabo busololelwa aa Baala,
Alimwi basowa bantu bangu, bana Israyeli.
14 Amwalo mubasinsimi baku Jerusalemu ndabona zintu zisesemya kapati.
15 Aboobo, mboobu mbwaamba Jehova wamakamu ikukalalila basinsimi:
“Amubone ndilabapa kulya cisamu cilula
Alimwi ndilabapa maanzi aajisi musamu uujaya kuti banywe.+
Nkaambo kuzwa kubasinsimi baku Jerusalemu luleyo lwamwaika mucisi coonse.”
16 Mboobu mbwaamba Jehova wamakamu:
“Mutaaswiilili pe majwi ngobaamba basinsimi aabo bamusinsimina.+
Bamucenga buyo.*
17 Cakwiinduluka-induluka baambila baabo batandilemeki kuti,
‘Jehova waamba kuti: “Nywebo muyooba aluumuno.”’+
Alimwi muntu woonse uutobela busicinguni bwamumoyo wakwe bamwaambila kuti,
‘Kunyina mapenzi aayoomusikila nywebo.’+
18 Nkaambo ino nguni waima munkamu yabalongwe ba Jehova
Kutegwa abone akumvwa jwi lyakwe?
Ino nguni wabikkila maano kujwi lyakwe kuti alimvwe?
19 Amubone! Guwo lya Jehova liyakubbubbula abukali bupati;
Mbuli kambizi liyakuzinguluka amitwe yabantu babi.+
20 Bukali bwa Jehova tabukamani pe
Kusikila mane akacite alimwi akuzuzikizya makanze ngajisi mumoyo wakwe.
Kumazuba aakumamanino nywebo muyakwaamvwisya makani aaya cakumaninina.
21 Mebo tiindakabatuma basinsimi pe, pele balo bakalunduka.
Mebo tiindakaambaula ambabo, pele balo bakasinsima.+
22 Pele ikuti nobakaima munkamu yabalongwe bangu,
Nobakapa kuti bantu bangu bamvwe majwi aangu
Alimwi nobakapa kuti baleke nzila yabo mbyaabi alimwi amicito yabo mibi.”+
23 “Sena mebo ndili Leza uuli buyo afwaafwi,” mbwaamba Jehova, “sena tandili Leza akuzwa kulamfwu?”
24 “Sena muntu uuli woonse ulakonzya kuyuba mubusena busisikide cakuti mebo tandikonzyi kumubona?”+ mbwaamba Jehova.
“Sena mebo tandizuzyi majulu alimwi anyika?”+ mbwaamba Jehova.
25 “Ndabamvwa basinsimi ibasinsima cakubeja muzina lyangu kabati, ‘Ndalota! Ndalota!’+ 26 Ino eeci cinooliko kwaciindi cilamfwu buti mumyoyo yabasinsimi aabo basinsima zyakubeja? Mbasinsimi ibaamba buyo zyalweeno luli mumyoyo yabo.+ 27 Bajisi makanze aakupa kuti bantu bangu balube zina lyangu kwiinda muziloto zyabo eezyo nzyobaambilana, mbubonya bamausyi mbobakaluba zina lyangu akaambo ka Baala.+ 28 Musinsimi uujisi ciloto aacaambe ciloto cakwe, pele ooyo uujisi jwi lyangu, aalyaambe jwi lyangu camasimpe.”
“Ino cikuba ciswaangene buti amaila?” mbwaamba Jehova.
29 “Sena jwi lyangu talili buyo mbuli mulilo,”+ mbwaamba Jehova, “alimwi sena talili mbuli nsando iipwayaula bbwe?”+
30 “Aboobo tandibayandi basinsimi,” mbwaamba Jehova, “aabo babbidana majwi aangu.”+
31 “Tandibayandi basinsimi,” mbwaamba Jehova, “aabo babelesya milaka yabo kwaamba kuti, ‘Mboobu mbwaamba!’”+
32 “Tandibayandi basinsimi baziloto zyakubeja,” mbwaamba Jehova, “aabo bazyaamba akusowa bantu bangu akaambo kabubeji bwabo alimwi akaambo kakulidunda kwabo.”+
“Pele mebo tiindakabatuma pe nokuba kubalailila. Aboobo tabakabagwasyi bantu aaba pe,”+ mbwaamba Jehova.
33 “Lino ikuti bantu aaba naa musinsimi naba mupaizi bakakubuzye kuti, ‘Ino mukuli uuminya* wa Jehova ninzi?’ yebo ukabavwiile kuti, ‘“Nywebo ndendinywe mukuli uuminya! Aboobo mebo ndiyoomusowa,”+ mbwaamba Jehova.’ 34 Lino kufwumbwa musinsimi naa mupaizi naa bantu baamba kuti, ‘Ooyu ngomukuli uuminya* wa Jehova!’ ndiyoomusandukila muntu ooyo alimwi abamuŋanda yakwe. 35 Umwi aumwi wanu waambila mweenzinyina alimwi amwanookwabo kuti, ‘Ino Jehova waingula buti? Alimwi ino ncinzi ncaamba Jehova?’ 36 Pele mutaambi limbi kuti mukuli uuminya* nguwa Jehova, nkaambo mukuli uuminya* ndijwi lyaumwi aumwi wanu, alimwi nywebo mwaacinca majwi aa Leza muumi, Jehova wamakamu, Leza wesu.
37 “Mboobu mboyelede kumwaambila musinsimi, ‘Ino Jehova wakwiingula buti? Alimwi ino ncinzi ncaamba Jehova? 38 Alimwi ikuti muzumanane kwaamba kuti “Mukuli uuminya* nguwa Jehova!” nkokuti mboobu mbwaamba Jehova: “Akaambo kakuti nywebo mwaamba kuti, ‘Eeli jwi ngomukuli uuminya* wa Jehova,’ nokuba kuti ndakalimwaambilide kuti, ‘Tamweelede kwaamba kuti: “Mukuli uuminya* nguwa Jehova!”’ 39 Nkokuti amubone! Ndiyoomubweza akumusowela kooko kulamfwu andime, nywebo antoomwe amunzi ngondakamupede nywebo alimwi abamauso. 40 Alimwi ndiyoopa kuti mube amasampu aatamani alimwi akufwa nsoni lyoonse mane kukabe kutamani, eezyo zitakalubwi.”’”+
24 Mpoonya Jehova wakanditondezya mitaanga yankuyu yobilo yakabikkidwe kumbele lyatempele lya Jehova, ciindi Mwami Nebukadinezara* wa Babuloni naakamutola mubuzike Jekoniya*+ mwana wa Jehoyakimu,+ mwami wa Juda, antoomwe abasilutwe ba Juda, basyaabupampu alimwi abasikufwula;* wakababweza kuzwa ku Jerusalemu akubatola ku Babuloni.+ 2 Mutaanga umwi wakajisi nkuyu zibotu kapati, mbuli nkuyu zyakumatalikilo, pele mutaanga umbi wakajisi nkuyu zibi kapati, zyakali zibi cakuti tiizyakali kukonzya kuligwa.
3 Mpoonya Jehova wakandibuzya kuti: “Ino ncinzi ncobwene, Jeremiya?” Eelyo ndakati: “Ndibwene nkuyu; inkuyu zibotu, nzibotu kapati, eelyo eezyo zibi, nzibi kapati, nzibi cakuti tazikonzyi kuligwa.”+
4 Mpoonya jwi lya Jehova lyakandisikila kaliti: 5 “Mboobu mbwaamba Jehova Leza wa Israyeli, ‘Mbubonya mbuli nkuyu eezyi zibotu, ndiyoobalanganya kabotu bana Juda ibakatolwa mubuzike, aabo mbondakagusya mucisi eeci akubatandila kucisi cabana Kasidi. 6 Liso lyangu linooli aalimbabo kuti ndibacitile zibotu, eelyo ndiyoobapa kuti bapiluke kucisi eeci.+ Ndiyoobayaka, tandikabamwayi pe; ndiyoobasyanga, tandikabazyuli pe.+ 7 Eelyo ndiyoobapa moyo wakuti bandizyibe, kuti ndime Jehova.+ Bayooba bantu bangu, andime ndiyooba Leza wabo,+ nkaambo bayoopiluka kulindime amoyo wabo woonse.+
8 “‘Pele ikujatikizya nkuyu zibi, inzya eezyo nzibi cakuti tazikonzyi kuligwa,+ mboobu mbwaamba Jehova: “Oobo mbondiyoomubona Mwami Zedekiya+ wa Juda antoomwe abasilutwe bakwe abantu basyeede mu Jerusalemu, ibasyeede mucisi eeci alimwi abaabo ibakkala mucisi ca Egepita.+ 9 Ndiyoobapa kuba cintu cigambya alimwi ciletela mapenzi kumami oonse aamunyika,+ kuti babe cintu ciletela masampu akuba kasimpi kamasendekela, cintu cisampaulwa akusinganizyigwa,+ kumasena oonse nkondiyoobamwaila.+ 10 Alimwi ndiyoobatumina panga,+ nzala alimwi acilwazi,+ kusikila mane bakamane doo munyika njindakabapede balo alimwi abamausyi.”’”
25 Ndeeli jwi lyakamusikila Jeremiya kujatikizya bantu boonse bamu Juda mumwaka wane wa Jehoyakimu+ mwana wa Josiya, mwami wa Juda, nkokuti mumwaka wakusaanguna wa Mwami Nebukadinezara* wa Babuloni. 2 Mboobu mbwaakaamba musinsimi Jeremiya kujatikizya bantu* boonse bamu Juda alimwi abantu boonse bakkala mu Jerusalemu:
3 “Kuzwa mumwaka wa 13 wa Josiya+ mwana wa Amoni, mwami wa Juda, kusikila buzuba obuno, imyaka eeyi iili 23 ijwi lya Jehova lyalikundisikila, alimwi nywebo ndalikumwaambila cakwiinduluka-induluka,* pele kunyina nomwali kuswiilila pe.+ 4 Alimwi Jehova wakamutumina babelesi bakwe boonse ibasinsimi, wakali kubatuma cakwiinduluka-induluka,* pele kunyina nomwakali kuswiilila nokuba kucenjeka matwi aanu kuti muswiilile.+ 5 Bakali kwaamba kuti, ‘Akaka nobantu amujokoloke, umwi aumwi kuzwa kunzila yakwe alimwi akuzwa kumicito yanu mibi;+ aboobo mulazumanana kukkala kwaciindi cilamfwu eeco ciboola kumbele munyika eeyo Jehova njaakamupa kaindi nywebo alimwi abamauso. 6 Mutatobeli baleza bambi kuti mubabelekele akubakotamina, akundinyemya amilimo yamaanza aanu; buyo-buyo ndilamuletela mapenzi.’
7 “‘Pele tiimwakandiswiilila pe,’ mbwaamba Jehova. ‘Muciindi caboobo, mwakandinyemya amilimo yamaanza aanu, akuliletela mapenzi nobeni.’+
8 “Aboobo, mboobu mbwaamba Jehova wamakamu, ‘“Akaambo kakuti tiimwakali kuswiilila majwi aangu, 9 ndilaita misyobo yoonse yakunyika,”+ mbwaamba Jehova, “ndilaita Mwami Nebukadinezara* wa Babuloni, mubelesi wangu,+ ndilabaleta kuzoolwana cisi eeci+ abantu bakkala mumo alimwi amasi aaya oonse aayengelede.+ Ndiyoobanyonyoona akubacita kuba cintu cigambya acintu cakusibila mulosi alimwi amatongo aanooliko lyoonse alyoonse. 10 Akati kabo ndiyoolobya jwi lyakusekelela alyakukondwa,+ ijwi lyasibwiinga ajwi lyanabwiinga,+ kulila kwaziyo alimwi amumuni walambe. 11 Eelyo nyika eeyi yoonse iyooba matongo alimwi iyooba cintu cigambya, alimwi masi aaya ayoobelekela mwami wa Babuloni myaka iili 70.”’+
12 “‘Lino myaka iili 70 yaakukkwana,+ ndiyoomusubula mwami wa Babuloni acisi eeco akaambo kacibi cabo,’+ mbwaamba Jehova, ‘alimwi ndiyoopa kuti cisi caba Kasidi cibe matongo aanyonyookede lyoonse alyoonse.+ 13 Cisi eeco ndiyoociletela zintu zyoonse nzyondakaamba kujatikizya ncico, majwi oonse aalembedwe mubbuku eeli aayo ngaasinsima Jeremiya kujatikizya zisi zyoonse. 14 Nkaambo masi manji alimwi abami basinguzu+ bayoobabelesya kabali bazike babo,+ eelyo ndiyoobajolela cibi cabo kweelana amicito yabo alimwi amilimo yamaanza aabo.’”+
15 Nkaambo mboobu mbwaakandaambila Jehova Leza wa Israyeli: “Kobweza nkapu eeyi yawaini wabukali bwangu mujanza lyangu, mpoonya uunke ukanywisye bantu bamumasi oonse ooko nkondikutuma. 16 Bayakwiinywa akutalika kudadalika alimwi akucita mbuli bantu basondokede akaambo kapanga ndyondituma akati kabo.”+
17 Aboobo ndakabweza nkapu eeyo mujanza lya Jehova akunywisya masi oonse ooko nkwaakandituma Jehova:+ 18 kutalikila amunzi wa Jerusalemu aminzi ya Juda,+ bami banguwo alimwi abasilutwe banguwo, kuti babe matongo, cintu cigambya, cintu cakusibila mulosi acintu cisinganizyidwe,+ mbubonya mbocibede obuno buzuba; 19 mpoonya Farao mwami wa Egepita ababelesi bakwe, basilutwe bakwe abantu bakwe boonse,+ 20 ankamu yabo yoonse yabantu bamisyobo-misyobo; bami boonse bamucisi ca Uzi; bami boonse bamucisi caba Filisiti,+ cisi ca Asikeloni,+ Gaza, Ekroni abantu basyeede mu Asidodi; 21 Edomu,+ Moabu+ alimwi abana Amoni;+ 22 bami ba Turo boonse, bami ba Sidoni+ boonse alimwi abami bansumbu iili mulwizi; 23 Dedani,+ Tema, Buzi abaabo boonse bageledwe malezu aamumpobe;*+ 24 bami boonse babana Arabiya+ abami boonse bankamu yabantu bamisyobo-misyobo ibakkala munkanda; 25 bami boonse ba Zimuri, bami boonse ba Elamu,+ abami boonse babana Medi;+ 26 abami boonse bakunyika, ibali afwaafwi abali kulamfwu, kabatobelana umwi aumwi wabo, amami aambi aamunyika oonse aali atala aanyika; mpoonya mwami wa Sesaki*+ uyoonywa baakumanizya boonse.
27 “Alimwi weelede kubaambila kuti, ‘Mboobu mbwaamba Jehova wamakamu, Leza wa Israyeli: “Amunywe mukolwe, mwamana muluke akuwa cakuti cimwaalile kunyamuka+ akaambo kapanga ndyondituma akati kanu.”’ 28 Lino ikuti naa bakakake kubweza nkapu kuzwa mujanza lyako kuti banywe, ukabaambile kuti, ‘Mboobu mbwaamba Jehova wamakamu: “Ncobeni mulainywa nemuyanda nemutayandi! 29 Nkaambo amubone! Ikuti naa munzi wiitwa azina lyangu+ ngonditiisaangune kuletela mapenzi, sena nywebo mweelede kulekwa buyo kakunyina kusubulwa?”’+
“‘Kunyina nomutiilekwe buyo kakunyina kusubulwa pe, nkaambo kuli panga ndendiitila bantu boonse bakkala munyika,’ mbwaamba Jehova wamakamu.
30 “Lino yebo ukabasinsimine majwi aaya oonse akubaambila kuti,
‘Kuzwa kujulu Jehova uyoovwuluma,
Alimwi kuzwa kubusena bwakwe busalala uyoopa kuti jwi lyakwe limvwugwe.
Uyoovwulumina busena bwakwe bwakukkala.
Uyakwiimba ajwi lyaatala mbuli baabo balyatauka mucikandilo camisaansa,
Uyakwiimba akaambo kakuzunda bantu boonse bakkala munyika.’
31 ‘Ciyoyooyo ciyoolimvwisya kumamanino aanyika,
Nkaambo Jehova ujisi kaambo amasi.
Walo mwini uyoobabeteka bantu boonse.+
Bantu babi uyoobaaba kupanga,’ mbwaamba Jehova.
32 Mboobu mbwaamba Jehova wamakamu:
‘Amubone! Mapenzi ayaabumwaika mucisi acisi,+
Alimwi guwo pati liyootalisyigwa kuzwa kumasena aakumamanino aanyika.+
33 “‘Aabo bayoojaigwa a Jehova mubuzuba oobo bayoojanika koonse-koonse kuzwa kumagolelo amwi aanyika kusikila kumagolelo aambi aanyika. Tabakalilwi pe, nokuba kuyobolwa naa kuzikkwa. Bayooba buyo mbuli mbolezi atala aanyika.’
34 Amulile, nywebo nobeembezi, akoomoka!
Amwaalabane ansi, nywebo nobalupati-pati babutanga,
Nkaambo ciindi canu cakuti mujaigwe akuti mumwaigwe casika,
Alimwi muyoowa mbuli nongo njandisi!
35 Beembezi tabajisi busena bwakutijila,
Abalo balupati-pati babutanga tabajisi matijilo.
36 Amuswiilile! Kukwiila kwabeembezi
Akulila kwabalupati-pati babutanga,
Nkaambo Jehova unyonyoona macelelo aabo.
37 Alimwi mumasena aakukkala aaluumuno tamucikwe bantu bapona
Akaambo kabukali bwa Jehova buvwilima mbuli mulilo.
38 Wazwa mumayubilo aakwe mbuli syuumbwa uucili mwana,+
Nkaambo nyika yabo yaba cintu cigambya
Akaambo kapanga liyoosya
Alimwi akaambo kabukali bwakwe buvwilima mbuli mulilo.”
26 Kumatalikilo aabulelo bwa Jehoyakimu+ mwana wa Josiya, mwami wa Juda, kwakasika jwi eeli kuzwa kuli Jehova: 2 “Mboobu mbwaamba Jehova, ‘Koimikila mulubuwa lwaŋanda ya Jehova mpoonya waambe kujatikizya minzi* yoonse ya Juda eeyo iiboola kuzookomba* kuŋanda ya Jehova. Ubaambile majwi oonse ngonditiikulailile; utasiyi jwi noliba lyomwe. 3 Ndiza bayooswiilila akujokoloka, umwi aumwi kuzwa kunzila yakwe mbyaabi, eelyo ndiyoocinca mizeezo kujatikizya mapenzi ngondikanzide kubaletela akaambo kamicito yabo mibyaabi.+ 4 Ukabaambile kuti: “Mboobu mbwaamba Jehova, ‘Ikuti naa tamukoondiswiilila kwiinda mukutatobela mulawo* wangu ngondamupa, 5 akwiinda mukutaswiilila majwi aababelesi bangu basinsimi, aabo mbondituma kulindinywe cakwiinduluka-induluka,* aabo mbomwataswiilila,+ 6 nkokuti ŋanda eeyi ndiyakwiipa kuba mbuli Silo,+ alimwi munzi ooyu ndiyakuupa kuba cintu cisinganizyidwe kumasi oonse aamunyika.’”’”+
7 Aboobo bapaizi, basinsimi abantu boonse bakamumvwa Jeremiya kaambaula majwi aaya muŋanda ya Jehova.+ 8 Mpoonya Jeremiya naakamanizya kwaamba zintu zyoonse Jehova nzyaakamulailide kuti aambile bantu boonse, ibapaizi, basinsimi alimwi abantu boonse bakamujata akwaamba kuti: “Yebo ncobeni ulafwa. 9 Nkaambo nzi ncoosinsima muzina lya Jehova, kuti, ‘Ŋanda eeyi iyooba mbuli Silo, eelyo munzi ooyu uyoonyonyoonwa alimwi takukacaali muntu uukkala mumo’?” Lino bantu boonse bakamuzinguluka Jeremiya muŋanda ya Jehova.
10 Basilutwe ba Juda nobakamvwa majwi aaya, bakazwa kuŋanda yamwami akuboola kuŋanda ya Jehova akuzookkala ansi kumanjililo aamulyango mupya waŋanda ya Jehova.+ 11 Mpoonya bapaizi abasinsimi bakaambila basilutwe abantu boonse kuti: “Muntu ooyu weelede kujaigwa,+ nkaambo wasinsima makani mabi kujatikizya munzi ooyu mbubonya nywebo mbomwalimvwida amatwi aanu.”+
12 Mpoonya Jeremiya wakaambila basilutwe boonse alimwi abantu boonse kuti: “Ngu Jehova wakandituma kuzoosinsima kujatikizya ŋanda eeyi akujatikizya munzi ooyu majwi oonse ngomwamvwa.+ 13 Aboobo lino amubotye nzila zyanu amicito yanu, alimwi amuswiilile jwi lya Jehova Leza wanu, eelyo Jehova ulacinca mizeezo kujatikizya mapenzi aayo ngaamba kuti ulamuletela.+ 14 Pele mebo, ndili mumaanza aanu. Amundicite kufwumbwa ncomubona kuti ncibotu alimwi akuti nceciluzi mumeso aanu. 15 Pele ncomweelede kuzyiba ncakuti, ikuti naa mundijaye, mbulowa bwamuntu uutakwe mulandu mbomutiibikke aamitwe yanu nobeni, aamunzi ooyu alimwi aabantu bakkala mumo, nkaambo Jehova mubwini ngowakandituma kulindinywe kuzikwaamba majwi aaya oonse ngomwalimvwida amatwi aanu.”
16 Aboobo basilutwe alimwi abantu boonse bakaambila bapaizi abasinsimi kuti: “Muntu ooyu teelede kujaigwa pe, nkaambo watwaambila muzina lya Jehova Leza wesu.”
17 Kuyungizya waawo, bapati bamwi bamucisi bakanyamuka akwaambila mbungano yoonse yabantu kuti: 18 “Mika+ waku Moresati wakali kusinsima mumazuba aa Mwami Hezekiya+ wa Juda alimwi wakaambila bantu boonse bamu Juda kuti, ‘Mboobu mbwaamba Jehova wamakamu:
“Ziyoni uyoolimwa mbuli muunda,
Jerusalemu uyooba zitantaala buyo,+
Acalo cilundu ca Ŋanda* ciyooba mbuli malundu aamusyokwe.”’*+
19 “Sena Mwami Hezekiya wa Juda antoomwe abana Juda boonse bakamujaya? Sena tanaakayoowa Jehova cakuti wakakombelezya Jehova,* eelyo Jehova wakacinca mizeezo yakwe kujatikizya mapenzi ngaakaambide kuti uyoobaletela?+ Aboobo, ncotuyanda kucita lino cilatuletela buyo mapenzi mapati swebo tobeni.
20 “Alimwi kwakali mwaalumi umwi iwakali kusinsima muzina lya Jehova, Urija mwana wa Semaya uuzwa ku Kiriyati-jearimu,+ ooyo iwakasinsima kujatikizya munzi ooyu alimwi acisi eeci amajwi aakozyenye aa Jeremiya. 21 Mwami Jehoyakimu+ abaalumi bakwe boonse basinguzu alimwi abasilutwe boonse bakaamvwa majwi aakwe, mpoonya mwami wakatalika kuyandaula nzila yakuti amujaye.+ Lino Urija mbwaakamvwida buyo boobo wakayoowa akutijila ku Egepita. 22 Mpoonya Mwami Jehoyakimu wakatuma Elinatani+ mwana wa Akiboro antoomwe abaalumi bambi kuti baunke ku Egepita. 23 Aboobo bakamugusya Urija kuzwa ku Egepita akumuleta ku Mwami Jehoyakimu, ooyo wakamujaya apanga+ akusowa mubili wakwe kunamaumbwe ikuzikkwa bantu-bantu buyo.”
24 Nokuba boobo, Ahikamu+ mwana wa Safani+ wakagwasya Jeremiya, aboobo tanaakaabwa mumaanza aabantu kuti bamujaye.+
27 Kumatalikilo aabulelo bwa Jehoyakimu mwana wa Josiya, mwami wa Juda, Jeremiya wakasikilwa jwi eeli kuzwa kuli Jehova: 2 “Mboobu mbwaandaambila Jehova, ‘Kolipangila zitolopo amajoko, wamana ulipope munsingo yako. 3 Mpoonya uzitumizye kumwami wa Edomu,+ kumwami wa Moabu,+ kumwami wabana Amoni,+ kumwami wa Turo,+ alimwi akumwami wa Sidoni+ kwiinda mukubelesya janza lyabatumwa ibaboola ku Jerusalemu ku Mwami Zedekiya wa Juda. 4 Ubape malailile aakutolela basimalelaabo, aaya aakuti:
“‘“Mboobu mbwaamba Jehova wamakamu, Leza wa Israyeli; mboobu mbomweelede kwaambila basimalelaanu, 5 ‘Mebo ndime ndakalenga nyika, bantu alimwi abanyama bali atala aanyika kwiinda munguzu zyangu zinji kapati akwiinda mujanza lyangu litandabede; alimwi ndaipa muntu uuli woonse ngondiyanda.*+ 6 Aboobo lino zisi zyoonse eezyi ndazibikka mumaanza aamubelesi wangu, Mwami Nebukadinezara+ wa Babuloni; alimwi ndamupa abanyama bamusyokwe kuti bamubelekele. 7 Masi oonse ayoomubelekela walo amwanaakwe alimwi amuzyukulu wakwe kusikila mane cikasike ciindi cacisi cakwe,+ eelyo masi manji abami bapati nobayoomucita kuba muzike wabo.’+
8 “‘“‘Lino kufwumbwa bwami naa cisi iciyookaka kumubelekela Mwami Nebukadinezara wa Babuloni alimwi iciyookaka kunjizya nsingo yancico mujoko lyamwami wa Babuloni, ndiyoocisubula cisi eeco apanga,+ nzala alimwi acilwazi,’ mbwaamba Jehova, ‘kusikila mane ndikabamanizye ajanza lyakwe.’
9 “‘“‘Aboobo mutabaswiilili pe basinsimi banu, basikusonda banu, basiziloto banu, basimasalamuzi banu alimwi abaŋanga banu aabo bamwaambila kuti: “Tamukamubelekeli pe mwami wa Babuloni.” 10 Nkaambo bamusinsimina zyakubeja, kutegwa mutolwe kulamfwu kuzwa munyika yanu, cakuti ndiyoomumwaya, eelyo muyooloba.
11 “‘“‘Pele cisi eeco iciyakunjizya nsingo yancico mujoko lyamwami wa Babuloni akumubelekela, ndiyoocipa kuzumanana kukkala* munyika yancico,’ mbwaamba Jehova, ‘kuti ciilime nyika eeyo akukkala mulinjiyo.’”’”
12 Awalo Mwami Zedekiya+ wa Juda mbondakamwaambila mbubonya oobu, kuti: “Amunjizye nsingo zyanu mujoko lyamwami wa Babuloni, mumubelekele walo alimwi abantu bakwe, eelyo mulazumanana kupona.+ 13 Ino nkaambo nzi yebo abantu bako ncomweelede kujaigwa apanga,+ nzala+ alimwi acilwazi+ kweelana ambwaamba Jehova kujatikizya cisi eeco citakabelekeli mwami wa Babuloni? 14 Mutaaswiilili pe majwi aabasinsimi aabo bamwaambila kuti, ‘Tamukamubelekeli pe mwami wa Babuloni,’+ nkaambo bamusinsimina zyakubeja.+
15 “‘Nkaambo mebo tiindabatuma pe,’ mbwaamba Jehova, ‘pele basinsima zyakubeja muzina lyangu, kutegwa ndimumwaye, eelyo muyooloba, nywebo alimwi abasinsimi aabo bamusinsimina.’”+
16 Lino bapaizi alimwi abantu aaba boonse ndakabaambila kuti: “Mboobu mbwaamba Jehova, ‘Mutaaswiilili pe majwi aabasinsimi banu bamusinsimina, kabati: “Amubone! Zibelesyo zyamuŋanda ya Jehova ino-ino buyo zilajolwa kuzwa ku Babuloni!”+ nkaambo eezyo nzyobamusinsimina nzyakubeja.+ 17 Mutabaswiilili pe. Amubelekele mwami wa Babuloni, eelyo mulazumanana kupona.+ Ino nkaambo nzi munzi ooyu ncoweelede kunyonyoonwa akuba matongo? 18 Pele ikuti naa mbasinsimi ncobeni alimwi ikuti naa ncobeni bajisi jwi lya Jehova, abamukombelezye Jehova wamakamu kuti zibelesyo zisyeede muŋanda ya Jehova amuŋanda yamwami wa Juda alimwi amu Jerusalemu zitatolwi ku Babuloni.’
19 “Nkaambo mboobu mbwaamba Jehova wamakamu kujatikizya misemu,+ Zyiba,*+ tuŋola+ alimwi azibelesyo zyoonse zisyeede mumunzi ooyu, 20 eezyo Mwami Nebukadinezara wa Babuloni nzyaatakabweza naakamutola mubuzike Jekoniya mwana wa Jehoyakimu mwami wa Juda, kuzwa ku Jerusalemu kuya ku Babuloni, antoomwe ankumekume zyoonse zyamu Juda amu Jerusalemu;+ 21 inzya mboobu mbwaamba Jehova wamakamu, Leza wa Israyeli kujatikizya zibelesyo zisyeede muŋanda ya Jehova amuŋanda yamwami wa Juda amu Jerusalemu: 22 ‘“Ziyootolwa ku Babuloni,+ eelyo zinooli nkomunya ooko kusikila buzuba ndaakuziyeeya,” mbwaamba Jehova. “Mpoonya ndiyoozileta akuzipilusya mubusena oobu.”’”+
28 Mumwaka ngomunya ooyo, kumatalikilo aabulelo bwa Mwami Zedekiya+ wa Juda, mumwaka wane, mumwezi wasanu, imusinsimi Hananiya mwana wa Azuri iwakali kuzwa ku Gibeoni,+ wakandaambila muŋanda ya Jehova kabaliko bapaizi alimwi abantu boonse kuti: 2 “Mboobu mbwaamba Jehova wamakamu, Leza wa Israyeli, ‘Ndiyootyola joko lyamwami wa Babuloni.+ 3 Kaitanamana myaka* yobilo ndiyoopilusya zibelesyo zyoonse zyamuŋanda ya Jehova eezyo Mwami Nebukadinezara wa Babuloni nzyaakabweza mubusena oobu akuzitola ku Babuloni.’”+ 4 “‘Kunze lyaboobo, ndiyoomupilusya kubusena oobu Jekoniya+ mwana wa Jehoyakimu,+ mwami wa Juda antoomwe abantu boonse bamu Juda ibakatolwa mubuzike ku Babuloni,’+ mbwaamba Jehova, ‘nkaambo ndiyootyola joko lyamwami wa Babuloni.’”
5 Mpoonya musinsimi Jeremiya wakaambila musinsimi Hananiya kabaliko bapaizi alimwi abantu boonse aabo ibakaimvwi muŋanda ya Jehova. 6 Musinsimi Jeremiya wakaamba kuti: “Ameni!* Jehova acite mbubonya oobo! Jehova azuzikizye majwi ngoosinsima kwiinda mukuzipilusya kubusena obuno zibelesyo zyamuŋanda ya Jehova alimwi abantu boonse bakatolwa mubuzike ku Babuloni! 7 Pele ndalomba kuti umvwe mulumbe ooyu ngondaamba mumatwi aako amumatwi aabantu boonse aaba. 8 Kaindi, basinsimi ibakaliko kanditanaba mebo alimwi ayebo kotanaba, bakali kusinsima kujatikizya masi manji amami mapati, bakali kusinsima zyankondo, mapenzi alimwi azilwazi. 9 Ikuti musinsimi wasinsima zyaluumuno, kumane ijwi lyamusinsimi ooyo lyazuzikizyigwa, nkokuti kuyoozyibwa kuti ncobeni Jehova ngowakamutuma musinsimi ooyo.”
10 Mpoonya aawo musinsimi Hananiya wakagwisya joko munsingo yamusinsimi Jeremiya akulityola.+ 11 Kumane Hananiya wakaamba kabamvwide bantu boonse bakaliko kuti: “Mboobu mbwaamba Jehova, ‘Mbubonya oobu mbondiyootyola joko lya Mwami Nebukadinezara wa Babuloni eelyo lili munsingo zyamasi oonse, kaitanamana myaka yobilo.’”+ Mpoonya musinsimi Jeremiya wakeenda wagama nzila yakwe.
12 Lino musinsimi Hananiya naakamana kutyola joko ilyakali munsingo ya musinsimi Jeremiya, Jeremiya wakasikilwa mulumbe ooyu kuzwa kuli Jehova: 13 “Koya, ukaambile Hananiya kuti, ‘Mboobu mbwaamba Jehova: “Yebo watyola majoko aacisamu,+ pele mubusena bwangawo uyoopanga majoko aabutale.” 14 Nkaambo mboobu mbwaamba Jehova wamakamu, Leza wa Israyeli: “Ndiyoobikka joko lyabutale munsingo zyamasi aaya oonse, kuti abelekele Mwami Nebukadinezara wa Babuloni, eelyo ayoomubelekela.+ Ndiyoomupa nobaba banyama bamusyokwe.”’”+
15 Mpoonya musinsimi Jeremiya wakaambila musinsimi Hananiya+ kuti: “Swiilila yebo Hananiya! Jehova tanaakutuma pe, pele yebo wapa kuti bantu aaba basyome zyakubeja.+ 16 Aboobo, mboobu mbwaamba Jehova, ‘Bona! Ndilakutanda kuzwa atala aanyika. Mwaka ngomunya uno yebo ulafwa, nkaambo wayunga bantu kuzangila Jehova.’”+
17 Aboobo musinsimi Hananiya wakafwa mwaka ngomunya ooyo, mumwezi waciloba.
29 Aaya ngamajwi aakali mulugwalo musinsimi Jeremiya ndwaakatuma kuzwa ku Jerusalemu kubapati bakasyeede akati kabantu ibakatolwa mubuzike, kubapaizi, kubasinsimi alimwi akubantu boonse, aabo Nebukadinezara mbaakatola mubuzike kuzwa ku Jerusalemu kuya ku Babuloni, 2 nkokuti ciindi Mwami Jekoniya+ antoomwe abanyina mwami,+ nkumekume zyamuŋanda yamwami, basilutwe baku Juda aku Jerusalemu, basyaabupampu alimwi abafwuzi* kabaunkide kale kuzwa ku Jerusalemu.+ 3 Wakatumizya lugwalo oolo kwiinda mumaanza aa Elasa mwana wa Safani+ a Gemariya mwana wa Hilikiya, aabo Mwami Zedekiya+ wa Juda mbaakatuma ku Babuloni ku Mwami Nebukadinezara wa Babuloni. Lwakali kwaamba kuti:
4 “Mboobu mbwaamba Jehova wamakamu, Leza wa Israyeli, kubantu boonse bakatolwa mubuzike, aabo mbondakapa kuti batolwe mubuzike ku Babuloni kuzwa ku Jerusalemu, 5 ‘Amuyake maanda akukkala mulingawo. Amulime myuunda akulya micelo yanjiyo. 6 Amukwate bamakaintu akuzyala bana basankwa abasimbi; amubajanine bamakaintu bana banu basankwa akukwasya bana banu basimbi, kutegwa abalo bazyale bana basankwa abasimbi. Amuvwule ooko, mutaceyi pe. 7 Amuyandaule luumuno lwamunzi wacisi ooko nkondamutola mubuzike, alimwi amuupailile kuli Jehova, nkaambo kwiinda muluumuno lwanguwo anywebo muyooba aluumuno.+ 8 Nkaambo mboobu mbwaamba Jehova wamakamu, Leza wa Israyeli: “Batamweeni pe basinsimi abasondi banu aabo ibali akati kanu,+ alimwi mutaziswiilili ziloto zyabo eezyo nzyobalota. 9 Nkaambo ‘bamusinsimina zyakubeja muzina lyangu. Tiindabatuma pe,’+ mbwaamba Jehova.”’”
10 “Nkaambo mboobu mbwaamba Jehova, ‘Yaakukkwana myaka iili 70 kamuli ku Babuloni, ndiyoomuyeeya nywebo,+ eelyo ndiyoozuzikizya cisyomezyo cangu kwiinda mukumupilusya kubusena obuno.’+
11 “‘Nkaambo ndiliizyi kabotu mizeezo njendiyeeya kujatikizya ndinywe,’ mbwaamba Jehova, ‘mizeezo yakumuletela luumuno, kutali mapenzi pe,+ kumupa buumi bwakumbele bubotu alimwi abulangizi.+ 12 Lino muyoondiita alimwi muyooboola akupaila kulindime, eelyo ndiyoomuswiilila.’+
13 “‘Muyoondiyandaula akundijana,+ nkaambo muyoondiyandaula amyoyo yanu yoonse.+ 14 Mebo ndiyoopa kuti mundijane,’+ mbwaamba Jehova. ‘Alimwi ndiyoobunganya bantu banu baangidwe akumuyobolola antoomwe kuzwa kumasi oonse alimwi akumasena oonse ooko nkondakamumwaila,’+ mbwaamba Jehova. ‘Mpoonya ndiyoomupilusya kubusena ooko nkomwakabede ciindi nendakapa kuti mutolwe mubuzike.’+
15 “Pele nywebo mwaamba kuti, ‘Jehova watubusyila basinsimi mu Babuloni.’
16 “Nkaambo mboobu mbwaamba Jehova kumwami uukkede acuuno cabwami ca Davida+ akubantu boonse bakkala mumunzi ooyu, ibanabokwanu aabo mbomwatakaunka limwi mubuzike, 17 ‘Mboobu mbwaamba Jehova wamakamu: “Amubone, ndilabatumina panga, nzala alimwi acilwazi,+ alimwi ndilabapa kuba mbuli nkuyu zibolede* izibi kapati cakuti tazikonzyi kuligwa.”’+
18 “‘Alimwi ndiyoobatandaanya apanga,+ nzala alimwi acilwazi, alimwi ndiyoobapa kuba cintu cigambya kumami oonse aamunyika,+ kuba cintu cisinganizyidwe, cilamya, cakusibila mulosi+ alimwi cisampaulwa akati kamasi oonse ooko nkondibamwaila,+ 19 akaambo kakuti tiibaswiilila majwi aangu aayo ngondakabatumina kwiinda mubabelesi bangu basinsimi,’ mbwaamba Jehova, ‘aabo mbondakali kutuma cakwiinduluka-induluka.’*+
“‘Pele nywebo tiimwaswiilila pe,’+ mbwaamba Jehova.
20 “Aboobo, amumvwe jwi lya Jehova, nywebo nobantu nyoonse nomuli mubuzike, nywebo mbondakatanda kuzwa ku Jerusalemu kuya ku Babuloni. 21 Mboobu mbwaamba Jehova wamakamu, Leza wa Israyeli kujatikizya Ahabu mwana wa Kolaya akujatikizya Zedekiya mwana wa Maaseya, aabo ibamusinsimina zyakubeja muzina lyangu,+ ‘Amubone, ndilabaaba mumaanza aa Mwami Nebukadinezara* wa Babuloni, eelyo uyoobajaya kamulangilila. 22 Mpoonya eeco iciyoobacitikila ciyooba majwi aakusinganya ngobanoobelesya bana Juda boonse aabo ibali mubuzike mu Babuloni, kabati: “Jehova akucite kuba mbuli Zedekiya ambuli Ahabu, aabo mwami wa Babuloni mbaakayoka mumulilo!” 23 nkaambo bacita zintu zisesemya mu Israyeli,+ bacita bumambe abamakaintu babeenzinyina alimwi akwaamba majwi aakubeja muzina lyangu aayo ngondatakabalailila.+
“‘“Mebo ndime ndaazyi makani aaya alimwi ndime kamboni,”+ mbwaamba Jehova.’”
24 “Awalo Semaya+ waku Nehelami ukamwaambile kuti, 25 ‘Mboobu mbwaamba Jehova wamakamu, Leza wa Israyeli: “Akaambo kakuti muzina lyako yebo wakatuma magwalo kubantu boonse bali ku Jerusalemu, kuli Zefaniya+ mwana wa Maaseya imupaizi alimwi akubapaizi boonse, aajisi majwi aakuti, 26 ‘Jehova wakubikka kuba mupaizi yebo mubusena bwa Jehoyada mupaizi, kuti ube mulangizi waŋanda ya Jehova, kuti kolanganya muntu woonse uusondokede uucita mbuli kuti musinsimi, alimwi akumubikka muziliba zyakumaulu aziliba zyakumutwe amaanza;*+ 27 aboobo ino nkaambo nzi ncootamunyemena Jeremiya waku Anatoti,+ ooyo uucita mbuli kuti musinsimi kulindinywe?+ 28 Nkaambo walo mane wakatutumina alugwalo okuno ku Babuloni, ilwakajisi majwi aakuti: “Muciliko, tamukapiluki lino pe! Amuyake maanda akukkala mulingawo. Amulime myuunda akulya micelo yanjiyo,+—”’”’”
29 Lino + mupaizi Zefaniya naakalubala lugwalo oolu mumatwi aamusinsimi Jeremiya, 30 ijwi lya Jehova lyakamusikila Jeremiya, kaliti: 31 “Kobatumina majwi bantu boonse aabo bali mubuzike aakuti, ‘Mboobu mbwaamba Jehova kujatikizya Semaya waku Nehelami: “Akaambo kakuti Semaya wamusinsimina nywebo, nokuba kuti mebo tiindakamutuma, alimwi wasola kumupa kuti musyome zyakubeja,+ 32 nkokuti mboobu mbwaamba Jehova, ‘Amubone, ndilamusubula Semaya waku Nehelami antoomwe alunyungu lwakwe. Takukabi muntu naba omwe walunyungu lwakwe uuyoozumanana kupona akati kabantu aaba, alimwi takabuboni bubotu mbondiyoocitila bantu bangu,’ mbwaamba Jehova, ‘nkaambo wayunga bantu kuzangila Jehova.’”’”
30 Ndeeli jwi lyakamusikila Jeremiya kuzwa kuli Jehova, kaliti: 2 “Mboobu mbwaamba Jehova Leza wa Israyeli, ‘Koalemba mubbuku majwi oonse ngondikwaambila. 3 Nkaambo “bona, mazuba alaboola,” mbwaamba Jehova, “eelyo ndiyoobunganya baange akati kabantu bangu ba Israyeli a Juda,”+ mbwaamba Jehova, “mpoonya ndiyoobapilusya kunyika njondakapede bamausyi, eelyo bayakwiikona alimwi.”’”+
4 Ngaaya majwi Jehova ngaakaambila Israyeli a Juda.
5 Mboobu mbwaamba Jehova:
“Twamvwa jwi lyabantu bazuzuma;
Baliyoowede kapati, alimwi kunyina luumuno pe.
6 Amubuzye naa musankwa ulakonzya kutumbuka.
Nkaambo nzi masyu oonse ncaauside?
7 Maawe! Nkaambo buzuba oobo bulayoosya.*+
Kunyina bumbi buli mbuli mbubo,
Nciindi camapenzi kuli Jakobo.
Pele uyoofwutulwa kuzwa mumo.”
8 “Alimwi mubuzuba oobo,” mbwaamba Jehova wamakamu, “ndiyootyola joko lili munsingo yako azyalo zitolopo* zyako ndiyoozidunsula; aboobo beenzu* tabakamubelesyi* limbi mbuli muzike wabo. 9 Bayoobelekela Jehova Leza wabo alimwi a Davida mwami wabo, ooyo ngondiyoobabusyila.”+
10 “Lino yebo Jakobo omubelesi wangu, utayoowi pe,” mbwaamba Jehova,
“Alimwi utabi abukandu, O Israyeli.+
Nkaambo mebo ndiyookufwutula kuzwa kulamfwu
Abana bako kuzwa kucisi nkobaangidwe.+
Jakobo uyoojokela, uyooliiba alimwi takanyonganizyigwi,
Kunyina muntu naba omwe uuyoobayoosya.”+
11 “Nkaambo ndilaanduwe,” mbwaamba Jehova, “kuti ndikufwutule.
Pele ndiyooleta lunyonyooko akati kamasi oonse ooko nkondakakumwaila;+
Nokuba boobo, yebo tandikakunyonyooni pe.+
12 Nkaambo mboobu mbwaamba Jehova:
“Kunyina musamu uukonzya kuponya nguma yako.+
Cilonda cako tacisilikiki pe.
13 Kunyina uukukombelezyela kaambo kako,
Kunyina nzila yakuponya cilonda cako.
Kunyina musamu uukonzya kukusilika.
14 Boonse aabo bakuyanda kapati bakuluba.+
Tabacikuyandauli pe.
Nkaambo ndakuuma mbuli mbwacita sinkondo,+
Akukusubula mbuli mbwacita muntu silunya,
Akaambo kakukomena kwamulandu wako alimwi azibi zyako zinji.+
15 Ino nkaambo nzi ncolila akaambo kanguma yako?
Kucisa nkomvwide takukonzyi kumanizyigwa pe!
Akaambo kakukomena kwamulandu wako alimwi azibi zyako zinji+
Ncindakucitila zintu eezyi.
16 Aboobo boonse aabo bakunyonyoona bayoonyonyoonwa,+
Abalo basinkondonyoko boonse bayootolwa kabali baange.+
Aabo bakubbida zintu, abalo bayoobbidwa zintu,
Alimwi boonse aabo bakusaala, abalo ndiyoobapa kusaalwa.”+
17 “Pele ndiyookuponya alimwi akukusilika zilonda zyako,”+ mbwaamba Jehova,
“Nokuba kuti bakali kukwaamba kuti uli muzandule, ategwa:
‘Ooyu ngo Ziyoni, uutayandaulwi amuntu uuli woonse.’”+
18 Mboobu mbwaamba Jehova:
“Amubone ndilabunganya baange akati kabantu ba Jakobo+ ibakkala mumatente,
Alimwi ndiyoozifwida lubomba zilawo zyakwe.
Munzi ooyu uyooyakululwa acitantaala canguwo,+
Ayalo ngazi iikwabilidwe iyakwiima abusena bwanjiyo bweelede.
19 Kulimbabo kuyoozwa majwi aakulumba alimwi akuyobeka kwabantu baseka.+
Ndiyoobavwuzya, eelyo tabakaceyi pe;+
Ndiyoopa kuti bavwule kapati,*
Eelyo tabakabi kabunga kasyoonto ikatabalwi.+
20 Bana bakwe bayooba mbuli kuciindi cakaindi,
Ayalo mbungano yakwe iyookkazikizyigwa kumbele lyangu.+
Ndiyoobasubula boonse bamupenzya.+
21 Muntu wakwe uulemekwa unooli umwi wamukowa wakwe,
Alimwi muleli wakwe uyoozwa mulinguwe.
Ndiyoomupa kuti aswene afwaafwi, eelyo uyooboola kulindime.”
“Nkaambo nocatali boobo, ino nguni uukonzya kusola* kuboola kulindime?” mbwaamba Jehova.
22 “Eelyo nywebo muyooba bantu bangu,+ andime ndiyooba Leza wanu.”+
23 Amubone! Iguwo lya Jehova liyoobbubbula cabukali,+
Iguwo pati kapati liyoozinguluka amitwe yabantu babi.
24 Bukali bwa Jehova buvwilima mbuli mulilo tabukamani pe
Kusikila mane akacite alimwi akuzuzikizya makanze ngajisi mumoyo wakwe.+
Kumazuba aakumamanino nywebo muyakwaamvwisya makani aaya.+
31 “Kuciindi eeco,” mbwaamba Jehova, “ndiyooba Leza wamikwasyi yoonse ya Israyeli, eelyo balo bayooba bantu bangu.”+
2 Mboobu mbwaamba Jehova:
“Bantu aabo ibakafwutuka kupanga bakafwidwa luzyalo munkanda
Ciindi Israyeli naakali kuunka kubusena bwakwe bwakulyookezyela.”
3 Kali kulamfwu, Jehova wakalibonya kulindime akwaamba kuti:
“Ndalikukuyanda aluyando lutamani.
Nkakaambo kaako ndakukwelela kulindime aluyando lutamani.*+
4 Ndiyookuyakulula alimwi, eelyo uyooyakululwa.+
Yebo onakalindu wa Israyeli uyakubweza nsakalala zyako alimwi
Akutalika kuzyana kokkomene.*+
5 Uyoosyanga alimwi myuunda yamisaansa muzilundu zya Samariya;+
Basikusyanga bayoosyanga akulya micelo yanjiyo.+
6 Nkaambo buzuba buyoosika eelyo balindizi bamumalundu aa Efraimu nobayakoongolola kuti:
‘Amunyamuke, tuunke ku Ziyoni, kuli Jehova Leza wesu.’”+
7 Nkaambo mboobu mbwaamba Jehova:
“Amoompolole cakukondwa kuli Jakobo.
Amoongolole cakukondwa nkaambo ndinywe mweendelezya masi.+
Amwaambilizye; amumutembaule akwaamba kuti,
‘O Jehova, kobafwutula bantu bako, ba Israyeli ibasyeede.’+
8 Amubone ndilabaleta kuzwa kucisi cakunyika.+
Ndiyoobabunganya antoomwe kuzwa kumagolelo aanyika.+
Akati kabo kunooli boofwu abalema,+
Mukaintu uumitide alimwi ayooyo uuyanda kale kutumbuka, boonse kabali antoomwe.
Kabali mbungano mpati bayoojokela okuno.+
9 Bayooboola kabalila.+
Ndiyoobasololela kumwi kabakombelezya kuti bafwidwe luzyalo.
Ndiyoobasololela kutulonga twamaanzi,+
Munzila iiyalene iitakabapi kulebwa.
Nkaambo mebo ndendime Usyi wa Israyeli, alimwi Efraimu mwanaangu wakusaanguna.”+
10 Amumvwe jwi lya Jehova, nywebo nomasi,
Alimwi amulyaambilizye akati kansumbu zili kulamfwu,+ kuti:
“Ooyo wakamwaya ba Israyeli uyoobabunganya.
Uyoobalanganya mbubonya mweembezi mbwalanganya butanga bwakwe.+
12 Bayooboola akoompolola cakukondwa atala aacilundu ca Ziyoni+
Akusekelela akaambo kabubotu bwa* Jehova,
Akaambo kamaila, kawaini mupya,+ kamafwuta,
Kabana bambelele, bampongo abaŋombe.+
Bayooba buyo mbuli muunda uutilailwa kabotu,+
Alimwi tabakagonkelwi limbi akaambo kanzala anyota.”+
13 “Aciindi eeco nakalindu uyoozyana kakkomene,
Abalo balombwana abamadaala bayoocita oobo antoomwe.+
Ndiyoocinca kulila kwabo kuti kube kusekelela.+
Ndiyoobaumbulizya akubapa kuti bakondwe muciindi camause aabo.+
14 Ndiyookkutya bapaizi zyakulya zinji,*
Alimwi bantu bangu bayookkuta bubotu bwangu,”+ mbwaamba Jehova.
15 “Mboobu mbwaamba Jehova:
‘Kumvwika jwi mu Rama,+ ijwi lyakoomoka akulila kapati:
Rakele ulila bana bakwe basankwa.*+
Wakaka kuumbulizyigwa kujatikizya bana bakwe basankwa,
Nkaambo tabaciko pe.’”+
16 Mboobu mbwaamba Jehova:
“‘Koleka kulila, alimwi kolesya meso aako kuzwa misozi,
Nkaambo kuli bulumbu akaambo kamulimo wako,’ mbwaamba Jehova.
‘Bayoopiluka kuzwa kucisi cabasinkondonyina.’+
17 ‘Alimwi yebo ulaabulangizi bubotu kumbele,’+ mbwaamba Jehova.
‘Bana bako bayoopilukila kucilawo cabo.’”+
18 “Ndamumvwa Efraimu kalilauka kuti,
‘Yebo wandilulamika, aboobo ndalulamikwa,
Mbuli moombe uutanatambisyigwa.
Kondipilusya, eelyo ndilapiluka kakunyina kuwayawaya,
Nkaambo nduwe Jehova Leza wangu.
Ndakafwa nsoni, alimwi ndakasampuka,+
Nkaambo ndakanyamwide masampu aakubwana.’”
20 “Sena Efraimu tali mwana ngondiyandisya, kalungu kangu kaamoyo?+
Nkaambo ciindi coonse nendimubwentela, tandileki kumuyeeya pe.
Nkakaambo kaako moyo* wangu wapya akaambo kanguwe.+
Aboobo ziyume zitete ndiyoomufwida lubomba,” mbwaamba Jehova.+
21 “Kolibikkila zitondezyo mumugwagwa,+
Alimwi kolibikkila zikwankwani.
Koubikkila maano mugwagwa, inzila moyakwiinda.+
Kopiluka, yebo nakalindu wa Israyeli, kopiluka kuminzi yako eeyi.
22 Ino uyooleka lili kwiingaila, yebo omwana musimbi uutasyomeki?
Nkaambo Jehova walenga cintu cipya munyika:
Mukaintu uyoosungwaala kutobela musankwa.”
23 Mboobu mbwaamba Jehova wamakamu, Leza wa Israyeli: “Bayakwiinduluka kwaamba majwi aaya mucisi ca Juda amuminzi yancico eelyo ndaakubunganya bantu babo baangidwe: ‘Jehova akuleleke, yebo obusena bwakukkala bululeme,+ yebo ocilundu cisalala.’+ 24 Mulincico cisi ca Juda alimwi aminzi yancico yoonse bayookkala antoomwe boonse, balimi abaabo beembela butanga.+ 25 Nkaambo ndiyookatalusya muntu uukatede, alimwi ndiyookkutya muntu uuli woonse wagonkelwa akaambo kanzala anyota.”+
26 Akaambo kaceeci ndakasinsimuka akujalula meso, lino ŋonzi zyangu zyakali kunoneezya.
27 “Amubone! Mazuba alaboola,” mbwaamba Jehova, “eelyo muŋanda ya Israyeli amuŋanda ya Juda ndiyoosyanga mbuto* yamuntu ambuto yamunyama uuvwubwa.”+
28 “Alimwi mbubonya mbondapakamene kandilibambilide kubazyula, kubakolomona, kubawisya, kubanyonyoona alimwi akubapwayaula,+ mbubonya oobo mbondiyoopakamana kandilibambilide kubayaka alimwi akubasyanga,”+ mbwaamba Jehova. 29 “Kumazuba aayo kunyina limbi nobayakwaamba kuti, ‘Bamausyi mbabakalya misaansa iisakamuka, pele meno aabana babo ngaakaba abunyeele.’*+ 30 Pele umwi aumwi uyoofwa akaambo kacinyonyoono cakwe mwini. Kufwumbwa muntu uulya misaansa iisakamuka, meno aakwe mwini ngaayakuba abunyeele.”
31 “Amubone! Mazuba alaboola,” mbwaamba Jehova, “eelyo ndiyoopangana cizuminano cipya abamuŋanda ya Israyeli alimwi abamuŋanda ya Juda.+ 32 Tacikabi mbuli cizuminano ncindakapangana abamausyi mubuzuba oobo nindakabajata kujanza akubagwisya mucisi ca Egepita,+ ‘icizuminano cangu eeco balo ncobakatyola,+ nokuba kuti mebo ndakali simalelaabo mwini-mwini,’* mbwaamba Jehova.”
33 “Nkaambo eeci ncecizuminano ncendiyoopangana abamuŋanda ya Israyeli aakwiinda mazuba aayo,” mbwaamba Jehova. “Ndiyoobikka mulawo wangu mukati kabo,+ alimwi ndiyakuulemba mumyoyo yabo.+ Eelyo ndiyooba Leza wabo, abalo bayooba bantu bangu.”+
34 “Alimwi kunyina limbi umwi aumwi wabo nayooyiisya mweenzinyina nokuba kuyiisya mwanookwabo kuti, ‘Kozyiba Jehova!’+ nkaambo boonse buyo bayoondizyiba, kuzwa kumusyoonto akati kabo kusikila kumupati,”+ mbwaamba Jehova. “Nkaambo ndiyoobalekelela cinyonyoono cabo, alimwi cibi cabo tandikaciyeeyi limbi pe.”+
35 Mboobu mbwaamba Jehova,
Ooyo uupa zuba kutegwa kube mumuni masyikati,
Uupa milawo yamwezi alimwi uupa nyenyeezi kuti kazimweka masiku,
Uukopanya lwizi akupa kuti mayuwe aandulo avwuume,
Ooyo uujisi zina lyakuti Jehova wamakamu:+
36 “‘Ikuti naa malailile aaya akaleke kubeleka,’ mbwaamba Jehova,
‘Nkokuti alwalo lunyungu lwa Israyeli luyooleka kuba cisi kumbele lyangu lyoonse.’”+
37 Mboobu mbwaamba Jehova: “‘Ikuti naa majulu aali mujulu alakonzya kupimwa alimwi ikuti azyalo ntalisyo zyanyika ansi zilakonzya kulingulwa, nkokuti ambebo ndilakonzya kulukaka lunyungu loonse lwa Israyeli akaambo kazintu zyoonse nzyobacita,’ mbwaamba Jehova.”+
38 “Amubone! Mazuba alaboola,” mbwaamba Jehova, “eelyo munzi ooyu uyooyakilwa+ Jehova kuzwa ku Ngazi ya Hananeli+ kusikila ku Mulyango Waku Kkona.+ 39 Alimwi ntambo yakupimya+ iyoolulama kutozya kukalundu ka Garebi, alimwi iyoonyona kutozya ku Goa. 40 Aboobo kkuti* lyoonse lyamitunta alimwi amulota,* alimwi amibundu yoonse yakumingenyu kusikila ku Kkuti lya Kidroni,+ mane kuyoosika kukkona lya Mulyango wa Mabbiza+ uuli kujwe, ziyooba cintu cisalala kuli Jehova.+ Munzi ooyu taukazyulwi kabili nokuba kunyonyoonwa pe.”
32 Ndeeli jwi lyakamusikila Jeremiya kuzwa kuli Jehova mumwaka wa 10 wa Mwami Zedekiya wa Juda, nkokuti, mumwaka wa 18 wa Nebukadinezara.*+ 2 Aciindi eeco impi zyabasikalumamba bamwami wa Babuloni zyakali kusinkila munzi wa Jerusalemu, eelyo walo musinsimi Jeremiya wakalaangidwe mu Lubuwa lwa Mulindizi+ muŋanda yamwami wa Juda. 3 Nkaambo Mwami Zedekiya wa Juda wakalimwaangide,+ kaamba kuti, “Ino nkaambo nzi yebo ncosinsimina boobu? Waamba kuti, ‘Mboobu mbwaamba Jehova: “Amubone ndilabikka munzi ooyu mumaanza aamwami wa Babuloni, eelyo walo ulauzunda,+ 4 alimwi Mwami Zedekiya wa Juda takootija pe kuzwa mumaanza aaba Kasidi, nkaambo ncobeni ulaabwa mumaanza aamwami wa Babuloni, eelyo uyakwaambaula anguwe mulomo mpande, akubonana anguwe cantongolameso.”’+ 5 ‘Uyootola Zedekiya ku Babuloni, eelyo ooko nkwanoobede kusikila leelyo nondiyoomulingula,’ mbwaamba Jehova. ‘Nokuba kuti muluujisi kulwana ba Kasidi, tamukoozwidilila pe.’”+
6 Mpoonya Jeremiya wakaamba kuti: “Ijwi lya Jehova lyandisikila kaliti, 7 ‘Ngooyu Hanameli mwana wa Salumu, ngocizyalwa limwi abauso uboola kulinduwe kuzikwaamba kuti: “Kolyuulila muunda wangu uulya uuli ku Anatoti,+ nkaambo yebo ndonduwe wakusaanguna uulaaceelelo cakuwuula akuunununa.”’”+
8 Hanameli mwana wamwanookwabo abataata wakanjila akusika kulindime, kweelana ajwi lya Jehova, mu Lubuwa lwa Mulindizi, eelyo wakandaambila kuti: “Kowuula muunda wangu uulya uuli ku Anatoti, mucisi ca Benjamini, nkaambo yebo ndonduwe uujisi ceelelo cakuukona alimwi akuunununa. Kolyuulila.” Aboobo ndakazyiba kuti eeci cacitika akaambo kajwi lya Jehova.
9 Aboobo muunda ooyo iwakali ku Anatoti ndakawuula kuli Hanameli mwana wamwanookwabo abataata. Ndakamupimina mali,+ masyekeli* aali ciloba alimwi ansiliva zili kkumi. 10 Kumane ndakalemba makani aaya mulugwalo lwacizuminano,+ ndakabikka cinamatizyo, ndakaita bakamboni,+ alimwi ndakapima mali acikkelo. 11 Ndakabweza lugwalo lwacizuminano lutondezya bumboni bwacintu cakaulwa, oolo lwakanamatikidwe kweelana amulawo alimwi amalailile, alimwi aloolo lumbi lwatakanamatikidwe, 12 kumane boobo lugwalo lwacizuminano citondezya bumboni bwacintu cakaulwa ndakalupa Baruki+ mwana wa Neriya+ imwana wa Maseya kalangilila Hanameli mwana wamwanookwabo abataata alimwi kabalangilila bakamboni aabo ibakalemba mulugwalo lwacizuminano citondezya bumboni bwacintu cakaulwa, alimwi aba Juda boonse aabo ibakakkede mu Lubuwa lwa Mulindizi.+
13 Mpoonya kabalangilila ndakalailila Baruki, kuti: 14 “Mboobu mbwaamba Jehova wamakamu, Leza wa Israyeli, ‘Bweza magwalo aaya aacizuminano, ilugwalo oolu lwacizuminano citondezya bumboni bwacintu caulwa, inzya oolu lunamatikidwe, alimwi aloolu lumbi lutanamatikidwe, mpoonya waabikke muciyobwedo cabulongo, kutegwa akkale kwaciindi cilamfwu.’ 15 Nkaambo mboobu mbwaamba Jehova wamakamu, Leza wa Israyeli, ‘Maanda, myuunda alimwi amyuunda yamisaansa ziyakuulwa alimwi mucisi cino.’”+
16 Mpoonya nindakamana kupa Baruki mwana wa Neriya lugwalo lwacizuminano lutondezya bumboni bwacintu cakaulwa, ndakapaila kuli Jehova kuti: 17 “Akaka, O Mwami Singuzuzyoonse Jehova! Bona yebo nduwe wakalenga majulu alimwi anyika kwiinda munguzu zyako zinji+ alimwi akwiinda mukuboko kwako kutandabikidwe. Kunyina cintu nociba comwe cikugambya yebo pe, 18 yebo ootondezya luyando lutamani kuzyuulu-zyuulu zyabantu, pele oojokezya cinyonyoono cabamausyi kubana babo* baboola musyule lyabo,+ yebo O Leza mwini-mwini, mupati alimwi singuzu, inzya yebo oojisi zina lyakuti Jehova wamakamu. 19 Yebo ulijisi makanze mapati alimwi ulacita milimo mipati,+ yebo oojisi meso aabona nzila zyoonse zyabantu,+ kutegwa umwi aumwi wabo umupe kweelana anzila zyakwe alimwi anzyacita.+ 20 Yebo wakacita zitondezyo amaleele mucisi ca Egepita eezyo zizyibidwe kusikila buzuba obuno, aboobo wakalipangila zina mu Israyeli alimwi aakati kabantu bambi buyo,+ mbubonya mbocibede asunu. 21 Alimwi wakagwisya bantu bako bana Israyeli kuzwa mucisi ca Egepita, azitondezyo, amaleele, ajanza lyanguzu, akuboko kutandabikidwe alimwi amilimo iiyoosya kapati.+
22 “Mukuya kwaciindi wakabapa nyika eeyi njookakonkezya kupa bamausyi,+ inyika iikunka buci amukupa.+ 23 Aboobo bakanjila akwiikona, pele tiibakaswiilila jwi lyako nokuba kweenda mumulawo wako. Taakwe cintu niciba comwe ncibakacita akati kazintu nzyookabalailila kuti bacite, aboobo yebo wakapa kuti mapenzi aaya oonse abasikile.+ 24 Bona! Bantu baboola amayake aakusinkilila munzi kuti bauzunde,+ alimwi akaambo kapanga,+ nzala alimwi acilwazi+ munzi ooyu ulaabwa mumaanza aba Kasidi aabo baulwana; ncobeni zintu zyoonse nzyookaamba zyacitika, mbubonya mbobwene anduwe. 25 Nokuba boobo yebo O Mwami Singuzuzyoonse Jehova wandaambila kuti, ‘Kolyuulila muunda amali alimwi koita bakamboni,’ nokuba kuti masimpe ngakuti munzi ulaabwa mumaanza aaba Kasidi.”
26 Mpoonya jwi lya Jehova lyakamusikila Jeremiya kaliti: 27 “Bona, mebo nde Jehova, Leza wabantu boonse. Sena kuli cintu nociba comwe cindigambya? 28 Aboobo mboobu mbwaamba Jehova, ‘Ndilaaba munzi ooyu mumaanza aaba Kasidi alimwi amumaanza aa Mwami Nebukadinezara* wa Babuloni, eelyo walo ulauzunda.+ 29 Alimwi ba Kasidi aabo balwana munzi ooyu balaboola akuudoneka mulilo munzi ooyu eelyo balawuumpa cakumaninina+ antoomwe amaanda aanguwo aajisi ziluli bantu mpobali kuumpila zipaizyo kuli Baala alimwi akutila zituuzyo zinyugwa kuli baleza bambi kutegwa bandinyemye.’+
30 “‘Nkaambo bana Israyeli alimwi abana Juda balikucita buyo zintu zibyaabi mumeso aangu, kuzwa kubwana bwabo;+ bana Israyeli baluujisi kundinyemya amilimo yamaanza aabo,’ mbwaamba Jehova. 31 ‘Nkaambo kuzwa buzuba nobakauyaka munzi ooyu kusikila sunu, wali buyo cintu cindipa kukalala akunyema,+ aboobo ndilaugusya kubusyu bwangu,+ 32 akaambo kabubi boonse bwabana Israyeli abwabana Juda oobo mbobacita kutegwa bandinyemye, nkokuti balo, bami babo,+ basilutwe babo,+ bapaizi babo, basinsimi babo,+ bantu ba Juda alimwi abaabo bakkala mu Jerusalemu. 33 Balikuzumanana kundipa syule lyabo kutali busyu bwabo;+ nokuba kuti ndalikusola kubayiisya cakwiinduluka-induluka,* kunyina naba omwe wabo walikuswiilila kuti atambule lulayo.+ 34 Alimwi babikka mituni yabo iisesemya muŋanda eeyo yiitwa azina lyangu, kutegwa baisofwaazye.+ 35 Kuyungizya waawo, bakayaka masena aakukombela aa Baala mu Kkuti lya Mwana wa Hinomu,*+ kutegwa baumpe* bana babo basankwa abasimbi mumulilo kuli Moleki,+ icintu ncindatakabalailila,+ nokuba kuciyeeya mumoyo wangu* kuti bacite cintu eeci cisesemya, akupa kuti Juda abisye.’
36 “Aboobo mboobu mbwaamba Jehova Leza wa Israyeli kujatikizya munzi ooyu ngomwaamba kuti ulaabwa mumaanza aamwami wa Babuloni kwiinda mupanga, nzala alimwi acilwazi, 37 ‘Amubone, ndiyoobayobolola kuzwa kuzisi zyoonse ooko nkondakabamwaila kandikalede, kandinyemede alimwi akubijilwa kapati,+ eelyo ndiyoobajola mubusena oobu akubapa kuti bakkale cakuliiba.+ 38 Eelyo bayooba bantu bangu, andime ndiyooba Leza wabo.+ 39 Ndiyoobapa kuba amoyo omwe+ alimwi anzila yomwe kutegwa kabandiyoowa lyoonse, kuti zintu kazibeendela kabotu balo alimwi abana babo baboola musyule lyabo.+ 40 Ndiyoopangana ambabo cizuminano citamani,+ icakuti tandikaleki kubacitila zibotu;+ alimwi ndiyoobikka muuya wakundiyoowa mumyoyo yabo kutegwa batakaleyi kuzwa kulindime.+ 41 Ndiyoobotelwa kubacitila zibotu,+ aboobo ndiyoobasimpa mucisi eeci+ cakusyomeka amoyo wangu woonse alimwi abuumi bwangu boonse.’”
42 “Nkaambo mboobu mbwaamba Jehova, ‘Mbubonya mbondaletela bantu aaba mapenzi aaya oonse mapati, mbombubo mbondiyoobaletela bubotu boonse* oobu mbondibasyomezya.+ 43 Aboobo, myuunda iyakuulwa alimwi mucisi ncimunya cino,+ nokuba kuti nywebo mwaamba kuti: “Ma! Cisi eeci matongo buyo aatakwe muntu naba munyama, alimwi caabwa mumaanza aaba Kasidi.”’
44 “‘Myuunda iyakuulwa amali, kuyoolembwa magwalo aacizuminano aatondezya bumboni bwacintu caulwa akwaanamatika alimwi akwiita bakamboni mucisi ca Benjamini,+ mumasena aayengelede Jerusalemu, muminzi ya Juda,+ muminzi yanyika yamalundu, muminzi yacooko cakunselelo+ alimwi amuminzi yakumusanza, nkaambo ndiyoobapilusya bantu babo baangidwe,’+ mbwaamba Jehova.”
33 Ijwi lya Jehova lyakamusikila Jeremiya ciindi cabili, kacaangidwe mu Lubuwa lwa Mulindizi+ kaliti: 2 “Mboobu mbwaamba Jehova Mulengi wanyika, Jehova, ooyo wakaibumba akwiikkazikizya; Jehova ndezina lyakwe, 3 ‘Kondikwiilila, eelyo ndilakuvwiila alimwi cakutasowa ciindi ndilakwaambila zintu zipati nzyotakonzyi kumvwisya alimwi eezyo nzyotazyi.’”+
4 “Nkaambo mboobu mbwaamba Jehova Leza wa Israyeli kujatikizya maanda aamunzi uuno akujatikizya maanda aabami ba Juda aayo aakakolomonwa akaambo kamayake aakusinkilizya munzi alimwi akaambo kapanga,+ 5 alimwi akujatikizya baabo ibaboola kuzoolwana ba Kasidi, ikuzuzya masena aaya amitunta yabantu aabo mbondakajaya kandinyemede alimwi kandikalede, aabo ibapa kuti munzi ooyu nduusise busyu bwangu akaambo kabubi bwabo: 6 ‘Amubone ndilaupa kuti uyumye akupona kabotu,+ alimwi ndilabaponya akubayubunwida luumuno lunji kapati alimwi akasimpe.+ 7 Ndiyoobapilusya bantu ba Juda baangidwe alimwi abantu ba Israyeli baangidwe,+ alimwi ndiyoobayaka mbubonya mbuli kumatalikilo.+ 8 Ndiyoobasalazya kumilandu yoonse yazibi nzyobakandicitila,+ alimwi ndiyoobalekelela milandu yoonse yazibi azinyonyoono nzyobakandicitila.+ 9 Munzi ooyu uyoondibeda zina lipa kusekelela, ntembauzyo alimwi abweebesi kumasi oonse aamunyika aayo aayoomvwa zyabubotu boonse mbondibacitila.+ Alimwi bayooyoowa kapati akukankama+ akaambo kabubotu boonse alimwi akaambo kaluumuno loonse ndondiyakuupa.’”+
10 “Mboobu mbwaamba Jehova: ‘Mubusena oobu mbomuyakwaamba kuti nditongo buyo litakwe muntu naba munyama uuvwubwa, inzya muminzi ya Juda alimwi amumigwagwa ya Jerusalemu eeyo iinyonyookede, iitakwe muntu naa bantu bakkala mumo nobaba banyama bavwubwa, muyoolimvwisya alimwi 11 majwi aakusekelela amajwi aakukondwa,+ ijwi lyasibwiinga ajwi lyanabwiinga, ijwi lyabaabo baamba kuti: “Amutembaule Jehova wamakamu, nkaambo Jehova mubotu;+ iluyando lwakwe lutamani nkoluli lyoonse mane kukabe kutamani!”’+
“‘Bayooleta cituuzyo cakulumba muŋanda ya Jehova,+ nkaambo mebo ndiyoobapilusya bantu bacisi eeci baangidwe, mbubonya mbuli kumatalikilo,’ mbwaamba Jehova.”
12 “Mboobu mbwaamba Jehova wamakamu: ‘Mubusena oobu bunyonyookede butajisi muntu naba munyama uuvwubwa amuminzi yambubo yoonse, muyooba macelelo alimwi, oomo beembezi mobanoolekela matanga aabo kubuwa.’+
13 “‘Muminzi yanyika yamalundu, muminzi yacooko cakunselelo, muminzi yakumusanza, muminzi yacisi ca Benjamini, mumasena aayengelede Jerusalemu+ alimwi amuminzi ya Juda,+ matanga ayakwiinda alimwi kunsi aamaanza aamuntu ooyo iwaabala,’ mbwaamba Jehova.”
14 “‘Amubone! Mazuba alaboola,’ mbwaamba Jehova, ‘eelyo ndiyoozuzikizya cisyomezyo cibotu ncindaamba kujatikizya bamuŋanda ya Israyeli abamuŋanda ya Juda.+ 15 Mumazuba aayo alimwi akuciindi eeco, ndiyoopa kuti kuli Davida kusyuuke cisyuukila* ciluleme,+ eelyo uyoobeteka kabotu alimwi akucita bululami mucisi.+ 16 Mumazuba aayo, Juda uyoofwutulwa+ awalo Jerusalemu uyookkala kaliibide.+ Alimwi mboobu mbwanakwiitwa: Jehova Mbululami Bwesu.’”+
17 “Nkaambo mboobu mbwaamba Jehova: ‘Muzyalani lya Davida takukabuli muntu uukkala acuuno cabwami cabamuŋanda ya Israyeli,+ 18 abalo bapaizi ba Levi tabakabuli muntu wiima kumbele lyangu kuti katuula zituuzyo zyuumpwa buumbulu, kaumpa zituuzyo zyamaila alimwi akutuula zipaizyo lyoonse.’”
19 Lino ijwi lya Jehova lyakamusikila alimwi Jeremiya kaliti: 20 “Mboobu mbwaamba Jehova, ‘Ikuti naa nywebo mulakonzya kujaya cizuminano cangu casyikati alimwi acizuminano cangu camasiku, kutegwa syikati amasiku zitabiko aciindi canzizyo ceelede,+ 21 nkokuti acalo cizuminano cangu a Davida mubelesi wangu inga cajaigwa+ kutegwa atabi amwana uulela kali mwami acuuno cakwe cabwami,+ acalo cizuminano cangu abapaizi ba Levi, basimilimo bangu,+ inga cajaigwa. 22 Mbubonya makamu aakujulu mbwaatakonzyi kubalwa, amusenga wakulwizi mboutakonzyi kupimwa, mbombubo mbondiyoovwuzya lunyungu lwamubelesi wangu Davida alimwi aba Levi ibandikutaukila.’”
23 Ijwi lya Jehova lyakamusikila alimwi Jeremiya, kaliti: 24 “Sena tomvwide nzyobaamba bantu aaba kuti, ‘Jehova uyakwiikaka mikowa yobilo eeyo njaakasala’? Alimwi banyansya bantu bangu, tabacibaboni kuti ncisi pe.
25 “Mboobu mbwaamba Jehova: ‘Masimpe, mbubonya mbondakabamba cizuminano cangu cijatikizya syikati alimwi amasiku,+ akubikka milawo yajulu ayanyika,+ 26 nkokuti kunyina nondiyoolukaka lunyungu lwa Jakobo alwamubelesi wangu Davida, akutabweza bamwi ibalunyungu lwakwe kuti balele lunyungu lwa Abrahamu, Izaka a Jakobo. Nkaambo ndiyoobayobolola bantu babo baangidwe+ akubafwida lubomba.’”+
34 Ndeeli jwi lyakamusikila Jeremiya kuzwa kuli Jehova, ciindi Mwami Nebukadinezara* wa Babuloni ampi yabasikalumamba bakwe boonse, amami oonse aamunyika, aayo ngaakali kulela, alimwi abantu boonse nobakali kulwana Jerusalemu alimwi aminzi yanguwo yoonse:+
2 “Mboobu mbwaamba Jehova Leza wa Israyeli, ‘Koya, ukaambaule a Mwami Zedekiya+ wa Juda, ukamwaambile kuti: “Mboobu mbwaamba Jehova, ‘Bona munzi ooyu ndilawaaba mumaanza aamwami wa Babuloni, eelyo walo ulawuumpa amulilo.+ 3 Alimwi yebo tokatiji pe mumaanza aakwe, nkaambo ncobeni uyoojatwa akwaabwa mumaanza aakwe.+ Yebo uyoolangana cantongolameso amwami wa Babuloni, alimwi walo uyakwaambaula anduwe mulomo mpande, alimwi yebo uyootolwa ku Babuloni.’+ 4 Nokuba boobo, komvwa jwi lya Jehova, O Mwami Zedekiya wa Juda, ‘Mboobu mbwaamba Jehova kujatikizya nduwe: “Yebo tokajaigwi apanga pe. 5 Uyoofwa muluumuno,+ alimwi bayookucitila cilengwa cakuumpa tununkilizyo mbubonya mbobakacitila bamauso, ibami bakaindi ibakali kulela yebo kotanaba, alimwi bayookulila kabati, ‘Maawe, simaleleesu!’ nkaambo ‘ndime ndaamba majwi aaya,’ mbwaamba Jehova.”’”’”
6 Mpoonya musinsimi Jeremiya wakaambila Mwami Zedekiya wa Juda majwi oonse aaya mu Jerusalemu, 7 ciindi mpi zyabasikalumamba bamwami wa Babuloni nozyakali kulwana Jerusalemu aminzi yoonse ya Juda yakasyeede,+ nkokuti munzi wa Lakisi+ amunzi wa Azeka;+ nkaambo eeyi njeminzi iikwabilidwe ilikke yakasyeede akati kaminzi ya Juda.
8 Ndeeli jwi lyakamusikila Jeremiya kuzwa kuli Jehova eelyo Mwami Zedekiya naakamana kupanga cizuminano abantu boonse bamu Jerusalemu kuti aambilizye lwaanguluko kulimbabo,+ 9 lwakuti umwi aumwi wabo aangunune bazike bakwe bana Hebrayo, basankwa abasimbi, kutegwa kutabi naba omwe uuzumanana kubelesya mu Judanyina kali muzike wakwe. 10 Aboobo basilutwe boonse alimwi abantu boonse bakamvwida. Bakanjila mucizuminano cakuti muntu woonse aangunune bazike bakwe basankwa abasimbi alimwi akutazumanana kubabelesya kabali bazike. Bakamvwida akubaleka kuti baunke. 11 Pele tiilyakalampa pe, bakapilusya bazike babo basankwa abasimbi aabo mbobakaangunude, akutalika kubabelesya alimwi kabali bazike. 12 Aboobo jwi lya Jehova lyakamusikila Jeremiya kuzwa kuli Jehova, kaliti:
13 “Mboobu mbwaamba Jehova Leza wa Israyeli, ‘Mebo ndakapangana cizuminano abamauso+ mubuzuba mbondakabagusya mucisi ca Egepita muŋanda yabuzike,+ ndakati: 14 “Kumamanino aamyaka iili ciloba, umwi aumwi wanu weelede kwaangununa mwanookwabo mu Hebrayo ooyo wakasambalwa kulinduwe alimwi iwakubelekela myaka iili cisambomwe; weelede kumwaangununa.”+ Pele bamauso tiibakaswiilila pe, nokuba kucenjeka matwi aabo kulindime. 15 Lino calino-lino* aawa nywebo mwakasanduka akucita cintu ciluzi mumeso aangu kwiinda mukwaambilizya lwaanguluko kubeenzinyoko, alimwi mwakapanga cizuminano kumbele lyangu muŋanda yiitwa azina lyangu. 16 Pele kabe buyo kaindi kaniini mwacinca maano, mwasampaula zina lyangu+ kwiinda mukupilusya bazike banu basankwa abasimbi, aabo mbomwakaangununa kweelana ancobakali kuyanda, alimwi mwatalika kubabelesya alimwi kabali bazike.’
17 “Aboobo mboobu mbwaamba Jehova: ‘Nywebo kunyina nomwandimvwida pe, tiimwaambilizya lwaanguluko umwi aumwi wanu kumwanookwabo akumweenzinyina.+ Aboobo lino ndilaambilizya lwaanguluko kulindinywe,’ mbwaamba Jehova, ‘muyoojaigwa apanga, cilwazi+ alimwi anzala alimwi ndiyoomupa kuba cintu cigambya kumami oonse aamunyika.+ 18 Alimwi nceeci iciyoobacitikila bantu aabo ibakatyola cizuminano cangu kwiinda mukutatobela majwi aacizuminano ncobakapanga kumbele lyangu nobakatenda moombe muzibeela zyobilo akwiinda akati kazibeela eezyo,+ 19 nkokuti, basilutwe ba Juda abasilutwe ba Jerusalemu, nkumekume zyamuŋanda yamwami, bapaizi alimwi abantu boonse bamucisi ibakainda akati kazibeela eezyo zyobilo zyamoombe: 20 ndiyoobaaba mumaanza aabasinkondonyina amumaanza aabaabo bayandaula buumi bwabo, eelyo mitunta yabo iyooba cakulya cabayuni bauluka mujulu acabanyama baanyika.+ 21 Awalo Mwami Zedekiya wa Juda antoomwe abasilutwe bakwe ndiyoobaaba mumaanza aabasinkondonyina, mumaanza aabaabo bayandaula buumi bwabo alimwi amumaanza aampi zyabasikalumamba bamwami wa Babuloni+ aabo ibacileka kumulwana nywebo.’+
22 “‘Amubone, ndiyoopa malailile,’ mbwaamba Jehova, ‘aboobo ndiyoobajola kumunzi ooyu, eelyo bayakuulwana, kuuzunda alimwi akuwuumpa amulilo;+ ayalo minzi ya Juda ndiyakwiipa kuba matongo aanyina muntu uukkala mumo.’”+
35 Ndeeli jwi lyakamusikila Jeremiya kuzwa kuli Jehova mumazuba aa Jehoyakimu+ mwana wa Josiya mwami wa Juda: 2 “Koya kuŋanda yabana Rekabu,+ ukaambaule ambabo akubaleta muŋanda ya Jehova, muŋanda imwi yakulida;* mpoonya ubape waini kuti banywe.”
3 Aboobo ndakabweza Jazaniya mwana wa Jeremiya imwana wa Habaziniya antoomwe abanabokwabo, bana bakwe boonse, alimwi abamuŋanda yabana Rekabu boonse 4 akubanjizya muŋanda ya Jehova. Ndakabaleta muŋanda yakulida yabana ba Hanani mwana wa Igidaliya, muntu wa Leza mwini-mwini, eeyo yakabambene aŋanda yakulida yabasilutwe iyakali atala aaŋanda yakulida ya Maaseya mwana wa Salumu mulindizi wamulyango. 5 Mpoonya ndakabikka nkapu alimwi anongo zizwide waini kumbele lyabaalumi aaba bamuŋanda yabana Rekabu akubaambila kuti: “Nobantu, ngooyu waini amunywe.”
6 Pele balo bakaamba kuti: “Peepe tatukoonywa waini pe, nkaambo Jehonadabu*+ mwana wa Rekabu, sikale wesu, wakatulailila kuti, ‘Tamweelede kunywa waini pe, nywebo nibaba bana banu, lyoonse alyoonse. 7 Alimwi tamweelede kuyaka ŋanda, naa kusyanga mbuto; tamweelede kusyanga muunda wamisaansa, nokuba kuba amuunda uuli woonse wamisaansa. Pele nywebo mweelede kunookkala buyo mumatente lyoonse, kutegwa muzumanane kupona kwaciindi cilamfwu mucisi momukkede kamuli bamuzwakule.’ 8 Aboobo twazumanana kutobela jwi lya Jehonadabu mwana wa Rekabu sikale wesu muzintu zyoonse nzyaakatulailila kwiinda mukutanywa waini uuli woonse mazuba eesu oonse, nkokuti swebo, bamakaintu besu, bana besu basankwa abasimbi. 9 Kunyina notuyaka maanda kuti katukkala mumo, alimwi tatujisi myuunda yamisaansa naa myuunda buyo noziba mbuto. 10 Aboobo swebo twazumanana kukkala mumatente akutobela zintu zyoonse nzyaakatulailila Jehonadabu* sikale wesu. 11 Pele ciindi Mwami Nebukadinezara* wa Babuloni naakaboola kuzoolwana cisi,+ twakaamba kuti, ‘Nobantu kamuboola tunjile mu Jerusalemu kutegwa tukwabililwe kumpi yabasikalumamba yaba Kasidi alimwi ampi yabasikalumamba yabana Siriya,’ aboobo lino tukkala mu Jerusalemu.”
12 Mpoonya ijwi lya Jehova lyakamusikila Jeremiya, kaliti: 13 “Mboobu mbwaamba Jehova wamakamu, Leza wa Israyeli, ‘Koya, ukaambile bantu bamu Juda abaabo bakkala mu Jerusalemu kuti: “Sena lyoonse tiimwali kulaililwa kuti kamutobela majwi aangu?”+ mbwaamba Jehova. 14 “Jehonadabu mwana wa Rekabu wakalailila bana bakwe kuti kabatanywi waini, alimwi balo baatobela majwi aakwe kwiinda mukutanywa waini kusikila buzuba obuno, aboobo batobela malailile aasikale wabo.+ Pele mebo, ndalikumwaambila nywebo cakwiinduluka-induluka,* nokuba boobo, tiimwandiswiilila pe.+ 15 Alimwi ndaluujisi kumutumina babelesi bangu boonse ibasinsimi, ndalikubatuma cakwiinduluka-induluka,*+ kanditi, ‘Amujokoloke, akaka, umwi aumwi wanu kuzwa kunzila yakwe mbyaabi,+ alimwi amucite zintu ziluleme! Mutatobeli baleza bambi akubabelekela. Aboobo mulazumanana kukkala munyika njendakamupa nywebo alimwi abasikale banu.’+ Pele nywebo tiimwateya matwi aanu, nokuba kundiswiilila. 16 Bana ba Jehonadabu mwana wa Rekabu baatobela malailile ngaakabapa sikale wabo,+ pele bantu aaba balo kunyina nobandiswiilila mebo pe.”’”
17 “Aboobo mboobu mbwaamba Jehova, Leza wamakamu, Leza wa Israyeli: ‘Amubone ndilaletela Juda abantu boonse bakkala mu Jerusalemu mapenzi oonse ngondakabacenjezya,+ akaambo kakuti ndalikubaambila pele balo tiibaswiilila pe, alimwi ndaluujisi kubaita pele balo tiibavwiila pe.’”+
18 Lino Jeremiya wakaambila basiŋanda yabana Rekabu kuti: “Mboobu mbwaamba Jehova wamakamu, Leza wa Israyeli, ‘Akaambo kakuti mwaatobela malailile aa Jehonadabu sikale wanu akuzumanana kubamba malailile aakwe oonse, inzya mwacita zintu zyoonse nzyaakamulailila, 19 nkokuti, mboobu mbwaamba Jehova wamakamu, Leza wa Israyeli: “Jehonadabu* mwana wa Rekabu takabuli mwana uundibelekela lyoonse kumbele lyangu.”’”
36 Lino mumwaka wane wa Jehoyakimu+ mwana wa Josiya, imwami wa Juda, Jeremiya wakasikilwa jwi eeli kuzwa kuli Jehova: 2 “Bweza bbuku lyakuvwunga, ulembe mulindilyo majwi oonse ngondali kukwaambila kujatikizya Israyeli, Juda+ alimwi amasi oonse,+ kuzwa buzuba bwakusaanguna nindakaambaula anduwe mumazuba aa Josiya mane kusikila buzuba obuno.+ 3 Ambweni kuti bamuŋanda ya Juda baamvwe mapenzi oonse ngondikanzide kubaletela, balajokoloka kuzwa kunzila zyabo zibi, kutegwa mebo ndibalekelele cinyonyoono cabo alimwi acibi cabo.”+
4 Aboobo Jeremiya wakaita Baruki+ mwana wa Neriya, mpoonya Jeremiya wakatalika kwaamba mulomo mpande majwi oonse Jehova ngaakamwaambila, eelyo Baruki wakaalemba mubbuku lyakuvwunga.+ 5 Kumane Jeremiya wakalailila Baruki kuti: “Bona, mebo ndilaangidwe, tandikonzyi kunjila muŋanda ya Jehova pe. 6 Aboobo yebo nduwe weelede kunjila akwaabala cakupozya majwi aa Jehova aayo ngoolemba mubbuku lyakuvwunga ciindi nindali kwaamba mulomo mpande. Ukaabale kabamvwide bantu ibanooli kuŋanda ya Jehova mubuzuba bwakuliimya kulya; aboobo ukababalile bantu boonse bamu Juda aabo baboola kuzwa muminzi yabo. 7 Ambweni kukomba kwabo kwakuti bafwidwe luzyalo kulasika kuli Jehova alimwi balajokoloka umwi aumwi wabo kuzwa kunzila yakwe mbyaabi, nkaambo mbupati bukali alimwi akunyema nkwaamba Jehova kujatikizya bantu aaba.”
8 Aboobo Baruki mwana wa Neriya wakacita zintu zyoonse nzyaakamulailila musinsimi Jeremiya; majwi aa Jehova aakali mubbuku lyakuvwunga wakaabala cakupozya kuŋanda ya Jehova.+
9 Lino mumwaka wasanu wa Jehoyakimu+ mwana wa Josiya, imwami wa Juda, mumwezi wafwuka, ibantu boonse bamu Jerusalemu alimwi abantu boonse ibakaboola mu Jerusalemu kuzwa muminzi ya Juda bakaambilizya kuti kube kuliimya kulya kumbele lya Jehova.+ 10 Mpoonya Baruki wakatalika kwaabala cakupozya majwi aa Jeremiya aakali mubbuku kuŋanda ya Jehova, mukaanda* ka Gemariya+ mwana wa Safani+ sikukkopolola,* mulubuwa lwaatala, kumanjililo aamulyango mupya waŋanda ya Jehova,+ bantu boonse kabamvwide.
11 Lino Mikaya mwana wa Gemariya mwana wa Safani naakaamvwa majwi oonse aa Jehova aakali mubbuku eelyo, 12 wakaselemuka kuya kuŋanda yamwami, kukaanda kamulembi. Basilutwe* boonse bakalikkede ooko: Elisama+ imulembi, Delaya mwana wa Semaya, Elinatani+ mwana wa Akiboro,+ Gemariya mwana wa Safani, Zedekiya mwana wa Hananiya antoomwe abasilutwe bambi boonse. 13 Mikaya wakabaambila majwi oonse ngaakamvwa ciindi Baruki naakalibala bbuku kabamvwide bantu.
14 Mpoonya basilutwe boonse bakatuma Jehudi mwana wa Netaniya mwana wa Selemiya mwana wa Kushi kuli Baruki, ategwa: “Koboola kuno uletelezye abbuku lyakuvwunga eelyo ndyoobala kabamvwide bantu.” Aboobo, Baruki mwana wa Neriya wakabweza bbuku mujanza lyakwe akuunka kulimbabo. 15 Mpoonya bakamwaambila kuti: “Kkala aawa kaka utubalile bbuku eelyo cakupozya.” Aboobo Baruki wakababalila.
16 Lino mbobakaamvwida buyo majwi oonse, bakalangana kabayoowede, kumane bakaambila Baruki kuti: “Ziyume zitete tweelede kumwaambila mwami majwi aaya oonse.” 17 Eelyo bakamubuzya Baruki kuti: “Twalomba, kotwaambila mbookaalemba majwi aaya oonse. Sena wakali kukwaambila mulomo mpande?” 18 Mpoonya Baruki wakabaingula kuti: “Wakali kundaambila buya mulomo mpande majwi aaya oonse, kumane mebo ndakali kwaalemba ainki mubbuku eeli.” 19 Mpoonya basilutwe bakaambila Baruki kuti: “Koya, mukayube, yebo a Jeremiya, kutabi muntu naba omwe ulaazyibe nkomubede.”+
20 Mpoonya bakaunka kumwami, mulubuwa, kumane bbuku bakalibikka mukaanda ka Elisama imulembi, eelyo bakaambila mwami zintu zyoonse nzyobakamvwa.
21 Aboobo mwami wakatuma Jehudi+ kuti akalibweze bbuku, eelyo wakalibweza kuzwa mukaanda ka Elisama imulembi. Kumane Jehudi wakatalika kulibala kamvwide mwami alimwi abasilutwe boonse kabaimvwi munsi-munsi amwami. 22 Mwami wakalikkede muŋanda yamupeyo mumwezi wafwuka,* mulilo kauyaka mumbaula iyakali kumbele lyakwe. 23 Lino Jehudi amana buyo kubala zibeela zyotatwe naa zyone zyapeeji, mwami wakali kutenda cibeela cabbuku cijisi zibeela eezyo acipeni camulembi akucisowela mumulilo iwakali mumbaula kusikila mane bbuku eelyo lyoonse lyakuvwunga lyakamanina mumulilo ooyo wakali mumbaula. 24 Tiibakayoowa pe; alimwi mwami ababelesi bakwe boonse ibakali kuswiilila majwi aaya oonse kunyina nobakazapula zisani zyabo. 25 Nokuba kuti Elinatani,+ Delaya+ alimwi a Gemariya+ bakamukombelezya mwami kuti atalyuumpi bbuku, walo kunyina naakabamvwida pe. 26 Kuyungizya waawo, mwami wakalailila Jerameli mwana wamwami, Seraya mwana wa Azirieli, alimwi a Selemiya mwana wa Abideeli kuti bakajate Baruki imulembi alimwi amusinsimi Jeremiya, pele Jehova wakabasisa.+
27 Lino mwami naakamana kuumpa bbuku lyakuvwunga ilyakajisi majwi aayo Baruki ngaakalembede ciindi Jeremiya naakali kumwaambila mulomo mpande, ijwi lya Jehova lyakamusikila alimwi Jeremiya,+ kaliti: 28 “Kobweza bbuku limbi lyakuvwunga, ulembulule mulindilyo majwi oonse aakali mubbuku lyakuvwunga lyakusaanguna, eelyo Mwami Jehoyakimu wa Juda ndyaakaumpa.+ 29 Mpoonya Mwami Jehoyakimu wa Juda umwaambile kuti, ‘Mboobu mbwaamba Jehova: “Yebo waumpa bbuku lyakuvwunga eeli akwaamba kuti, ‘Ino nkaambo nzi ncoolemba mulindilyo, kuti: “Ziyume zitete mwami wa Babuloni uyooboola akunyonyoona cisi eeci akugusya bantu alimwi abanyama boonse mulincico”?’+ 30 Aboobo mboobu mbwaamba Jehova kujatikizya Mwami Jehoyakimu wa Juda, ‘Takabi amuntu naba omwe uuyookkala acuuno cabwami ca Davida,+ alimwi mutunta wakwe uyoosoogwa kaubalwa zuba masyikati akwaandwa mpeyo masiku.+ 31 Ndiyoomusubula walo, bana bakwe alimwi ababelesi bakwe akaambo kacinyonyoono cabo, alimwi balo abaabo bakkala mu Jerusalemu abantu boonse bakkala mu Juda ndiyoobaletela mapenzi oonse ngondakaamba+ kuti ndiyoobaletela, pele balo tiibakamvwa.’”’”+
32 Mpoonya Jeremiya wakabweza bbuku lyakuvwunga limbi akumupa Baruki mwana wa Neriya imulembi,+ kumane walo wakalemba mulindilyo majwi oonse Jeremiya ngaakali kumwaambila amulomo mpande kuti alembe aayo aakali mubbuku eelyo Mwami Jehoyakimu wa Juda ndyaakaumpa mumulilo.+ Alimwi kwakayungizyigwa majwi aambi manji aakozyenye ayaaya.
37 Lino Mwami Zedekiya+ mwana wa Josiya wakatalika kulela mubusena bwa Koniya*+ mwana wa Jehoyakimu, nkaambo Mwami Nebukadinezara* wa Babuloni wakamubikka kuti abe mwami mucisi ca Juda.+ 2 Pele walo ababelesi bakwe alimwi abantu bamucisi tiibakaswiilila majwi aa Jehova ngaakaamba kwiinda mumusinsimi Jeremiya.
3 Lino Mwami Zedekiya wakatuma Jehukali+ mwana wa Selemiya a Zefaniya+ mwana wa mupaizi Maaseya kumusinsimi Jeremiya kuti bakamwaambile kuti: “Akaka kotupailila kuli Jehova Leza wesu.” 4 Lino Jeremiya wakalaangulukide kweendeenda akati kabantu, nkaambo tiibakaningamubikka muntolongo.+ 5 Aciindi eeco, impi yabasikalumamba ba Farao yakali munzila kuzwa ku Egepita,+ eelyo ba Kasidi ibakali kusinkilila Jerusalemu bakamvwa makani aajatikizya mbabo. Aboobo bakaleka kusinkilila Jerusalemu.+ 6 Mpoonya ijwi lya Jehova lyakamusikila musinsimi Jeremiya kaliti: 7 “Mboobu mbwaamba Jehova Leza wa Israyeli, ‘Mboobu mbomweelede kumwaambila mwami wa Juda, ooyo wakamutuma kulindime kuti muzoondibuzye makani: “Bona! Impi yabasikalumamba ba Farao eeyo iiboola kuzoomugwasya iyoojokela kucisi canjiyo, ku Egepita noiyanda noitayandi.+ 8 Aboobo ba Kasidi bayoojokela akulwana munzi ooyu, bayakuuzunda akuwuumpa amulilo.”+ 9 Mboobu mbwaamba Jehova, “Mutalicengi pe, kamwaamba kuti, ‘Masimpe, ba Kasidi bayooleka kutulwana akuunka,’ nkaambo tabakaunki pe. 10 Nokuba kuti nywebo mwaizunda mpi yoonse yabasikalumamba yaba Kasidi aabo bamulwana, mpoonya akati kabo kwasyaala buyo baalumi baliciside, mbubonya buyo balakonzya kunyamuka kuzwa mumatente aabo akuumpa munzi ooyu amulilo.”’”+
11 Lino impi yabasikalumamba yaba Kasidi noyakaleka kusinkilila Jerusalemu akaambo kampi yabasikalumamba ya Farao,+ 12 Jeremiya wakanyamuka kuzwa ku Jerusalemu akuya kucisi ca Benjamini+ kuti akatambule caabilo cakwe akati kabantu bakwe. 13 Pele naakasika ku Mulyango wa Benjamini, imupati wabalindizi, wazina lyakuti Irija mwana wa Selemiya mwana wa Hananiya wakamujata musinsimi Jeremiya, akwaamba kuti: “Yebo uyanda kutijila kuli ba Kasidi!” 14 Pele Jeremiya wakati: “Ulabeja! Mebo tandiyandi kutijila kuli ba Kasidi pe.” Pele walo tanaakamuswiilila pe. Aboobo Irija wakaanga Jeremiya akumutola kuli basilutwe. 15 Basilutwe bakanyema akaambo ka Jeremiya,+ eelyo bakamuuma akumubikka mucitolokesi,+ muŋanda ya Jehonatani imulembi, eeyo njobakapangide kuba ntolongo. 16 Aboobo Jeremiya wakabikkwa muŋanda yamumulindi, mutwaanda twacitolokesi twakunsi, eelyo wakakkala oomo mazuba manji.
17 Mpoonya Mwami Zedekiya wakalailila kuti Jeremiya aletwe, eelyo mwami wakamubuzya cakusisikizya muŋanda yakwe.*+ Wakabuzya kuti, “Sena kuli jwi lili lyoonse kuzwa kuli Jehova?” Mpoonya Jeremiya wakati, “Inzya nkolili!” eelyo wakayungizya kuti, “Yebo uyakwaabwa mujanza lyamwami wa Babuloni!”+
18 Alimwi Jeremiya wakabuzya Mwami Zedekiya kuti: “Ino ncibi nzi ncindakucitila yebo ababelesi bako alimwi abantu aaba, cakuti mwandibikka muntolongo? 19 Ino lino bali kuli basinsimi banu aabo ibakamusinsimina kuti, ‘Mwami wa Babuloni takabooli kuzoomulwana nywebo alimwi acisi eeci’?+ 20 Lino koswiilila akaka, osimalelaangu, mwami. Akaka ndakomba, kondifwida luzyalo. Utandijoli kuŋanda ya Jehonatani+ imulembi, nkaambo inga ndaakwiile kufwida nkuko.”+ 21 Aboobo Mwami Zedekiya wakalailila kuti Jeremiya aangilwe mu Lubuwa lwa Mulindizi,+ eelyo wakali kupegwa cinkwa cibulungene buzuba abuzuba kuzwa kumugwagwa wabasikupanga zinkwa,+ kusikila mane zinkwa zyoonse zyakamana mumunzi.+ Aboobo Jeremiya wakazumanana kukkala mu Lubuwa lwa Mulindizi.
38 Lino Sefatiya mwana wa Matani, Gedaliya mwana wa Pasuri, Jukali+ mwana wa Selemiya alimwi a Pasuri+ mwana wa Malikiya bakaamvwa majwi Jeremiya ngaakali kwaambila bantu boonse, kati: 2 “Mboobu mbwaamba Jehova, ‘Ooyo uuzumanana kukkala mumunzi ooyu uyoojaigwa apanga, nzala alimwi acilwazi.+ Pele ooyo uuyoolyaaba* mumaanza aaba Kasidi uyoozumanana kupona alimwi uyoofwutula buumi bwakwe* akupona.’+ 3 Mboobu mbwaamba Jehova, ‘Ziyume zitete munzi ooyu uyakwaabwa mumaanza aampi yabasikalumamba yamwami wa Babuloni, eelyo uyakuuzunda.’”+
4 Aboobo basilutwe bakaambila mwami kuti: “Twalomba kolailila kuti mwaalumi ooyu ajaigwe,+ nkaambo oobu mbwatyompya* basikalumamba ibasyeede mumunzi ooyu alimwi abantu boonse, kwiinda mukubaambila majwi aaya. Nkaambo mwaalumi ooyu tayandi kuti bantu aaba babe aluumuno pe, pele uyanda kubaletela buyo mapenzi.” 5 Aboobo Mwami Zedekiya wakati: “Amubone! Ngooyo uli mumaanza aanu, nkaambo kunyina cintu nociba comwe ncakonzya kucita mwami kuti amulesye nywebo.”
6 Mpoonya bakamujata Jeremiya akumuwaala mumugoti wa Malikiya mwana wamwami, ooyo wakali mu Lubuwa lwa Mulindizi.+ Bakamunjizya Jeremiya kwiinda mukubelesya ntambo. Lino mumugoti ooyo mwakanyina maanzi, mwakali buyo mankanda, aboobo Jeremiya wakatalika kubbila mumankanda.
7 Mpoonya Ebedi-meleki+ muna Etiopiya, mwaalumi iwakajisi cuuno caatala* muŋanda yamwami wakamvwa kuti Jeremiya bakamubikka mumugoti. Lino mwami wakalikkede ku Mulyango wa Benjamini,+ 8 aboobo Ebedi-meleki wakazwa muŋanda yamwami akuunka kuyakwaambaula amwami, kati: 9 “Osimalelaangu omwami, ncibacita baalumi aaba kumusinsimi Jeremiya ncibi! Bamuwaala mumugoti, aboobo ulafwida mumo akaambo kanzala, nkaambo kunyina cinkwa cisyeede mumunzi.”+
10 Mpoonya mwami wakalailila Ebedi-meleki muna Etiopiya, kuti: “Kobweza baalumi bali 30 kuzwa okuno, ukamugwisye mumugoti musinsimi Jeremiya katanafwa.” 11 Aboobo Ebedi-meleki wakabweza baalumi aabo akuunka ambabo muŋanda yamwami kubusena bwakali kunsi aaciyobwedo calubono,+ eelyo ooko bakabweza zisani zimanide amilembo iizapaukide kumane kabelesya ntambo wakaziselusyila Jeremiya mumugoti mwaakabede. 12 Mpoonya Ebedi-meleki muna Etiopiya wakaambila Jeremiya kuti: “Kobikka zisani eezyo zimanide amilembo eeyo iizapaukide munkwa zyako kunsi aantambo.” Jeremiya wakacita oobo, 13 mpoonya bakamukwela Jeremiya antambo kuzwa mumugoti akumuleta atala. Aboobo Jeremiya wakazumanana kukkala mu Lubuwa lwa Mulindizi.+
14 Kumane Mwami Zedekiya wakalailila kuti musinsimi Jeremiya aletwe kulinguwe kumulyango watatu, uuli muŋanda ya Jehova, mpoonya mwami wakaambila Jeremiya kuti: “Kuli ncendiyanda kukubuzya. Utandisisi cintu cili coonse pe.” 15 Eelyo Jeremiya wakaambila Zedekiya kuti: “Ikuti naa nkwaambile, yebo ulaile kundijaya. Alimwi ikuti ndikulaye, tokoondimvwida pe.” 16 Mpoonya Mwami Zedekiya wakakonka kuli Jeremiya cakusisikizya, ulaamba: “Masimpe, Jehova mbwali muumi, ooyo uutupede buumi oobu, tandikookujaya pe, alimwi tandikookwaaba mumaanza aabantu aaba bayanda kukujaya.”*
17 Aboobo Jeremiya wakaambila Zedekiya kuti: “Mboobu mbwaamba Jehova, Leza wamakamu, Leza wa Israyeli, ‘Ikuti naa yebo ulyaabe* mumaanza aabasilutwe bamwami wa Babuloni, ulazumanana kupona awalo munzi ooyu taukaumpwi amulilo, alimwi yebo abamuŋanda yako muyoofwutuka.+ 18 Pele ikuti naa yebo tokoolyaaba* mumaanza aabasilutwe bamwami wa Babuloni, munzi ooyu uyakwaabwa mumaanza aaba Kasidi, eelyo balo bayoowuumpa amulilo,+ alimwi yebo tokatiji pe mumaanza aabo.’”+
19 Mpoonya Mwami Zedekiya wakaambila Jeremiya kuti: “Ndiyoowa ba Juda ibatijila kuli ba Kasidi, nkaambo kuti bakandaabe mumaanza aabo, inga bandicitila calunya.” 20 Pele Jeremiya wakati: “Tokaabwi mumaanza aabo pe. Ndakomba komvwa buyo jwi lya Jehova mumakani ngondikwaambila, eelyo zintu zilakweendela kabotu, alimwi ulazumanana kupona. 21 Pele ikuti ukake kulyaaba,* ngaaya makani ngaandiyubunwida Jehova: 22 Bona! Bamakaintu boonse ibakasyaala muŋanda yamwami wa Juda balatolwa kuli basilutwe bamwami wa Babuloni,+ alimwi baamba kuti,
Bapa kuti maulu aako abbile muntimba.
Lino bacenguluka akutija.’
23 Bamakaintu bako boonse abana bako boonse balabatola kuli ba Kasidi, alimwi yebo tokatiji pe mumaanza aabo, pele mwami wa Babuloni uyookujata,+ eelyo akaambo kanduwe munzi uuno uyakuumpwa amulilo.”+
24 Mpoonya Zedekiya wakaambila Jeremiya kuti: “Kutabi muntu naba omwe uutiizyibe makani aaya, kutegwa utajaigwi. 25 Lino ikuti basilutwe bamvwe kuti ndalikwaambaula anduwe eelyo baboole akukwaambila kuti, ‘Kotwaambila makani ngoolikumwaambila mwami. Utatusisi cintu nociba comwe, eelyo tatukookujaya pe.+ Ino ncinzi ncaakwaambila mwami?’ 26 ubavwiile kuti, ‘Ndalikulomba mwami kuti atandijokezyi kuŋanda ya Jehonatani kutegwa nditakafwidi nkuko.’”+
27 Nokwakainda ciindi basilutwe boonse bakaunka kuli Jeremiya akutalika kumubuzya. Wakabaambila majwi oonse mwami ngaakamulailila kuti aambe. Aboobo tiibakazumanana kwaambaula anguwe, nkaambo taakwe naba omwe wakaumvwa mubandi ooyu. 28 Jeremiya wakazumanana kukkala mu Lubuwa lwa Mulindizi kusikila buzuba munzi wa Jerusalemu niwakazundwa;+ inzya wakacili nkomunya ooko ciindi munzi wa Jerusalemu niwakazundwa.+
39 Mumwaka wafwuka wa Mwami Zedekiya wa Juda, mumwezi wa 10, Mwami Nebukadinezara* wa Babuloni antoomwe ampi yabasikalumamba bakwe boonse bakaboola kumunzi wa Jerusalemu, mpoonya bakausinkila.+
2 Mumwaka wa 11 wabulelo bwa Zedekiya, mumwezi wane, mubuzuba bwafwuka bwamwezi, bakapwaya bwaanda bwamunzi.+ 3 Mpoonya basilutwe bamwami wa Babuloni bakanjila mukati akukkala ku Mulyango Waakati,+ nkokuti ba Nerigali-sarezara uutegwa Samugari, Nebo-Sarisekimu uutegwa Rabisarisi,* Nerigali-sarezara uutegwa Rabumagi* alimwi abasilutwe bambi boonse bamwami wa Babuloni.
4 Mwami Zedekiya wa Juda abasikalumamba boonse nobakababona, bakatija+ akuzwa mumunzi masiku, bakainda nzila yiinda mumuunda wamwami, kumulyango uuli akati kamalambo obilo, eelyo bakazumanana kuunka munzila iitozya ku Araba.+ 5 Pele impi yabasikalumamba yaba Kasidi yakabatandaanya, mpoonya bakamweenzya Zedekiya muzibanda zyamucimpayuma ca Jeriko.+ Bakamujata akumuleta ku Mwami Nebukadinezara* wa Babuloni ku Ribila+ mucisi ca Hamati,+ ooko nkwaakamubetekela. 6 Mwami wa Babuloni wakalailila kuti bana ba Zedekiya bajaigwe ku Ribila walo kalangilila, alimwi mwami wa Babuloni wakalailila kuti nkumekume zyoonse zyamu Juda azyalo zijaigwe.+ 7 Mpoonya wakoofwaazya meso aa Zedekiya, kumane wakamwaanga nketani zyamukuba akumutola ku Babuloni.+
8 Mpoonya ba Kasidi bakayuumpa ŋanda yamwami antoomwe amaanda aabantu,+ alimwi bakakolomona malambo aamunzi wa Jerusalemu.+ 9 Nebuzaradana+ mupati wabasikugatela mwami wakabatola mubuzike ku Babuloni bantu boonse aabo ibakasyeede mumunzi, aabo bakatijilide kulinguwe, alimwi amuntu uuli woonse wakasyeede.
10 Pele Nebuzaradana mupati wabasikugatela mwami wakabasiya bantu bamwi mucisi ca Juda ibakali bacete babacete, nkokuti aabo ibatakajisi cintu cili coonse. Mubuzuba mbubonya oobo wakabapa myuunda yamisaansa alimwi amyuunda iimbi buyo kuti kababeleka* mulinjiyo.+
11 Lino Mwami Nebukadinezara* wa Babuloni wakapa Nebuzaradana mupati wabasikugatela mwami malailile aaya kujatikizya Jeremiya: 12 “Komubweza ukamulanganye; utamuciti cintu cibi cili coonse, alimwi weelede kumucitila kufwumbwa ncatiikwaambile.”+
13 Aboobo Nebuzaradana mupati wabasikugatela mwami, Nebusazibani uutegwa Rabisarisi,* Nerigali-sarezara uutegwa Rabumagi,* alimwi abalupati-pati boonse bamwami wa Babuloni bakatuma bantu, 14 eelyo bakagwisya Jeremiya mu Lubuwa lwa Mulindizi+ akumubikka mumaanza aa Gedaliya+ mwana wa Ahikamu+ imwana wa Safani+ kuti amutole kuŋanda yakwe. Aboobo wakakkala akati kabantu.
15 Ciindi Jeremiya naakajalilidwe mu Lubuwa lwa Mulindizi,+ ijwi lya Jehova lyakamusikila, kaliti: 16 “Koya, ukaambile Ebedi-meleki+ muna Etiopiya kuti, ‘Mboobu mbwaamba Jehova wamakamu, Leza wa Israyeli: “Bona ndilaazuzikizya majwi aangu ngendakaamba kujatikizya munzi ooyu aakuti ulasikilwa mapenzi ikutali bubotu, eelyo mubuzuba oobo yebo uyoocibona ameso aako kacicitika eeci.”’
17 “‘Pele mubuzuba oobo yebo ndiyookuvwuna,’ mbwaamba Jehova, ‘tokaabwi pe mumaanza aabantu aabo mboyoowa.’
18 “‘Nkaambo ziyume zitete ndiyookufwutula, tokajaigwi apanga. Uyoofwutula buumi bwako,*+ akaambo kakuti wakandisyoma,’+ mbwaamba Jehova.”
40 Ndeeli jwi ilyakamusikila Jeremiya kuzwa kuli Jehova ciindi Nebuzaradana+ mupati wabasikugatela mwami naakamana kumwaangununa ku Rama.+ Wakamutolede kubusena oobu kaangidwe nsimbi, alimwi wakali akati kabantu boonse baku Jerusalemu aku Juda aabo ibakali kutolwa mubuzike ku Babuloni. 2 Mpoonya mupati wabasikugatela mwami wakabweza Jeremiya akumwaambila kuti: “Jehova Leza wako nguwakasinsima kuti busena oobu bulasikilwa mapenzi aaya, 3 alimwi Jehova wapa kuti cicitike mbubonya mbwaakaamba, akaambo kakuti nywebo nobantu mwakamubisyila Jehova alimwi tiimwakaswiilila jwi lyakwe. Nkakaambo kaako zintu eezyi zyamucitikila.+ 4 Lino sunu ndakwaangununa nsimbi izyali kumaanza aako. Ikuti kacili kabotu mumeso aako kuti tuunke limwi ku Babuloni, katuya, eelyo ndiyookulanganya. Pele ikuti naa toyandi kuunka andime ku Babuloni, utaunki. Bona! Cisi coonse cili kumbele lyako. Koya kufwumbwa nkoyanda.”+
5 Lino katanapiluka Jeremiya, Nebuzaradana wakati: “Kojokela kuli Gedaliya+ mwana wa Ahikamu+ mwana wa Safani,+ ooyo mwami wa Babuloni ngwaabikka kuba mweendelezi waminzi ya Juda, ukakkale anguwe akati kabantu; ikuti kakutali boobo koya kufwumbwa nkoyanda.”
Mpoonya mupati wabasikugatela mwami wakamupa zyakulya* alimwi acipego akumuleka kuti aunke. 6 Aboobo Jeremiya wakaunka kuli Gedaliya mwana wa Ahikamu ku Mizipa+ akutalika kukkala anguwe akati kabantu bakasyeede mucisi.
7 Mukuya kwaciindi boonse bapati bampi yabasikalumamba ibakali musyokwe antoomwe abaalumi babo bakamvwa kuti mwami wa Babuloni wakabikka Gedaliya mwana wa Ahikamu kuti kalanganya cisi alimwi akuti kayendelezya baalumi, bamakaintu alimwi abana akati kabantu bacete bamucisi, aabo ibatakatolwa mubuzike ku Babuloni.+ 8 Aboobo bakaunka kuli Gedaliya ku Mizipa.+ Kwakali Isimayeli+ mwana wa Netaniya, Johanani+ a Jonatani, ibana ba Kareya, Seraya mwana wa Tanumeti, bana ba Efai muna Netofati alimwi a Jezaniya+ mwana wamuna Maakati, balo antoomwe abaalumi babo. 9 Gedaliya mwana wa Ahikamu mwana wa Safani wakakonka kulimbabo akubaalumi babo kuti: “Mutayoowi pe kubelekela ba Kasidi. Amukkale mucisi akubelekela mwami wa Babuloni, eelyo zintu zilamweendela kabotu.+ 10 Mebo ndinookkala ku Mizipa, kutegwa kandimwiiminina kuli ba* Kasidi baboola kulindiswe. Pele nywebo mweelede kuyobolola waini, micelo yacilimo alimwi amafwuta akuzibikka muziyobwedo zyanu akukkala muminzi eeyo njomwalisalila.”+
11 Lino ba Juda boonse ibakali ku Moabu, ku Amoni aku Edomu, alimwi abaabo ibakali muzisi zimbi zyoonse, abalo bakamvwa kuti mwami wa Babuloni wakasiya bantu bamwi kuti bakkale mucisi ca Juda, akuti wakabikka Gedaliya mwana wa Ahikamu mwana wa Safani kuti kabeendelezya. 12 Aboobo ba Juda boonse bakatalika kupiluka kuzwa mumasena oonse nkobakamwaikilide, eelyo bakaboola mucisi ca Juda kuli Gedaliya ku Mizipa. Bakayobolola waini munji kapati alimwi amicelo yacilimo minji kapati.
13 Lino Johanani mwana wa Kareya alimwi abapati boonse bampi yabasikalumamba ibakali musyokwe bakaboola kuli Gedaliya ku Mizipa. 14 Mpoonya bakamwaambila kuti: “Sena tozyi kuti Baalisi, imwami wabana Amoni,+ watuma Isimayeli mwana wa Netaniya kuti akujaye?”+ Pele Gedaliya mwana wa Ahikamu tanaakabasyoma pe.
15 Mpoonya Johanani mwana wa Kareya wakaambila Gedaliya cakusisikizya ku Mizipa ategwa: “Ndiyanda kuunka ndikamujaye Isimayeli mwana wa Netaniya, alimwi taakwe muntu naba omwe uutiizyibe. Ino nkaambo nzi ncayelede kukujaila, alimwi ino nkaambo nzi bantu boonse bakkala mu Juda aabo ibabungana kulinduwe ncobeelede kumwaigwa alimwi abalo aabo basyeede mu Juda ncobeelede kulobela?” 16 Pele Gedaliya+ mwana wa Ahikamu wakaambila Johanani mwana wa Kareya kuti: “Utaciti oobo pe, nkaambo eezyo nzyoamba kujatikizya Isimayeli nzyakubeja.”
41 Mumwezi waciloba, Isimayeli+ mwana wa Netaniya imwana wa Elisama, umwi walunyungu lwabami* alimwi iwabalupati-pati bamwami, wakaboola abaalumi bambi bali kkumi kuli Gedaliya mwana wa Ahikamu ku Mizipa.+ Lino ciindi nobakali kulya cakulya antoomwe ku Mizipa, 2 Isimayeli mwana wa Netaniya abaalumi bali kkumi mbocakali limwi bakanyamuka akumujaya apanga Gedaliya mwana wa Ahikamu imwana wa Safani. Aboobo wakamujaya ooyo mwami wa Babuloni ngwaakabikkide kuti kalanganya cisi. 3 Kuyungizya waawo, Isimayeli wakajaya ba Juda boonse ibakali a Gedaliya ku Mizipa, kubikkilizya abasikalumamba bana Kasidi ibakali kooko.
4 Lino mubuzuba bwabili kuzwa naakajaigwa Gedaliya, kakutanaba muntu naba omwe wakazyi cakacitika, 5 kwakaboola baalumi bali 80 kuzwa ku Sekemu,+ ku Silo+ alimwi aku Samariya.+ Zilezu zyabo zyakaligeledwe, zisani zyabo zyakalizapaukide, bakalilinengawide amibili yabo+ alimwi bakajisi zituuzyo zyamaila atununkilizyo twalibano+ mumaanza aabo kuti balete kuŋanda ya Jehova. 6 Eelyo Isimayeli mwana wa Netaniya wakazwa ku Mizipa kuti akabacinge, wakali kweenda kayaabulila. Lino naakabaswaanganya, wakabaambila kuti: “Kamuboola kuli Gedaliya mwana wa Ahikamu.” 7 Pele nobakanjila mumunzi, Isimayeli mwana wa Netaniya antoomwe abaalumi bakwe wakabajaya akubasowela mumugoti.
8 Pele kuli baalumi bali kkumi akati kabo ibakaambila Isimayeli kuti: “Utatujayi pe, nkaambo tusiside maunda-maunda aawiiti, bbaale, mafwuta alimwi abuci musyokwe.” Aboobo wakabaleka, tanaakabajaya pe antoomwe abanabokwabo. 9 Lino Isimayeli wakasowa mitunta yoonse yabaalumi mbaakajaya mumugoti mupati kapati, ooyo Mwami Asa ngwaakasyide akaambo ka Mwami Basa wa Israyeli.+ Ooyu ngomugoti Isimayeli mwana wa Netaniya ngwaakazuzya mitunta yabaalumi aabo ibakajaigwa.
10 Mpoonya Isimayeli wakababweza kabali baange bantu boonse bakasyeede ibakali ku Mizipa,+ kubikkilizya abana basimbi bamwami alimwi abantu boonse bakasyaala ku Mizipa, aabo Nebuzaradana mupati wabasikugatela mwami mbaakabikka mumaanza aa Gedaliya+ mwana wa Ahikamu. Isimayeli mwana wa Netaniya wakababweza kabali baange akuunka kuti akazabukile kubana Amoni.+
11 Johanani+ mwana wa Kareya alimwi abapati boonse bampi yabasikalumamba ibakali anguwe nobakamvwa zibi zyoonse Isimayeli mwana wa Netaniya nzyaakacita, 12 bakabweza baalumi boonse akuunka kuyoolwana Isimayeli mwana wa Netaniya, eelyo bakamujana kumaanzi manji* aaku Gibeoni.
13 Lino bantu boonse ibakali aa Isimayeli bakakondwa nobakamubona Johanani mwana wa Kareya alimwi abapati boonse bampi yabasikalumamba ibakali anguwe. 14 Mpoonya bantu boonse Isimayeli mbaakatolede kabali baange kuzwa ku Mizipa+ bakajokela akuunka antoomwe a Johanani mwana wa Kareya. 15 Pele Isimayeli mwana wa Netaniya antoomwe abaalumi bakwe bali lusele bakamutija Johanani akuunka kubana Amoni.
16 Mpoonya Johanani mwana wa Kareya alimwi abapati boonse bampi yabasikalumamba mbaakali limwi bakabweza bantu bakasyeede ku Mizipa, aabo mbobakavwuna kuli Isimayeli mwana wa Netaniya, naakamana kujaya Gedaliya+ mwana wa Ahikamu. Bakapilusya baalumi, basikalumamba, bamakaintu, bana, alimwi ankumekume zyamuŋanda yamwami kuzwa ku Gibeoni. 17 Aboobo bakaunka akuyookkala mubusena bwakulyookezyela bwa Kimuhamu ibwakabambene a Betelehemu,+ kabajisi makanze aakuunka akuyoonjila mucisi ca Egepita+ 18 akaambo kaba Kasidi. Nkaambo bakali kubayoowa, mbokunga Isimayeli mwana wa Netaniya wakajaide Gedaliya mwana wa Ahikamu, ooyo mwami wa Babuloni ngwaakabikkide kuti kalanganya cisi.+
42 Mpoonya bapati boonse bampi yabasikalumamba, a Johanani+ mwana wa Kareya, Jezaniya mwana wa Hosaya alimwi abantu boonse, kuzwa kumuntu-muntu buyo kusikila kumuntu uulemenede, bakasika 2 akwaambila musinsimi Jeremiya kuti: “Akaka twalomba kuti umvwe kulomba kwesu kwakuti tufwidwe luzyalo, aboobo kotupailila kuli Jehova Leza wako, kobapailila bantu boonse aaba basyeede, nkaambo kwasyaala buyo bantu basyoonto nokuba kuti twakali banji,+ mbubonya mbobwene anduwe. 3 Jehova Leza wako atwaambile nzila motweelede kweendela alimwi ancotweelede kucita.”
4 Mpoonya musinsimi Jeremiya wakabaambila kuti: “Mbubo ndamvwa, aboobo ndilapaila kuli Jehova Leza wanu kweelana akulomba kwanu; eelyo kufwumbwa mbwatiimuvwiile Jehova, ndilamwaambila. Tandikoomusisa jwi lili lyoonse pe.”
5 Mpoonya bakaambila Jeremiya kuti: “Jehova aabe kamboni mwini-mwini alimwi uusyomeka kulindiswe alimwi aatusubule ikuti naa tatukoocita kweelana ambwatiitulailile Jehova Leza wako kwiinda mulinduwe. 6 Kufwumbwa naa lilatubotela naa lilatubijila, swebo tulatobela jwi lya Jehova Leza wesu ooko nkotwakutuma, kutegwa zintu zitweendele kabotu akaambo kakuti twatobela jwi lya Jehova Leza wesu.”
7 Lino nokwakainda mazuba aali kkumi ijwi lya Jehova lyakamusikila Jeremiya. 8 Aboobo wakaita Johanani mwana wa Kareya alimwi abapati boonse bampi yabasikalumamba mbaakali limwi alimwi abantu boonse, kuzwa kumuntu-muntu buyo kusikila kumuntu uulemenede.+ 9 Mpoonya wakabaambila kuti: “Mboobu mbwaamba Jehova Leza wa Israyeli, ooko nkomwakandituma kuti ndikamwaambilile kulomba kwanu kwakuti mufwidwe luzyalo: 10 ‘Ikuti naa ncobeni muzumanane kukkala mucisi eeci, andime ndilamuyaka alimwi tandikoomumwaya pe, ndilamusyanga alimwi tandikoomuzyula pe, nkaambo ndileetezyegwa akaambo kamapenzi ngondamuletela.+ 11 Mutayoowi pe akaambo kamwami wa Babuloni, ooyo ngomuyoowa.’+
“‘Mutayoowi akaambo kanguwe,’ mbwaamba Jehova, ‘nkaambo ndilaandinywe, kuti ndimufwutule akumuvwuna kujanza lyakwe. 12 Alimwi nywebo ndiyoomufwida luse,+ eelyo awalo uyoomufwida luse akumujola kucisi canu.
13 “‘Pele ikuti mwaambe kuti, “Peepe, tatukookkala mucisi cino!” eelyo mutatobeli jwi lya Jehova Leza wanu 14 kwiinda mukwaamba kuti, “Peepe, pele tulaunka kucisi ca Egepita,+ ooko nkotutakaboni nkondo, nkotutakamvwi kulila kwamweembo nokuba kufwa nzala akaambo kakubula cakulya; ooko nkonkuko nkotuyookkala,” 15 nkokuti amumvwe jwi lya Jehova, nywebo nobantu basyeede mu Juda. Mboobu mbwaamba Jehova wamakamu, Leza wa Israyeli: “Ikuti naa mukakatile kuunka kucisi ca Egepita eelyo muunke akuyookkala nkuko,* 16 nkokuti panga ndimunya ndyomuyoowa liyoomujana nkomunya ooko kucisi ca Egepita, ayalo nzala eeyo njomuyoowa iyoomutobela ku Egepita, eelyo nkomunya ooko nkomuyoofwida.+ 17 Alimwi baalumi boonse aabo ibakanzide kuunka ku Egepita kuti bakaakukkale nkuko bayoojaigwa apanga, nzala alimwi acilwazi. Kunyina muntu naba omwe akati kabo uuyoofwutuka nokuba kwaatija mapenzi aayo ngondiyoobaletela.”’
18 “Nkaambo mboobu mbwaamba Jehova wamakamu, Leza wa Israyeli: ‘Mbubonya buyo kunyema kwangu alimwi abukali bwangu mbozyakatilwa abantu ibakali kukkala mu Jerusalemu,+ mbombubo bukali bwangu mbobuyootilwa aalindinywe ikuti naa muunke ku Egepita, alimwi muyooba cintu citukilwa, cigambya, cisinganizyigwa alimwi cisampaulwa,+ alimwi tamukabuboni kabili busena oobu.’
19 “Jehova waamba majwi aakumukasya, nywebo nobantu basyeede bamu Juda. Mutaunki ku Egepita pe. Ncobeni mweelede kuzyiba kuti mebo ndamucenjezya sunu 20 kuti mulandu wanu ulamujazya. Nkaambo nywebo mwakandituma kuli Jehova Leza wanu, kamwaamba kuti, ‘Kotupailila kuli Jehova Leza wesu, alimwi utwaambile kufwumbwa ncataambe Jehova Leza wesu, eelyo swebo tulacicita.’+ 21 Lino mebo sunu ndamwaambila, pele nywebo tamukootobela jwi lya Jehova Leza wanu nokuba kucita cintu cili coonse ncaandituma kuti ndimwaambile.+ 22 Aboobo, amuzyibe kuti ncobeni nywebo muyoojaigwa apanga, nzala alimwi acilwazi kubusena ooko nkomuyanda kuunka kuyookkala.”+
43 Lino Jeremiya naakamana kwaambila bantu boonse majwi aaya oonse aa Jehova Leza wabo, nkokuti majwi oonse Jehova Leza wabo ngaakamutuma kuti abaambile, 2 Azariya mwana wa Hosaya, Johanani+ mwana wa Kareya alimwi abaalumi boonse baliinganya bakaambila Jeremiya kuti: “Nzyoamba nzyakubeja! Jehova Leza wesu tanaakutuma kuti waambe kuti, ‘Mutaunki ku Egepita kuyookkala nkuko.’ 3 Pele Baruki+ mwana wa Neriya nguukuyunga kuti utwaabe mumaanza aaba Kasidi, kutegwa batujaye naa kututola mubuzike ku Babuloni.”+
4 Aboobo Johanani mwana wa Kareya alimwi abapati boonse bampi yabasikalumamba alimwi abantu boonse tiibakatobela jwi lya Jehova lyakuti bazumanane kukkala mucisi ca Juda. 5 Muciindi caboobo, Johanani mwana wa Kareya abapati boonse bampi yabasikalumamba bakabwezelezya abantu boonse bakasyeede mu Juda aabo bakajokela kuzookkala mucisi ca Juda kuzwa kumasi oonse ooko nkobakamwaikilide.+ 6 Bakabweza baalumi, bamakaintu, bana, bana basimbi bamwami, alimwi abantu boonse aabo Nebuzaradana+ mupati wabasikugatela mwami mbaakasiide mumaanza aa Gedaliya+ mwana wa Ahikamu+ imwana wa Safani,+ kubikkilizya a Jeremiya musinsimi alimwi a Baruki mwana wa Neriya. 7 Kumane bakaunka akuyoonjila mucisi ca Egepita, nkaambo tiibakaswiilila jwi lya Jehova, eelyo bakaunka mane baakusika ku Tahapanesi.+
8 Mpoonya jwi lya Jehova lyakamusikila Jeremiya ku Tahapanesi kaliti: 9 “Kobweza mabwe mapati mujanza lyako, waasise mubulongo butete mucibumbili cazitina icili kumanjililo aaŋanda ya Farao mu Tahapanesi, kabalangilila baalumi ba Juda. 10 Mpoonya ubaambile kuti, ‘Mboobu mbwaamba Jehova wamakamu, Leza wa Israyeli: “Amubone ndiita Nebukadinezara* mwami wa Babuloni, imubelesi wangu,+ eelyo ndiyoobikka cuuno cakwe cabwami atala aamabwe aaya ngondasisa, alimwi walo uyooyala tente lyakwe lyabwami atala aangawo.+ 11 Uyooboola akunyonyoona cisi ca Egepita.+ Kufwumbwa uubambilidwe cilwazi cijaya, uyoosikilwa cilwazi cijaya, kufwumbwa uubambilidwe buzike, uyootolwa mubuzike, alimwi kufwumbwa uubambilidwe panga, ipanga liyoomusikila.+ 12 Mebo ndiyakwaadoneka mulilo maanda* aabaleza bamucisi ca Egepita,+ alimwi walo uyakwaaumpa akubatola kabali baange. Uyoolisamika cisi ca Egepita mbubonya mweembezi mbwalisamika cisani cakwe, eelyo uyoozwa mucisi eeci muluumuno.* 13 Alimwi uyoopwayaula misemu ya* Beti-semesi,* mucisi ca Egepita, aalo maanda* aabaleza bamu Egepita uyakwaaumpa amulilo.”’”
44 Ndeeli jwi lyakamusikila Jeremiya kuti aambile ba Juda boonse ibakali kukkala mucisi ca Egepita,+ aabo ibakali kukkala ku Migidoli,+ ku Tahapanesi,+ ku Nofi*+ alimwi amucisi ca Patirosi:+ 2 “Mboobu mbwaamba Jehova wamakamu, Leza wa Israyeli, ‘Nywebo mwalibonena mapenzi oonse ngondakaletela Jerusalemu+ aminzi yoonse ya Juda, eelyo sunu yaba matongo buyo, kunyina muntu uukkala mulinjiyo.+ 3 Eeci cakacitika akaambo kazintu zibi nzyobakacita kuti bandinyemye kwiinda mukuunka kuyakuumpa zipaizyo+ alimwi akubelekela baleza bambi aabo mbobatakazyi balo, nywebo nebaba bamauso.+ 4 Lino mebo ndakazumanana kumutumina babelesi bangu boonse basinsimi, ndakali kubatuma cakwiinduluka-induluka,* akwaamba kuti: “Akaka mutaciti cintu eeci cisesemya ncendisulaikide.”+ 5 Pele balo tiibakaswiilila pe, nokuba kuteya matwi aabo kutegwa baleke kucita zibi zyabo kwiinda mukutaumpa zipaizyo kuli baleza bambi.+ 6 Aboobo bukali bwangu akunyema kwangu zyakatilwa, alimwi zyakavwilima muminzi ya Juda amumigwagwa ya Jerusalemu, eelyo yakanyonyooka akuba matongo mane kusikila sunu.’+
7 “Lino mboobu mbwaamba Jehova, Leza wamakamu, Leza wa Israyeli, ‘Ino nkaambo nzi ncomuliletela mapenzi mapati, cakuti baalumi abamakaintu boonse, bana basyoonto alimwi abavwanda boonse, bayoonyonyoonwa mucisi ca Juda, limwi kubule uusyala akati kanu? 8 Nkaambo nzi ncomuyanda kundinyemya amilimo yamaanza aanu kwiinda mukuumpa zipaizyo kuli baleza bambi mucisi ca Egepita ooko nkomwaunka kuyookkala? Muyoonyonyoonwa eelyo muyooba cintu cisinganizyidwe alimwi cisampaulwa akati kamasi oonse aamunyika.+ 9 Sena mwailuba micito mibyaabi yabamauso amicito mibyaabi yabami ba Juda,+ micito mibyaabi yabamakaintu babo+ alimwi amicito mibyaabi yanu amicito mibyaabi yabamakaintu banu,+ eeyo yakacitwa mucisi ca Juda amumigwagwa ya Jerusalemu? 10 Kusikila sunu kunyina nobalicesya pe,* kunyina nobayoowa pe+ nokuba kweenda mumulawo wangu akutobela malailile ngondakamupa nywebo alimwi abamauso.’+
11 “Aboobo mboobu mbwaamba Jehova wamakamu, Leza wa Israyeli, ‘Amubone ndikanzide kumuletela mapenzi akunyonyoona cisi ca Juda coonse mbocizulwa. 12 Alimwi ndiyoobweza bantu basyeede baku Juda aabo ibakakanzide kuunka kucisi ca Egepita kuti bakaakukkale nkuko, eelyo boonse bayoomana doo mucisi ca Egepita.+ Bayoojaigwa apanga, alimwi nzala iyoobamana; kuzwa kumuntu-muntu buyo kusikila kumuntu uulemenede, bayoojaigwa apanga alimwi anzala. Eelyo bayooba cintu citukilwa, cigambya, cisinganizyidwe alimwi cisampaulwa.+ 13 Ndiyoobasubula aabo bakkala mucisi ca Egepita mbubonya mbondakasubula Jerusalemu apanga, nzala alimwi acilwazi.+ 14 Alimwi bantu basyeede baku Juda aabo ibaunka kuyookkala mucisi ca Egepita tabakatiji nokuba kufwutuka kuti bapilukile kucisi ca Juda. Bayooyandisya kuti bapiluke akuyookkala nkuko, pele tabakapiluki pe, ccita buyo bantu basyoonto ibayootija.’”
15 Lino baalumi boonse ibakazyi kuti bamakaintu babo bakali kuumpa zipaizyo kuli baleza bambi, alimwi abamakaintu boonse ibakaimvwi ooko, ibakapangide nkamu mpati, alimwi abantu boonse ibakali kukkala mucisi ca Egepita,+ ku Patirosi,+ bakaingula Jeremiya kuti: 16 “Tatukooliswiilila pe jwi ndyootwaambila muzina lya Jehova. 17 Alimwi buya swebo tulacita zintu zyoonse nzyotwaamba amulomo wesu; tulaumpa zipaizyo kuli Namalelo Wajulu* akumutilila zituuzyo zinyugwa,+ mbubonya swebo, bamataateesu, bami besu alimwi abasilutwe besu mbobakacita muminzi ya Juda amumigwagwa ya Jerusalemu, ciindi notwakali kukkuta cinkwa akukkala kabotu, notwatakali kubona mapenzi aali woonse. 18 Kuzwa ciindi notwakaleka kuumpa zipaizyo kuli Namalelo Wajulu* alimwi akumutilila zituuzyo zinyugwa, twabulilwa zintu zyoonse, alimwi twamana doo akaambo kapanga alimwi anzala.”
19 Mpoonya bamakaintu bakayungizya kuti: “Alimwi ciindi swebo notwakali kuumpa zipaizyo kuli Namalelo Wajulu* alimwi akumutilila zituuzyo zinyugwa, sena twakamupangila zituuzyo zyazibunge zili mucinkozya cakwe akumutilila zituuzyo zinyugwa kakunyina kuzumizyigwa abamalumi besu?”
20 Mpoonya Jeremiya wakaambila bantu boonse, nkokuti baalumi abamakaintu babo alimwi abantu boonse ibakali kumuvwiila, wakati: 21 “Zipaizyo nzyomwakali kutuula muminzi ya Juda amumigwagwa ya Jerusalemu+ nywebo, bamauso, bami banu, basilutwe banu abantu bamucisi, Jehova wakaziyeeya alimwi zyakaboola mumoyo wakwe! 22 Aboobo kumamanino Jehova tanaakacili kukonzya kukkazika moyo akaambo kamicito yanu mibi alimwi azintu zisesemya nzyomwakacitide, aboobo cisi canu cakanyonyooka akuba cintu cigambya alimwi cisinganizyidwe, imutakwe muntu uukkala mumo, mbubonya mbocibede sunu.+ 23 Akaambo kakuti mwakaumpa zipaizyo alimwi mwakamubisyila Jehova kwiinda mukutaswiilila jwi lya Jehova alimwi akutatobela mulawo wakwe, malailile aakwe alimwi aziyeekezyo zyakwe, ncimwasikilwa mapenzi aaya, mbubonya mbocibede sunu.”+
24 Jeremiya wakazumanana kwaambila bantu boonse abamakaintu boonse kuti: “Amumvwe jwi lya Jehova, nywebo nyoonse nobantu bamu Juda nemuli mucisi ca Egepita. 25 Mboobu mbwaamba Jehova wamakamu, Leza wa Israyeli, ‘Ncimwaamba amilomo yanu nywebo nobaalumi abamakaintu banu, mwacizuzikizya amaanza aanu, nkaambo mwaamba kuti: “Ncobeni tulazizuzikizya zikonke zyesu zyakuumpa zipaizyo kuli Namalelo Wajulu* alimwi akumutilila zituuzyo zinyugwa.”+ Ncobeni nywebo nobamakaintu mulazizuzikizya zikonke zyanu alimwi mulazicita eezyo nzyomwakonkezya.’
26 “Aboobo amumvwe jwi lya Jehova, nywebo nyoonse nobantu baku Juda nomukkala mucisi ca Egepita: ‘“Amubone ndakonkezya zina lyangu lipati,” mbwaamba Jehova, “kuti zina lyangu talikaambwi kabili amuntu uuli woonse waku Juda+ uukonka mucisi coonse ca Egepita, kuti, ‘Masimpe, Mwami Singuzuzyoonse Jehova mbwali muumi!’+ 27 Amubone ndilipakamene kuti ndibaletele mapenzi ikutali bubotu;+ bantu boonse baku Juda ibali mucisi ca Egepita bayoojaigwa apanga alimwi anzala, kusikila mane bakalobe.+ 28 Mbasyoonto buyo ibayoolitija panga akujokela kucisi ca Juda kuzwa kucisi ca Egepita.+ Mpoonya bantu boonse baku Juda ibayoosyaala aabo ibakanjila mucisi ca Egepita kuti bakakkale mumo bayoozyiba naa ndijwi lyani lyazuzikizyigwa, naa ndijwi lyangu naa ndilyabo!”’”
29 “‘Lino eeci ncecitondezyo kulindinywe,’ mbwaamba Jehova, ‘cakuti ndiyoomusubula mubusena oobu, kutegwa mukazyibe kuti majwi aangu aakuti muyoosikilwa mapenzi ayoozuzikizyigwa ncobeni. 30 Mboobu mbwaamba Jehova: “Amubone ndaaba Farao Hofra, mwami wa Egepita, mumaanza aabasinkondonyina amumaanza aabaabo bayanda kumujaya,* mbubonya mbondakaaba Mwami Zedekiya wa Juda mumaanza aa Mwami Nebukadinezara wa Babuloni, ooyo iwakali sinkondonyina alimwi iwakali kuyanda kumujaya.”’”+
45 Ngaaya majwi musinsimi Jeremiya ngaakaambila Baruki+ mwana wa Neriya, ciindi naakaalemba mubbuku majwi aaya ngaakaamba mulomo mpande Jeremiya+ mumwaka wane wa Jehoyakimu+ imwana wa Josiya, mwami wa Juda:
2 “Mboobu mbwaamba Jehova Leza wa Israyeli kujatikizya nduwe, Baruki, 3 ‘Yebo waamba kuti: “Maawe ndemucaangu, nkaambo Jehova wayungizya buumba kumacise aangu! Ndakatala akaambo kakutongela kwangu, alimwi kunyina nendajana busena bwakulyookezyela.”’
4 “Mboobu mboyelede kumwaambila, ‘Mboobu mbwaamba Jehova: “Bona! Eeco ncendakayaka ndilacimwaya, acalo eeco ncendakasyanga ndilacizyula, nkokuti cisi coonse mbocizulwa.+ 5 Pele yebo uliyandawida* zintu zipati. Koleka kuyandaula zintu zili boobu.”’
“‘Nkaambo ndilaafwaafwi kuletela bantu boonse mapenzi,’+ mbwaamba Jehova, ‘pele kufwumbwa nkoyakuunka yebo, ndiyookupa buumi bwako kuti bube cikono cako.’”*+
46 Ndeeli jwi lya Jehova ilyakamusikila musinsimi Jeremiya kujatikizya zisi:+ 2 Cisi ca Egepita,+ kujatikizya mpi yabasikalumamba ya Farao Neko+ mwami wa Egepita, iwakali kumbali lya Mulonga wa Firate alimwi Mwami Nebukadinezara* mwami wa Babuloni ngwaakazunda ku Karikemesi mumwaka wane wa Jehoyakimu+ mwana wa Josiya, imwami wa Juda:
3 “Amubambe ntobo zyanu zisyoonto azipati,
Muunke kunkondo.
4 Amubambe mabbiza akwaatanta, nywebo nobasimabbiza.
Amulibambile alimwi amusame zimpoompo zyanu.
Amukwenge masumo alimwi amusame zibaki zyankondo.
5 ‘Nkaambo nzi ncobalibonya kuyoowa mumeso aangu?
Bajoka munsi, basikalumamba babo baumwa.
Batija kabayoowede, basikalumamba babo tiibacebuka pe.
Bantu baliyoowede koonse-koonse,’ mbwaamba Jehova.
6 ‘Basilubilo tabakonzyi kutija, abalo basikalumamba tabakonzyi kutija.
Kulubazu lwakunyika, kunkomwe ya Mulonga wa Firate,
Balebwa akuwa.’+
7 Ino nguni ooyu uuboola mbuli Mulonga wa Nile,
Mbuli milonga iijisi maanzi manji aapwayana?
8 Cisi ca Egepita cilaboola mbuli Mulonga wa Nile,+
Mbuli milonga iijisi maanzi manji aapwayana,
Alimwi caamba kuti, ‘Ndilatanta akuvwumba nyika.
Ndilanyonyoona munzi alimwi abaabo bakkala mulinguwo.’
9 Kamuya, nywebo nomabbiza!
Amubalike kapati nywebo nonkalaki!
Basikalumamba abaunke kumbele,
Ba Kusi aba Puti, aabo bacibwene kubelesya ntobo,+
Alimwi aba Ludi,+ aabo bacibwene kubelesya akoongomeka* buta.+
10 “Buzuba oobo mbuzuba bwa Mwami Singuzuzyoonse, Jehova wamakamu, mbuzuba bwakusubula basinkondonyina. Aboobo panga liyoonyonyoona, liyookkuta akuzula bulowa bwabo, nkaambo Mwami Singuzuzyoonse, Jehova wamakamu, ujisi cipaizyo* mucisi cakunyika ku Mulonga wa Firate.+
11 Koya ku Gileadi ukabweze mabbona,+
Yebo omwana musimbi nakalindu wa Egepita.
Waliminya buyo kuliyungizyila busilisi,
Nkaambo yebo tosilikiki pe.+
12 Masi amvwa mboosampuka,+
Alimwi kulila kwako kwamwaika mucisi coonse.
Nkaambo sikalumamba waleba sikalumambanyina,
Eelyo boonse bobilo bawida ansi antoomwe.”
13 Ndeeli jwi Jehova ndyaakaambila musinsimi Jeremiya kujatikizya kuboola kwa Mwami Nebukadinezara* wa Babuloni kuti azoolwane akuzunda cisi ca Egepita:+
14 “Amuciluule mu Egepita, amucaambilizye mu Migidoli.+
Amucaambilizye mu Nofi* amu Tahapanesi.+
Amwaambe kuti, ‘Amwiime mumasena aanu, amulibambile,
Nkaambo panga lilazinyonyoona zyoonse zimuzingulukide.
15 Ino nkaambo nzi basinguzu banu ncobakukululwa?
Kunyina nobaima nji,
Nkaambo Jehova wabatonkela ansi.
16 Banji baluujisi kulebwa alimwi akuwa.
Baluujisi kwaambilana kuti:
“Nyamuka! Atupiluke kubantu besu akucisi cokwesu
Akaambo kapanga lyasilunya.”’
17 Aawo mpobabede baambilizya kuti,
‘Farao mwami wa Egepita ngusikusabila buyo
18 ‘Masimpe mbondili muumi,’ mbwaamba Mwami, uujisi zina lyakuti Jehova wamakamu,
‘Walo* uyooboola mbubonya mbuli Tabori+ akati kamalundu
Ambuli Karimeli+ kulwizi.
19 Anga cibbudu cako ulibambile kuunka mubuzike,
Yebo omwana musimbi ookkala mu Egepita.
Nkaambo munzi wa Nofi* uyooba cintu cigambya;
Uyakuumpwa amulilo,* eelyo uyoocaala kakunyina muntu uukkala mulinguwo.+
20 Cisi ca Egepita cili mbuli ŋombe mpwizi iitanazyede yeebeka,
Pele mazimbwa aazwa kunyika ayakucibumba.
21 Abalo basikalumamba bancico ibavwozyegwa aabo ibali mulincico bali mbuli boombe baneneede,
Pele abalo bajokela alimwi batija antoomwe.
Kunyina nobacikonzya kwiima nji,+
Nkaambo buzuba bwamapenzi aabo bwabasikila,
Iciindi cabo cakusubulwa.’
22 ‘Ulimvwisya mbuli nzoka iisweemuka,
Nkaambo basinkondo bamuboolela canguzu, kabajisi tweembe,
Mbuli baalumi bagonka zisamu.*
23 Bayoozigonka zisamu zyoonse zili musyokwe lyakwe,’ mbwaamba Jehova, ‘nokuba kuti lyakali kuboneka mbuli kuti taliindiki.
Nkaambo mbanji kapati kwiinda cikwikwi, tabakonzyi kubalwa.
24 Mwana musimbi wa Egepita uyakuusyigwa nsoni.
Uyakwaabwa mumaanza aabantu bakunyika.’+
25 “Mboobu mbwaamba Jehova wamakamu, Leza wa Israyeli: ‘Lino ndilabikkila maano kuli Amoni+ waku No,*+ kuli Farao, kucisi ca Egepita, kuli baleza bancico+ alimwi akubami bancico, inzya ndilabikkila maano kuli Farao akuli baabo boonse bamusyoma.’+
26 “‘Ndiyoobaaba mumaanza aabaabo bayanda kubajaya,* mumaanza aa Mwami Nebukadinezara* wa Babuloni+ alimwi amumaanza aababelesi bakwe. Nokuba boobo, kumbele aamazuba cisi ca Egepita ciyookkalwa abantu mbubonya mbuli kumazuba aakaindi,’ mbwaamba Jehova.+
27 ‘Lino yebo, utayoowi pe, omubelesi wangu Jakobo,
Alimwi utakankami pe, O Israyeli.+
Nkaambo ndiyookufwutula kuzwa kulamfwu
Alwalo lunyungu lwako kuzwa kucisi nkobaangidwe.+
Jakobo uyoojokela, takanyonganizyigwi pe alimwi uyookkala cakuliiba,
Kakunyina uubapa kuyoowa.+
28 Aboobo utayoowi pe, omubelesi wangu Jakobo,’ mbwaamba Jehova, ‘nkaambo ndilaanduwe.
Ndiyakwaanyonyoona cakumaninina masi oonse ooko nkondakakumwaila,+
Pele yebo tandikakunyonyooni cakumaninina pe.+
47 Ndeeli jwi lya Jehova ilyakamusikila musinsimi Jeremiya kujatikizya ba Filisiti,+ Farao katanauzunda munzi wa Gaza. 2 Mboobu mbwaamba Jehova:
“Amubone! Maanzi alaboola kuzwa kunyika.
Ayooba mulonga uupayide uukunka canguzu.
Ayoovwumba cisi azintu zyoonse zili mumo,
Munzi alimwi abaabo ibakkala mumo.
Ibaalumi bayoolila,
Abantu boonse bakkala mucisi bayookwiila.
3 Baakumvwa mijinci yansumba zyamabbiza aakwe,
Kucokola kwankalaki zyakwe zyankondo
Alimwi akulila kwamavwili aakwe,
Bamausyi kunyina nibayooceba bana babo kuti babagwasye,
Nkaambo maanza aabo ayootebela,
4 Akaambo kakuti buzuba oobo buboola buyoonyonyoona ba Filisiti boonse;+
Buyoonyonyoona sikugwasya woonse uusyeede mu Turo+ amu Sidoni.+
5 Gaza uyooba aminkulu.*
Asikeloni waumuzyigwa.+
Nywebo nobantu basyeede mucibanda canjiyo camukkuti,*
Ino mulazumanana kulinengaula kwaciindi cilamfwu buti?+
6 Ma! Opanga lya Jehova!+
Ino ulaleka lili kukaka kutontomana?
Kopiluka mucikanda cako.
Kolyookezya, wuumune.
7 Ino inga lyatontomana buti
Mbokunga ngu Jehova walilailila?
Libambilidwe Asikeloni alimwi ankomwe yalwizi,+
Ooko nkonkuko nkwaalituma kuti likasike.”
48 Kujatikizya Moabu,+ mboobu mbwaamba Jehova wamakamu, Leza wa Israyeli:
“Maawe kuli Nebo,+ nkaambo wanyonyoonwa!
Kiriyataimu+ wausyigwa nsoni alimwi wazundwa.
Mayubilo aakwabilidwe* ausyigwa nsoni alimwi apwayaulwa.+
2 Tabacimutembauli Moabu pe.
Mu Hesiboni+ bakanza kumuwisya kabati:
‘Amuboole, atumunyonyoone kuti aleke kuba cisi.’
Ayebo, O Madimeni, koumuna wi,
Nkaambo panga lilakutobela.
3 Kulila kwamvwugwa kuzwa ku Horonaimu,+
Akaambo kalunyonyooko akupwayaula kupati.
4 Moabu wanyonyoonwa.
Bana bakwe baniini balalila.
5 Nobatanta kuya ku Luhiti, bayaabulila.
Alimwi nobaselemuka kuzwa ku Horonaimu bamvwa kulila kwabantu bapengede akaambo kalunyonyooko.+
6 Amutije, mufwutule buumi bwanu!
Mweelede kuba mbuli cisamu camulombe cili munkanda.
7 Akaambo kakuti yebo usyoma milimo yako alubono lwako,
Ayebo uyoojatwa.
Alimwi Kemosi+ uyootolwa mubuzike,
Antoomwe abapaizi bakwe alimwi abasilutwe bakwe.
8 Sikunyonyoona uyakwiinjilila minzi yoonse,
Alimwi kunyina munzi uuyootija.+
Kkuti* liyoonyonyooka,
Ayalo nyika iiyalene iyoonyonyoonwa, mbubonya mbwaamba Jehova.
9 Amumubikkile cikwankwani Moabu,
Nkaambo ciindi aakukolomonwa uyootija,
Alimwi minzi yakwe iyooba cintu cigambya,
Iinyina muntu uukkala mulinjiyo.+
10 Ulisinganizyidwe muntu uucita mulimo wa Jehova cabuyamba!*
Ulisinganizyidwe muntu uulesya panga lyakwe kutila bulowa!
11 Bana Moabu baliliibide kuzwa kubukubusi bwabo,
Mbubonya mbuli waini wakkalila.
Kunyina nobatuntululwa kuzwa muciyobwedo cimwi kuya muciyobwedo cimbi,
Alimwi tiibatolwa mubuzike.
Nkakaambo kaako tiibacinca mbobalimvwisya mukanwa,
Abwalo bweema bwabo tiibwacinca pe.
12 “‘Aboobo, amubone! mazuba alaboola,’ mbwaamba Jehova, ‘eelyo ndiyoobatumina bantu kuti babavwuntamike. Bayoobavwuntamika akutuntumuna ziyobwedo zyabo, alimwi bayoopwayaula nongo zyabo zipati. 13 Bana Moabu bayoofwa nsoni akaambo ka Kemosi, mbubonya bamuŋanda ya Israyeli mbobafwa nsoni akaambo ka Beteli ooyo ngobakali kusyoma.+
14 Ino mulaanguzu nzi zimupa kwaamba kuti: “Tuli basikalumamba basinguzu, balibambilide kulwana nkondo”?’+
Mbwaamba Mwami, uujisi zina lyakuti Jehova wamakamu.+
16 Mapenzi aabana Moabu alaafwaafwi kuboola,
Alwalo lunyonyooko lwabo lulasika cakufwambaana.+
17 Boonse babazingulukide bayakweetezyegwa akaambo kambabo,
Inzya boonse aabo ibalizyi zina lyabo.
Amubaambile kuti: ‘Maawe musako muyumu watyolwa, inkoli yabweebesi yakompolwa!’
18 Koseluka kuzwa kubulemu bwako,
Ukkale ansi kofwide nyota,* yebo omwana musimbi uukkala mu Diboni,+
Nkaambo sikunyonyoona Moabu waboola kuzookulwana,
Ulaanyonyoona masena aako aakwabilidwe.+
19 Koima kumbali aanzila, ulangilile, yebo ookkala mu Aroeri.+
Komubuzya mwaalumi ooyo uutija alimwi amukaintu ooyo uuloboka, kuti, ‘Ino ncinzi cacitika?’
20 Moabu wausyigwa nsoni alimwi wayoowa kapati.
Amukwiile akulila.
Kamwaambilizya mu Arinoni+ kuti Moabu wanyonyoonwa.
21 “Lubeta lwasika kunyika iiyalene,+ ku Holoni, ku Jahazi,+ ku Mefati;+ 22 ku Diboni,+ ku Nebo,+ ku Beti-dibilataimu; 23 ku Kiriyataimu,+ ku Beti-gamuli, ku Beti-meoni;+ 24 ku Kerioti+ aku Bozira; alimwi akuminzi yoonse yamucisi ca Moabu, eeyo iili kulamfwu ayeeyo iili afwaafwi.
25 ‘Nguzu zya Moabu zyamana;*
Alyalo janza lyakwe lyatyolwa,’ mbwaamba Jehova.
26 ‘Amumupe kukolwa,+ nkaambo walisumpula kuli Jehova.+
Moabu ulapazaya mumalusi aakwe mwini,
Alimwi waba cintu cisampaulwa.
27 Sena Israyeli tanaakali cintu cisampaulwa kulinduwe?+
Sena wakajanwa akati kababbi,
Cakuti yebo upukunya mutwe wako alimwi akwaamba zibi kujatikizya nguwe?
28 Amuzwe muminzi, mukakkalile amwala nywebo nomukkala mu Moabu,
Alimwi amube mbuli nziba iiyaka citeente canjiyo mumabali aajeleele.’”
29 “Twamvwa makani aakulisumpula kwa Moabu, kuti ulalitukumuna kapati,
Twamvwa makani aakulimvwa kwakwe, mbwalisumpula, mbwalitukumuna alimwi akulikankaizya kwamoyo wakwe.”+
30 “‘Ndilibuzyi bukali bwakwe,’ mbwaamba Jehova,
‘Nokuba boobo, izintu zyabuyo nzyaamba tazikacitiki.
Taakwe ncobayoocita pe.
31 Nkakaambo kaako ndiyoomulila Moabu,
Ndiyoocilila cisi coonse ca Moabu
Alimwi ndiyoobalila baalumi bamu Kiri-heresi.+
Izisyuukila zyako zifwefwema zyayandilila akuzabuka lwizi.
Zyaakusika kulwizi, ku Jazeri.
Micelo yako yacilimo amisaansa yako njootebula
Sikunyonyoona waiselukila.+
33 Kukondwa alimwi akusekelela zyagusyigwa mumuunda wamicelo
Amucisi ca Moabu.+
Ndapa kuti waini uleke kukunka kuzwa mucikandilo camisaansa.
Kunyina uunoolyatauka kumwi kaongolola cakukondwa.
Koongolola takunoocili koongolola kwalukkomano pe.’”+
34 “‘Kulila kwabo mu Hesiboni+ kwamvwugwa mane ku Eleale.+
Majwi aakulila kwabo asika ku Jahazi,+
Kulila kwabo mu Zoari kwamvwugwa ku Horonaimu+ aku Egilati-selisiya.
Naaba maanzi manji aaku Nimurimu ayooyuminina.+
35 Ndiyoopa kuti mu Moabu kamutacikwe muntu,’ mbwaamba Jehova
‘Uuleta cituuzyo kubusena bwakukombela
Alimwi amuntu uumpa zipaizyo kuli leza wakwe.
36 Nkakaambo kaako moyo wangu uyoolila Moabu mbubonya mbuli muntolilo,*+
Alimwi moyo wangu uyoolila bantu bamu Kiri-heresi mbubonya mbuli muntolilo.*
Nkaambo lubono ndwaajana luyoonyonyoonwa.
37 Nkaambo kumitwe yoonse kuli minkulu,+
Alimwi zilezu zyoonse ziligeledwe.
38 “‘Aziluli zya Moabu zyoonse
Alimwi amumabuwa aakwe aabuleya
Kuli kulila kwalo-kwalo.
Nkaambo ndamupwaya Moabu
Mbubonya mbuli nongo yasoogwa,’ mbwaamba Jehova.
39 ‘Eelo kaka wayoowa! Amukwiile!
Eelo kaka Moabu watija kafwide nsoni!
Moabu waba cintu cisampaulwa,
Icintu ciyoosya kuli baabo boonse bamuzingulukide.’”
40 “Nkaambo mboobu mbwaamba Jehova:
41 Minzi iyoozundwa,
Aalo mampangala aakwe ayoobwezegwa.
Mubuzuba oobo myoyo yabasikalumamba ba Moabu
Iyooba mbuli moyo wamukaintu uutumbuka.’”
43 Zintu ziyoosya, idindi alimwi akakole zili kumbele lyako,
Yebo ookkala mu Moabu,’ mbwaamba Jehova.
44 ‘Kufwumbwa muntu uutija zintu ziyoosya uyoowida mumulindi,
Alimwi kufwumbwa muntu uuzwa mumulindi uyoocegwa mukakole.’
‘Nkaambo Moabu ndiyoomuletela mwaka wakusubulwa kwabo,’ mbwaamba Jehova.
45 ‘Aabo batija baima kabanyina nguzu mucimvwule ca Hesiboni.
Nkaambo mulilo uyooboola kuzwa ku Hesiboni
Amabangabanga aamulilo kuzwa mu Sihoni.+
Ayakuumpa nkumo ya Moabu
Alimwi acipapa camutwe cabana balupyopyongano.’+
46 ‘Maawe kulinduwe, O Moabu!
Bantu ba Kemosi+ baloba.
Nkaambo bana bako basankwa batolwa mubwaange,
Abalo bana bako basimbi batolwa mubwaange.+
47 Pele ndiyooyobolola baange ba Moabu kumamanino aamazuba,’ mbwaamba Jehova.
‘Aawa mpaamanina makani aalubeta lwa Moabu.’”+
49 Lino kujatikizya bana Amoni,+ mboobu mbwaamba Jehova:
“Sena Israyeli tajisi bana basankwa?
Sena tajisi sikukona uuli woonse?
Ino nkaambo nzi Milikomi+ ncaakonena Gadi?+
Alimwi nkaambo nzi bantu bakwe ncobakkala muminzi ya Israyeli?”
2 “‘Aboobo, amubone! mazuba alaboola,’ mbwaamba Jehova,
‘Eelyo ndiyoopa kuti kumvwugwe kucenjezya kwankondo* kwakulwana Raba+ wabana Amoni.+
Uyooba buyo mulwi wazitantaala,
Alimwi minzi yakwe misyoonto* iyakuumpwa amulilo.’
‘Israyeli uyookona cisi cabaabo bakakonede cisi cakwe,’+ mbwaamba Jehova.
3 ‘Kolila, O Hesiboni, nkaambo Ai wanyonyoonwa!
Amoongolole nywebo nominzi misyoonto ya Raba.
Amusame zisani zyamasaka.
Amulile akwiingaila akati kazyaanda zyamabwe,*
Nkaambo Milikomi uyootolwa mubuzike,
Antoomwe abapaizi bakwe alimwi abasilutwe bakwe.+
4 Nkaambo nzi yebo ncolidunda kujatikizya makkuti,*
Inzya kujatikizya cibanda cako icikunka maanzi, omwana musimbi uutasyomeki,
Yebo oosyoma lubono lwako
Akwaamba kuti: “Ino nguni utiiboole kundilwana?”’”
5 “‘Bona! Ndilakuletela cintu ciyoosya,’ mbwaamba Mwami Singuzuzyoonse, Jehova wamakamu,
‘Kuzwa kuli baabo boonse bakuzingulukide.
Nywebo muyoomwaigwa kumabazu oonse,
Eelyo takukabi muntu naba omwe uuyoobayobolola aabo batija.’”
6 “‘Pele kumbele ndiyoobayobolola baange akati kabana Amoni,’ mbwaamba Jehova.”
7 Kujatikizya Edomu, mboobu mbwaamba Jehova wamakamu:
“Sena tamucikwe busongo mu Temani?+
Sena lulayo lubotu lwamana akati kabaabo bajisi maano?
Sena busongo bwabo bwabola?
8 Amutije, amupiluke!
Kamuya, mukaakukkalile mukati musisikide, nywebo nomukkala mu Dedani!+
Nkaambo Esau ndiyoomuletela lunyonyooko
Caakusika ciindi cakuti ndimusubule.
9 Ikuti basikutebula misaansa bakusikila,
Sena tabakonzyi kusiya misaansa imwi yakuvwulula?
Ikuti babbi bakunjilila masiku,
Balakonzya kubba buyo eezyo nzyobayanda.+
10 Pele mebo Esau ndiyoomuvwumbula akumusiya buyo aatuba buu.
Ndiyoovwumbula masena aakwe aakuyubila,
Kutegwa atakacikonzyi kuyuba.
11 Amubasiye bamucaala banu,
Eelyo mebo ndilapa kuti bazumanane kupona,
Abalo bamukabafwu banu banoosyoma ndime.”
12 Nkaambo mboobu mbwaamba Jehova: “Bona! Ikuti aabo batabambilidwe kunywa nkapu bayakwiinywa, sena yebo weelede kulekwa buyo kakunyina kusubulwa? Tokalekwi buyo kakunyina kusubulwa pe, nkaambo ziyume zitete uyakwiinywa.”+
13 “Nkaambo mebo ndalikonkezya ndemwini,” mbwaamba Jehova, “kuti Bozira uyooba buyo cintu cigambya,+ cisampaulwa, icinyonyookede alimwi cisinganizyidwe; ayalo minzi yakwe yoonse iyooba matongo mane kukabe kutamani.”+
14 Ndamvwa mulumbe kuzwa kuli Jehova,
Mutumwa watumwa akati kamasi, kaamba kuti:
“Amulibunge-bunge, muboole kuzoomulwana;
Amulibambile nkondo.”+
15 “Nkaambo bona! Ndakupa kuti ube muniini kapati akati kamasi,
Uusampaulwa akati kabantu.+
16 Yebo walicenga akaambo kakuti walikuyoosya bambi,
Alimwi akulisumpula kwamoyo wako,
Yebo ookkala mumampangala aamwala,
Ookkala atala aakalundu kalamfwu kwiinda.
Nokuba kuti uyake citeente cako mujulu kapati mbuli sikwaze,
Ndiyookuselusyila ansi kuzwa waawo mpobede,” mbwaamba Jehova.
17 “Edomu uyooba cintu cigambya.+ Muntu woonse wiinda kulinguwe uyoolanga kagambidwe kapati alimwi uyoosiba mulosi akaambo kamapenzi oonse aamusikila. 18 Uyooba mbubonya mbuli kuciindi cakunyonyoonwa kwa Sodoma a Gomora antoomwe aminzi yanjiyo yakeengelede,”+ mbwaamba Jehova, “kunyina muntu uuyookkala ooko, alimwi kunyina muntu uuyooyaka munzi wakwe ooko.+
19 “Amubone! Muntu uyooboola kuzoonyonyoona macelelo aakwabilidwe mbubonya mbuli syuumbwa+ uuzwa muzyoonde zisisinkene izili kumbali aa Jordano, pele mukulaba buyo kwaliso ndiyoomupa kutija kuzwa kulinguwe. Eelyo ndiyoomubikkila muntu uusalidwe kuti amweendelezye. Nkaambo ino nguni uuli mbuli ndime, nguni uunga wandikazya? Ino mweembezi nzi uunga waima kumbele lyangu?+ 20 Aboobo nywebo nobantu, amumvwe makanze* ngajisi Jehova aakulwana Edomu, amizeezo njajisi yakulwana bantu bakkala mu Temani:+
Ncobeni bana babutanga bwambelele bayookwelwa.
Uyoopa kuti busena bwabo bwakukkala bunyonyoonwe akaambo kambabo.+
21 Nyika yazungaana akaambo kamuzuzumo wakuwa kwabo.
Kuli kulila kupati!
Majwi alalimvwisya kusikila ku Lwizi Lusalala.+
22 Amubone! Mbubonya mbuli sikwaze, uyootanta mujulu akufwuumuka kuyaansi,+
Alimwi uyoovwungulula mababa aakwe akuvwumba Bozira.+
Mubuzuba oobo, myoyo yabasikalumamba ba Edomu
Iyooba mbuli moyo wamukaintu uutumbuka.”
23 Kujatikizya Damasiko:+
“Minzi ya Hamati+ a Aripadi yafwa nsoni,
Nkaambo yamvwa makani mabi.
Yanyenguluka akaambo kakuyoowa.
Bantu balilibilikide mbuli lwizi lukopene ilutakonzyi kubatama.
24 Damasiko wagonkelwa.
Watija, pele buyoofwu bwamujata.
Mapenzi amacise alimujisi,
Mbubonya mbuli mukaintu uutumbuka.
25 Ino caba buti kuti munzi uutembaulwa tiiwasiigwa,
Inzya munzi uuzwide kusekelela?
26 Nkaambo balombwana banguwo bayoowa mumabuwa aanguwo aabuleya,
Alimwi basikalumamba boonse bayoonyonyoonwa mubuzuba oobo,” mbwaamba Jehova wamakamu.
27 “Bwaanda bwa Damasiko ndiyoobudoneka mulilo,
Eelyo ngazi zikwabilidwe zya Beni-hadadi+ uyoozyuumpa cakumaninina.”
28 Kujatikizya Kedara+ amami aa Hazori, izyooko eezyo Mwami Nebukadinezara* wa Babuloni nzyaakazunda akunyonyoona, mboobu mbwaamba Jehova:
“Amunyamuke, muunke ku Kedara,
Mukanyonyoone bantu ba Kujwe.
29 Matente aabo amatanga aabo ayootolwa,
Milembo yabo yakumatente antoomwe alubono lwabo loonse.
Nkamela zyabo ziyootolwa,
Eelyo bayooboongolweda kuti, ‘Kuli zintu ziyoosya koonse-koonse!’”
30 “Amutije, kamuya kulamfwu!
Kamuya mukaakukkalile mukati musisikide, nywebo nomukkala ku Hazori,” mbwaamba Jehova.
“Nkaambo Mwami Nebukadinezara* wa Babuloni ulimukanzide,
Alimwi ujisi muzeezo wakumulwana.”
31 “Amunyamuke, kamuya mukalwane cisi cikkede muluumuno,
Alimwi ciliibide!” mbwaamba Jehova.
“Tacijisi zijazyo noziba mpingizyo; bakkede buyo balikke.
32 Nkamela zyabo ziyoosaalwa,
Alimwi zivwubwa zyabo zinji ziyoobwezegwa.
Ndiyoobamwaya kumyuwo yoonse,*
Inzya aabo ibagela malezu aabo mumpobe,+
Alimwi ndiyoobaletela mapenzi kumabazu oonse,” mbwaamba Jehova.
33 “Hazori uyooba buyo bwina bwabamwaaba,
Uyooba matongo mane kukabe kutamani.
Kunyina muntu uuyookkala mumo,
Alimwi kunyina muntu uuyooyaka munzi mulinguwo.”
34 Ndeeli jwi lya Jehova ilyakamusikila musinsimi Jeremiya kujatikizya Elamu+ kumatalikilo aabulelo bwa Mwami Zedekiya+ wa Juda: 35 “Mboobu mbwaamba Jehova wamakamu, ‘Amubone ndilatyolaula buta bwa Elamu,+ ikasensa* kanguzu zyabo. 36 Ndiyooletela Elamu myuwo yone kuzwa kumagolelo one aamajulu, eelyo ndiyoobamwayila kumyuwo yoonse eeyi. Takukabi cisi nociba comwe nkobatakaunki aabo bamwaikide bamu Elamu.’”
37 “Ndiyoobapwayaula bana Elamu kumbele lyabasinkondonyina akumbele lyabaabo bayanda kubajaya;* ndiyoobaletela mapenzi, inzya bukali bwangu buyaka mbuli mulilo,” mbwaamba Jehova. “Alimwi ndiyoobatumina panga kuti kaliyaabubatobela kusikila mane ndikabamane kubanyonyoona.”
38 “Ndiyoobikka cuuno cangu cabwami mu Elamu,+ eelyo ooko ndiyoojaya mwami alimwi abasilutwe,” mbwaamba Jehova.
39 “Pele kumamanino aamazuba, ndiyooyobolola baange bamu Elamu,” mbwaamba Jehova.
50 Ndeeli jwi Jehova ndyaakaamba kujatikizya Babuloni,+ kujatikizya cisi caba Kasidi, kwiinda muli Jeremiya musinsimi:
2 “Amuluule akwaambilizya makani akati kamasi.
Amwiimike cikwankwani* alimwi amwaambilizye makani.
Mutasisi cintu cili coonse!
Amwaambe kuti, ‘Babuloni wazundwa.+
Beli wausyigwa nsoni.+
Merodaki wayoowa.
Zikozyanyo zyakwe zyausyigwa nsoni.
Mituni yakwe iisesemya* yayoowa.’
3 Nkaambo cisi caboola kuzwa kunyika kuzoomulwana.+
Ncencico cipa kuti cisi cakwe cibe cintu cigambya;
Kunyina muntu naba omwe uukkala mulinguwe.
Boonse bobilo, muntu amunyama batija;
Baunka, tabaciko pe.”
4 “Mumazuba aayo alimwi akuciindi eeco,” mbwaamba Jehova, “bana Israyeli alimwi abana Juda bayooboola antoomwe.+ Bayakweenda kumwi kabalila,+ alimwi bayoomuyandaula Jehova Leza wabo antoomwe.+ 5 Bayoobuzya nzila iitozya ku Ziyoni, kumwi masyu aabo kaalangide nkuko,+ akwaamba kuti, ‘Amuboole tulikumbatizye kuli Jehova mucizuminano citamani icitakalubwi.’+ 6 Bantu bangu baba butanga bwambelele zisweekede.+ Beembezi banzizyo mbabazipa kuleya.+ Bazitola atala aazilundu, zyaingaila kuzwa aacilundu kuya kukalundu. Zyaluba busena bwanzizyo bwakulyookezyela. 7 Aabo boonse bazijana bazilya,+ alimwi balwani banzizyo baamba kuti, ‘Tatujisi mulandu pe, akaambo kakuti zyalo zyakabisyila Jehova, cikkalilo cabululami alimwi abulangizi bwabamausyi, nkokuti Jehova.’”
9 Nkaambo amubone Babuloni ndilamubusyila akumuletela
Nkamu yamasi mapati kuzwa kucisi cakunyika.+
Bayoomuboolela kabali mumindando;
Mpoonya uyoozundwa.
Mivwi yabo ili mbuli mivwi yasikalumamba
Eeyo iipa bazyali kusweekelwa bana;+
Tabapiluki cinkwamaanza pe.
10 Cisi caba Kasidi ciyoosaalwa.+
Boonse aabo bacisaala bayoocita oobo mane bakakkutile,”+ mbwaamba Jehova.
11 “Nkaambo nywebo mwakazumanana kukondwa,+ mwakazumanana kusekelela
Ciindi nomwakali kusaala lukono lwangu.+
Nkaambo mwakaluujisi kutambala mbuli mpwizi iitanazyede iisotauka mumweemvwe,
Alimwi mwakaluujisi kubebezya mbuli mabbiza meenze.
12 Banyoko bausyigwa nsoni.+
Aabo ibakamuzyala batyompwa.
Amubone! Baba cisi ciinda kubula mulimo akati kamasi,
Ninkanda iinyina maanzi alimwi ncimpayuma.+
Muntu woonse wiinda kumbali aa Babuloni uyoolanga cakulamwa
Akusiba mulosi akaambo kamapenzi aanguwo oonse.+
14 Amuboole kuzwa kumabazu oonse muzoolwane Babuloni kamuli mumindando,
Nywebo nyoonse nomoongomeka* buta.
15 Amumoongololele loongololo lwankondo mumabazu oonse.
Watama.*
Amumusubule.
Amumucitile mbubonya mbwaakacita awalo.+
Akaambo kapanga lyasikupenzya, umwi aumwi wabo uyoopiluka kubantu bakwe mwini,
Umwi aumwi wabo uyootijila kucisi cokwabo.+
17 “Bana Israyeli nimbelele zimwaikide.+ Basyuumbwa bazimwaya.+ Ciindi cakusaanguna, mwami wa Asuri wakazilya;+ kumane Mwami Nebukadinezara* wa Babuloni wakapulukuta mafwuwa aanzizyo.+ 18 Aboobo mboobu mbwaamba Jehova wamakamu, Leza wa Israyeli: ‘Amubone ndilasubula mwami wa Babuloni acisi cakwe mbubonya mbondakasubula mwami wa Asuri.+ 19 Ndiyoojola Israyeli kumacelelo aakwe,+ eelyo uyoocelela mu Karimeli amu Basani,+ alimwi uyookkuta mumalundu aa Efraimu+ alimwi aa Gileadi.’”+
20 “Mumazuba aayo alimwi akuciindi eeco,” mbwaamba Jehova,
“Milandu ya Israyeli iyooyandaulwa,
Pele taikabiko pe,
Azyalo zibi zya Juda tazikajaniki pe,
Nkaambo ndiyoobalekelela aabo mbondiyoosiya.”+
21 “Kamuya mukalwane cisi ca Merataimu alimwi abantu bakkala mu Pekodi.+
Abajaigwe akunyonyoonwa cakumaninina,”* mbwaamba Jehova.
“Amucite zintu zyoonse nzyendamulailila.
22 Kwamvwugwa kuyobeka kwankondo mucisi,
Lunyonyooko lupati.
23 Eelo kaka nsando yanyika yoonse yagonkwa alimwi yatyoka!+
Eelo kaka Babuloni waba buyo cintu cigambya akati kamasi!+
24 Ndakuteya kakole eelyo wacegwa, O Babuloni,
Alimwi kunyina ncookazyi pe.
Wakajanwa akujatwa,+
Nkaambo ngu Jehova ngookali kukazya.
25 Jehova wajalula ciyobwedo cakwe,
Eelyo wagwisya zilwanyo zyabukali bwakwe.+
Nkaambo Mwami Singuzuzyoonse, Jehova wamakamu, ujisi mulimo
Mucisi caba Kasidi.
26 Amuboole muzoomulwane kuzwa kumasena aakulamfwu.+
Amujalule matala aakwe.+
Amumulundike mbuli zilwi zyamaila.
Amumunyonyoone cakumaninina.*+
Atabi limbi amuntu naba omwe uusyaala mulinguwe.
27 Amujaye bapoho bakwe boonse bacili bana-bana;+
Abatolwe kukujaigwa.
Maawe kulimbabo, nkaambo buzuba bwabo bwasika,
Iciindi cabo cakuti basubulwe!
28 Kuli kuyobeka kwabaabo batija,
Aabo baloboka mucisi ca Babuloni,
Kutegwa mu Ziyoni bakaambilizye cisubulo ncatiipe Jehova Leza wesu,
Icisubulo ncatiipe akaambo katempele lyakwe.+
Amuyake zilawo kumuzinguluka koonse-koonse; kutabi muntu naba omwe uutija.
Amumusubule kweelana amilimo yakwe.+
Amumucitile kweelana azintu nzyaakacita walo.+
Nkaambo walisumpula kuli Jehova,
Walisumpula kuli Uusalala wa Israyeli.+
30 Aboobo balombwana bakwe bayakuwa mumabuwa aakwe aabuleya,+
Abalo basikalumamba bakwe boonse bayoonyonyoonwa* mubuzuba oobo,” mbwaamba Jehova.
31 “Bona! Ndilwana nduwe,+ yebo sikunyansya,”+ mbwaamba Mwami Singuzuzyoonse, Jehova wamakamu,
“Nkaambo buzuba bwako buyoosika, inzya ciindi nendiyookusubula.
32 Yebo sikunyansya uyoolebwa akuwa,
Takukabi muntu naba omwe uuyookubusya.+
Alimwi minzi yako ndiyakwiidoneka mulilo,
Eelyo uyakuumpa zintu zyoonse zikuzingulukide.”
33 Mboobu mbwaamba Jehova wamakamu:
“Bana Israyeli alimwi abana Juda baladyaamininwa,
Alimwi boonse aabo babaangide balibajisi.+
Bakaka kubalekezya.+
34 Pele Munununi wabo ngusinguzu,+
Jehova wamakamu ndezina lyakwe.+
Ziyume zitete uyoobabetekela kaambo kabo,+
Ikutegwa akaipe kulyookezya nyika+
Akuti akanyonganye bantu bakkala mu Babuloni.”+
35 “Kuli panga lyasikila ba Kasidi,” mbwaamba Jehova,
“Lyasikila bantu bakkala mu Babuloni, abasilutwe bakwe alimwi abantu bakwe basongo.+
36 Kuli panga lyasikila basikulabalika,* eelyo bayoocita zintu cabufwubafwuba.
Kuli panga lyasikila basikalumamba bakwe, eelyo bayakuyoowa.+
37 Kuli panga lyasikila mabbiza aabo, ankalaki zyabo zyankondo,
Alimwi abantu bamisyobo-misyobo ibali akati kakwe,
Eelyo bayooba buyo mbuli bamakaintu.+
Kuli panga lyasikila lubono lwakwe, eelyo luyoosaalwa.+
38 Kuli lunyonyooko ilwasikila maanzi aakwe, aboobo ayakuyuminina.+
Nkaambo ncisi cazikozyanyo zibezedwe,+
Alimwi akaambo kazilengaano zyabo ziyoosya, bazumanana kucita mbuli bantu basondokede.
39 Aboobo zilenge zyamunkanda zinookkala abanyama bawuula,
Azyalo mpowani zinookkala mulinguwe.+
Kunyina bantu nobayookkala kabili mulinguwe,
Alimwi takabi limbi busena bwakukkala mumazyalani oonse.”+
40 “Mbubonya mbocakabede Leza naakanyonyoona Sodoma a Gomora+ antoomwe aminzi yakeengelede,”+ mbwaamba Jehova, “kunyina muntu uuyookkala ooko, alimwi kunyina muntu uuyooyaka munzi ooko.+
41 Amubone! Kuli bantu baboola kuzwa kunyika;
Cisi cipati alimwi abami bapati+ bayoobusyigwa
Kuzwa kumagolelo aanyika.+
42 Babelesya mata amasumo.+
Mbaasilunya alimwi tabakabi alubomba.+
Muzumo wabo uli mbuli lwizi luvwuuma,+
Nibatantide mabbiza aabo.
Kabakamantene,* baleenda mumindando kuti bakulwane yebo, omwana musimbi wa Babuloni.+
Mapenzi alimujisi,
Macise alimujisi mbuli aamukaintu uutumbuka.
44 “Amubone! Muntu uyooboola kuzoonyonyoona macelelo aakwabilidwe mbubonya mbuli syuumbwa uuzwa muzyoonde zisisinkene izili kumbali aa Jordano, pele mukulaba buyo kwaliso ndiyoobapa kutija kuzwa kulinguwe. Eelyo ndiyoomubikkila muntu uusalidwe kuti amweendelezye.+ Nkaambo ino nguni uuli mbuli ndime, nguni uunga wandikazya? Ino mweembezi nzi uunga waima kumbele lyangu? + 45 Aboobo nywebo nobantu, amumvwe makanze* ngajisi Jehova aakulwana Babuloni,+ amizeezo njajisi yakulwana cisi caba Kasidi.
Ncobeni bana babutanga bwambelele bayookwelwa.
Uyoopa kuti busena bwabo bwakukkala bunyonyoonwe akaambo kambabo.+
46 Nyika iyoozungaana akaambo kakuyobeka ciindi Babuloni aakujatwa,
Alimwi kulila kuyoomvwika akati kamasi.”+
51 Mboobu mbwaamba Jehova:
2 Babuloni ndiyoomutumina basikupupulula,
Eelyo bayoomupupulula alimwi akupa kuti cisi cakwe cibule cintu cili coonse;
Bayoomulwana mumbazu zyoonse mubuzuba bwamapenzi.+
3 Simata atoongomeki* buta bwakwe.
Alimwi kutabi muntu uunyamuka kasamide cibaki cankondo.
Balombwana bakwe mutabafwidi lubomba pe.+
Amwiinyonyoone mpi yakwe yoonse yabasikalumamba.
4 Bayakuwa akaambo kakujaigwa mucisi caba Kasidi,
Bayooyaswa mumigwagwa yakwe.+
5 Nkaambo Israyeli a Juda tabali bamukamufwu ba Leza wabo, iba Jehova wamakamu.+
Pele cisi* cabo cizwide milandu mumeso aa Uusalala wa Israyeli.
Mutanyonyooki akaambo kazinyonyoono zyakwe.
Nkaambo nciindi ca Jehova cakupa cisubulo.
Ulamujolela kweelana azintu nzyaakacita.+
7 Babuloni wali nkapu yangolida mujanza lya Jehova;
Wapa kuti nyika yoonse ikolwe.
8 Cakutayeeyelwa Babuloni wawa, eelyo watyoka.+
Amumulile!+
Amubweze mabbona aakusilisya zicisa zyakwe; andiza inga wayumya.”
9 “Twalikusola kumuponya Babuloni, pele walo tanaapona.
Amumuleke, atweende umwi aumwi wesu kucisi cakwe.+
Nkaambo lubeta lwakwe lwasika kujulu kwini;
Ndulamfwu mbuli kuzwa ansi kusika kumakumbi.+
10 Jehova watuletela bululami.+
Kamuboola, tuluule milimo ya Jehova Leza wesu mu Ziyoni.”+
11 “Amukwenge mivwi;+ amubweze ntobo zyamubalo.*
Jehova wabusya muuya wabami baba Medi,+
Nkaambo ukanzide kunyonyoona Babuloni.
Nkaambo eeci ncisubulo cizwa kuli Jehova, inzya ncisubulo ncaleta akaambo katempele lyakwe.
12 Amwiimike cikwankwani*+ cakulwana malambo aa Babuloni.
Amubayumye balindizi, amubikke balindizi.
Amubabikkile limwi aabo bayubilila.
Nkaambo Jehova wayeeya nzila yakubelesya,
Eelyo ulacicita eeco ncaasyomezya kujatikizya kulwana bantu bakkala mu Babuloni.”+
13 “Yebo omukaintu uukkala amaanzi manji,+
Oojisi lubono lunji,+
Mamanino aako asika, mpindu njopanga yamana.+
14 Jehova wamakamu walikonkezya mwini ategwa,
‘Yebo ndiyookuzuzya abaalumi banji mbuli cikwikwi,
Eelyo bayakwiimba cakukondwa akaambo kakuzunda nduwe.’+
15 Walo ngo Mulengi wanyika kwiinda munguzu zyakwe,
Ooyo wakasitikizya nyika mbotu kwiinda mubusongo bwakwe+
Alimwi ooyo iwakatandabula majulu mumaano aakwe.+
16 Ciindi napa kuti jwi lyakwe limvwugwe,
Maanzi alavwuuma kujulu,
Alimwi upa kuti makumbi* aunke mujulu kuzwa kumagolelo aanyika.
17 Bantu boonse bacita zintu cakutayeeya alimwi cakubula luzyibo.
Bafwuzi boonse bayakuusyigwa nsoni akaambo kacikozyanyo cibezedwe;+
Nkaambo zikozyanyo zyabo zifwulidwe nzyakubeja,
18 Nzyabuyo,+ mulimo wakufwubaazya.
Ziyooloba bwaakusika buzuba mboziyoobetekwa.
19 Caabilo ca Jakobo tacili mbuli zintu eezyi pe,
Nkaambo walo ngo Mulengi wazintu zyoonse,
Nouba musako walukono lwakwe.+
Jehova wamakamu ndezina lyakwe.”+
20 “Yebo uli nkoli yangu yakulwanya, uli cilwanyo cankondo,
Ndiyookubelesya kupwayaula masi.
Ndiyookubelesya kunyonyoona mami.
21 Ndiyookubelesya kupwayaula bbiza ayooyo uulitantide.
Ndiyookubelesya kupwayaula nkalaki yankondo alimwi ayooyo wiitantide.
22 Ndiyookubelesya kupwayaula mwaalumi amukaintu.
Ndiyookubelesya kupwayaula mudaala amulombe.
Ndiyookubelesya kupwayaula mulombwana amusimbi.
23 Ndiyookubelesya kupwayaula mweembezi abutanga bwakwe.
Ndiyookubelesya kupwayaula mulimi acipani cakwe cabanyama.
Ndiyookubelesya kupwayaula beendelezi abaleli babili.
24 Ndiyoomusubula Babuloni abantu boonse bakkala mucisi caba Kasidi
Akaambo kabubi boonse mbobakacita mu Ziyoni mumeso aanu,”+ mbwaamba Jehova.
25 “Bona ndilakulwana yebo,+ ocilundu cinyonyoona,” mbwaamba Jehova,
“Yebo oonyonyoona nyika yoonse.+
Ndilatandabika janza lyangu kuti nkulwane akukukunkulisya amyala
Akukupanga kuti ube cilundu cuumpidwe.”
26 “Bantu tabakabwezi bbwe lyakukkona naa bbwe lyantalisyo kuzwa kulinduwe,
Nkaambo unooli buyo matongo lyoonse mane kukabe kutamani,”+ mbwaamba Jehova.
27 “Amwiimike cikwankwani* mucisi.+
Amulizye mweembo akati kamasi.
Amusale* masi kuti amulwane.
Amumwiitile mami aaku Ararati,+ Mini a Asikenazi.+
Amumutumine sikunjizya basikalumamba mulimo.
Amupe kuti mabbiza aboole mbuli cikwikwi ciyasa-yasa.
28 Amusale* masi kuti amulwane,
Bami bacisi ca Mediya,+ beendelezi bancico abaleli babili bancico boonse
Alimwi azisi zyoonse nzyobalela.
29 Nyika iyoozungaana akukankama,
Nkaambo makanze aa Jehova aakulwana Babuloni ayoocitwa
Kutegwa cisi ca Babuloni cibe cintu cigambya, citakwe muntu uukkala mulincico.+
30 Basikalumamba ba Babuloni baleka kulwana.
Baile kukkede mumampangala aabo.
Nguzu zyabo zyamana.+
Baba buyo mbuli bamakaintu.+
Maanda aanguwo adonekwa mulilo.
Mpingizyo zyanguwo zyatyolaulwa.+
31 Simposo wabalika kuyooswaangana asimposonyina,
Awalo mutumwa wabalika kuyooswaangana amutumwanyina,
Kuti akaambile mwami wa Babuloni kuti munzi wakwe wazundwa mumbazu zyoonse,+
32 Kuti zito zyabwezegwa,+
Mato aantumbu aumpwa amulilo,
Akuti basikalumamba bayoowa.”
33 Nkaambo mboobu mbwaamba Jehova wamakamu, Leza wa Israyeli:
“Mwana musimbi wa Babuloni uli mbuli lubuwa lwakuumina maila.
Casika ciindi cakuti alyataukwe.
Lino-lino, ciindi cakwe cakutebulwa cilasika.”
Wanditula ansi mbuli cibikkilo cinyina cintu mukati.
35 ‘Bubi mbwaandicitila mebo amubili wangu, abube amutwe wa Babuloni!’ mbwaamba ooyo uukkala mu Ziyoni.+
‘Bulowa bwangu abube amitwe yabaabo bakkala mu Kasidi!’ mbwaamba Jerusalemu.”
36 Aboobo mboobu mbwaamba Jehova:
Ndiyoopa kuti lwizi lwakwe alimwi amigoti yakwe ziyuminine.+
37 Babuloni uyooba mulwi wamabwe,+
Bwina bwabamwaaba,+
Cintu cigambya alimwi cakusibila mulosi,
Citakwe muntu uukkala mulincico.+
38 Boonse buyo antoomwe bayoovwuluma mbuli basyuumbwa bacili bana-bana.
Bayoolila mbuli twana twabasyuumbwa.”
39 “Ciindi myoyo yabo noipya, ndiyoobabambila mapobwe akubapa kuti bakolwe,
Kutegwa bakasekelele;+
Mpoonya bayakoona ŋonzi zitamani,+
Tabakabuki limbi kuzwa muŋonzi eezyi,” mbwaamba Jehova.
40 “Ndiyoobaleta mbuli bana bambelele baunka kukujaigwa,
Mbuli bagutu antoomwe abajembwe.”
Ma, Babuloni waba cintu cigambya akati kazisi!
42 Lwizi lwamuvwumba Babuloni.
Lwamuvwumba amayuwe aandulo manji kapati.
43 Minzi yakwe yaba cintu cigambya, yaba nyika iitakwe maanzi alimwi yaba cimpayuma.
Nyika yanjiyo taikakkalwi muntu pe, alimwi mulinjiyo tamukaindi muntu naba omwe.+
Masi kunyina limbi naayakuwuumukila kulinguwe,
Abwalo bulambo bwa Babuloni buyoowa.+
45 Amuzwe mulinguwe nobantu bangu!+
Amutije muvwune buumi bwanu+ kubukali bwa Jehova buvwilima!+
46 Myoyo yanu itapengi alimwi mutayoowi pe akaambo kamulumbe uuyoomvwugwa mucisi.
Mumwaka omwe kuyoosika mulumbe,
Mpoonya mumwaka uutobela kuyoosika mulumbe aumwi,
Wankondo mucisi alimwi awamuleli uulwana mulelinyina.
47 Aboobo, amubone! Mazuba alaboola
Eelyo ndiyoolingula zikozyanyo zibezedwe zya Babuloni.
Cisi cakwe coonse ciyakuusyigwa nsoni,
Alimwi bantu bakwe boonse ibajaigwa bayoowida mukati kanguwe.+
48 Majulu alimwi anyika azintu zyoonse zili mumo
Ziyakoongolola cakukondwa akaambo ka Babuloni,+
Nkaambo basikunyonyoona bayoomuboolela kuzwa kunyika,”+ mbwaamba Jehova.
49 “Babuloni tanaakajaya buyo bantu bamu Israyeli pe+
Pele alimwi ku Babuloni nkobakajailwa bantu bamunyika yoonse.
50 Nywebo nomwafwutuka kupanga, kamuyaabuya, mutaimi pe!+
Amumuyeeye Jehova kamuli kulamfwu ooko,
Alimwi amuyeeye Jerusalemu mumyoyo yanu.”+
51 “Twagunwa, nkaambo twamvwa masampu.
Nsoni zyatuvwumba kumeso,
Nkaambo bamuzwakule* baboola kuzoolwana masena aasalala aaŋanda ya Jehova.”+
52 “Aboobo, amubone! Mazuba alaboola,” mbwaamba Jehova,
“Eelyo ndiyoolingula zikozyanyo zyakwe zibezedwe,
Alimwi mucisi cakwe coonse aabo baliciside bayootongela.”+
53 “Nokuba kuti Babuloni akatante kujulu,+
Nokuba kuti akayumye ngazi zyakwe zilamfwu alimwi ziyumu,
Basikumunyonyoona bayoozwa kulindime,”+ mbwaamba Jehova.
54 “Amuswiilile! Kuli kukwiila mu Babuloni,+
Kwamvwika lunyonyooko lupati mucisi caba Kasidi,+
55 Nkaambo Jehova unyonyoona Babuloni,
Ulaumuzya jwi lyakwe lipati,
Aalo mayuwe aabo alavwuuma mbuli maanzi manji.
Kuyobeka kwajwi lyabo kulamvwugwa.
56 Nkaambo sikunyonyoona ulaboola kuli Babuloni;+
Eelyo basikalumamba bakwe bayoojatwa,+
Aalo mata aabo ayootyolaulwa,
Nkaambo Jehova ngu Leza uupa cisubulo.+
Masimpe uyoobasubula.+
57 Basilutwe bakwe alimwi abantu bakwe basongo ndiyoobapa kuti bakolwe,+
Beendelezi bakwe, baleli bakwe babili alimwi abasikalumamba bakwe,
Eelyo bayakoona ŋonzi zitamani,
Tabakabuki limbi kuzwa muŋonzi eezyi,”+ mbwaamba Mwami, ooyo uujisi zina lyakuti Jehova wamakamu.
58 Mboobu mbwaamba Jehova wamakamu:
“Nokuba kuti bulambo bwa Babuloni mbupati, buyoomwaigwa boonse,+
Alimwi nokuba kuti milyango yakwe milamfwu, iyakuumpwa amulilo.
Bantu bayoolipenzya buyo kubeleka canguzu;
Ayalo misyobo yabantu iyooliminya kubelekela buyo mulilo.”+
59 Ngaaya majwi musinsimi Jeremiya ngaakalailila Seraya mwana wa Neriya,+ mwana wa Maseya eelyo naakaunka a Mwami Zedekiya wa Juda ku Babuloni mumwaka wane wabulelo bwakwe; Seraya wakali kulanganya zintu zyamwami. 60 Jeremiya wakaalemba mubbuku lyomwe mapenzi oonse aakali kuyoosikila Babuloni, majwi aaya oonse akalembelwa Babuloni. 61 Kuyungizya waawo, Jeremiya wakaambila Seraya kuti: “Mboyakusikila buyo ku Babuloni akuubona munzi, ukaabale cakupozya majwi aaya oonse. 62 Mpoonya ukaambe kuti, ‘O Jehova, yebo nduwe wasinganya busena oobu kuti buyoonyonyoonwa akusyaala kakutakwe uukkala mumo, muntu naba munyama, alimwi akuti bunooli buyo matongo lyoonse mane kukabe kutamani.’+ 63 Lino waakumana kulibala bbuku eeli, ukaange bbwe kulindilyo mpoonya ukalifwusile akati kamulonga wa Firate. 64 Mpoonya ukaambe kuti, ‘Oobu mbombubo mbwayakubbila Babuloni eelyo takabuki kabili pe+ akaambo kamapenzi ngondimuletela; bayooliminya buyo.’”+
Aawa mpaamanina majwi aa Jeremiya.
52 Zedekiya+ wakali amyaka iili 21 naakaba mwami, alimwi wakalela kwamyaka iili 11 mu Jerusalemu. Banyina bakali ba Hamutala+ imwana musimbi wa Jeremiya waku Libina. 2 Wakazumanana kucita zintu zibi mumeso aa Jehova, kweelana azintu zyoonse nzyaakacita Jehoyakimu.+ 3 Zintu eezyi zyakacitika mu Jerusalemu amu Juda akaambo kabukali bwa Jehova, kusikila limwi wakabatanda kumbele lyakwe.+ Alimwi Zedekiya wakazangila mwami wa Babuloni.+ 4 Mumwaka wafwuka wabulelo bwa Zedekiya, mumwezi wa 10, mubuzuba bwa 10 bwamwezi ooyu, Mwami Nebukadinezara* wa Babuloni wakaboola antoomwe ampi yabasikalumamba bakwe boonse kuzoolwana Jerusalemu. Bakayaka nkambi mumbali aamunzi abwaanda buzinguluka bwakuusinkilila munzi.+ 5 Aboobo munzi wakasinkilwa kusikila mumwaka wa 11 wabulelo bwa Mwami Zedekiya.
6 Mumwezi wane, mubuzuba bwafwuka bwamwezi ooyu,+ nzala yakaindila kapati mumunzi cakuti bantu bakanyina cakulya mucisi.+ 7 Kumamanino bwaanda bwamunzi bwakapwaigwa, eelyo basikalumamba boonse bakatija kuzwa mumunzi masiku, bakainda kumulyango uuli akati kamalambo obilo aali kufwaafwi amuunda wamwami, ciindi ba Kasidi nobakazingulukide munzi woonse; eelyo bakazumanana munzila iitozya ku Araba.+ 8 Pele impi yabasikalumamba yaba Kasidi yakatandaanya mwami, eelyo bakamweenzya Zedekiya+ muzibanda zyamucimpayuma zya Jeriko, mpoonya basikalumamba bakwe boonse bakamumwaika. 9 Mpoonya bakamujata mwami akumutola kumwami wa Babuloni ku Ribila mucisi ca Hamati, eelyo wakamubeteka. 10 Kumane mwami wa Babuloni wakajaya bana ba Zedekiya walo kalangilila, alimwi wakajaya abasilutwe ba Juda boonse ku Ribila. 11 Mpoonya mwami wa Babuloni wakoofwaazya meso aa Zedekiya,+ wakamwaanga nketani zyamukuba akumutola ku Babuloni, kumane wakamubikka muntolongo kusikila buzuba mbwaakafwa.
12 Lino mumwezi wasanu, mubuzuba bwakkumi bwamwezi ooyu, nkokuti mumwaka wa 19 wabulelo bwa Mwami Nebukadinezara* imwami wa Babuloni, Nebuzaradana mupati wabasikugatela mwami, ooyo iwakali mubelesi wamwami wa Babuloni, wakanjila mu Jerusalemu.+ 13 Mpoonya wakaumpa ŋanda ya Jehova,+ ŋanda yamwami, amaanda oonse aamu Jerusalemu; alimwi wakaumpa amaanda oonse mapati. 14 Aalo malambo oonse aakazingulukide munzi wa Jerusalemu akakolomonwa ampi yoonse yabasikalumamba yaba Kasidi eeyo iyakali antoomwe amupati wabasikugatela mwami.+
15 Nebuzaradana mupati wabasikugatela mwami wakabatola mubuzike bantu bamwi akati kabantu-bantu buyo alimwi abantu boonse ibakasyeede mumunzi. Alimwi wakatola abaabo bakatijilide kumwami wa Babuloni kubikkilizya ababelesi boonse basyaabupampu.+ 16 Pele Nebuzaradana mupati wabasikugatela mwami wakasiya bantu bamwi ibakali bacete babacete bamucisi kuti kabali basikulima myuunda yamisaansa ababelesi babeleka milimo yacibbalo.+
17 Kumane ba Kasidi bakapwayaula misemu yamukuba+ yakuŋanda ya Jehova, tuŋola+ alimwi a Zyiba lyamukuba*+ eezyo izyakali muŋanda ya Jehova, mpoonya bakatola mukuba wanzizyo woonse ku Babuloni.+ 18 Alimwi bakatola zibbakete, mafosyolo, tugele twakuzimya malambe, mitiba,+ nkapu+ alimwi azibelesyo zyoonse zyamukuba izyakali kubelesyegwa mumulimo wamutempele. 19 Mupati wabasikugatela mwami wakabweza mbale zipati,+ zyakunyamwida mulilo, mitiba, zibbakete, zibikkilo zyamalambe,+ nkapu, alimwi amitiba izyakali zyangolida iini-ini azyeezyo izyakali zyansiliva iini-ini.+ 20 Lino ikujatikizya misemu yobilo, Zyiba, bapoho bamukuba aabo bali 12 + ibakali kunsi aa Zyiba, alimwi atuŋola eezyo Mwami Solomoni nzyaakapangilide ŋanda ya Jehova, mukuba wazintu eezyi zyoonse tiiwakali kukonzya kupimwa pe.
21 Lino kujatikizya misemu eeyo, musemu umwi aumwi wakali kulampa tukokola* tuli 18 kuya mujulu, alimwi katambo kalampa tukokola tuli 12 kakali kuuzinguluka;+ intuli yanguwo yakali kusika kumasentimita aali ciloba,* alimwi mukati wakajisi mpako. 22 Mpumpu yamusemu ooyo yakali yamukuba; alimwi mpumpu yomwe yakali kulampa tukokola tosanwe kuya mujulu;+ alimwi tubulo twakabambidwe mbuli lunsabwe alimwi amapomegranite izyakazingulukide mpumpu koonse-koonse zyoonse zyakali zyamukuba. Musemu wabili awalo wakali mbubonya mbuli nguwo, alimwi amapomegranite. 23 Kwakali mapomegranite aali 96 mumabali; mapomegranite oonse antoomwe aakazingulukide tubulo ooto itwakabambidwe mbuli lunsabwe akali 100.+
24 Mupati wabasikugatela mwami alimwi wakabweza Seraya+ mupati wabapaizi, Zefaniya+ mupaizi wabili antoomwe abalindizi bamilyango botatwe.+ 25 Alimwi mumunzi wakabweza mupati wababelesi bamwami iwakali kulanganya basikalumamba, balongwe bali ciloba ibakali kumvwana kapati amwami ibakajanwa mumunzi, amulembi wasilutwe wampi yabasikalumamba, ooyo iwakali kubunganya bantu bamucisi, alimwi abaalumi bali 60 akati kabantu-bantu buyo bamucisi aabo ibakajanika mumunzi. 26 Nebuzaradana mupati wabasikugatela mwami wakababweza akubatola kumwami wa Babuloni ku Ribila. 27 Mwami wa Babuloni wakabauma akubajaya bantu aaba ku Ribila+ mucisi ca Hamati. Oobu mbombubo ba Juda mbobakatolwa mubuzike kuzwa mucisi cabo.+
28 Mbaaba bantu Nebukadinezara* mbaakatola mubuzike: mumwaka waciloba, wakatola ba Juda bali 3,023.+
29 Mumwaka wa 18 wa Nebukadinezara,*+ kwakatolwa bantu bali 832 kuzwa ku Jerusalemu.
30 Mumwaka wa 23 wa Nebukadinezara,* Nebuzaradana mupati wabasikugatela mwami wakatola ba Juda mubuzike, ibantu bali 745.+
Bantu boonse ibakatolwa mubuzike bakali 4,600.
31 Mpoonya mumwaka wa 37 Mwami Jehoyakini+ wa Juda kali mubuzike, mumwezi wa 12, mubuzuba bwa 25, Mwami Evili-merodaki wa Babuloni, mumwaka naakaba mwami, wakaangununa* Mwami Jehoyakini wa Juda akumugusya muntolongo.+ 32 Wakaambaula calubomba anguwe akusumpula cuuno cakwe cabwami atala aazyuuno zyabwami zyabami bambi mbaakali limwi mu Babuloni. 33 Aboobo Jehoyakini wakasamununa zisani zyakwe zyamuntolongo, alimwi wakali kulya cakulya lyoonse kumbele lyamwami mazuba oonse aabuumi bwakwe. 34 Wakali kupegwa caabilo cazyakulya zyakwe kuzwa kumwami wa Babuloni, buzuba abuzuba, mazuba oonse aabuumi bwakwe kusikila buzuba mbwaakafwa.
Ambweni nkokwaamba kuti “Jehova Ulasumpula.”
Naa “ndakakusala.”
Mu Chihebrayo, “kotanazwa mwida lyabanyoko.”
Naa “ndakakuzandula.”
Mu Chihebrayo, “ooyo uupakamene.”
Naa “mpoto yakujikila mpati mulomo.”
Mu Chihebrayo, “iifwulidwa,” ikwaamba mulilo uuli kunsi uufwulidwa.
Mu Chihebrayo, “kolyaanga mucibuno.”
Naa “luyando lupati ndookajisi.”
Naa “kunsumbu.”
Naa “Mofi.”
Nkokuti, kalonga kazwa mu Mulonga wa Nile.
Nkokuti, Mulonga wa Firate.
Mu Chihebrayo, “mwezi.”
Naa “baleza beenzu.”
Mu Chihebrayo, “muna Arabiya.”
Mu Chihebrayo, “Ulaankumo.”
Mu Chihebrayo, “kusyulunganya busyu.”
Mu Chihebrayo, “nzila.”
Naa “kuli baleza beenzu.”
Naa ambweni, “mulumaanu.”
Mu Chihebrayo, “lwamakamu aamasi.”
Mu Chihebrayo, “mweenzinyina.”
Naa “leza uusesemya.”
Naa “citondezyo.”
Naa “Amulyuume acamba.”
Naa “busicamba bwamwami buyoomana.”
Naa “abusicamba bwabasilutwe.”
Majwi aakuti “mwana musimbi” ambweni atondezya kweetezyegwa.
Nkokuti, aabo balanga zicitika mumunzi kutegwa babone ciindi cibotu cakuulwana.
Mu Chihebrayo, “bula bwangu.”
Naa ambweni, “Loongololo lwankondo.”
Naa “citondezyo.”
Mu Chihebrayo, “tiibakagonkelwa.”
Naa ambweni, “Tako pe.”
Nkokuti, ijwi lya Leza.
Mu Chihebrayo, “nywebo nobantu bafwubafwuba batakwe moyo.”
Mu Chihebrayo, “Amusalazye.”
Mu Chihebrayo, “Kutwi kwabo takupalwidwe.”
Mu Chihebrayo, “bajisi mazuba manji.”
Naa “malailile.”
Ooyu munsale uununkilila.
Nkokuti, Jeremiya.
Bamwi baamba kuti “lotwe.”
Mu Chihebrayo, “Aaya,” ikwaamba mayake oonse aali abusena bwatempele.
Naa “kamuuntumuna busi bwazipaizyo.”
Mu Chihebrayo, “ndakali kufwuma kubuka akwaambaula.”
Eeli ndizina lyabulemu lyaleza mukaintu iwakali kukombwa abana Israyeli basiluleyo; ambweni leza mukaintu wabuzyazyi.
Naa “ngobanyemya.”
Naa “lulayo.”
Mu Chihebrayo, “ndakali kufwuma kubuka akubatuma.”
Mu Chihebrayo, “bakayumya nsingo zyabo.”
Mu Chihebrayo, “kwakosolwa kumilomo yabo.”
Naa “aabidwe.”
Naa “lwiimbo lwamalila.”
Amubone Bupanduluzi Bwamabala, “Gehena.”
Naa “catakaboolede mumoyo wangu nokuceya.”
Amubone Bupanduluzi Bwamabala, “Gehena.”
Naa ambweni, “muyuni uulibonya mbuli nkobonkobo.”
Naa “ziindi zyakwe zibikkidwe.”
Naa “zyakulonga.”
Naa “malailile.”
Naa “bboopeni.”
Naa “lwiimbo lwamalila.”
Naa “malailile.”
Naa “nyimbo zyamalila.”
Naa “lwiimbo lwamalila.”
Naa “ancezulo.”
Kapango 11 kumatalikilo kakalembedwe mu Chiaramu.
Naa “sikunku.”
Naa ambweni, “Upanga nzila mwiinda mvwula.”
Naa “muya.”
Naa “ndilabasowela ooko.”
Kuboneka kuti aawa iwaambilwa kuti aambile bantu ngu Jeremiya.
Naa “Akube boobo!”
Mu Chihebrayo, “ndakali kufwuma kubuka akubalaya.”
Naa “mbobauntumwida busi bwazipaizyo.”
Naa “leza uusesemya.”
Nkokuti, Jeremiya.
Nkokuti, zipaizyo zipaizyigwa mutempele.
Naa “mbwalimvwa muntu mukati mwini.” Mu Chihebrayo, “insa.”
Naa “bayandaula buumi bwako.”
Naa “mbobalimvwa mukati mwini.” Mu Chihebrayo, “insa.”
Naa ambweni, “zilalila.”
Naa “yasinkililwa.”
Naa “muna Etiopiya.”
Naa “bantu babo baansi.”
Naa ambweni, “lubeta lwamisyobo yone.” Mu Chihebrayo, “mikwasyi yone.”
Naa ambweni, “Uluujisi kweenda cifwuteesule.”
Naa “kukweengelela.”
Naa ambweni, “Lyafwa bweemya alimwi lyagunwa.”
Mu Chihebrayo, “Utanditoli.”
Naa “mulumbe wabukali.”
Naa “Uyooba sikundaambawida.”
Eezyi zyakali zilengwa zyabantu batakombi Leza zyalo ziboneka kuti zyakali kucitwa abana Israyeli basiluleyo.
Mu Chihebrayo, “nzila zyabo zyoonse.”
Amubone Bupanduluzi Bwamabala.
Naa ambweni, “Nkaambo mwadonekwa mbuli mulilo mubukali bwangu.”
Naa “mwaalumi singuzu.”
Mu Chihebrayo, “Uucita bantu kuba janza lyakwe.”
Naa “mwaalumi singuzu.”
Naa “ulasowa; mumpelenge.”
Naa ambweni, “tausilikiki pe.”
Naa “mbwalimvwa muntu mukati mwini.” Mu Chihebrayo, “insa.”
Naa “ikutali mubululami.”
Mu Chihebrayo, “kulindime,” kuboneka kuti ikwaamba Jehova.
Naa “akubanyonyoona ziindi zyobilo.”
Mu Chihebrayo, “bakayumya nsingo zyabo.”
Naa “kumusanza.”
Mu Chihebrayo, “kweelana ambocakali kabotu mumeso aamubumbi kuti acipange.”
Mu Chihebrayo, “ndipanga.”
Naa “bauntumuna busi bwazipaizyo.”
Naa “tutabambidwe kabotu.”
Naa “malailile.”
Mu Chihebrayo, “tumuumye mulaka.”
Naa “catakaboolede mumoyo wangu nokuceya.”
Mu Chihebrayo, “bayumya nsingo zyabo kuti bataswiilili.”
Naa “mbwalimvwa muntu mukati mwini.” Mu Chihebrayo, “insa.”
Naa “buumi bwamuntu mucete.”
Mu Chihebrayo, “Nebukadirezara,” nzila imbi mbolilembwa zina eeli.
Naa “zijoke cifwuteesule.”
Mu Chihebrayo, “Nebukadirezara,” nzila imbi mbolilembwa zina eeli.
Naa “uyootija abuumi bwakwe.”
Naa “mucibanda.”
Mu Chihebrayo, “ndiyookusalazyila.”
Limbi zina wakali Jehoazi.
Naa “uusalala pyu.”
Mazina aambi wakali Jehoyakini naa Jekoniya.
Mu Chihebrayo, “Nebukadirezara,” nzila imbi mbolilembwa zina eeli.
Naa “Ocisi.”
Mu Chihebrayo, “mumazuba aakwe.”
Naa “sikukona.”
Naa “mbaasiluleyo.”
Naa “Bamupa kuba abulangizi bwabuyo.”
Naa “mulumbe uuminya.” Ibbala lya Chihebrayo eeli lilakonzya kupandululwa munzila zyobilo: “makani mapati aazwa kuli Leza” naa “cintu ciminya.”
Naa “mulumbe uuminya.”
Naa “mulumbe uuminya.”
Naa “mulumbe uuminya.”
Naa “mulumbe uuminya.”
Naa “mulumbe uuminya.”
Naa “mulumbe uuminya.”
Mu Chihebrayo, “Nebukadirezara,” nzila imbi mbolilembwa zina eeli.
Mazina aambi wakali Jehoyakini naa Koniya.
Naa ambweni, “abasikuyaka bwaanda.”
Mu Chihebrayo, “Nebukadirezara,” nzila imbi mbolilembwa zina eeli.
Naa “kubantu.”
Mu Chihebrayo, “ndalikufwuma kubuka akumwaambila.”
Mu Chihebrayo, “wakali kufwuma kubuka akubatuma.”
Mu Chihebrayo, “Nebukadirezara,” nzila imbi mbolilembwa zina eeli.
Bamwi baamba kuti “munzanyu.”
Kuboneka kuti eeli ndizina lyamaambilambali lya Babelo (Babuloni).
Naa “kuminzi.”
Naa “kuzookotama ansi.”
Naa “malailile.”
Mu Chihebrayo, “kandifwuma kubuka akubatuma.”
Naa “cilundu catempele.”
Naa “kalundu kajisi masamu manji.”
Naa “wakasola kutontozya busyu bwa Jehova.”
Mu Chihebrayo, “muntu weelela mumeso aangu.”
Mu Chihebrayo, “kulyookezya.”
Nkokuti, Zyiba naa tanki lyamukuba lyakutempele.
Mu Chihebrayo, “myaka yamazuba.”
Naa “Akube boobo!”
Naa ambweni, “abasikuyaka bwaanda.”
Naa ambweni, “zyaandukide.”
Mu Chihebrayo, “kandifwuma kubuka akubatuma.”
Mu Chihebrayo, “Nebukadirezara,” nzila imbi mbolilembwa zina eeli.
Naa “nsimbi zyamumukosi.”
Naa “mucibuno.”
Mu Chihebrayo, “mbupati.”
Mu Chihebrayo, “zyaanzyo.”
Naa “bamuzwakule.”
Naa “tabakababelesyi.”
Naa “Ndiyookulaya.”
Naa ambweni, “balemekwe.”
Mu Chihebrayo, “kupa moyo wakwe kauli cisyomezyo.”
Naa “ndazumanana kukutondezya luyando lutamani.”
Naa “Akunjila mucizyano cabaabo basekelela.”
Naa “kazintu zibotu zizwa kuli.”
Mu Chihebrayo, “mafwuta.”
Naa “bana bakwe.”
Mu Chihebrayo, “mala.”
Naa “lunyungu.”
Mu Chihebrayo, “ngaakafwumpa.”
Naa ambweni, “mulumaabo.”
Naa “cibanda.”
Naa “amulota wamafwuta,” nkokuti, mulota uusangene amafwuta aazipaizyo.
Mu Chihebrayo, “Nebukadirezara,” nzila imbi mbolilembwa zina eeli.
Syekeli lyomwe lyakali kulema magilamu aali 11.4. Amubone Makani Aayungizyidwe B14.
Mu Chihebrayo, “mucamba cabana babo.”
Mu Chihebrayo, “Nebukadirezara,” nzila imbi mbolilembwa zina eeli.
Mu Chihebrayo, “ndalikufwuma kubuka akubayiisya.”
Amubone Bupanduluzi Bwamabala, “Gehena.”
Mu Chihebrayo, “bainzye.”
Naa “catakaboola mumizeezo yangu.”
Naa “zintu zibotu zyoonse.”
Naa “sikukona.”
Mu Chihebrayo, “Nebukadirezara,” nzila imbi mbolilembwa zina eeli.
Mu Chihebrayo, “sunu.”
Naa “mukaanda kamwi.”
Mu Chihebrayo, “Jonadabu,” nkufwiinsyigwa kwazina lyakuti Jehonadabu.
Mu Chihebrayo, “Jonadabu,” nkufwiinsyigwa kwazina lyakuti Jehonadabu.
Mu Chihebrayo, “Nebukadirezara,” nzila imbi mbolilembwa zina eeli.
Mu Chihebrayo, “ndalikufwuma kubuka akumwaambila.”
Mu Chihebrayo, “ndalikufwuma kubuka akubatuma.”
Mu Chihebrayo, “Jonadabu,” nkufwiinsyigwa kwazina lyakuti Jehonadabu.
Naa “muŋanda yakulida.”
Naa “mulembi.”
Naa “basinkuta.”
Ooyu mwezi uutalikila kucisela camamanino ca November kusikila kucisela camatalikilo ca December. Amubone Makani Aayungizyidwe B15
Mazina aambi wakali Jehoyakini naa Jekoniya.
Mu Chihebrayo, “Nebukadirezara,” nzila imbi mbolilembwa zina eeli.
Naa “muŋanda yamwami.”
Mu Chihebrayo, “uunka.”
Naa “uyootija abuumi bwakwe.”
Mu Chihebrayo, “mbwatyompya maanza.”
Naa “sinkuta.”
Naa “bayandaula buumi bwako.”
Mu Chihebrayo, “uunke.”
Mu Chihebrayo, “utaunki.”
Mu Chihebrayo, “kuunka.”
Mu Chihebrayo, “Bantu baluumuno lwako.”
Mu Chihebrayo, “Nebukadirezara,” nzila imbi mbolilembwa zina eeli.
Naa kweelana anzila imbi yakwaandaanya mabala aa Chihebrayo, aawa inga kwalembwa kuti, “Nerigali-sarezara, Samugari-nebo, Sarisekimu, Rabisarisi.”
Naa “mupati wabasimasalamuzi; sikupandulula bweende bwanyenyeezi.”
Mu Chihebrayo, “Nebukadirezara,” nzila imbi mbolilembwa zina eeli.
Naa ambweni, “kababeleka mulimo wacibbalo.”
Mu Chihebrayo, “Nebukadirezara,” nzila imbi mbolilembwa zina eeli.
Naa “mupati wabasinkuta.”
Naa “mupati wabasimasalamuzi; sikupandulula bweende bwanyenyeezi.”
Naa “Uyootija abuumi bwako.”
Naa “bulilu.”
Mu Chihebrayo, “kandiima kumbele lyaba.”
Mu Chihebrayo, “walunyungu lwabwami.”
Naa ambweni, “kucizyiba cipati.”
Naa “akuyookkala nkuko kwakaindiindi.”
Mu Chihebrayo, “Nebukadirezara,” nzila imbi mbolilembwa zina eeli.
Naa “matempele.”
Naa “kakunyina kulicisa.”
Naa “zibumbwa zya.”
Naa “Ŋanda (Tempele) ya Zuba,” nkokuti, Heliopolisi.
Naa “matempele.”
Naa “Mofi.”
Mu Chihebrayo, “ndakali kufwuma kubuka akubatuma.”
Naa “nobausa pe.”
Eeli ndizina lyabulemu lyaleza mukaintu iwakali kukombwa abana Israyeli basiluleyo; ambweni leza mukaintu wabuzyazyi.
Eeli ndizina lyabulemu lyaleza mukaintu iwakali kukombwa abana Israyeli basiluleyo; ambweni leza mukaintu wabuzyazyi.
Eeli ndizina lyabulemu lyaleza mukaintu iwakali kukombwa abana Israyeli basiluleyo; ambweni leza mukaintu wabuzyazyi.
Eeli ndizina lyabulemu lyaleza mukaintu iwakali kukombwa abana Israyeli basiluleyo; ambweni leza mukaintu wabuzyazyi.
Naa “bayandaula buumi bwakwe.”
Naa “ulangila.”
Naa “ndiyookupa kuti ufwutuke koli muumi.”
Mu Chihebrayo, “Nebukadirezara,” nzila imbi mbolilembwa zina eeli.
Mu Chihebrayo, “akulyata.”
Naa “zintu zijaidwe.”
Mu Chihebrayo, “Nebukadirezara,” nzila imbi mbolilembwa zina eeli.
Naa “Mofi.”
Mu Chihebrayo, “ciindi cibikkidwe.”
Nkokuti, Ooyo uuyoozunda Egepita.
Naa “Mofi.”
Naa ambweni, “Uyooba matongo.”
Naa “batebba nkuni.”
Nkokuti, Tebesi.
Naa “bayandaula buumi bwabo.”
Mu Chihebrayo, “Nebukadirezara,” nzila imbi mbolilembwa zina eeli.
Naa “Ndiyookulaya.”
Nkokuti, Krete.
Nkokuti, bayoogela minkulu akaambo kakulila alimwi akufwa nsoni.
Naa “basyeede mucibanda canjiyo.”
Naa “Mayubilo aasumpukide.”
Naa “Cibanda.”
Naa “cakutabikkila maano; camyoyo yobilo.”
Naa ambweni, “anyika njumu.”
Mu Chihebrayo, “Lwija lwa Moabu lwagonkwa.”
Nkokuti, muntolilo uulizyigwa nobalila ciindi camalila.
Nkokuti, muntolilo uulizyigwa nobalila ciindi camalila.
Naa ambweni, “loongololo lwankondo.”
Naa “iizingulukide.”
Naa “kazyaanda zyambelele.”
Naa “zibanda.”
Naa “lulayo.”
Mu Chihebrayo, “Nebukadirezara,” nzila imbi mbolilembwa zina eeli.
Mu Chihebrayo, “Nebukadirezara,” nzila imbi mbolilembwa zina eeli.
Naa “kumabazu oonse.”
Mu Chihebrayo, “matalikilo.”
Naa “bayandaula buumi bwabo.”
Naa “citondezyo.”
Mu Chihebrayo kuboneka kuti bbala eeli liliswaangene abbala lyaamba “bufwumba” alimwi lilabelesyegwa kwaamba cintu cisesemya.
Naa “bagutu alimwi abajembwe.”
Mu Chihebrayo, “nomulyata.”
Mu Chihebrayo, “Watambika janza lyakwe.”
Bamwi baamba kuti “sika.”
Mu Chihebrayo, “Nebukadirezara,” nzila imbi mbolilembwa zina eeli.
Naa “akwaabwa kuti banyonyoonwe.”
Naa “Amumwaabe kuti anyonyoonwe.”
Mu Chihebrayo, “ibalyata.”
Mu Chihebrayo, “bayakuumuzyigwa.”
Naa “basinsimi bakubeja.”
Naa “Mbuli muntu omwe.”
Naa “lulayo.”
Kuboneka kuti eeli ndizina lyamaambilambali lya Kasidi.
Mu Chihebrayo, “atalyati.”
Nkokuti, cisi caba Kasidi.
Naa ambweni, “amuzuzye nkomo zyamivwi.”
Naa “citondezyo.”
Naa “sikunku.”
Naa ambweni, “Upanga nzila mwiinda mvwula.”
Naa “muya.”
Naa “citondezyo.”
Mu Chihebrayo, “Amusalazye.”
Mu Chihebrayo, “Amusalazye.”
Mu Chihebrayo, “Nebukadirezara,” nzila imbi mbolilembwa zina eeli.
Kuboneka kuti eeli ndizina lyamaambilambali lya Babelo (Babuloni).
Naa “beenzu.”
Mu Chihebrayo, “Nebukadirezara,” nzila imbi mbolilembwa zina eeli.
Mu Chihebrayo, “Nebukadirezara,” nzila imbi mbolilembwa zina eeli.
Amubone bupanduluzi buyungizyidwe kuli Je 27:19.
Kakokola komwe kakaleelene amasentimita aali 44.5. Amubone Makani Aayungizyidwe B14.
Mu Chihebrayo, “ntuli yaminwe yone iiyalidwe.” Ntuli yamunwe yakaleelene amasentimita aali 1.85. Amubone Makani Aayungizyidwe B14.
Mu Chihebrayo, “Nebukadirezara,” nzila imbi mbolilembwa zina eeli.
Mu Chihebrayo, “Nebukadirezara,” nzila imbi mbolilembwa zina eeli.
Mu Chihebrayo, “Nebukadirezara,” nzila imbi mbolilembwa zina eeli.
Mu Chihebrayo, “wakaintamuna mutwe wa.”