Amugwasyigwe a Vidiyo Yakuti No Blood—Medicine Meets the Challenge
Ndunji buti luzyibo lwanu kujatikizya makani aanzila zyabusilisi zitabelesyi bulowa? Sena mulazyimvwisya nzila zimwi zyibelesyegwa alimwi ambozyibeleka? Amweebelele vidiyo eeyi alimwi amulisunke kumibuzyo eeyi iiccilila.—Cizyibyo: Mbwaanga vidiyo ilatondezya zibeela mubufwiifwi zyakupandulwa kwamuntu, bazyali beelede kucita cabusongo kubona naa bana baniini abalo inga bayandika kuti balangilile.
(1) Nkaambo nzi kapati Bakamboni ba Jehova ncobakakila kubikkwa bulowa, alimwi ino njiisyo eeyi ijanwa kuli mu Bbaibbele? (2) Caboola kumakani aabusilisi, ninzila nzi njotulombozya? (3) Ninguzu nzi balwazi nzyobajisi? (4) Nkaambo nzi ncociyandika alimwi ancocili camaano kukaka kubikkwa bulowa? (5) Bulowa nibwaceya kapati mumubili, ninzila nzi zyobilo zyalubinda nzyobajisi bamadokotela? (6) Nintenda nzi iijanwa mukubikkwa bulowa? (7) Nzibelesyo nzi zimwi nzyobajisi basikupandula zyigwasya kutanyonyookelwa kapati bulowa nobapandula? (8) Ncinzi ncomuyanda kuzyibisyigwa kujatikizya nzila zimwi zyakutabikkwa bulowa? (9) Sena kwaandulwa kupati alimwi kukatazyide kulakonzya kucitwa kakunyina kubikkwa bulowa? (10) Ncinzi basilisi banji ncobalibambide kucitila Bakamboni ba Jehova, alimwi mukuya kwaciindi ino ninzila nzi yomwe iilangilwa kubelesyegwa mukusilika balwazi boonse?
Kuzumina kusilikwa kuli koonse kutondezyedwe muvidiyo, cili kumuntu mwini weelede kusala camaano.—Amubone Ngazi Yamulindizi ya July 1, 2004 apeeji 16-18 aya November 1, 2000 apeeji 30-1.