Bikpela Raunwara i Laik Drai

RAUNWARA Aral long hap bilong Rasia em i namba 4 bikpela raunwara i stap long graun. Tasol long nau em i wok long drai na kamap liklik tru. Olsem na sapos dispela samting i no senis, orait taim yia 2000 i kamap, dispela raunwara bai stap ples drai nating.

Wanpela nius (South) i tok, sol i pulap long wanpela hap bilong dispela raunwara na em i stap ples wesan nating. Na dispela nius i tok, “Pastaim i gat 24 narapela narapela kain pis i stap long dispela raunwara, tasol nau 4-pela kain tasol i stap, long wanem, hap wara i stap yet em sol i pulap tru long en.”

Bipo, tupela bikpela wara (Amu Darya na Syr Darya) i save karim olsem 50 kubik kilomita wara i go long dispela raunwara long olgeta wan wan yia. Tasol nau dispela samting i no kamap. Bilong wanem? Nius (South) i tok, ol man i kisim wara long dispela tupela wara bilong putim long ol gaden rais na diwai koten, na bikpela hap wara i no kamap long dispela raunwara.

Gavman bilong Rasia i wok long mekim sampela samting nau na raunwara Aral i no ken kamap wanpela ples wesan nating. Ol i senisim pasin bilong pulim wara, na brukim ol hap bilong planim rais samting i go liklik, na long dispela rot bai ol i no mekim wok long 8 kubik kilomita wara long olgeta wan wan yia, na ol i ting olsem long bihain bai ol i pulim dispela mak i go antap inap 29 kubik kilomita. Ol i ting long dispela rot, raunwara i no inap kamap ples wesan nating long bihain. Tasol planti man i tok dispela wok bai ‘lus nating.’

[Ol Mep long pes 30]

(Bilong save ol dispela rait i stap we long pes, lukim buk o magasin)

Raunwara Aral

1960

1989

2000?

Syr Darya

Amu Darya

[Mep]

Rasia

Em dispela hap tasol