Zyakwaamba Kujatikizya Mamagazini

Ngazi Yamulindizi January–March

“Bantu bali muzikombelo ziindene-indene nyika yoonse, balapaila. Sena muyeeya kuti Leza ulamvwa akwiingula mipailo? [Amulindile bwiinguzi.] Ibbaibbele litukulwaizya kupaila. [Amubale Bafilipi 4:6, 7.] Magazini eeyi ipa bwiinguzi bwamu Bbaibbele kujatikizya mibuzyo iili ciloba njobabuzya bantu kujatikizya mipailo.”

Sinsimuka! January–March

“Lyoonse tumvwa makani kujatikizya bantu bacitilwa bumpelenge abantu mbobakwetene limwi, basitwaambo twacisi, abamwi buyo. Sena tamuyeeyi kuti ciyaabukatazya kujana bantu basyomeka? [Amulindile bwiinguzi.] Banji balimvwa kuti lugwalo oolu luli mukuzuzikizigwa. [Amubale 2 Timoteyo 3:1-5.] Magazini eeyi ilapandulula nkomukonzya kujana bantu basyomeka.”

Ngazi Yamulindizi January–March

“Sena mulazumina kuti bazyali bali balikke balapenga kwiinda baabo bakwete naa bakwetwe? [Amulindile bwiinguzi.] Ibbaibbele lilatukulwaizya kubabikkila maano bantu bajisi buyumu-yumu. [Amubale Intembauzyo 41:1.] Cibalo citalikila apeeji 21 cilapandulula mbotukonzya kubabikkila maano bazyali bali balikke.”

Sinsimuka! January–March

Amubale 2 Timoteyo 3:16. Mwamana mubuzye kuti: “Sena mulazumina kuti Bbaibbele lilasyomeka? [Amulindile bwiinguzi.] Eeci cibalo cilatugwasya kubona naa makani aakaindi abumboni buzwa kuli zeezyo zyakavwukkulwa zileendelana ancolyaamba Bbaibbele kujatikizya Egepita yakaindi.” Amubatondezye cibalo citalika apeeji 15.