Ividiyo Iipandulula Kucinca kwa Busilisi Kuyandika.
(1) Nkaambo nzi bamwi mubusilisi ncobakulanga-langa kubikkwa bulowa? (2) Amupe zikozyanyo zyotatwe zyakwaandulwa kwabumpiyo-mpiyo kwalo kukonzya kucitwa kakunyina kubikkwa bulowa. (3) Mbasilisi abasikwaandula bongaye nyika yoonse balisungwide kusilika balwazi kakunyina kubabikka bulowa? Nkaambo nzi ncobalisungwide kucita boobu? (4) Ino ibuvwuntauzi bwa busilisi bwakacitwa ino-ino bwakayubununa nzi kujatikizya kubelesya bulowa? (5) Nintenda nzi zyabusilisi zijanwa mukubikkwa bulowa? (6) Nkuyeeya kuli buti basyaazibwene banji nkobaba aankuko kujatikizya bubotu bwanzila zyabusilisi zitabelesyi bulowa? (7) Ncinzi ciletela bulwazi bwakuceya kwa maseelo aapanga bulowa? Ino bantu inga bapona ciindi cilamfwu buti abulwazi oobu kakunyina mapenzi? Ncinzi cikonzya kucitwa kutegwa bumane? (8) Ncinzi cikonzya kucitwa kutegwa maseelo aapanga bulowa apangwe mumubili wamulwazi? (9) Ninzila nzi zya busilisi zibelesyegwa kutanyonyoona kapati bulowa nobaandula? (10) Sena nzila zya busilisi zitabelesyi bulowa zilakonzya kugwasya kubana naa bantu batalangilwi kupona? (11) Ninjiisyo nzi mbotu imwi yabusilisi iiyandika kapati? (12) Nkaambo nzi ncociyandika kapati ku Banakristo kusalilalyo busilisi butabelesyi bulowa mbobanoobelesya? Mbuti mbotukonzya kucicita eeci?