Nyimbo zya Bwami Zilakulwaizya Kuba Basicamba

Paulo a Sila bakatembaula Leza munyimbo ciindi nobakali muntolongo. (Mil. 16:25) Basyomima bamazuba aano, bakali kwiimba nyimbo zya Bwami ciindi nobakali mucilabba cakupenzyezya mu Sachsenhausen ciindi cabweendelezi bwa Nazi ku Germany alimwi aciindi nobakali mubuzike ku Siberia. Zikozyanyo eezyi zitondezya nguzu nzyozijisi nyimbo kukulwaizya Banakristo ibali mumapenzi kuba basicamba.

Myaambo minji lino-lino iyakuba abbuku lyanyimbo lipya lijisi mutwe wakuti, Amumwiimbile Jehova Cakukondwa. Kufwumbwa buyo twaakubweza kkopi yesu, tulakonzya kwaazyiba mumutwe majwi kwiinda mukuziiya nyimbo ciindi cakukomba mumukwasyi. (Ef. 5:19) Mpoonya muuya uusalala uyakutugwasya kwaayeeya ciindi twaakujanika mumapenzi. Nyimbo zya Bwami zilakonzya kutugwasya kubikkila maano kubulangizi mbotujisi. Zilakonzya kutukulwaizya ciindi notuli mumapenzi. Alimwi ciindi notumvwide kabotu, majwi aanyimbo aakulwaizya alatugwasya ‘kwiimba cakukondwa’ akaambo kakuti mumoyo tumvwide kabotu. (1Mak. 15:16; Int. 33:1-3) Atusolekesye mpotugolela kuzibelesya kabotu nyimbo zyesu zya Bwami!

AMWEEBELELE KAVIDIYO KAKUTI LWIIMBO ILWAKAKULWAIZYA BAANGE, MWAMANA AMUBANDIKE MIBUZYO IITOBELA:

• Ino mbukkale nzi ibwakapa kuti Mukwesu Frost alembe lwiimbo?

• Ino lwiimbo lwakabagwasya buti bakwesu ibakali mucilabba cakupenzyezya mu Sachsenhausen?

• Ino muubukkale buli buti bwaabuzuba abuzuba nyimbo zya Bwami mozikonzya kumukulwaizya?

• Ino ninyimbo nzi zya Bwami nzyomunga mwayanda kuzyiba mumutwe?