Zyakwaamba Kujatikizya Mamagazini

Ngazi Yamulindizi April–June

“Cilakatazya kucita cintu ciluzi ciindi bamwi nobatuyunga kuti tucite cibi. Ino muyeeya kuti ncinzi cinga catugwasya kutegwa tutayungwi? [Amulindile bwiinguzi. Mpoonya amubale Tusimpi 29:25.] Cibalo eeci cilatondezya twaambo tosanwe ncotweelede kuyoowa Leza kwiinda bantu.” Amubatondezye cibalo citalikila apeeji 12.

Sinsimuka! April–June

“Ciindi nobasikilwa mapenzi, bantu banji bayeeya kuti ngu Leza uubasubula. Sena kuli nomwakalimvwide boobu? [Amulindile bwiinguzi. Mpoonya amubale Jakobo 1:13.] Cibalo eeci cilatondezya cini cipa kuti katupenga alimwi ancotukonzya kuba abulangizi bwakuti ino-ino mapenzi ayakumana.” Amubatondezye cibalo citalikila apeeji 29.

Ngazi Yamulindizi April–June

“Bantu banji munyika yoonse balacita zilengwa zimwi akaambo kakuyeeya kuti bantu bafwide balakonzya kubagwasya naa kubacisa. Ino muyeeya kuti bafwu bali muciimo nzi? [Amulindile bwiinguzi.] Amubone Leza mwini ncaamba kumakani aaya. [Amubale Matalikilo 3:19.] Cibalo eeci cilapandulula kuti lufwu ninzi alimwi akaambo ncotuteelede kubayoowa bafwu.” Amubatondezye cibalo citalikila apeeji 26.

Sinsimuka! April–June

“Toonse tulayanda kuba abalongwe bali kabotu. Ino mbube buli buti mbomuyanda kuti balongwe banu kabali ambubo? [Amulindile bwiinguzi.] Amubone ncolyaamba Bbaibbele. [Amubale Tusimpi 17:17.] Cibalo eeci cilatondezya ntaamu nzyotuyandika kubweza kutegwa tusale balongwe bali kabotu alimwi ambotukonzya kuba balongwe bali kabotu.” Amubatondezye cibalo citalikila apeeji 26.