Nzyomweelede Kwaamba Kujatikizya Mamagazini

Ngazi Yamulindizi Apr.–June

“Abuzuba tulamvwa makani aajatikizya kupenga, malwazi, alimwi alufwu. Sena mulakatazyigwa kuyeeya naa tuyoofwutuka kuzyintu eezyi? [Amulindile bwiinguzi.] Kapango kamu Bbaibbele aaka kapa kuti tuulunzuma twabantu babe abulangizi. [Amubale Johane 3:16.] ‘Mbomukonzya Kufwutulwa Alufwu lwa Jesu’ nkakaambo kabandikwa mumagazini eeyi.”

Sinsimuka! Apr.–June

“Lukwatano luli loonse lulijisi makatazyo. Ino muyeeya kuti nkukuli banabukwetene nkobakonzya kujana lulayo lugwasya? [Amulindile bwiinguzi.] Amubone malailile aaya aagwasya. [Amubale Ba-Efeso 5:22, 25.] Cibalo eeci cilapandulula ncocaamba kumukaintu kulibombya kumulumi wakwe.” Amubatondezye cibalo citalikila apeeji 18.

Ngazi Yamulindizi Apr.–June

“Ndiyanda kumvwa mbomuyeeya kujatikizya lugwalo oolu luzizilwe kapati. [Amubale Johane 3:16.] Sena kuli nomwakazyingidwe kuti mbuti lufwu lwamuntu omwe mbolukonzya kupa kuti bamwi babe abuumi butamani? [Amulindile bwiinguzi.] Magazini eeyi ilapa bupanduluzi bumvwika alimwi bukkazika moyo kujatikizya mbotukonzya kugwasyigwa alufwu lwa Jesu.”

Sinsimuka! Apr.–June

“Sena muyeeya kuti zikombelo zyoonse zili kabotu? [Amulindile bwiinguzi.] Amubone Bbaibbele ncolyaamba kujatikizya kukomba kwabantu bamwi. [Amubale Marko 7:7.] Ino mbuti muntu mbwakonzya kuzyiba naa cikombelo ciyiisya kasimpe ikutali ‘milawo yabantu’? Sena kasimpe kabukombi kalakonzya kujanwa? Magazini eeyi ilayiingula mibuzyo eeyi.”