Mbomukonzya Kubelesya Foomu ya Amuzumanane a Muntu Ooyu (S-43)

Foomu eeyi yeelede kulembwa mwajana muntu uutondezya luyandisisyo uutakkali mucilawo canu naa uukanana mwaambo uumbi. Mazuba ainda twakali kwiibelesya foomu eeyi kufwumbwa kuti twajana muntu waambaula mwaambo uumbi nokuba kuti tajisi luyandisisyo, pele mazuba aano foomu eeyi ibelesyegwa buyo kuti muntu ooyo watondezya luyandisisyo. Pesi kuti twajana syaataambi, tweelede kulemba foomu ya S-43 nokuba kuti kunyina naatondezya luyandisisyo.

Ncinzi ncotweelede kucita twamanizya kulemba foomu eeyi? Tweelede kupa mulembi wambungano. Ikuti kaizyi mbungano yeelede kutuminwa, uyoobapa foomu eeyi baalu bakumbungano eeyo kutegwa bakamuswaye muntu ooyo wakatondezya luyandisisyo. Ikuti kataizyi mbungano yeelede kutuminwa, uyootuma foomu eeyi kuofesi yamutabi.

Ikuti muntu ulaaluyandisisyo ukkala mucilawo canu, mpoonya kaambaula mwaambo ngomutazyi mulakonzya kuzumanana kumuswaya kutegwa luyandisisyo lutamani kusikila sikumwaya wakumbungano iibelesya mwaambo ooyo wajanika.—Amubone Mulimo Wesu wa Bwami wa November 2009 peeji 4.