Sena Mulalibambila Ciibalusyo?
Mwakali mu Nisani 13 yamu 33 C.E. Jesu wakalizyi kuti kwakasyeede buyo busiku bomwe bwakuba antoomwe abalongwe bakwe katanafwa. Wakali kuyoosekelela ambabo Pobwe Lyakwiindilila lyamamanino, mpoonya akutalisya bubambe bupya bwa Mulalilo wa Mwami. Pobwe eeli liyandika kapati, lyakali kuyandika kulibambila kabotu. Aboobo wakatuma Petro a Johane kuti babambe zintu ziyandika. (Lk. 22:7-13) Kuzwa ciindi eeco, mwaka amwaka cilayandika kuti Banakristo ibayanda kucita Ciibalusyo kabalibambila kujatikizya pobwe eeli. (Lk. 22:19) Ino nzintu nzi nzyotweelede kucita ikulibambila Ciibalusyo iciyoocitwa mu April 3?
Mbobeelede Kulibambila Basikumwaya:
Amulibambile kutola lubazu cabusungu mukutamba bantu ku Ciibalusyo.
Amulembe mulongo wabasikwiiya Bbaibbele, bacibbululu, basicikolonyoko, babelesinyoko, alimwi abamwi buyo mbomuyanda kuyootamba.
Amwaabale Magwalo aa Ciibalusyo alimwi akuzinzibala kuyeeya.
Amukaboole ku Ciibalusyo kamulibambilide kutambula beenzu.