Taim Kaneri i Dai

PISIN kaneri i save pilim kwik win nogut, winim man, olsem na long bipo ol man bilong wok insait long graun ol i save karim kaneri i go wantaim ol, na sapos win nogut i kilim em i dai, ol man i ranawe i kam ausait gen. Dokta Devit Susuki em saintis bilong Kanada, em i tingim dispela na em i stori long kain samting olsem i laik painim dispela graun.

Em i tok: ‘Ol man bilong wok long kisim ston kol insait long graun, ol i save putim wanpela kaneri insait long bokis na karim i go wantaim ol, na sapos win nogut i kilim i dai kaneri, ol i no tok, em i dai nating. Nogat. Ol i save, win nogut kaneri i pulim, ol tu i pulim wankain win.’

Na em i tok: ‘Marasin nogut long solwara i kilim i dai 22 pis weil, na ol man i mas karamapim han bilong ol taim ol i laik holim ol weil, nogut marasin nogut i kalap long ol man. Na marasin nogut i wok long kilim ol diwai long Kwibek, na planti animal na diwai i wok long lus, na 10,000 pis sil i dai long Solwara Notsi. Yumi ol man i stap insait long wankain win wantaim ol dispela samting, na sapos yumi ting i no gat rong, yumi i olsem longlong man.’

Dokta Susuki i tok, sapos ol man politik i no stretim dispela samting, bihain ol pikinini bai dai olsem ol kaneri.

Na ol Kristen tru i tingim dispela samting tu, tasol ol i save Jehova bai stretim. Em i bin wokim dispela graun na ol samting i stap long en, na “em i no wokim graun bilong i stap nating. Nogat. Em i bin wokim bilong olgeta samting i ken i stap long en.” Na tok promis bilong em long Baibel i tok: “Nau em i taim bilong bagarapim ol man i bin bagarapim graun.”​—Aisaia 45:18; KTH 11:18.