Amubatambule Camaanza Obilo

Ino mbaani mbotweelede kutambula camaanza obilo? Boonse aabo ibajanika kumiswaangano yesu ya Bunakristo—bapya alimwi abeenzuma bakaindi. (Rom. 15:7; Heb. 13:2) Ulakonzya kuba musyomima iwaswaya kuzwa kucisi cimbi naa Munakristo uutacisungweede iwajanika kumiswaangano walo iwatali kujanika kwamyaka minji. Amuyeeye buyo mbomukonzya kulimvwa mubukkale buli boobo. Sena inga tiimwakkomana kwaanzyigwa cakusangalizya? (Mt. 7:12) Aboobo, amusolekesye kubaanzya bantu ku Ŋanda ya Bwami ciindi noitanatalika miswaangano anoyamana. Eeci cipa kuti kube luyando alukkomano ku Ŋanda ya Bwami alimwi cileta bulemu kuli Jehova. (Mt. 5:16) Masimpe, inga tiicakonzyeka kubandika amuntu uuli woonse iwajanika. Nokuba boobo, boonse balakonzya kulimvwa kutambulwa ikuti naa toonse twacita lubazu lwesu.a

Kusamausya kwini-kwini takutondezyegwi buyo muziindi zyaalubazu mbuli ciindi ca Ciibalusyo pele ciindi coonse. Ciindi bapya nobabona alimwi akutondezyegwa luyando lwa Bunakristo, balakonzya kukulwaizyigwa kutembaula Leza alimwi akutusangana mubukombi busalala.—Joh. 13:35.