Amusoleke Kubelesya Nzila Iikonzya kucincwa Kweelana Abukkale

Amusoleke Kubelesya Nzila Iikonzya kucincwa Kweelana Abukkale

Kuba aluyandisisyo kubantu kulakonzya kutugwasya kusoleka kucinca mizeezo yabo kuzintu zibayandisya akubatondezya mbuli Bwami mbubuya kwaamanizya mapenzi ngobajana. (Flp. 2:4) Inzila iigwasya yalo basikumwaya banji njobajana kuti ilagwasya kapati njakutamba mukamwini ŋanda kwaamba twaambo tutondezyedwe azifwanikiso zitondezya Paradaiso mumabbuku eesu, mbuli yaayo andandamikidwe kululyo lyapepa lyesu eeli. Inga mwacita oobu kwiinda mukubelesya nzila yomwe ali zyeezyi zyabikkwa:

◼ “Sena kuli nomuyeeya kuti kuyakuba ciindi bantu nobaya kukkomana mbuli mbokutondezyedwe acifwanikiso eeci?”

◼ “Toonse tuyanda kuti bana besu kabapona buumi bukondelezya butondezyedwe mucifwanikiso eeci. Ino ncinzi ciyandika kucitwa kutegwa zintu ziboneke boobu?”

◼ “Eeci ncitondezyo canyika mboiya kulibonya ciindi kuyanda kwa Leza kwaakucitika munyika mbubwenya mbuli kujulu. Sena kuli ncomwabona acifwanikiso awa ciindene abuumi bwamazuba aano?”

◼ “Sena inga mwayanda kupona buumi mbuli butondezyedwe acifwanikiso eeci? [Amulindile bwiinguzi.] Sena muyeeya kuti eeci ciyoocitika katucipona?”

Amuswiililisye muntu naingula alimwi akumubuzya mubuzyo omwe naa yobilo kutegwa muzibe mbwalimvwa kukaambo aako. Ikuti bamwi baingula kuti tabayandi kupona mubukkale buli boobu butondezyedwe mucifwanikiso akuti tabasyomi kuti bukkale buli boobu buya kucitika ncobeni, mutabindi kwaamba kuti tabajisi luyandisisyo. Cakucenjela amubuzye ncobayeeyela boobo. Bwiinguzi bwabo bulakonzya kutondezya mbobalimvwa muzintu zipenzya bantu zilibonya mbuli kuti tazikonzyi kumanizyigwa.—Ezk. 9:4.

Mbumwazyibila buyo mbwayeeya mukamwini ŋanda, amucince makani aanu kweelana acaambwa. Amukankaizye cibeela camulumbe wa Bwami eeco cigaminide mapenzi aakwe. Amumutondezye lugwalo lomwe naa obilo aamba kaambo kumujatikizya. (Amubone nzila zyabikkwa kulubazu lwakululyo.) Amumutondezye mbolyaamba Ijwi lya Leza. Ikuti naa watondezya kuba aluyandisisyo, amumwaabile bbuku akubamba bubambe bwakupilukila. Amuzumanane kumugwasya kuba aluyandisisyo ndwaakatondezya ciindi cakutaanguna.

Kabbokesi kali apeeji 6]

Zikozyanyo zya Mboiboneka Paradaiso

Bbuku lya Creation: amapeeji 237, 243, 251

Bbuku lya Mwiiyi: amapeeji 251-4

Bbuku lya Luzibo: amapeeji 4-5, 188-9

Broshuwa lya Ncayanda: amapeeji 11, 13

Bbuku lya Mtendere: Peeji 98

Bbuku lya Amukombe Leza: amapeeji 92-3

Kabbokesi kali apeeji 6]

Itwaambo Tukatazya Bantu

Bucete, kudyaamininwa

Intembauzyo 72:12-14;