Zyakwaamba Kujatikizya Mamagazini
Ulupungu lwa kwa Kalinda April–June
“Ibantu banji balaamba makani manji kujatikizya Jesu ikuti naa wakali ni, naa wakazyalwa lili, naa wakali Leza alimwi amakani aamwi manji. Sena muyeeya kuti cilayandika ikuzyiba makani aaya kujatikizya Jesu? [Amulindile bwiinguzi.] Amubone bulumbu bwaambwa mu Bbaibbele mbobaya kupegwa aabo bayiya kasimpe kujatikizya nguwe alimwi a Bausyi.” Amubale Johane 17:3.
Sinsimuka! April–June
“Sena muyeeya kuti eeci caambidwe waawa ceelede kutuyoosya? [Amubale 2 Timoteo 4:1. Mpoonya amulindile bwiinguzi.] Cibalo eeci cilabapandulula kabotu-kabotu ‘bacipona alimwi abafwu’ batiikabetekwe. Alimwi cilatondezya Buzuba Bwalubeta mbobuyoopa kuti Leza azuzikizye makanze aakwe kujatikizya bantu anyika.”
Ulupungu lwa kwa Kalinda April–June
“Kuzwa kaindi, bantu banji bali kulela bagusyigwa acuuno. Sena kuli nomwakali buzyide kuti naa kuya kuba ciindi notuya kulelwa amweendelezi uululeme kukabe kutamani? [Amulindile bwiinguzi.] Amubone Leza mbwaakamusyomezya mwami umwi kuti uya kuzwidilila. [Amubale 2 Samuele 7:16.] Magazini eeyi ilatondezya ncotweelede kucita kutegwa Leza atuleleke akuti tweelele kuba balelwa ba Bwami bwakwe.”
Sinsimuka! April–June
Ikuti naa mubandika amukubusi, mulakonzya kwaamba kuti: “Mumikwasyi minji bakubusi kanji-kanji balazwangana abazyali babo. Ino uyeeya kuti nkaambo nzi ncocili boobo? [Amulindile bwiinguzi. Mpoonya Amubale Tusimpi 15:28.] Cibalo eeci cilapa lulayo lugwasya kujatikizya bamumukwasyi mbobakonzya kubandika kakunyina kukalazyanya nokuba kuti tiibazuminana mutwaambo tumwi.”