Kunyina Kubelesya Kabbuku ka Kulingaula Magwalo Abuzuba Ciindi ca Muswaangano Wakulibambila Kwiinka Mumulimo
Mumazuba ainda, muswaangano wakulibambila kwiinka mumulimo zimwi ziindi wakali kubikkilizya kulanga-langa lugwalo lwabuzuba oobo kuzwa mukabbuku ka Kulingaula Magwalo Abuzuba kuti lugwalo oolo lwaamba zijatikizya mulimo wakukambauka. Eeci cacincwa. Kabbuku ka Kulingaula Magwalo Abuzuba takeelede kubelesyegwa ciindi ca muswaangano wakulibambila kwiinka mumulimo. Mbubwenya mbuli kaindi, beendelezya balakonzya kubelesya twaambo kuzwa mu Bbaibbele, mu Mulimo Wesu Wa Bwami, mubbuku lya Cikolo Camulimo, mubbuku lya Kukambitsirana alimwi amabbuku aamwi aamba zyamulimo wamumuunda. Aabo beendelezya beelede kulibambila twaambo tukonzya kubagwasya baunka mumulimo wakukambauka buzuba oobo. Mbubwenya buyo mbuli kaindi, muswaangano wakulibambila kwiinka mumulimo weelede kutola maminiti aali 10 kusikila ku 15, pesi kuti muswaangano wamulimo wamumuunda kautobela muswaangano wambungano weelede kufwiinsigwa.